Running 燒 (已結業)

星期一放工實在太攰，所以同朋友去左食韓燒。朋友介紹我去了running燒，第一次去十分期待啊！餐廳地方不算很大，但依然保留了韓國餐廳風格。而飲品是自助的，很方便！海鮮種類好多選擇又好新鮮，大蝦有兩款，兩者肉質同樣彈牙又實肉，絕不是死蝦。魷魚圈彈牙吾un。扇貝和帶子鮮味而沒沙粒。龍脷魚片嫩滑，生蠔冇腥味。除左大蝦，多春魚也不好錯過，燒至金黃色，香口又惹味。肉類方面也有好多選擇，材料也是很新鮮，我特別喜歡燒鮮嫩的牛肋骨，燒後肉質吾會乾身，食落滲出不少肉汁。另外，我不停order再order既雞腎，燒後絕不硬而是非常爽口，不容錯過！至於雞翼，餐廳一分為二，大大方便食客快燒。飯後甜點有每人限一條的韓國雪條或糖水。

肉食者請注意！這間韓燒肉類款式多，牛雞豬，3種肉類，用上不同部位不同醃料，每款點一次都食到好飽。全都十分新鮮，一點冷凍味都沒有，而且解凍時間足夠，完全不用擔心凍肉出水。很推薦他們的牛肉，薄切不肥膩，卻有牛味。醃料味道足夠而不會過鹹，多吃都不會口渴。尤其喜歡牛仔肉和牛肋骨，肉味濃而口感好👌👌喜歡內臟的一定要試雞腎和牛舌！點好多，食不停口。燒後的脂香味很誘惑🤪🤪當然要試海鮮！多春魚 龍脷柳 易燒又香口，微脆內軟多汁，很好食啊！韓燒當然要有韓國食品。他們的冷麵做得很出色很地道。微酸的冷汁配上口感極佳的喬麥麵，千萬不好怕飽肚不試！然後炸雞🤤🤤炸得香脆不油膩但很juicy! 嗜辣的我點了極辣炸雞，不是說笑，用了經典韓國辣醬，對辣度極有要求的我都忍不住講了聲：好辣啊😍😍😍好食，會再來👍

朋友同我一樣都好中意食韓式烤肉, 大胃王既我地事隔半年又再光顧旺角同太子交界既Running燒, 任飲任食110小時都唔洗三百蚊。平日晚7點左右到達餐廳, 估唔到已經坐滿九成食客, 餐廳沒有太大油煙, 但就有濃烈既烤肉香。入座後先送上前菜, 其中一碟係白蘿蔔件, 用以韓烤過程中捽一捽鐵板上既焦~自助醬油區有少量醬油提供野飲方面都以罐裝汽水、果汁為主, 至於酒類飲品就要額外加錢散叫食物方面款式都算多, 肉類款式多, 蔬菜類, 就連海鮮例如生蠔、蝦等等都係任食...除左韓烤食材, 更有好幾款熟食供應, 但今次我地主攻韓烤, 最後飽到冇order熟食試試~食物好快上檯, 醃製過既肉類分好, 醃醬唔會影響其他味道最值得encorn係雞腎, 非常爽口, 唔會韌到咬唔開魷魚以咖哩調味, 味道當然match!呢度既肉醃製得夠入味, 夠林, 而且新鮮,係烤既過程中都會滲出鮮紅血水 個人最喜歡牛肋骨, 甜甜地既汁醬, 肉質林, 近骨位有筋連帶, 岩哂中意口感既我!薄切西冷牛扒  沒有筋連帶, 入口鮮嫩雞翼開邊容易烤熟, 但稍嫌醃得唔夠入味金菇肥牛 肥牛雖然表面有雪氣, 但冇損肉質味道至於海鮮方面, 唔會

近年頗多食肆推出午市燒烤優惠。此店就價錢來說不算貴,但配合食物質素和服務質素就不值此價錢。首先,肉的質素一般, 即使以此價錢來說亦不算抵食。款式少,午市很多食物都不包括在內。全店只有2枱食客,但要求加茶或點菜卻要再三向他要求才搭理。燒烤板明顯有污跡亦不願更換。整體而言是相當一般的質素。

如果妳曾經去過首爾，食過地度的燒肉店，妳就知道食店的裝潢設計是非常韓風的。當 lift 門打開，門面一排排的櫈，妳和妳的伴侶就有如置身首爾一樣，讓人彷如身處首爾，心情輕鬆，望著情人也分外 oppa.可惜我太陶醉當時的時刻，忘記影低店內的環境，腦中只有來自星星的你。食店食物款式多，有牛豬雞海鮮，而且任叫任食，沒有限制，讓人十分滿足。西冷牛扒很大片，喜歡食肉的男生一定鍾意。生蠔大大隻，男生最鍾意食。柚子炸雞美味可口，炸雞配柚子非常匹配，好似我同飯友一樣。帶子厚身，蝦大大隻，海鮮的質量很好。飲品任飲，款款都好吸引。食店價錢便宜，性價很高，某時段更有七折，可以幫男生省省錢。整體而言，食店服務很好，店員有禮貌，清碟也很快。環境非常舒服，令拍拖心情倍感開心愉快。

