Running 燒 (已結業)

難得今日早收工, 又有腦細萬歲, 梗係食盡佢啦, 最好的選擇當然係放題啦。呢間韓燒放題可以用直昇機黎形容 - "值值值值值..." 1: 地點方便不在話下, 旺角地鐵站出去行一陣就到, 2: 食物/飲品選擇很多(下面再詳細介紹), 3: 服務員個個都好有禮貌。我地有6個人, 餐廳就比左兩個爐再加多張枱仔, 坐底後馬上比左D前菜有泡菜/芽菜/海帶。我地當然係快快手點D野食先-炸物有炸雞/餃子/魷魚鬚, 最難忘嘅係噴火炸雞, 有3種辣度, 最勁果隻噴火辣, 嗜辣的人都要飲成罐汽水先可以解辣, 真係會噴火, 想挑戰嘅朋友可以試下, 本人覺得小辣岩岩好。我地仲點左韓式炒粉絲同阿珠媽靚湯, 味道好OK。雪櫃入面D飲品都係任飲。燒物又係好快咁上哂黎, 我地點哂全部海鮮 - 扇貝/生蠔/大蝦/魷魚/帶子/魚片等等, 樣樣都好新鮮。雞牛羊豬都有, 最正是薄切西冷牛扒, 肉汁充足, 口感軟淋，所以呢個一定要ENCORE。 最後食完仲有甜品, 每人可以揀一款雪條或者中式甜品。呢餐真係好豐富, 食到飽飽, 又要做多幾日運動減減佢喇 LOL

朋友自從上次食完燒肉放題，真係上左癮，經常叫我陪佢食，好，就問下邊間好食先，同事介紹這間食店，好，今次就去試下這間先。去這店真係方便，出地鐵行過去都係幾分鐘，方便快捷。上到去，地方唔算大，但都算舒適。食物方面，海鮮同肉類都好多選擇，大蝦、带了非常新鮮，扇貝、生蠔等也鮮味十足，口感豐富。肉類和蔬菜種類都好多，樣樣都想試，結果每樣都叫少少。最喜歡西冷牛扒，簿切，韌度適中，香味濃郁，叫左幾次。仲有飲品任飲同甜品，飽晒！

呢排天氣咁凍，緊係要去圍爐取下暖啦。今次黎旺角試呢間韓燒放題！其實之前已試同同事食過，佢同普通既韓燒有少少唔同，佢舖面相對較細，所以人無咁多的，無咁大壓迫感，舒服d！呢個場既裝修同氣氛相當年輕，一入門口已經係好強既泡菜音樂，睇住兩個大電視不斷播住泡菜mv，胃口都好d！不過傾計就要大聲d啦！我認為一間韓燒好定壞，係有3樣野需要考慮既，首先係"架餐"。呢間running燒爐具新淨，夾呀，油樽呀無油淋淋既感覺，佢既吸油煙機亦相當強勁，最正係臨走前可以用佢地提供既消臭噴霧噴一噴，即刻咩味都無哂其次就係佢既"醃料"，食韓燒，我就係個廚師！好唔好食就係睇佢既肉醃得夠唔夠，入唔入味，係呢個全部冰鮮急凍既年代，d肉都無話新唔新鮮。我幾鐘意佢既辣味醃料，少少辣零舍開胃，加上自由斟既蒜油豉油，夠哂滿足！另外仲有大量飲品選擇，唔驚口渴！第三就係服務，可能鋪仔細細既關係，人手好足夠，除左落單上菜快之外，職員都好貼心，換鐵板故之然唔會托手踭，甚至見到我地燒唔掂，主動問我地換過個好唔好，值得一讚！另外，佢地都有提供蘿蔔比我地做簡單既清潔，當堂襟玩好多。綜合呢3點，我絕對推薦大家食呢間韓燒，另外佢既小食都好豐富，泡

因為睇完running man 之後突然好想食韓燒，諗返起無幾耐前食過呢間running 燒，覺得幾好，一於再食😝我book左6點，無諗過已經有8成坐滿人，而且到後期都陸續好多人，好彩自己有book hehe😎嚟呢到食主要覺得好抵食，因為佢除左有韓燒的機本燒肉放題外，仲有海鮮：帶子、生蠔、扇貝⋯⋯今次依然要食呢d！生蠔口感爽滑，蠔味濃得黎又非常鮮甜，不錯不錯👍而帶子刺身就食得多，燒完先食就少d，不過燒完又有另一番風味，仲好嫩滑😋肉類方面：豬牛雞佢都有得食，以任食價錢黎講，質素亦不會差，不似一啲任食餐廳比d低質素嘅肉。而且佢仲有小食，小食是炸雞，本人非常喜燒炸雞，呢個算係bonus🤣因為呢個價錢食到咁多嘢。特別一提係炸雞可以揀辣度：小辣、中辣和噴火辣。本身想挑戰一下，但噴火辣真係好好好好好辣🤢結果是失敗的😵食到辣的朋友可以試試。

