Running 燒 (已結業)

細佬終於唔係長期糧尾，佢提早同我食生日飯😭 令人感動喔！ 仲要揀左依間我想食好耐既韓國燒烤😍 我地兩姊弟好鍾意一起追看running Man,邊講邊笑， 所以對依間running 燒特別地有衝動想一起去試。-一入門口，聞到香噴噴 職員安排左座位，我地開始發功了💪🏼為左依一餐，lunch time 剩係食左麥皮ja-放題種類多,分類有：燒肉（牛、豬、雞、魚）、海鮮、韓國料理，例如：炸餃子、韓式炒粉絲、阿珠媽靚湯等等-食韓國菜的時候，一坐低有幾碟前菜最先奉上，除左例牌泡菜外,仲有涼伴芽菜及海帶。 涼拌前菜吃來爽口開胃。還有白色的刷，用來刷去爐的焦。初時遠看還以爲是白蘿蔔😅-因為太肚餓，我們先點了些熟食😋食物冇漏單之餘，亦很快送上。食物質素亦很高，一點也不馬虎。我們encore 了好幾轉。💯熟食方面：🌟炸雞及炸餃子炸雞無骨啖啖肉！新鮮熱騰騰夠哂酥脆最愛柚子炸雞，柚子的清香令味道更不單調。P.S 炸粉夠薄！炸餃子有泡菜/韭菜。兩款都很喜愛！內裡餡料多；韭菜的香、泡菜的酸辣都幾惹味。-🌟什菜沙律食左咁多肉，叫左份沙律減輕一下罪惡感🤫想不到那麼大盤😋沙律菜嫩綠新鮮，車厘茄超大粒，爆多汁！好鮮甜-

因爲工作忙碌，上個月的情人節沒有花心思去慶祝🥺 話哂第一個情人節咁就過左了。所以3.14 白色情人節補數😬 今晚黎食好野，Running 燒！ 韓式BBQ😋-餐廳寬敞舒適，職員禮貌地安排我哋坐著近窗邊的座位。放題menu 有好多選擇 ，有海鮮、肉類、蔬菜、韓式熟食等等。限時110 分鐘😋We are ready 💪🏼-我們每款都點了些來試試，用料真的新鮮。有很多都值得推介。P.S 餐廳有一些特色飲品及醬汁，自行去取。-我們最愛的有😍：❤️金菇肥牛卷薄薄的肥牛片包著清爽的金菇，點上酸酸甜甜的韓式烤肉醬，很惹味。-♥️五花腩|辣味五花肉五花肉醃製入味，五花腩肉質相對軟腍鬆化。兩者油脂分佈平均，經烤過後，油脂溢出，香味爆登。-❤️蒜容芝士生蠔生蠔新鮮肥美，看著豐盈澎湃的芝士慢慢地溶化，有種莫名的開心。口感很creamy 👍🏻-♥️大蝦、帶子大蝦及雪白帶子很鮮甜！ 帶子有點難烤，我乾脆把它放上蠔殼慢烤😆-♥️雞翼由細到大，都鍾意食雞翼。 但烤雞翼真的很花耐性，男友烤得皮脆肉嫩！ 正-❤️水冷麵這份冷涼爽滑的水冷麵，口感煙韌配料有蘿蔔絲、青瓜等。湯底酸甜清涼，吃罷有種清新感覺-♥️韓式炒粉絲韓國粉絲用蕃薯製作

今次我地坐左係個轉彎嘅位，但係真係要讚d staff 都無扮睇唔到，好醒目又快手！一尼叫左個沙津，有啲surprised 因爲都幾大份！但係好新鮮，啲車厘茄超大粒同埋有少少醋，幾惹味！running 燒比起其他韓燒多好多海鮮選擇，個扇貝都係好鮮，仲要唔會好似出面個啲勁多沙，尼個就算玻璃肚都可以放心食呀啲牛都係要推介架！佢幾款嘅牛都好好味！佢醃左個啲好香好惹味，忍唔住要encore!同埋佢都會主動換個爐底！仲叫左個水冷麵，口感好好，同埋真係冷！之前食過啲唔係好冷haha特別特別推介尼個韭菜餃！首先一上到尼唔係燶哂黑哂已經值得讚，再食落去個邊係香脆，食落去好香，就算你本身怕韭菜個陣味都唔使驚，佢整得真係好高質！值得一試