韓國燒肉餐廳都係我心水之一，同朋友一行五人去。餐廳環境還可以，提供比食客放置個人物品嘅地方，尚算細心嘅安排。但係抽風系統一般，比較大油煙。食物種類算多，仲有海鮮可以揀，而食物嘅質素就中中間間，海鮮唔算話太新鮮。但係豬頸肉、牛舌、豬腩肉等等都OK，個人比較推薦五花腩。燒肉方面要注意個pan有冇燒窿，要定時麻煩店員更換，確保燒肉嘅質素。醬料方面，我想要燒肉汁幾次，但係都唔成功，醬汁補充添置方面稍慢。🤔️

食肉獸最啱就係任食放題， 今次我哋試咗呢間running燒， 係韓式放題，晚巿包括有海鮮任點 覺得都幾抵食！扇貝同原隻生蠔，燒起上嚟脹卜卜，好新鮮， 入口非常之滑同埋鮮味！燒大蝦，好講功夫，雖然蝦殼有少少燒焦但係裏面仍然保持水分，肉質結實、白滑，好有咬口！呢度所有海鮮都係無限任點，不知不覺已經order了幾轉， 番本了！除此之外，烤肉類同埋小食都很有水準，水冷麵 麵質煙韌彈牙，食落口感真係好似喺韓國食嘅水冷麵一樣，因為湯底又加了碎冰，亦都有醃蘿蔔 味道！烤肥牛及雪花小牛粒、五花腩，很香入口亦充滿肉味！甜品仲有每人一客韓式雪條！

近排天氣凍了，最好就約埋班朋友去食燒烤，喺始創中心附近準備行過旺角，見到呢度有間running燒任食燒肉放題， 好似都幾抵食咁我哋就去試下。頭一轉梗係叫海鮮，包括有大蝦、生蠔、帶子 元貝，全部賣相都好新鮮，而且仲可以無限任叫，真係抵食！原隻生蠔，真係好掂！食得出好新鮮，仲有些海水味！帶子很易熟，兩邊輕輕加熱，已經完全熟透 千祈不要太耐否則會好韌！大蝦相當大隻，入口鮮甜！ 肉質十分爽口！熱食方面， 韓式辛辣麵， 真係好好食，麵質爽口，湯底夠辣，滿足我每串味蕾！烤肉方面選擇亦很多， 烤肥牛，雪花牛仔肉 一口牛舌粒，牛柳片等等， 質素都好好。必食推介五花腩，肥膏燒起上來很香，入口油脂很豐富。雖然這裏客人很多，但係每次order，上枱時間都很快！

今晚約咗朋友嚟食任食放題嘅韓燒，這間韓燒 真係有好多靚海鮮食，超正！我哋來來回回真係點咗好多轉海鮮，其中最正嘅係燒帶子，每粒都大大粒，夠厚身，非常爽口，我哋真係唔客氣！ 由於帶子很易熟，很快又可以入口， 兩邊燒至金黃色，很美！一眨眼又要再 encore了！其他海鮮仲有元貝，生蠔，海大蝦……海大蝦真係超級大隻， 燒海鮮我最在行，因為要控制好火候，如果唔係好容易會太過乾身， 失去海鮮嘅原味，同埋會好韌！烤肉方面最正係烤肥牛， 少少脂肪，薄薄嘅肥牛片，入口油脂十足！燒西冷啱曬啲怕肥嘅朋友， 純粹牛肉味，沒有多餘嘅肥脂！估唔到燒豬皮口感又真係唔錯，好爽口！韓式炒粉絲，這些小食細細碟，方便我哋鍾意 試唔同款式嘅客人！

同同事慶祝佢成功過了試用期， 正式成為我哋公司一份子， 梗係要同佢成餐好嘅，我哋一大班人一收工就去這間位於彌敦道726 嘅韓式燒烤 “running 燒”， 呢度嘅裝修 好啱後生仔， 沒有傳統韓燒咁拘謹， 大聲啲講嘢都冇問題！有前菜，飲品任飲，食物係自己點。有海鮮，羊肉，雞肉，牛肉，豬肉，腸仔蔬菜，飯，麵及小食 ”，食物種類都算多元化!薄切西冷牛扒， 醃製過配上特別醬汁， 燒起上嚟， 很香肉質柔軟很快就轉色， 入口牛味豐富！呢度嘅雞翼係開邊，即係單骨 ，比較容易燒熟， 好細心！海鮮方面，帶子都好新鮮，只需兩邊輕輕加熱即可入口！海大蝦，肉質結實！嗌咗一客阿豬媽靚湯， 湯底鮮甜，裏面有很多芽菜仔 ， 味道唔錯!