今晚來個食飽飽，韓燒價錢又抵，仲有好多既食物選擇！海鮮、牛肉、豬肉、雞肉，仲有熟食，飲品任飲，真好海鮮有好多款，大蝦鮮甜大隻，帶子圓大而味鮮，扇貝好新鮮，魷魚圈爽口，生蠔味道豐富，燒酒蝦焼完有陣陣酒香菜類可中和下肉既膩，而且健康點！生菜藍新鮮翠綠，金菇菜及杏鮑菇鮮甜多汁，茄子燒到剛好，味道清新牛類我喜歡烤肥牛，牛脷粒，特別甘味雪花牛仔肉好林身，西施牛肉片、牛仔骨、牛柳粒、牛柳片全部都好香牛肉香薄切西冷牛扒不厚肉嫩特別的是金菇肥牛卷，肥牛味入滲金菇中，推介呀豬都好吸引，厚切豬腩肉肥肉均衡，豬大腸甘香黑豚豬肉肉味鮮芝士腸脆囗五花腩入口林而不膩，辣味五花肉有調味，味道不錯豬梅肉林軟肉質，味道鮮豬皮軟滑，口感特別炒年糕好辣同香口，其他熟食有炸餃子、炸尤魚鬚、水冷面，好多可楝

今晚同朋友食韓式燒烤，仲要食放題，一諗起就岩哂我呢位食肉獸喇，哈哈裝修同我去韓國當地既燒肉店差不多，仲要地方乾淨，有抽氣管排氣而食物方面，我望住張order紙，見到好多類型既食物。當然有牛肉，豬肉及雞肉啦，味道都預早調好味，入口肉質都幾香。而且還有燒豬皮，呢下吾錯，不過大塊d就仲正喇。五花腩肉，我叫左幾次食，呢款真係必食既，味道一流，我覺得辣味好食啊最正就係有海鮮比你燒啊，嘩有蝦，蝦都算幾大隻架，肉質實淨。帶子就用魷魚圈包住，幾有心思，當然仲有燒蠔等。有韓式飲品提供，成支樽庄蜜桃茶真係少見。韓式地道方形雪條就更係指定動作啦韓國燒烤有炸餃子食，皮薄脆，而且鮮味！炸尤魚鬚又香脆，尤魚又新鮮，好味整體食物味道good, 地方四正，店員招呼非常貼心，換爐面都換左3次了。比個叻讚下先

又黎食韓燒，book 左7:30 ，吾駛等好耐就有位，坐定左與隔離檯都有距離都好舒適。海鮮有帶子、蝦、魷魚、多春魚同埋蠔，全部都好新鮮，蠔有幾款吾同配料味道，牛肉、雞肉同豬肉每種類都有多個部位同埋用吾同醃料醃，味道啱啱好，真係吾知點揀 ，勁愛西冷牛扒、牛舌同牛仔骨無添加任何醃料都好入味，肉好嫩，推介之選。仲有至愛雞翼，好貼心由雞翼中間剪開好快就熟，豬腩肉好好味一0的都吾覺肥。吾止韓燒，仲有炸雞，有勁辣味、柚子味同原味，炸雞完全無骨，出面好脆入面好滑有汁，堅要比3個like，一定要提一提個辣味炸雞，喜愛食辣嘅人一定要試，測試吓自己食辣嘅程度，佢辣得係有味道嘅，我只係食到中程度嘅辣，一食落去條脷似被灼傷，跟住條食道著埋火咁，即刻要飲返罐可樂降溫，但係會仲想食。以呢個價錢絕對係抵到爛，一定會再黎！

同朋友行街加dinner，大家都想食韓國嘢，諗起之前食過呢間韓燒又有炸雞又有燒肉幾正咁，決定再戰!見到用APP訂位同早食會有7折，我地當然唔可以唔用喇雖然話早食，但去到餐廳時都已經有好多人了，好彩有BOOK位hehe因為好肚餓，我哋一坐低即刻叫左D小食先，年榚一份大概有5 6條，唔算多，而且好有韓味，辣咪又適中，拎黎當前菜剛剛好。小食更係唔少炸雞，食韓國野係必食小食之一，呢到D炸雞可以自己揀件數，所以份量唔會話太多太少，咁就唔會未食肉前食飽左haha佢有3種辣度，尤其噴火辣真係會辣到嘔，有興趣的人可以挑戰一下;而原味甜甜得黎又香口，好岩我食之後要回本緊係唔少得海鮮類喇!! 以咁GE價錢食得咁多海鮮:生蠔、帶子、扇貝等等等，而生蠔隻隻都肥美之餘都幾鮮甜 GOOD!跟住就到戲肉: 肉呀!!!佢有好多唔同種類GE肉(雞豬牛),差不多每款我都有試D最出色係牛肉: 唔會太韌, 脂肪雪花分佈平均得黎又唔會太多到最後唔夠飽, 決定再叫多個辣面, 面唔會好稔或好硬, 好味! 除左自助飲區, 仲有一D酒精飲品可以叫, 不過就要加錢