好耐無食過韓燒喇小妹～今日就搵到running燒！睇到佢嘅menu比我想像中多好多野食揀！估唔到海鮮麵有唔少，同埋有啲又有醃到，唔錯！同埋都有雪櫃俾你揀飲品，汽水同各款茶都有，都唔少選擇，酒類就要加錢喇分門別類咁樣上，而且無漏單，好好，唔同味嘅野又唔會擺埋一齊！今次呢就要推薦大家試下尼幾樣野1） 柚子味炸雞！一尼到太肚餓就叫左先，佢個柚太汁好重味，而且好夠，成塊炸雞都有，跟住舊雞都係好鮮，好嫰滑，有啲出乎意外嘅好味！同場加映：珠媽靚湯少少辣，不過作為開胃湯飲下都係唔錯架！2）跟住要推介啲海鮮喇！佢竟然有芝士生蠔！作為芝士愛好者一定要試下！真係拉到絲架，好香嘅芝士味，而且生蠔本身都唔會係好細隻個種！海蝦都係好正！彈牙厚身有肉

有咁多海鮮都已經值回票價！！！除左有收費既飲品外，店內都已經有免費任飲飲品櫃！！！熟食都有好多選擇，湯，小食，冷麵，當中炸雞都好食！！！依到個燒烤爐無爐邊烤蛋，都有好處既，因為個人經驗之談，如果有烤蛋，烤完蛋好大陣燶味，再加蛋液想再烤都有陣燶既苦味！！！前菜泡菜最愛前菜大豆芽！！！可以免費添加的！！！海鮮大雜燴！！！同樣係任食的！！！份量足！！！依到既自助醬油部有蒜蓉提供，燒生蠔燒扇貝，放蒜蓉同數滴油黎燒，味道更野味更香同唔會燒到乾身！！！全部燒肉都好新鮮，無論牛豬雞羊類可供選擇既部份都好多！！！韓式炒粉絲，有d伴菜炒口感豐富，不過偏淡無咩味！！！腩肉層次分明，自身既脂肪燒出黎個d油脂，好香口好好味！！必燒既部份之一！！！~牛肉嫩口調味醃得好入味，好薄既關係真係燒兩面幾秒已經食得~

@肉類選擇繁多！！！豬+雞+牛+羊...等等，重要各細分部份！！！真係多到花多眼亂！！！推介：豬腩肉，羊脾肉，牛粒！！！炸魷魚鬍，好野味，進口夠脆無淋到！！！@依到既海鮮選擇好多，重點係新鮮，真係好抵食！！！@水冷麵，依個勁好味，調味清而不淡味！！！冰冰涼涼透心涼，麵條口質爽彈，起初d麵黏住一團的，用筷子大力發開去就會一條條！！！@依到真係好，點幾多隻蝦真係會比足幾多隻，鐘意食蝦既朋友仔一定滿足到！！！不過正正因為會比足份量**（大家不要點多食唔曬浪費食物喔！！！）@生菜，燒完肉夾住生菜食一流！！！@燒金菇時，浸點醬油伴燒，會無咁乾同入味！！！@雜菜沙律，色彩繽紛，車厘茄.青瓜等等，蔬菜新鮮爽口，清洗得乾淨，口感十分清新！！！@依個係韓式湯，有d洋蔥豬肉片，熱騰騰，飲落好暖胃！！！

彌敦道726號唎座大廈好多野食，之前係到唎座大廈食野既時間部lift停過唎層見到個門口多人到塞爆唒個門口原來係因為$238就有得任食110分鐘，咁抵唔怪得咁多人啦點餐紙同其他放題一樣寫人數件數啦，真係食得唒先好嗌，寫幾多件又真係跟足，唔會亂咁俾牛肉、豬肉、海鮮、蔬菜／其他熟食程類都好多前菜３種任添唔係有４樣野咩點樣３種呀？舊蘿蔔係用黎清潔塊鐵板既，不過都可以加既應該真係好有用，燒蕉左痴住係塊鐵板既都清得好乾淨，食到最後唔換鐵板都得，不過你想換既都可以搵貼員換飲品有唔同既罐裝飲品同汽水，仲有支裝茶食燒食點少得解茶不過酒類就要加錢喇簿切西冷牛排真係有平時塊西冷牛排咁大塊水冷麵正，彈牙，味道清淡，食左３碗食完可揀一款貼品炸野好熱舊蘿蔔清楚較果真係好勁