我又約咗幾個朋友今晚gathering聚會，我今次一行六人揀咗呢間太子嘅韓燒，地點好就腳係街市隔離，佢成幢大廈都係食市，好易搵。 一上到去好有韓式BBQ嘅感覺，仲有電視播住k-pop, 如果係播running man就好啦，由於我哋訂咗位所以唔使等，餐廳好好我哋六個人俾咗兩爐路我哋燒，咁我哋可以食多啲燒快啲。而嘢飲方面有兩個雪櫃俾你選擇都係汽水呀可惜無啤酒，嘢食方面有好多選擇有熟食㗎炸雞呀燒肉呀沙律海鮮等等，海鮮有帶子扇貝蝦魚等好多選擇，肉類呢都係嗰d啦，豬牛雞咁樣，佢會每人送一客西冷肉俾你都幾出色嘅，而我幾欣賞佢個炸雞了，炸得幾好食同埋佢有個勁辣嘅辣汁真係辣到飛起，最搞笑佢係有舊蘿蔔俾你，開頭我唔知做乜鬼原來係俾你洗個S燒板，開頭唔係好識玩但係玩多幾次就熟手啦，燒完野之後攞個蘿蔔喺上邊抹一抺，真係即刻乾淨晒，最後甜品雖然佢冇雪糕任，食但係每人有一支紅色嘅雪條有幾種口味俾你架。好滿足好開心有一次聚會，咁嘅價錢有咁多肉同埋海鮮啊覺得都幾抵下先可以encore。

成日出街唔知食乜，今日有興致食韓式bbq，搵搵下見到呢間個名幾得意既韓式bbq店，當然貪新鮮即刻試下啦。就咁睇價錢又幾抵，裝修佈置都幾新潮。一坐低每枱都有小菜任添，不得不讚泡菜好好味，醃得剛剛好，酸辣酸辣，十分惹味。開波食d熟食打下底先，辣味煮年糕好彈好入味，食完一條接一條。仲有柚子炸雞，十分可口，柚子醬清新配合炸雞異常地合襯。接住到重頭戲，燒肉！樣樣切好入口size，種類繁多，仲醃好醬料，可口番尋味，完全係不停叫，正宗高質任食。最後仲叫左碗水冷麵，清清腸胃，食完油野食番碗水冷麵好好味！

可能由於當天係除夕關係，所以枱轉得有啲趕，訂9:30PM 最後差不多10PM先入位，其實職員都好快拾枱。另外食物基本上一點馬上就到，但係都係一樣可能由於時間太趕，食物上得好快，有啲燒唔切既感覺，不過整體其實食物質數都幾好。特別推介五花腩，層次分明，食落唔會感覺好肥，脂肪比例剛好。熟食會推介炸雞同冷麵，但係唔食得辣朋友真係唔好點佢個辣醬，因為真係同佢個名好配合(噴火炸雞) ^.^ ，冷麵做得幾好，放左一陣先食都唔會話變左暖水麵，其實海鮮方面都算新鮮。用咁既價錢喺除夕晚上食到以上質數既食物算唔錯。走之前遇到應該係負責人佢同我地講，佢好自豪地話所有食物全部用水果調味，絕對無用味精，的確食完之後唔會狂飲水。

其實食物質素普通 環境惡劣 都已經唔緊要 但係話明放題 我都唔明 種類已經唔多 點解可以咩都話無 要炸雞無炸雞 要西冷牛肉 又話無 得番 d超薄 牛 燒完得丁丁個d叫 個野飲櫃 得番 龍井茶 又唔加原本我地叫左炸雞點知等左好耐都未到 就問下待應 點知佢先話炸雞賣曬 真係火都黎 無又唔早講最搞笑 叫佢加泡菜 佢話泡菜都無 點知 轉個頭 佢係第二張枱refill緊泡菜比第二日 真心係不知所謂 比左3百蚊都唔知食左咩 都唔想食夠110分鐘就走

諗住同朋友慶祝生日,,又見到9點半後有7折,,,又有咁多正評,,咪試下啦,,,,點知,,,伏晒！9點半時段,,,有好多野都冇,,想食炸雞,,點左,,冇黎,,,,問佢炸雞仲未到佢先講話炸雞賣晒,,,last order諗住點多少少啦,,,佢隔左勁耐先走黎話冇晒西冷,,擺明唔比人再點啦,,,你一入單知道冇唔去同個客講既,,,任食個點係邊呀？？之後想要多少少泡菜食下啦,,佢又話冇晒,,,一間食韓國野既餐廳,,,竟然話賣晒d泡菜,,,,都算啦,,,最犀利既係,,,佢講完冇耐,,,佢地開始預返聽日既食材,,,我見到佢refill 緊泡菜囉,,,仲要係好大兜架,,,好野好野,,,利害利害,,,refill 緊泡菜個個人就係同我講賣晒泡菜個個人囉,,,咁既服務態度係邊度搵呀？！飲品櫃冇晒野飲唔會refill 架,,,9點半黎既人唔洗飲野既？！請我都唔會再黎呀,,,咁樣呃d客,,,