Running 燒 (已結業)

相信就算唔特別鍾意韓星的朋友都會聽過RUNNING MAN，呢間餐廳叫RUNNING燒，一聽個名就知道係食韓式燒肉吧～放題形式令人食得更加開心，唔洗就住價錢。牆上塗鴉充滿玩味，年輕人一定鍾意。前菜小食當然唔少得韓國道地泡菜，鍾意淡淡地的話仲有芽菜同埋菠菜。有趣的是右邊的蘿蔔並唔係小食，而係用來擦鑊的～燒肉真係好吸引即使係放題都冇交行貨，從擺盤都新鮮度都頂呱呱，尤其推薦豬肉，個人覺得韓式燒肉裡豬肉總是比牛肉好吃的金菇肥牛卷足足ENCORE左兩次～值得一提的是除左燒肉以外，還可以燒海鮮！多春魚味道很香濃，帶子則很滑溜，仲有睇到都流口水的生蠔主食方面，我最喜歡水冷麵，總覺得一邊吃熱辣辣的燒肉，一邊吃透心涼的水冷麵，是很舒服的享受。食咁多油膩野覺得有罪疚感，一於食返份沙律，中和一下咁HEAVY的一餐～最後以美味的雪條作結。整體來說，餐廳環境舒服，坐無虛席但環境沒有很重油煙味，抽風做得不錯。肉類、海鮮質素也不錯，而且價錢相宜，地理位置又很方便，愛吃韓燒的朋友不妨一試。

呢排天氣時暖時凍，本身想燒嘢食, 但又怕戶外太凍, 經男友一提, 點解唔食韓燒呢? 又係lor, 搵搵搵, 就比我地搵到一間有海鮮任食的燒肉放題我地6:45去到, 嘩~~~ 好多人, full 晒, 好彩我地一早訂左位, 否則應該有排等~愛食海鮮的我, 當然勁點海鮮食啦, 虾, 扇貝, 帶子, 蠔, 多春魚... 全部都係我最愛~~~值得一提, 虾係大大隻, 仲有勁多膏, 燒時已經香, 必叫, 醉虾好有酒香味, 仲有仲有芝士生蠔, 係長洲食都要$40一隻, 呢度食幾隻, 已經值回票價肉都於我嚟講係一般, 因為我本身唔好肉, 但男友講都好味, 我只係影左西冷, 因為覺得佢好靚我叫左湯同粉絲, 湯暖泣泣好好飲, 粉絲就有少少凍, 跟住我地放係爐上燒一燒, 出奇地好味呢.食燒肉咁肥膩, 我一定係飲茶啦, 呢度有好多款烏龍茶比你擇, 我飲左原味, 茘枝味同桃味, 第一次飲呢種茶, 好好味呢.食完正餐仲有甜品紙比你擇，我擇左椰子味雪糕捧.走時見到門口有除味噴噴, 雖然一定唔會冇晒燒肉味, 但我覺得都有少少用, 窩心表現都值得一讚.

Happy Sunday好耐無食過韓燒今晚決定黎個大放肆燒肉放題有好多種唔同既肉類選 豬牛雞羊都有醬醃雞脾雞脾好嫩滑而且醃得好入味牛柳片 金菇肥牛 豬頸肉肉質唔錯 但牛既話千奇唔好燒得太熟如果唔係會好韌除左肉類仲有無限海鮮燒架蒜蓉芝士生蠔芝士味夠重唔錯 扇貝都幾鮮味 但稍嫌太細粒要食多幾粒先夠喉呀除左燒野 仲有d熱食架炒粉絲炒得唔錯幾入味水冷麵呢個非常推薦因為食燒肉會食到好油膩食個水冷麵就可以減輕油膩感而且個麵質好煙韌野飲係任飲既而且仲有甜品食 有椰子雪條食呢

表妹前排同friends 食過 推介左比我去Yeah 去食韓燒 仲要係任食 價錢中價 我覺得幾抵 又包埋海鮮 有有小食熱食☺️岩哂我呢個大胃王😎$200幾蚊包好多款野食 抵過食放題 食物： 有前菜 ，小吃 有韓國🇰🇷炸雞 叫左大辣 真係好辣 係辣雞麵果隻辣 炸雞好好味 又有炸魷魚🦑 要值回票價 梗係瘋狂點肉同海鮮我就將海鮮係爐邊慢慢燒 中間燒肉 可以同步食好多野 生蠔同帶子 好新鮮 燒緊時啲鮮味出哂黎☺️樣樣肉都叫左啲 牛舌 五花腩 半扒 燒雞翼 全部都好正 不過要自己控制好火喉 掛住食唔記得睇火 啲快熟啲肉會好快燶🤣🤣🙈 有啲有味嘅肉 唔洗點醬料都夠味 啲豬頸肉同五花腩點醬 超好食 有幾種醬自己調😎仲飽哂仲有雪條食🍦正！服務：基本上你舉手🙋🏻已經即刻黎招呼我 換板都好快手 有禮貌😊👍🏻原來仲有兩支健康飲品送🤩 去到發現某啲時間食有7折環境： 寬敞 唔會坐得迫 凳下有位放袋 唔驚吸哂啲燒烤味

