Running 燒 (已結業)

有一日突然間諗起好似好耐冇食過韓燒，就即刻約咗朋友今日夜晚嚟旺角食。彌敦道726號，呢間全部都係食肆泥，有好多選擇！今次呢間係叫Running 燒，我地七點半去到可以食兩個鐘，係每人268任食。 依度牛雞豬羊都有，必叫牛肋骨最好食，五花腩同辣味豬頸肉都好唔錯，全部肉類食落都新鮮，仲有韓式辣醬俾你點，放題價格合理，適合食肉獸大吃特吃。入到黎第一時間就攞野飲，全部任飲，亦都有酒俾你叫。我哋兩個人黎食，所以每樣野都係叫咗兩件，淺嘗一下。之後仲有海鮮，有帶子，扇貝，蠔，魷魚，選擇都算多！除咗自己燒嘅嘢食之外，呢度都有啲熟悉可以叫，我哋就叫咗韓式炸雞同埋餃子，不過當然係自己燒完熱辣辣咁即刻食過癮啲😎最後臨last order之前仲可以俾你揀埋甜品，我哋就一人叫咗一條韓國雪條。

近排天氣咁凍當然要同朋友食返啲熱辣辣嘅嘢暖下身啦! 為咗方便起見於是就揀咗嚟旺角嘅韓燒餐廳啦呢間韓燒係放題形式,不過除咗一般嘅肉類仲有唔少海鮮可以揀㗎~ 一入到餐廳坐低枱面上就已經有一舊白色嘅嘢,問返侍應先知原來呢個係白蘿蔔嚟嘅,係用嚟清潔爐面聽完覺得好新奇但原來只要不斷打圈, 佢嘅清潔力真係唔錯!講返食物啦，為咗試多啲唔同款式，我哋咩類型嘅肉都叫咗啲試吓，例如五花腩、豬頸肉、牛肋骨、豬腩肉等等，好豐富呀呢到嘅肉類都幾新鮮，我最鍾意佢嘅五花腩夠晒肥美，燒完之後好juicy，另外豬頸肉仲可以揀辣嘅添，啱晒較重口味嘅人熟食方面，有我最鍾意嘅韓式炒粉絲，份量都唔少架，而且味道調製得啱啱好，加上少少麻油味，確實唔錯。食韓國嘢又點少得炸雞呢，呢度除咗原味之外，仲有柚子同埋辣味揀，可惜炸雞上菜嘅時候唔夠熱辣辣，皮唔夠脆。但係柚子味幾入味，可以一試。仲有呢個水冷麵，都係幾特別嘅食物，酸酸甜甜好開胃，而且係凍冰冰，配上熱辣辣嘅韓燒非常不錯。海鮮方面，極度推薦大家要揀帶子，肉質好鮮甜，而且好有口感，忍唔住同朋友encore左幾次呢度嘅飲品係自助形式嘅，選擇都幾多㗎，最後甜品方面，一人可以揀一款，蜜瓜雪條

第二次黎Running燒，可能因為平日無咁full, 我地兩個人都可以坐張大枱😎 方便我地可以叫到成枱都係慢慢食！今次俾我發現可以自己拎辣椒醬蒜蓉醬，哈哈上次都無發現🙈 岩哂我要點好多醬😎原來正價時段可以任叫特級牛小排，新野黎🤓 我地緊係叫幾塊試下先😌😌 原來好細塊哈哈🙈 不過唔緊要啦，可以任叫多幾次！係幾好味嘅～其他野食都差不多，海鮮係必叫首選！生蠔試左兩款，我個人就中意有芝士既🙃🙃 帶子、大蝦、扇貝都唔錯，大大件既！依度除左燒烤，仲有唔少小食，炸雞比想像中好味，比得上d食韓式炸雞既專門店！！今次原味好似好味d，柚子味就特別😙試左一碗靚湯，味道一般，但可以中和下肥膩感😝時間過得好快，last order叫埋甜品就滿足了🙃

是次gathering去左呢間韓燒, 記得夜晚一定要訂台, 個晚見都幾full下一入座坐低成班餓鬼就叫哂熟食先- 韓式辛辣麵估佢唔到又辣辣地幾好食, 我地食到encore再叫多個xd仲有其他炸物都極具誠意, 即叫即炸好快上到尤其係個柚子雞待別好食*-*-韓式粉絲一般, All in 辛辣麵比較好-金菇肥牛正正子, 但要睇火如果唔係就會變脆脆然後全部都係肉肉肉同肉lol必食牛脊肉, 無限encore 其他都好正臨走仲有甜品食Perfect~~~~haha

