Running 燒 (已結業)

今日寶寶想食韓燒，問到朋友推介旺角樓上舖有間" Running 燒"，聲稱值得一試，好啦！既然推介，5:30 開始有得食，於是心想早點去食，都吾駛訂位！我地真係心急到 5:15分上到餐廳門口，烏燈黑火，原來未夠鐘開門，不過已經有人在排隊等位，我地當然跟排排坐等位，準時 5:30 開門，侍應生都好有禮貌安排入坐，雖然無預約，慶幸都有位，餐廳不算大，不過舒適。一坐低，比左幾碟泡菜，好笑是其中一碟係一片厚白蘿蔔，我地大鄉里，原來呢個白蘿蔔係洗鍋用的，可減少燒焦，餐牌食物很多，雖自助任食，為了吾好浪費食物，我同寶寶都係叫每一種食物兩片兩件，試岩先再多叫我地兩人本來對海鮮都不太興趣的，但為左吾蝕底，都點左大蝦，帶子，芝士蠔，全部都好鮮甜美味，牛肉種類很多，亦係我地食得最多既，牛柳粒，西冷牛都好惹味，一碗湯烏冬令我有驚喜，不是一般的行貨，湯底唔係粗制濫造的，更一讚既係"水冷麵"，不得不試！港式汽水，綠解茶，韓國汽水全部任飲，最後請你食埋支韓國雪條，吾駛四舊水埋單，超值又好似！

位於彌敦道726號 9 樓嘅running燒 韓式燒肉店，係一般新式嘅韓燒店格局。今日Lunch Time又挑戰極限食放題餐牌裡嘅肉類都有幾多唔同選擇😀五花腩，西冷牛，牛肋骨， 雞蛋肉，雞腎，金菇肥牛卷，豬頸肉，有d重要有味道選擇，原味辣味，多到數唔到飲品都算幾多選擇先黎幾碟前菜😃味道不錯，只係試左少少，要番肚食燒肉🙈🙈🙈最深刻印象係豬頸肉，因為個人比較鍾意食燒完食落口感爽，惹味但又唔會太鹹！西冷牛， 味道可以，睇落好新鮮嘅樣😆😆材料係有水準嘅醬料選擇唔多，不過個人覺得都夠 幾鍾意個蒜蓉醬，如果有原粒蒜頭更吸引五花腩都唔錯除左燒肉，重叫左水冷面🍜 順帶一提，係可以叫生菜要黎包住燒肉一齊食，我地食到後半段先發現😅😅😅呢間韓燒總括黎講幾好，性價比算高值得試下

今晚同朋友一齊去呢間餐廳食韓燒，一入到去，感覺間餐廳唔算大，但D座位就幾寬敞，枱同枱之間都相隔幾遠下。佢啲menu唔算多，有一張係嗌嘢飲，三張係嗌嘢食。同出面啲放題任食有成十幾張分類比，相對上係少幾多下。去得食韓燒當然係主打燒嘢食啦。 我哋主要係食牛肉同埋海鮮，因為近期中國有 非洲豬瘟，所以我哋都盡量唔叫豬肉。佢淨係牛同埋海鮮都有幾多選擇啦，足夠我哋兩個人食到飽。而且佢仲有少少熟食可以食嘅，佢嘅煎餃子都ok，但就奉勸大家唔好叫冷麵，因為冷面太大碗，而且啲面都幾飽肚下。如果三四個人叫一份黎試下味都仲ok。喺今次嘅韓燒裏面，我覺得最值得推介畀大家嘅係薄切西冷扒。佢大快得嚟，因為薄切，所以好快就熟，好快就可以食得。而海鮮方面，我就覺得佢哋啲大蝦同埋帶子都OK。生蠔呢就因為隔住個殼嚟燒，就難啲囉。一係就太熟，一係呢就唔係好熟。同埋值得一提嘅係，佢有一件好大件嘅蘿蔔 。你唔好以為佢配菜，其實佢係用呢洗個鐵板。埋單計埋加一：每人$273