因為怕肥而好耐冇食韓燒今日終於可以解放所以係精挑細選之下揀左呢間好評咁多既韓燒果然不負所望==============================我地係食5點半因為可以平幾十蚊本身價錢都唔算貴點知7點20前埋單竟然仲有7折真係超抵食唔好以為咁早就冇人證明呢到應該真係唔錯前菜不過不失不過最特別係呢舊野呢舊唔係前菜黎店員話呢舊係用黎刷塊板既鑊燶用呢個IDEA又幾好喎選擇雖然唔多但食呢樣野,貴精不貴多不過我地都叫左唔少野我就只介紹我覺得值得最推薦架啦見到有海鮮點可以唔叫呢個人最推薦係帶子好鮮甜不過如果佢冇切薄到就更好扇貝都好有水準不過提提大家要早D落因為都燒幾耐下食韓燒又點可以冇肉呢見到擺得咁靚都已經令人食指大動當中個人最推薦左下果格既西施牛肉片入口好軟,好滑,而且更重要係牛味食我食過咁多間韓燒最香濃最靚薄切西冷牛扒估唔到韓燒都會有牛扒食雖然味道係唔錯,但係口感就略硬左少少食韓燒最開心就係見到呢一幕另外都叫左D小食好多唔同既炸物個人最推薦就係炸魷魚鬚炸得好香脆,又保持到魷魚鬚本身獨有既爽口炸雞就普普通通始終食韓燒都係食返燒野好食炸雞去返炸雞店會好D食到差唔多就會比甜品紙我地揀左芒果雪條同

同老婆行完街，佢話想燒海鮮，立即上openrice搵！搵到呢間有海鮮燒、又唔太貴的燒肉！上到去，已經好多人！7:20前走佬重有7折，抵啦！加埋唔洗200一人！海鮮紙無影，主打有大蝦、扇貝、帶子、蠔，蠔又有芝士蒜容生蠔！帶子同蝦，叫左幾次！帶子燒完好正阿！超好食，d蝦又夠新鮮豬頸肉係十分出色！十分建議再叫！牛方面，牛柳粒、牛肋骨同雪花牛仔肉都好好食，可以再點！重試左舊炸雞，不過麻麻地，可以脆返d會好d，呢次浪費肚既容量，希望佢下次可以整返好d呢舊蘿蔔正！店員話可以剷走d焦，食飽就變左咁😂😂最後重有韓國雪條melona一支，3款口味自己揀整體黎講，好正！服務員重好快手，又無漏單，200蚊(如果係7折後)，係超值！門口有支去味噴霧，幾得意，不過又好似無乜用，因為佢地抽風都十分出色！建議要book位，因為有d客人7點左右walk in話無位，要等book左果d無黎先可以😅

好耐冇食過燒肉啦喎，趁呢排凍凍地，就約咗朋友子黎呢間running 燒食餐飽！平時好鍾意食海鮮🦞，呢度連海鮮都係任叫唔使另外比錢，真係令我又驚又喜！有帶子燒我就當然叫黎試吓啦，啲帶子睇落都幾新鮮，唔似冰鮮貨，我哋不停反轉，燒到啲帶子微焦真係好靚，食落爽甜，正！另外我哋仲叫咗雞翼，好夠味，佢仲好細心咁將一隻雞翼剪開兩邊方便大家燒熟同埋食用！薄切西冷牛扒真係好薄切，好處就係容易啲燒熟，唔使花咁多心機，不過呢塊牛扒真係要幾睇火候，如果唔係就好容易燒到un晒啦。 當然唔少得嘅就係菇類啦，我哋叫咗必叫嘅雞髀菇，冬菇同埋金針菇，整體嘅都唔算太乾，當然都要睇吓燒嘅人嘅技術啦～甜品有一人一碗嘅紅豆紫米西米露，唔算太甜，飯後消滯唔錯，都幾合我口味！

