Say Cheese (將軍澳中心) (已結業)

見到面書推介好似好吸引， 拉絲芝士廚師煮意粉好似好好味咁， 諗住將軍澳開新舖咪試下囉。 點知都是虛有其表，芝士唔夠濃味， 亦都唔係好似佢講到咁拉絲。 食物味道只係一般快餐嘅級數， 價錢就係高級快餐。 最緊要一點就係員工態度， 可能新店開張員工都係兼職 ，完全冇笑容冇熱誠，點餐後複述只係編號，點完自己都唔知啱唔啱， 優惠用餐點意粉或焗飯可送飲品， 從頭到尾都唔提及到我哋見到檯面有個宣傳單問佢 ，先問我哋要啲乜嘢飲。總言言之 唔係咁吸引試過一次就算，唔會再去食囉!

吉列西冷牛扒配車打芝士汁扁意粉配鮮果冰茶HK $72平時吉烈豬扒、吉列蝦就食得多，吉列牛扒就真係第一次食。炸粉雖然五係好厚身，食落完全食五到牛味，食左五夠一半已經覺得好油膩。至於車打芝士汁扁意粉，剛黎到就聞到微香嘅芝士味，芝士汁結身。鮮果冰茶濃西柚味，有好微嘅橙味。

最近將軍澳中心翻新後新開了不少食店住附近的我已經食過2間(味道都ok 可以之後再去)今日就跟朋友去食另一間新食店 跟店舖名一樣 是主打芝士的焗芝士肉醬薯皮($48)明明一個很簡單的菜式 但這個調味好一般旁邊細碗的芝士醬更是沒有芝士味藍芝士汁藍青口意粉($92) 沒有藍芝士味的藍芝士汁 即使我不太喜歡藍芝士也可以接受另外有隻青口未開口紅酒牛肋條意大利燴飯($98)這個意大利燴飯偏淋身缺乏咬口 味道中規中矩晚市(星期一至四)有優惠送飲品但主食份量偏細 價錢亦較進取整體感覺不太值得 暫時應該不會再回來食另外這裡的甜品主打用movenpick雪糕 但甜品的款式根本不吸引 寧願在附近吃甜品也沒有在這裡吃

平時都見多人排隊食呢間，今次終於有時間食下。午餐平均七十幾蚊位到，忌廉雞肉意粉，其實佢啲芝士係ok香既，意粉質地亦算不錯，硬硬地，雞肉唔會太鞋口。。。龍蝦意粉比較普通，無驚喜，兩個意粉既味差不多，龍蝦意粉大概一百三十蚊到，所以下次未必再試。雪糕多士，賣相不錯，但多士唔太脆，食落會有啲失落，七十幾蚊下次唔會叫!餐飲兩杯果茶，一凍一熱，凍既無味，熱既又太甜，中和番會好少少。下次會再黎既，不過可能只食普通意粉。

今日係朋友嘅生日又咁啱將軍澳中心翻新完畢，所以決定同佢去新開嘅餐廳試下呢間餐廳喺網上宣傳得好勁，一早已經好想黎一去到嘅時候，嘩左一聱因為入面嘅裝修真係好靚，好美式我地最後叫左個甜品同飯share黎食個甜品嘅賣相真係好靚而且味道亦唔太甜，多士同雪糕嘅味道好夾，廚師仲好貼心咁切好啲多士呢至於個飯，啲肉煮得好好食，不過略嫌芝士唔夠多。如果係一間普通餐廳，我會認為個飯不過不失。但因為呢間係以芝士作賣點嘅餐廳，所以我會期望佢喺芝士方面做得更好總括而言，呢間餐廳嘅服務、環境同甜品都係一流，係慶祝生日一個好好嘅選擇

火炎芝士卡邦尼意粉無芝士味 同街外卡邦尼意粉無分別 價錢比街外貴很多 芝士迷真係要慎入 服務態度一般 明明聽到叫加水扮聽唔到值得欣賞只有座位寬敞舒服，非不得已不會再惠顧。

依間餐廳明明係出名芝士geh野食，但係長期係冇芝士，要5點半開始先有芝士geh野食，但係到9點已經賣灑，超過半個menu都order唔到，係有關芝士既order都冇曬，侍應仲要咩都唔知，我order完佢先同我講冇，至少落左3次單。