本身約左同朋友黎食呢間韓燒，結果我OT 遲放工，搞到要朋友一路燒住等我🙈一入到呢間餐廳見到個格局幾特別，有別於之前去開嘅韓式放題咁，呢間嘅裝修設計感覺有參考左韓國燒肉店，坐位設計同配色都令人感覺親切舒服，仲有韓劇同kpop 聽住俾你燒👍由於我去到朋友已經燒緊既關係，我就急急腳去攞醬料同埋飲品，醬料方面分別有三種，包括韓式醬油，麵豉醬同埋韓式辣醬以及有蒜蓉等，視乎個人口味配搭。飲品方面就有兩個大雪櫃比你任攞，主要類型係韓國罐裝飲品好似忌廉溝鮮奶同埋其他樂天牌飲品，以及各種香港罐裝茶飲品，解膩一流👍👍由於太肚餓嘅關係，決定食左啲熟食小食拼盤先! 我自己好鍾意入面既魚餅串，因為有鐵板保持熱力嘅關係，即使已經攤左一陣都仲係熱辣辣，撈埋芝士辣醬黎食非常暖胃😋 至於肉類方面個人鍾情於肥牛同埋薄切西冷牛扒，由於非常薄切嘅關係，只需要每邊煎大概十秒已經夠熟，口感彈牙鮮嫩，牛味濃厚👍👍羊雞豬方面我就最鍾意佢嘅豬頸肉，夠大塊同埋脂肪分佈均勻👍最後仲送埋韓國雪條，正呀👍整體黎講個人覺得呢間韓燒水準唔錯同埋食材都新鮮，唔會話好似出面咁淨係專注係肉類或者海鮮其中一樣，坐得又舒服，值得黎一試!

同朋友講開想食韓燒好耐，見呢幾日咁凍就決定試下呢間韓燒聚聚啦! 由於我朋友遲到嘅關係，一開始得我一個坐低自己燒住食住等佢。入到去見到座位都算闊落，一枱大概有四個位，每張枱中間有個燒烤鐵板同抽油煙煙通，亦有一支食油同鐵夾方便之後嘅烤肉。未叫野食之前黎左幾碟韓式小食，分別係泡菜，海帶同芽菜。個人最鍾意食其中嘅泡菜，唔會過酸過辣得黎調味啱啱好，非常開胃👍主菜單方面採取放題形式任飲任食，主要分為三類，分別係牛/豬/香腸，海鮮/雞/羊同埋菜/麵/飯/湯/小食，個別種類選擇都好豐富，甚至仲有韓式小食好似炸雞，炒粉絲同年糕等。另外餐廳亦有特別推介任叫任食極品安格斯牛小排同埋送韓國街頭小食拼盤一客，非常有心。拼盤用左芝士同辣醬去做底，上面既小食分別有魚餅串，年糕，炸南瓜同大啡菇，炸粉絲卷同埋蛋等等，用鐵板盛載保留熱力之下撈埋芝士同辣醬一齊食非常惹味，個人最鍾意炸大啡菇，炸粉唔會過厚得黎入面嘅大啡菇保留到juicy 口感👍👍海鮮方面個人最欣賞龍脷柳同帶子，整體連同生蠔都好新鮮，唔會有沙。雞同豬方面，醬醃春雞髀，辣味五花肉同特厚豬腩肉都好有驚喜，醃得入味之餘肉質好新鮮👍至於餐廳推介嘅極品安格斯牛小排我同我

作為韓燒黎講，其實有好多選擇，成晚落黎，我地四個都叫唔曬全部的食物總類，我地叫左牛豬雞肉、海鮮同冷麵、柚子味炸雞。服務都幾好，會主動問洗唔洗換燒盤，而且得閒就清碟，好過好多其他地方，叫先叫得yuk😂牛肉整體黎講無話好特別，可能因為其他老友仔本身唔係牛肉愛好者，利申鍾意食，而且睇佢個個餐牌其實都多種類，任叫唔嬲。叫最多係雞肉同魚，快熟好味，特別係個魚柳，5分鐘就食得，煎耐少少更有焦脆口感，多春魚都係另一寵愛，燒同平時bbq嘅感覺唔同，因為燒係任加野食上去，唔係得兩支叉嘅位，然後又唔洗睇住有得坐，適合4 5個人的聚會。冷麵都係我地會encore的嘢，因為本身佢份量唔多，應該係就住放題所以細份d，唔想大家食唔曬lol最開心都係最後大家食到飽曬，但仲有個雪糕送，仲係韓國的水果味雪糕，係本人雪條中的最愛，因為奶味同水果味係超夾，推薦蜜瓜！