年尾無咁忙, 又就快放假, 心情超靚. 呢期係咁約 friend 出嚟食飯, 今晚揀左係公司附近食韓燒放題 雖則心情靚, 但為左新年要著果堆靚衫, 所以就算係放題都提醒自己要就住食 (請原諒我係個女人, hahaa). 揀呢間都係因為佢有埋海鮮任食, 感覺無咁 guilty  佢既海鮮總類都好多下, 生蠔 / 芝士生蠔 / 扇貝 / 帶子 / 多春魚 / 大蝦 / 燒酒蝦 … … 話就話就住食, 結果我都起碼食左4隻蠔, 2隻扇貝 , 6粒帶子, 6條多春魚, 3隻蝦 … … 仲有牛豬雞羊樣樣試左少少 .. 同埋我最愛既韓式炒炒絲, 哈哈, 大件事店員好細心, 上海鮮會特別提醒我地一定一定要煮熟 環境都吾錯, 有音樂但吾會 over, 可以傾到計今餐D多春魚同帶子好好食, 又易熟, 全晚最 like 佢地.大蝦啖啖肉, 排第2~牛仔骨好入味, 排第3~炒粉絲夠彈牙, 排第4~沙律菜夠fresh, 醋汁吾太酸, 食肉吾可以無左佢, 排第5啦~汽水任飲, 仲有雪條, 同friend傾左成晚計, 好滿足呀

Running燒我又來了，幾個月前食過幾好食，今次再來，主要系食韓國燒烤，呢個地方可以容納30人左右，$268可以食110分鐘，飲料任飲，調味料自己出去拎。一坐下來有泡菜食，餐牌上食物有好多選擇，豬肉種類比較多黑豚肉，豬大腸，豬頸肉，豬腩肉等，牛肉有牛肋骨，一口牛柳，西冷牛扒，烤肥牛等，小食也有韓國最出名的炸雞，炸魷魚等，真系花多眼亂，我首先揀左芝士腸，雞腎大蝦，豬大腸,扇貝,趁食物未熟時飲碗熱呼呼的年糕湯，味道似味噌湯，而且我食埋年糕，大約五分鐘左右，食物就熟，蝦肉食落去好彈牙一啲都唔會覺得霉，肉質都唔錯，好有牛肉味。個爐燒到咁上下，蘿蔔就係用嚟清潔爐頭嘅工具，好方便，最後有埋一人一支雪條食！

今日同老公係旺角買野，老公突然話想食韓國菜仲要有熱食有得燒烤既咁岩醒起朋友講過附近有間韓燒放題就決定今晚試下啦😄餐廳提供嘅熟食同燒烤既食物種類好多，仲有三碟前菜。牛肉有好多選擇，會樣是兩塊都好飽。海鮮都唔少，蠔都三款👍🏻First round 叫左唔同既牛肉，大腸同韓燒不可或缺既五花腩😋牛肉大部分都夠曬嫩，推薦金菇肥牛卷快熟又好味又唔會膩👍🏻👍🏻👍🏻大腸燒到又脆又熱，好正😆五花腩都唔錯😆海鮮都唔錯，帶子同蝦都encore左兩三次🤤燒菇最juicy,仲解膩，係唔錯既選擇最後叫番碗冷麵🤩啲湯變左碎冰，口感唔錯啲麵如果再淋啲會更好😃餐廳提供任飲，自己去雪櫃拎就得，選擇都好多👍🏻啲醬都係自助，唔洗下下叫waiter加俾你。最後一人一份飯後甜品我揀左椰子雪條，椰味好濃，正！

係時候同好耐冇見嘅舊同學聚會，揀咗呢間running 燒，地點係旺角，方便晒大家返工放工！店舖並唔算好大，但入咗時入座率都有大概八成，值得一讚嘅係店內油煙唔多，通風系統做得幾好。一坐低店員就好醒目地即刻安排左小菜俾我哋食，有泡菜，海帶同豆芽。朋友仔話好肚餓好肚餓，佢一坐低就即刻拿起枱面嘅點餐紙叫嘢食！我哋兩個都好鍾意食海鮮，見到有海鮮就即刻叫咗嚟食，分別叫咗蒜蓉芝士生蠔同帶子，蒜蓉芝士生蠔估唔到原來都幾大隻，上面嘅芝士粒落得好足料，不過美中不足嘅係，我哋兩個其實唔係好識燒肉，舊生蠔我哋都搞咗好耐，先至食整得哈哈😄。不過味道真係唔錯，食落唔腥，而且幾厚肉。仲有值得一讚嘅係帶子！呢個我哋encore左好多次！帶子唔算太薄切，但亦都好快熟，食落好彈牙，唔係出面嘅冰鮮貨！扇貝我哋都有叫你試吓，不過連埋內臟同埋殼就比較麻煩啲，味道都唔錯，但係貪方便嘅我哋都係鍾意燒帶子多啲哈哈。飲品就係任飲嘅， 自己係雪櫃拎就得,我哋就清清地，拎咗個蜜桃綠茶飲就算啦，都幾適合韓烤丫。