朋友介紹過旺角有間好平好抵食既燒肉店咁岩同男朋友又黎到旺角搵食就試下呢間高人氣燒肉店我同男朋友2個人揀左早啲既時段有一半已滿人 記得預先訂位!7:30前埋單離坐仲有7折 好抵入座時已見到有幾個前菜都係可以免費refill男朋友話個泡菜幾好味野食既選擇都唔少除左普通豬、牛、雞之外呢到仲有少量海鮮同羊肉不過我地唔食羊肉 所以就無試到啦海鮮類我地試左蠔同扇貝芝士蒜蓉焗蠔雖然唔算大隻 但燒左都幾惹味肉類黎講我地都幾鐘意上面呢幾款味道調得唔錯甜甜地 燒左幾好味至於熟食類都做得幾好有炸雞、韓式餃子等等最特別係呢到有水冷麵食而且仲好好味 我地不停encore!!至於飲品係自己拎 有韓式飲品亦都有道地既解茶 可以解下膩到最後就每人送一枝MELONA雪條有比較少見既椰子味 不過我都係鐘意蜜瓜味多啲整體黎講食物不過不失以百零蚊價錢黎講真係都算抵食

第一次食韓燒燒汁都冇..間鋪感覺好逼..都唔明呢5百幾個讚點黎...啲生蠔燒到2046都味食得..仲要埋單都唔平..完全唔值呢個價錢..唔會再幫襯..同埋啲肉感覺都唔新鮮

老豆最鍾意食韓燒！食牛！食海鮮！今年佢生日，我哋就靜靜雞訂咗呢間叫Running 燒既餐廳，貪佢有好多種海鮮同肉食選擇！呢度既音樂同埋佈置都好似去咗韓國咁：）去食韓燒最驚好大陣味，但係佢嘅椅子係可以放衫放袋，所以自己既物品唔會太大陣味。佢真係冇令我地失望！點左嘅嘢食全部齊單上枱。一盤盤嘅海鮮真係好吸引<3 帶子大大粒, 大蝦有成隻手掌咁長...咁多款海鮮入面我最鍾意食芝士蒜蓉生蠔, 超級惹味！啲蠔都夠肥仔～ 好耐冇試過一次過食咁多海鮮喇好開心！肉類嘅選擇亦好多元化，牛羊豬雞魚樣樣齊。仲有唔同嘅味道可以選擇。我特別鍾意食羊髀肉~同埋佢嘅雞翼係好貼心咁樣剪開咗, 等你可以快啲整熟飲品任飲性價比great!

韓式燒烤唔係成日食但食親都一定要搵一間通風好少少無咁油煙味重既呢間韓燒每張枱都有抽油煙機慢慢食都唔會成身油煙味呀！除左有唔同既肉類同海鮮 仲有飯 麵 湯 小食呀先點左個炸魷魚酥做小食好香口 唔會好粉 新鮮炸起都幾好食魷魚仲好juicy呀😍最愛燒蝦 燒帆立貝同金菇肥牛燒蝦好新鮮 爽口彈牙呀！帆立貝大大粒 本身已經有啲調味啊好食到朋友自己食左5隻🤣自己燒有得玩之餘仲可以控制到啲牛既熟成度一路燒一路傾計好enjoy!!!