第一次黎呢間野食，感覺都幾唔錯。一入去個裝潢比人感覺有趣嘅，因為有好卡通，然後顏色鮮豔，都幾韓國feel lol食韓燒最最最最驚有味，而且都感覺餐廳都幾好，每個爐都有吸氣管，但感覺可以開大少少，雖然好難避免有少少味lol 呢個係去食韓燒唯一的顧慮哈哈佢地嘅肉類又幾好食wow，柚子醬炸排骨個醬好有趣，係柚子檸檬嘅感覺，所以唔會其他韓國炸雞咁油膩。炸排骨都係外脆內軟，油脂啱啱好，所以我地係有encore㗎 哈哈牛肉都肥瘦剛好，但係海鮮就普通少少，生蠔燒完都仲係有陣腥味。有個朋友就超鍾意佢d魚柳，燒左陣好快熟，又香又好滑口。多春魚都好好食，韓燒必叫，又脆口又香，好彩呢度有，而且唔腥。冷面調味好好，但份量偏少，一個人可以叫2，3份。

成班薯仔六點幾上完堂就去左搵食，記得上次有人話想試旺角數字大廈嘅燒肉放題，就上左去試試。上到去見佢地好貼心咁提供BB櫈👍🏻👍🏻抵讚。坐低即刻點野食，店員推介我哋食牛扒同羊架⋯⋯我地不停點，頭round 主攻海鮮，野食轉頭就到，超快！仲未黎得切拎野飲就開始燒了🤩海鮮擺得好靚，蝦蝦好大隻，個帶子盒好別緻，裡面裝住好幾片，咖哩魷魚好入味，扇貝好新鮮，原隻生蠔，鯖魚掂呀，高手在民間！我地個「燒烤專員」燒到外脆內軟，應記佢一功！燒完海鮮就到肉肉，塊牛扒燒兩下就已經可以食，好香，仲有牛脷、雞翼、五花腩、金菇肥牛卷⋯⋯十幾款肉！食到肚滿腸肥。最後甜品有雪條或糖水任揀一款，我揀咗韓國蜜瓜味雪條，好滿足的一餐。PS.佢舊洗盤白蘿蔔好犀利，我地每燒完一轉「洗」一次，燒到最後個盤依然全新一樣，唔洗換盤！very good!

今日去左一間旺角的韓式燒烤，真係幾正所以要同朋友開心分享啦😄價錢抵玩仲係放題來架、款式同選擇多、肉既質素好、海鮮都好新鮮好正！等我每樣野都介紹下先，首先記得一定要訂位啦，好易滿架，食完真係邊個會話放題都係求其比多多野食冇乜質素！海鮮類有大蝦、多春魚、帶子、扇貝、咖喱魷魚鬚、魷魚圈、龍脷魚片、鯖魚、生蠔、蒜蓉芝士生蠔、辣汁生蠔、燒酒蝦！雞肉類亦有雞翼、雞腎、辣味雞肉、調味雞肉、醬醃春雞髀、青陽辣雞粒！羊肉兩種羊脾肉、香草羊西冷！牛同豬的種類都很多精彩，不過我唔講咁多你知哈哈～自己去食仲開心，上肉時都好有心機架砌好哂至上枱真係唔會求其！至多比相你睇下引下你先哈哈😄仲有其他食品及熟食架，應該好難一次試齊哂了！講到咁你都真係想來試下呢！我必定再去睇下撞唔撞到！

見9點半後有七折老豆生日就去試下食物選擇多激辣炸雞真心辣，平日食得辣既我都頂唔順肉類正常，值得一讚係冇味精海鮮幾好食尤其鐘意帶子翻嗌左幾次最尾仲有雪條送食完燒肉食清清地既椰子雪條，正唯一唔太好係飲品櫃條路偏窄