韓式燒烤真有一排都冇食過，特登同朋友book左呢間Runnning燒，盡情食番餐韓燒！餐廳有個大窗境，環境唔錯，聽住K pop，真係好有韓國feel。櫈底可以儲物放袋同外套，幾方便。去飲料冰櫃攞飲品解下渴先，有幾多種類飲品，攞左罐蜜桃烏龍茶，幾特別，味道唔錯。任食韓燒放題，有豬、牛、雞、羊肉，蔬菜、湯、麵、飯，好多選擇。我地每樣都叫d，主攻牛肉，叫左牛肉片、牛柳粒、雪花牛仔肉等等。牛肉好有牛肉味，肉質鮮嫩；豬肉唔會韌，推介五花腩，肉味香濃，好好食！有韓國特色湯品，叫左年糕湯同阿珠媽靚湯，年糕片煙煙韌韌；阿珠媽靚湯好似麵豉湯，味道都唔錯。仲叫左d蔬菜、南瓜、金菇黎燒，烤南瓜幾好味，好香甜。抽風切備造得幾好，食完唔會成浸燒烤味。午市有折扣優惠，平均每人百幾蚊，幾抵食。

天氣今日灰灰地，攪到個人好悶。忙咗成個上午，終於又到Lunch!今日同一班同事來個韓式BBQ，吹吹水，燒走d悶氣。呢間Running燒地點好方便，好近旺角同太子地鐵站。餐廳嘅內裏環境同一般嘅韓燒店差唔多，啲枱都唔算好迫，坐得都幾舒服。我哋今日呢個午餐韓燒係110分鐘任食，午餐時段仲有個七折。如果我個lunch hour可以長啲就好喇呢度嘅韓燒食物主要分為牛、豬、雞、羊、蔬菜、麵/飯。飲品放題（有多款韓式飲品選擇）前菜都係任食嘅（泡菜好好味）d肉都幾新鮮！啱哂我地d食肉獸！另外，小編一定要推介豬大腸、豬耳、雞腎同辣味雞！記得叫返個水冷麵，甜甜酸酸凍冰冰，中和下啲熱氣，正❤️中午嚟呢度食韓燒放題，七折之後，非常抵食！

番工士氣麻麻地😎午餐要吃番個韓燒放題heat一heat個氣氛🔥！上Openrice找到間係旺角，仲要午餐有7折的Running燒，立即打去book位！好快就來到啦！就係地鐵站旁邊，過條天橋就到！好易找！一開𨋢就見到大大個價錢啦！同一般韓燒一樣，都有條好低的抽煙機，不過吃完點都有少少味🌪！門口仲有個消味的噴霧🌬，好貼心！🥰午餐7折係無海鮮同小食的🧐！fair enough! 不過所有肉類同熟食都有，很okay！👍🏻食肉獸開動之前先食下前菜，有泡菜，芽菜同海帶！配搭肉類🥩都幾好吖！右邊個蘿蔔係用來”洗爐”的！不過我們都唔係好識用。。。🤦🏻‍♀️第一碟來的肉🐂已經好吸睛啦！就係西施牛肉片！好簿💕！好滑💕！不過都好容易over cook🔥! 要小心注意時間⏰喔！之後每樣都叫少少試下先😛！特別推介豬頸肉🐷！連雞胗🐥都有真係正呀！而且味道🤩同質地🤓都好好！不同部份的豬🐽拼盤！🐷呢幾樣我們都好like👍🏻所以無限refill♻️! 上面個格的韓式辣味雞肉🐔真係超辣🌶！好過癮🧛🏻‍♀️！而且雞翼都🔪開左邊，很方便燒烤，真係好貼心💕！菜類🥒🥬🥦🥕都有試下，但我覺得韓燒🔥燒菜，仲要無錫紙包住，又無蒜蓉醬，有d怪

好耐冇食過韓國燒烤，所以約朋友黎到旺角呢間Running燒韓式燒烤店食，第一次黎食覺得唔錯。餐廳環境幾好，地方寬敞，店員安排我地坐窗邊位，仲有電視睇。一坐低就送黎幾碟韓式前菜，辣泡菜辣辣地幾開胃，芽菜同海帶唔辣嘅都幾好食。點餐紙有多種肉類選擇，我地呢d食肉獸當然乜都點黎試下。除左肉類仲有蔬菜、湯、麵、飯。醬料可以自取，攞左d醬油、蒜蓉、辣椒醬、豆瓣醬。飲品櫃嘅飲品除左酒類都可以自取同任飲。道地冬瓜茶、菊花綠茶，清熱解渴，食燒烤飲最啱。有調過味嘅薄切西冷牛扒，色澤睇落好新鮮，厚薄適中，好快可以燒熟，味道唔錯。叫左唔少肉類、蔬菜同湯，好豐富。水冷麵賣相唔錯，味道都幾好。韓式湯烏冬，烏冬幾彈牙。午市時段仲有優惠，抵食好食嘅韓式燒烤。