叫左午餐，吉列西冷牛扒，但回去食時，發現食落都唔係牛扒，似雞扒。感到失望😒但可以稱讚的就是服務態度同速度👍👍👍👍叫餐時同事有禮貌，企門口的同事笑容很親切👍介紹都清晰

Went here ages ago because I heard there was going to be a lot of cheese.Anyway, SAY CHEESE is still under teething stages so I tried the breakfast and dessert.The name of the shop reminds me of photographers, they would always ask you to say "cheese" so that it looks like you are smiling!Started with the grapefruit tea which was refreshing and not too sweet with a strong natrual grapefruit taste.Next was the hearty breakfast which had a bit of everything.The sausage was really good because it w

同朋友見最近將軍澳中心開左咁多新餐廳，就揀左其中一個有甜品食的餐廳。餐廳係二樓一個角落，唔專登行過去真係見唔到。我地個日8點先食，餐廳入面唔多人，但都要係門口等左陣佢安排座位。我地叫左2個意粉，一個小食，一個甜品。愛爾蘭藍芝士瘋薯，佢有四種芝士可以揀，menu都會有介紹唔同芝士有咩分別，我地揀左車打芝士。份量都幾大，薯條夠脆，但芝士淋得唔夠平均。香草醬海鮮扁意粉，味道唔錯，用左橄欖油去煮意粉，海鮮足料。煙三文魚山葵忌廉汁扁意粉，有少少wasabi味，估唔到同忌廉汁咁match，好清新。不過三文魚少左d，但味道搭夠，推薦！另外跟意粉加十蚊西柚茶，唔會太甜。野飲我地仲叫左熱情果野莓特飲，同埋玫瑰野莓茶。野莓味好香甜。最後當然唔少得甜品雜莓窩夫，佢可以自選唔同味道的movenpick雪糕一球。佢嘅酸忌廉好味，不過窩夫好似烤得耐左d，太脆。

見係新開，走黎試下新野啦... 野食味道ok，不過份量比較少...男仔食可能唔夠...叫左個意大利飯，意粉，同單骨雞翼...意粉特登加左$20要extra cheese..但我試完之後覺得唔值得加... 我見佢將果舊大芝士放喺果啲加熱機度，我諗應該係想學近年興既gimmick..將舊芝士加熱後成堆芝士片落碟果啲啦，但我見既係舊芝士係唔熱（睇到佢用匙羹刮啲芝士係硬既😅），跟住個員工求其刮啲芝士落去隻碟度，拎住隻碟放去部機度‘興’住😂，咁樣不如直接用火槍燒一燒佢啦🤔？好似仲方便，又唔洗拎住隻碟喺度慢慢烘...除左依點，野食係唔差既..不過我唔會特登再黎食...

岩岩係附近睇完戲，所係周圍望下，因為將軍澳中心裝修完，開左好多新鋪，行黎行去見到依間，睇個名係食芝士，咁可以一試，而入到去員工都會講say chesse,都幾開心午餐黎講叫做正常價格啦，都唔會預係茶餐廳價錢，而我叫到有藍芝士意粉同吉列西冷牛，我見有吉列牛食，又唔貴喎，所以就叫左首先黎到的西柚冰紅茶，估唔到用文青杯，所以都對佢有所期待，味道都不錯，不過唔覺唔覺，等左半個鐘頭，意粉才來到，不過我都明既，始終炸野係耐d而黎到好香的藍芝士味，藍芝士本身就咁食係喊過頭，但又估唔到溶左之後，味道又剛剛好，又有藍芝士個份獨特味道，好食但個吉列牛，雖然好大份，但我有d失望，炸粉麵粉太多，食落口食唔到牛味，只係麵粉味，食到一半油膩感太強，已經唔想食但整體其實係ok,人地鋪頭出名係食芝士，其他野，都盡量唔應該咁勇敢

食物飲品 價錢不貴 ，合理 。新張期內 加十蚊 還有西柚茶 ，西柚茶非常好味 ，意粉質地味道都好好 ,心太軟可以再熱啲 ，可以再流啲 ，朱古力有質感雪糕好食。 職員友善細心 ，有慢慢解釋推介食品， 非常有禮貌。

我和老公lunch點了一客鮮茄焗豬扒飯和咖喱雞扒飯。豬扒大大塊，夠鬆脆，兩個飯勝在芝士多，味濃郁。另外，餐飲西柚茶夠清新特別。店內服務員態度親切，好進取叫我地俾意見，希望可再進步