🇭🇰#香港捐窿捐罅記 instagram: foodkiller_dk雖然宜家韓風已經冇之前咁瘋狂 以前好似只要係任何產品加韓式係前面 就好似高貴好高🤷🏻♂️🤷🏻♂️ 雖然我一直都冇乜理尼d 不過我一直都中意食韓燒 有時甚至覺得 拎d日本和牛🐃去燒 好過日式火鍋🥘 今次就係因為我好兄弟生日 所以帶佢食韓燒🔥-首先提一提大家 如果想食尼家 記得係OpenRice book位 有d時間可以有7折🤤 我地埋單平均二百都唔洗☺️首先講一講佢既海鮮🐟 種類幾多 一D平時少見既帶子,生𧐢🐚 都可以任食 而且食得出幾新鮮 如果你煮得好 應該就幾好味😋之後就係炸雞🍗 其實我寫成篇野 就係想講個炸雞🍗 咁我地叫左一份炸雞 食落去外脆內嫩 好味🤤 咁就想叫多份 我就話不如要辣 我見到佢有個'噴火辣' 就叫左尼試 🌝 人生中其中一個最錯決定 其實我係一個係謤仔食開大辣既人 一路都覺得冇辣係難到我既 食完個炸雞 我地個👅成半個鐘 試唔到任何味道☺️ 我食過最辣既醬🔥不過個炸雞🍗真係好味😂最後講講d肉 其實同其他韓燒一樣 唔係太特別 佢既大少有d奇怪 應該大塊d 好感會好d 就比細舊🤷🏻♂️搞唔到食唔出佢真正應該有既味😂

誠推呢間位於旺角既韓式燒肉海鮮放題比大家！海鮮有生蠔帶子大蝦扇貝等，海鮮新鮮選擇又多。價錢$248一位加一，兩小時任飲任食燒肉海鮮黎講算係抵！除左不同既牛肉同豬肉，仲有羊西冷同即食韓式粉絲年糕炸雞小食等。有自助飲品區任飲，泡菜都可以叫服務員無限添食。扇貝肥美新鮮，有手板咁大，成隻連殻放上去燒就得，燒到熟左可以甩開就ok。而燒帶子都好好味！驚喜既係呢度有無限任燒生蠔！而且有不同口味，有原味燒，芝士生蠔同辣汁生蠔選擇。新蠔新鮮，生蠔熟左的話會縮水，我比較喜歡原味燒，蠔味重多點比較原汁原味。記得點一個疏菜籃可以包住d燒肉一齊食。整左個生菜包簿切西冷再加少少泡菜，口感豐富，爽口清新值得讚既係呢度既服務員好nice，服務態度好。見到我地燒到個鑊窿哂，主動幫我地換一個新的。

好耐無食韓燒啦~食親嘅韓燒都係單點，又貴又唔飽，難得呢間係放題形式，唔洗就住就住，食得盡興又飽。食物種類好多元化，由海鮮到各種蔬菜肉類都有，仲有各式各樣韓式小食，見到咁多野食選擇實在難掩興奮心情。前菜特別喜歡芽菜。飲品選擇不多但樣樣都想飲，最後揀左水蜜桃茶。首先燒嘅係西冷牛扒，薄薄一塊，調味剛好，可惜我地掛住講野燒得熟左啲。金菇肥牛，一口size，油份充足香口。仲燒埋雞翼，雞肉，豬肉，豬皮等，質素不俗。海鮮少少地燒左啲蝦同帶子，魷魚圈，同芝士蠔。小食叫左炸雞，好味呀，柚子醬更具韓國風味。炸得唔乾又多汁。韓式炒粉絲呢個水冷麵必食，食完一碗再叫多碗，麵質超彈牙！最後仲有甜品，係紅豆西米露，西米好大粒好腫，但又幾好味喎！

原來不知不覺間我已經有成年無食過韓燒咁濟，突然諗起所以決定約個朋友去食韓燒，搵搵下見到旺角有呢間叫Running燒 咁我地就諗住去試下，晚餐時段一個人二百幾蚊，都可接受既價錢。位置係旺角同太子之間，旺角地鐵站行過去都近既，5-10分鍾就到。餐廳環境:餐廳環境都算唔錯，一坐底店員就拎左三款前菜過黎，味道正常，不過如果有土豆絲的話必得更好。另外出面有個飲品櫃，選擇都算幾多，我個人覺得桃茶最吸引哈哈，keep住飲；仲有個area係可以比你拎醬，d醬都幾好味。餐廳餐牌:餐牌主要分為四張，其中一張係最後先會比你既一次性食甜品，有韓國雪條。另外三張就包括 (1)牛豬香腸 (2)海鮮雞羊 (3)菜 面 飯 小食 湯，我覺得選擇算係唔多唔少，都可以接受既，咁但係就無出面散叫肉既韓燒咁多款式揀。餐廳食物:Running燒既質素絕對係唔錯，先講肉既部分，烤肥牛同金菇肥牛卷都好唔錯，夠薄又好味，雪花牛仔肉同西施牛肉片就肉汁幾正，夠哂Juicy，薄切西冷都好味，不過要提大家牛類都唔好燒太耐，如果唔係會好硬。五花腩同豬肉腸仔類都唔錯，不過我竟然覺得呢到既牛好食過豬，因為平時會覺得食韓燒一定係食五花腩，Runni