午飯時間與同事外出用膳，在食肆臨立的「彌敦道 726 號」商廈試了一間韓燒店「Running 燒」。新派年輕韓燒店格局，一枝枝窄長煙囱由天花垂直吊下。雖然坐處有點擠擁，但店中油煙情況大致理想。 午市放題 $178/位，有七折優惠另加一。與晚市比較，人均消費較相宜，但沒有海鮮小食選擇。 飯餐以肉食為主，款式不少。豬牛雞各推介一款，「五花腩」肥瘦相間，不怕肥膩的話顯然味道最為豐脥。「牛肋骨」骨肉相連，肉味濃香，口感適中。「辣味雞肉」經醃漬後非常入味，辣度狠勁持久，令人又愛又恨。小編不嗜內臓，聞說「雞腎」亦屬可口之物，得到多名同事青睞。 除肉食外，餐單亦有少量菜蔬可選，大部份屬耐火之物如南瓜、茄子、青椒等等。怕熱氣上火的朋友，也可多點一份生菜籃，以生菜包裹燒肉品嚐。 因有七折關係，喜歡吃燒肉或胃納大的朋友不妨可試試「Running 燒」的燒肉放題，性價比不錯。

琴日老友同食肉獸慶祝生日，揀咗間韓燒，正呀! Running燒 --- 我都係第一次幫襯。約咗老友7點喺旺角港鐵站等，唔駛五分鐘就行到上去，地點真係一流，食完飯我沿住天橋行返上旺角東都係十分鐘，勁就腳。間舖頭地方唔算大，好乾淨企理，又唔會好油煙。最緊要佢有得訂枱，唔使等位。兩隻食肉獸坐低就係咁點肉啦，得110分鐘任食，都真係有啲擔心唔夠。唔理喇，所有肉都點返 round 先。咁多隻牛肉入面最欣賞佢個牛肋骨，又林又夠味。豬我就揀五花腩，夠曬厚肉，燒到香香地，半肥瘦，好得。羊肉都冇得輸，又薄又大塊，有少少羊騷味，正。燒春雞腿肉又係一絕。初初見佢咁厚，仲驚會鞋，但係又唔會喎，超彈牙，仲好juicy添。食完 3 round 肉，輪到幫襯下佢啲海鮮。D蠔同扇貝燒左好耐我地都吾知熟吾熟，到最後俾我地燒到乾晒, sorry仲試左帶子，好甜 ; 蝦都幾好味。呢餐生日飯好滿足~ 

肉類一般，海鮮不錯，服務很一般。但個爐成日漏氣，其實好危險，多次反映給店員知道，但處理方法就是換過第二支氣及校細個火，告訴我們不可以校中火或大火。細火根本就唔夠火燒，果幾隻生蠔燒左半個鐘都未有聲氣，唯有放棄改燒肉，食到last order 個肚都仲係餓，唯有點辛辣麵食，最基本連飽都唔飽，沒可能會去第二次！

Running燒好細間，如果無訂位walk in就有排等事實上，紅肉尼講大部分選擇都係好普通而且牛類都偏靭，好難咬雞類嘅調味都麻麻，太辣又太鹹反而海鮮值得試，主打嘅虎蝦同蠔都唔錯蠔仲可以自己加調味落錫紙兜滾下佢，入味好多至於扇貝同其他海鮮就正常水準留意其他熟食就無乜，不外乎年糕同麵野飲都係荔枝`菊花茶唔建議食lunch，因為lunch唔提供海鮮