依個building有好多餐廳，今次就同朋友揀左韓燒 running燒。雖然鋪頭唔太大，但係都full，好彩朋友有book位👍🏼一去到會有三款小前菜:海帶，芽菜同kimchi 芽菜較好味，另外兩樣就一般有一個小型自助區，有支裝同罐裝飲品櫃同幾款醬自己裝。以韓燒黎講依家都幾多海鮮揀，叫左蝦、蠔、帶子，無諗到連魚都有。朋友食左普通蠔同芝士蠔，但係芝士會比較厚身d 。帶子比想像中大隻，比蠔更好，推介帶子多過蠔。其實蝦都幾好味同算正常size, 食左兩輪，隔離枱都有不斷order 海鮮，應該係幾受歡迎。不過魷魚圈比較難燒得熟，建議叫熟食的魷魚會方便d😆至於魚方面，有鯖魚同龍脷魚片。個人覺得鯖魚幾入味，燒起上黎會方便d。 如果大條d同有一d醬油提供就好啦。一去到仲有個special另外order的 牛小排，店員提醒我們只係需要燒一兩下，就食得😍。我們仲試左豚肉、羊肉同金鈷牛肉卷。朋友話兩款羊肉都唔錯，但我自己就prefer牛肉卷多d。 如果怕太油，想健康d,可以叫生菜包同其他蔬菜。自己就覺得茄子同鈷類都幾好juicy, 唔會切到太厚，方便快d熟，可以食多幾輪😎。除左肉同海鮮，都有試到熟食。叫左原

今日約左朋友去左旺角行街，天氣又凍就想食燒烤，上網search 到running 燒任食燒肉放題，好抵咁就試下啦menu 有燒海鮮、牛、豬、雞同羊任食不過我唔食羊餐飲任飲首先叫左海鮮，有生蠔、帆立貝、蝦，帆立貝都算大粒，幾新鮮，生蠔仲可以任食，仲有芝士蠔，放題少有仲有多春魚同帶子，新鮮肉方面主要叫牛同豬，有雪花牛、牛肋骨、牛柳粒、牛柳片&西冷牛，好多款式，當中牛柳片幾入味、有牛味、肉質鮮嫩，值得推介另外都有叫五花腩、芝士腸、香腸、炸雞、年糕，份量可選擇幾多件，不用怕份量太多燒牛絕對唔可以太耐，好易燶食得肉多，就叫下蔬菜，有生菜、南瓜、金菇同冬菇，可以包肉食平衡下每人有一樣甜品，有西米露同雪條，我揀左芒果雪條，好食最後每人買單$248，有機會再試

雖然今日喉嚨痛，但係朋友請食飯，仲要係食佢最愛嘅燒肉，咁就唯有畀面出席一下啦！一入到舖頭，見到唔算太多人，唔使等位就可以入去。裏面都算幾乾淨，所有設備又已經準備好，一坐低就可以叫嘢食。可選放入爐燒嘅嘢食大概有呢三大張紙，款式都算幾多元，而且比較仔細，每款燒肉都幾講究，唔係就咁雞肉、牛肉、豬肉就算數。飲品就自取嘅，熱水、熱茶、醬汁就係另外一個櫃，所有嘢都係自取算係幾自由。一黎到既金菇牛肉捲，貌相非常之吸引。本身我認為金菇應該好難燒得熟，因為畀嚿肉包住咗，但係朋友就就冇乜所謂。燒落又真係幾容易，好快就得食啦。生菜包嘅生菜非常新鮮好大塊，而且好夠水分。我哋每份肉類都點咗少少，餐廳就畀咗呢個拼盤碟我哋裝住。 餐廳仲將我哋點嘅肉加以發揮，中間嘅牛肉仲捲咗花添。薄切西冷個賣相非常唔錯，面頭嘅蜜糖汁仲好香，燒完可以鎖到個水分，咬落甜甜地，好好味！我哋叫咗少少海鮮，當中嘅帆立貝同埋蝦就好令我印象深刻。帆立貝燒一陣就食得，唔使成隻熟曬如果唔係就會好韌 。而蝦燒熟咗之後，橙紅色個樣已經令我流曬口水，有陣好香嘅蝦肉味，而且仲有少少蝦膏，好正！最值得一讚嘅就係呢度嘅柚子汁炸雞，炸雞脆脆既口感加埋柚子汁酸酸甜甜