友人生日，話想食韓燒，於是梗係上OpenRice到搵食啦 因為想揀地點就腳既，所以選擇左太子/旺角，搵搵下見到呢間評價幾高既韓燒，同埋食物種類都多選擇，感覺有別於一般港式韓燒，睇到網友既相片，發現到有我至愛的豬皮，嘩，即刻眼，於是就揀佢啦🤣我係透過OpenRice 訂座的，好方便，第2日餐廳打黎Cfm喇整體黎講，食物質素係唔錯既，但時間太少喇，得110分鐘，食得好急，我地一行七人，個個都食到好似打仗咁，加上上菜有點慢，我地就要好急咁快燒快食，完全未能好好品嚐美食原本我地有帶蛋糕去的（因為朋友生日），但根本唔夠時間，所以最後要朋友拎走蛋糕，回家吃囉所以打算黎慶生的朋友，不要拎蛋糕黎啦PS： 人多唔會再去，人少可以考慮

今日同朋友旺角行街行到倦倦地，隨意揾到一間叫 "Running 燒" 既樓上韓國燒烤，見到時間尚早，吾駛同人迫，就決定上去食！一打開電梯門，已經有一二十人，心想而家先5:40 左右，已經甘多人，原因係分時段優惠，幸好都可以有位入座座，免得掃興而回，餐牌分類鮮明，海鮮有生蠔，再分原味，辣汁，蒜蓉芝士，海鮮特別係大蝦，扇貝，帶子都鮮味好味，牛類都細分多種，最欣賞西施牛肉片同牛柳粒，豬類都有不少類型，最喜愛既熟食係韓式炸雞，不過中辣都好勁，湯面類一定要食呢個"水冷麵",有冰粒青瓜紅蘿蔔絲，入口清新，麵質爽口一流，重有汽水任飲，最後還送上韓國雪條一支，埋單兩人都係 $381，原來有 7 折，簡直覺得今晚好滿足！正！

好耐無食過韓式燒肉了今次朋友話想食 佢睇openrice揀左呢間都真係唔錯 200多一個而且地方都寬敞 每個爐都有個抽油煙機好多海鮮好多唔同款式既肉呀最愛大蝦 帶子 一口牛脷粒大蝦好大隻 燒完之後食啲肉仲好爽口彈牙帶子雖然唔係jumbo size 但係燒完加左醬油都好香一口牛脷粒2面燒大約12秒就得好香 太熟會唔好食會韌架.金菇肥牛卷平時串燒店就食得多自己燒都係第一次 好得意.除左燒物 仲有好多水冷麵 烏冬 炒粉絲等等可以點 中和返燒肉既油膩感。.食飽飽仲有得食返枝雪條添呀好滿足。

 又嚟都到好辛苦嘅星期一 !!辛苦工作完一日後緊係要同朋友仔般旺角食番餐好㗎喇!!朋友係韓國嘅FANS! 決定同佢黎食韓燒 食番餐勁既!!韓燒就梗係唔少得韓國嘅泡菜啦、仲有炒大豆芽~~海帶~~呢塊白色嘅蘿蔔最初都同朋友研究緊係有咩用架呢? 唔通係就咁燒黎食既? 一輪研究之後，直到見到隔離枱有人攞嚟擦獲，我哋先知原來係攞嚟咁用既XDDD 真係大鄉里啦我地orz 就算呢間係一間韓式燒肉放題，選擇都真係唔少，質素都好高。估唔到竟然仲有海鮮食喎!!因為最近有d皮膚敏感，所以海鮮都係朋友食既多，聽朋友嘅形容，嗰啲海鮮都幾新鮮、幾高質~食熱辣辣既韓燒 ~~ 當然要叫返個水冷麵--我既至愛嚟食啦~~一啖熱辣辣嘅燒肉配凍冰冰嘅水冷麵~非常之彈牙~又有口感~簡直係人生一大享受xdd臨尾竟然仲有甜品畀我哋揀添呀~雪條ok幾好味呀~食完熱辣辣嘅餐有返啲涼浸浸嘅嘢都幾開心嘅~餐廳都幾多年青人嚟幫襯~環境都唔算話好重嘅油煙味~抽風都ok~重點係喺旺角!地理位置超級方便!價錢又唔貴喎~都推介畀鍾意食韓燒嘅朋友 ~嘢飲除咗酒精之外都可以任飲~仲有個細細哋嘅自助醬料區~好鍾意佢啲蒜蓉好夠味~嘢飲方便都係以罐裝汽水、罐