今次第二次黎 今日同朋友興祝生日 請佢食生日飯 知佢鍾意食韓燒 就揀左呢間叫左啲炸魷魚🦑so 同韓國炸雞🍗 有幾款味 我揀左蜜糖同辣味 真係好辣 啲雞唔鞋 好正 但仲要留肚食主茶 ——>海鮮同燒肉😍😍😍一黎就叫左勁多蠔 帶子 同埋 牛肉 羊肉 豬肉真係大飽口福蠔都有兩款 有cheese蠔 燒 香噴噴 正我就邊邊位燒海鮮 中間燒肉 咁就可以用最少時間 燒最多野食 😎😎但重點係要同樣食得快 睇見都流口水 🤤 啲肉真心好味 唔洗點醬都夠味 同埋火喉口重要 仲有大蝦 帶子 扇貝 都好味 要注意唔好燒太耐 蝦會燶🤣牛片 牛舌 牛肩肉 肥牛 羊扒 全部都好快熟 好味道 係五花腩 豚片 需要耐啲時間 樣樣都食 一邊傾一邊食 都好夠時間同飽 唔會趕頭趕命甜品仲有雪條添 飲品都幾多選擇 仲有啤酒環境 兩個人都唔洗搭枱 凳下有位置放手袋背包

一直都好鍾意食燒肉，但喺香港食餐燒肉其實都幾貴，朋友推介呢間性價比高的韓國海鮮＆燒肉放題餐廳，任食110分鐘先$248埋單，聽到價錢已經值得一試！裝修都唔錯，個人覺得呢Ｄ色彩睇落去好醒神，塗鴉工業風咁。因為預左會食到好熱氣，所以食兩樣野打定底：水冷麵食燒肉會愈食愈熱，呢個時候食Ｄ凍野會勁解辣又舒服！而且水冷麵一份的份量唔會好多，唔怕成左大碗麵就食唔落其他野～沙律明知自己會食好多肉，好唔節制咁，食Ｄ菜感覺上可以中和返，Ｄ菜整體幾新鮮～重頭戲來啦：首先海鮮真係好正，生蠔、帶子、蝦都係任叫任食，食兩ROUND已經值回票價啦!豬肉都好好味，醃得夠濃味，咬落口感非常好，食左幾個唔同部位都覺得唔錯。因為我勁鍾意食牛，所以去到邊都會點下牛肉。但個人更推薦呢度的豬肉，真係幾正！飲品櫃有好多選擇，連我平時鍾意飲果隻牛奶飲品都有。最後食返兩條雪條，為今個晚餐畫上完美句號。

有個Korean 朋友🇰🇷😁介紹話呢間好出名一定要來食就來試一試！一入到來最好要訂一訂位因爲真係好出名好多人來食！ 我地都要等一等位好彩最後都有得入去食 17:30-19:30 再有7折太底了！價錢同食物對比都好合理 218 再7折 正 👍👍🥰 入到來見到餐廳設計好靚 ，都是Korean Stlye and have Korean song so cool ! 這間餐廳是在9 樓 所以都有幾靚既外境！ 食物多元化！基本上咩都有！ 生豪也任叫！ 炸雞好食 但如果你唔食spicy 真係唔好叫超spicy果隻 我係泰國人都食唔到 🤣 但味道係正👍👍👍👍一定會再去啊 超正❤️❤️❤️ 堅野 🇰🇷👍😍

同男友好耐都無食韓燒啦！今日男友終於陪我食啦。小妹懷住非常期待嘅心情黎到Running 燒。==============================黎到既時候已經見到入面有唔少人燒緊。需知道今日係閒日，唔係早放都無機會530就坐係度燒。前菜都唔少，仲有小妹最鐘意食既泡菜。呢度既食物選擇唔算多，不過食完小妹可以同你講肉類同海鮮質素都好唔錯。先點了幾類海鮮，分別有芝士生蠔、帶子、扇貝。而芝士生蠔因為太好味嘅開係，之後又再點了兩轉。帶子幾鮮點，扇貝好大點，而且味道都幾新鮮。唔錯！點左好多唔同肉類，當中最推介左上方既西施牛肉片入口又軟又淋又香又滑令我最後仲加左碼要多左幾份極力推薦牛舌都幾爽口西冷扒就硬左少少，但醃得幾香金菇肥牛就唔知係因為小妹唔識燒定係佢唔適合用黎燒啦燒到肥牛燶Ｄ金菇都未熟小食方面多數都不過不失但炸雞個人唔太推薦，因為已經淋晒但炸魷魚鬚就炸得幾脆又唔會太油甜品我地揀左芒果雪條同西米露不過不失啦---埋單先知原來先$349咁平仲以為計錯數比左錢到LIFT口先知原來依家19:20前埋單可以有7折性價比真係極高