夜間既晚餐,食D咩,有時候真係好難諗,所以我鍾意食韓燒,因為咩都可以試下味,今晚來試試呢間位於旺角的Running燒,海鮮竟然有燒蠔食,真係驚喜,而且味道不錯.蝦同扇貝都好新鮮，唔係死蝦。我個幾隻仲識郁。我最估唔到呢種大啡菇原來咁鮮甜多汁。金菇肥牛記得燒耐啲。幾層痴埋容易燒唔熟。我叫齊哂menu上既牛肉試齊哂。原咪炸雞同柚子炸雞都好好食。炸得一d都唔乾。好味多汁。另外仲有酒飲。成班朋友來應該可以一試。但我要渣車就冇點啦。食完埋單俾有幾款韓國雪條。但我冇貪心叫咁多（因為我已經飽到上心口）就叫左條密瓜味試。我老婆個條椰子味原來仲好味。結果大半條椰子味俾我食左。整體來說，200幾蚊一個人真係唔貴。旺角又夠哂就腳。食物本身夠新鮮。下次可以再試試。

Happy Sunday !好耐冇約朋友出黎食野今日終於約到2個食肉獸去左旺角既running燒每人200幾任食110分鐘都幾抵食上到去發現位同位中間都隔好遠7點未夠就已經坐滿哂Menu除左牛雞豬羊仲有海鮮同埋各種韓式小食/粉絲/年糕飲品櫃自取 有茶/汽水酒類飲品就要另外加錢醬料都係自取攞完返去就已經有野食柚子炸雞 外皮沾滿柚子醬 酸酸甜甜裡面雞肉嫩滑 上枱個陣仲係暖暖地 好食各種肉類 當中最鐘意春雞脾燒成粉嫩既顏色 食落又夠滑豬大腸都好正金菇肥牛卷都唔錯肥牛顏色都好靚燒一陣就變成金黃色仲可以keep住juicy西冷扒好大塊但因為薄切所以好快熟牛味都幾香海鮮選擇都好多有帶子大蝦生蠔扇貝等等我最欣賞個帶子大粒得黎又鮮甜大蝦都唔錯 大隻爽口 燒黎食好正最後一人仲有一份甜品我要左椰子雪條係好濃郁既椰子味雪條既質感又夠綿滑朋友既紫米西米露都好香好足料食到捧住個肚走

今晚朋友畀手信我，我食過幾次覺得幾好味所以就帶朋友來專食韓燒的店鋪，位於旺角B出口名叫［running 燒］，價錢每人二百六十八蚊一位有加一，套餐組合有海鮮，雞，牛，羊，豬，甜品和飲品任飲，海鮮類竟然見到有生蠔雖然我唔多食，但系呢個套餐有不同種類海鮮也值回票價，我哋魚咗大蝦多春魚仲有扇貝,大蝦好新鮮，一d霉味的口感也冇，多春魚又大。肉類叫咗有豬大腸，豬頸肉仲有豬皮，第一次燒豬皮感覺好特別，而且個豬皮燒到啱啱，咬下去好爽口，可以補充骨膠原豬大腸肥美，用來燒，脆口又香，配上自備醬汁，令人食上癮金菇肥牛卷，均勻包住肥牛，燒到冇一會兒好快熟，而雪花牛仔肉切到小型正方形的，肉質有好香牛肉味，最後埋單送了一條韓國牌子雪條，完満結束！

首先位置非常近地鐵站用OpenRice book枱仲有折扣添坐低左就送上前菜，泡菜吃起來有啲辣之後就開始點食物了這有熟食可以點的，炸雞也可以有泡菜味和檸檬味的，還有炸魷魚也很好食的帶子，生蠔，元貝仼你燒燒到夠本蝦都有分醉蝦和普通的年糕一定要試的，試左雖然有期待，但不致有失望肉類都分好多種每款都好好味冷麵有點黏在一起了很多冰還有冰箱的飲品是任你拎的，樽裝的較受歡迎結帳的時候還送雪條每人一條我很喜歡它的椅子可以揭開放包包