係旺角食肆林立日式放題食得多，趁天氣轉涼去食韓燒放題都係唔錯選擇。見食評大都話呢到D食物好新鮮，而且海鮮類都唔少，價錢亦唔算貴，就約朋友去試試。我哋8點到，用膳時間110分鐘, 即係可以慢慢燒, 唔使食得太急。座位隔間亦算寬鬆, 抽氣系統都唔錯唔覺好大煙。傳統韓燒要自己去拎食物, 呢到用點菜紙, 寫好交俾店員, 廚房準傋好就送上枱, 而飲品和調味料就要自己拎。坐低後我哋海鮮和肉類每樣叫小小我哋, 睇吓邊D新鮮邊D啱口味再reorder。海鮮和蔬菜䫶最先到, 有大蝦、扇貝、 帶子和蒜蓉芝士生蠔睇落都好新鮮, 急不及待放係鐵板上燒烤. 我哋點的烤肥牛、雪花肥牛、薄切西冷牛扒和金菇牛肉卷, 外觀都好新鮮和上碟擺置亦好靚食慾大增。烤了好一陣，大蝦和帶子先熟，終於可以食啦！大蝦肉質好彈牙，帶子有鮮味。之後是烤豬頭枕, 黑豕豬肉和香草羊西冷； 由於是薄切，唔使燒好耐就嗅到陣陣肉香，沾小小醬油己經好好味；再來的雪花肥牛，肥肉分佈好均勻入口即融； 薄切西冷牛扒，雖然切得薄薄，但燒到微焦食落唔錯。最後韓國MELONA水果味雪條做甜品，完美！以食物質素來說，人均消費＄273 算合理； 如果 21:30後入

食得放題，最開心嘅就係有好多選擇～呢間RUNNING燒一次滿足我幾個願望有炸雞、燒肉，仲有韓式炒粉絲～～韓式餐廳賣點之一當然唔少得無限refill嘅三小碟，開開胃先啦肉都有好多唔同種類，牛方面試左牛柳片、牛柳粒、金菇肥牛卷同薄切西冷牛扒，個人最喜歡西冷，肉味夠濃另外仲試左豬頸肉、豬皮、豬梅肉、雞髀～～燒完每款都好JUICY同埋最抵係有海鮮TIM AH～大蝦好新鮮，魷魚圈超厚切本身對炸雞無期望，但點知仲好食過個D專門店，炸漿好薄，仲可以選擇柚子味雖然已經好飽，但都忍唔住同個FRD食左兩碗水冷麵，因為真係太好食～麵質彈牙又爽滑甜品除左MELONA雪條，竟然仲有時款西米露，西米好大粒但唔會腍

天氣開始凍啦，要食返啲燒肉暖下身體啦！對於一個大食嘅人，就梗係簡返啲任飲任食架啦。去到餐廳，就當然係瘋狂落單啦，然後啲野食就陸陸續續送上黎啦。首先上菜嘅係一啲前菜黎，就係泡菜呀，芽菜等等。呢間燒肉店有樣好特別嘅野，就係佢會有舊蘿蔔俾你清洗爐上面嘅污積，咁樣我地就唔使成日都要換塊鐵板了。第一道上黎嘅係芝士生蠔，呢個生蠔都算大隻，配上芝士真係唔錯。之後就黎左冬菇，都幾大粒，幾好味。肉都一定係燒烤嘅重頭戲！黎到有五花腩肉同金菇肥牛等等，燒落都好好食，啲肉都好新鮮，食起上黎都有好多肉汁。除左燒肉外，呢度仲有辛辣麵，炸魷魚同炸雞食。所以除左燒肉外，仲可以簡其他野食，而且呢間仲有好多唔同嘅海鮮燒，有好多選擇。加上亦都有好多唔同嘅飲品！今晚都食到好飽！好滿足！

食肉獸、牛魔王喜訊呀，今日來了旺角running燒，仼食仼飲燒肉，我目的今次專攻牛肉，一坐低就急不及待點了各款牛肉，要食晒不同部位。點了一口牛、牛肋骨、金菇肥牛卷、牛柳粒、薄切西冷牛扒、牛舌......等等！全部都醃得好入味，不需要再加調味料。我較為喜歡金菇肥牛卷，薄薄的肥牛包住金菇，放落去燒好易就熟。另外西冷扒都正架，先燒到一面轉色立即反另一面，能夠鎖緊肉汁，又不會過熟，非常好食！當然都有點海鮮類，燒蝦、帶子、扇貝、魷魚、多春魚、燒生蠔。各款都非常新鮮。最後一定要食埋韓國雪條，一人一枝，椰子味好香，質感好好，咬落去軟身的。