Running 燒 (已結業)

呢日興致勃勃，想BBQ同食海鮮，所以就上網搵左呢間韓燒，拉埋個舊同事黎食。去到門口，醒起原來半年前食過，認真無記性。哈。$148至$278，按小童長者成人同時段收費，另加一。午巿放題、晚巿時段1930前結賬離座或2130後入座，全單7折。幾抵咁咁既價位有咁多海鮮揀，連生蠔都有，較少有。野飲選擇有甜有吾甜食bbq飲茶感覺無咁邪惡。仲有餐前3小碟提供，果然係韓式BBQ泡菜微辣，酸度適中，幾岩我口味。開動了，好豐富丫。燒燒下，可以食下熟食調製下，無咁悶。炸魷魚同炸雞新鮮即炸，炸皮脆身吾厚，好味，一d都吾hea。水冷麵個題底吾錯，吾會太淡味，賣相都幾吸引。年糕湯有年糕芽菜，個湯有淡淡胡椒味。個火夠強，唔洗一陣就燒完一round。再黎呢round主要係燒海鮮。生蝦肉質彈牙，帶子有鮮美，好食。生蠔吾係細細隻，好滿足。蒜蓉芝士有另一番風味，重口味人士必叫。每人2百幾蚊任飲任食，又有BBQ又有熟食，質素仲要係中上，以旺角地段黎講，絕對超值。舊同事都讚無介紹錯，話會同囡囡再黎食，認真比面 。

當晚爲姨生仔慶祝生日，年輕人都喜愛韓燒，限時関係要齊人先入座， 但入座前才知當晚生蠔已沽清， 其實在門外等候已經有十五分鐘，餐廳應該事先通知， 不是在入座時才出聲。一行八人兩個爐，檯面地方很少叫完食物已經沒有位置放， 唯有密密燒密密叫， 海鮮生食出菜還可以，但熟食如炸雞則又耐又漏單， 其實任食已經預咗食物質素普通，但服務態度更差，鐵板燒燶了要換都要催幾次， 餐廳員工只會不斷提醒限時要交枱，總之成餐飯都只係趕趕趕， 食而不知其味，奉勸大家大夥人就 不要揀限時韓燒。

想食韓國燒烤好耐啦，之前聽講有間質素幾好既韓燒，今日同朋友行完旺角，就一齊去食。晚市都吾少人，好彩book左位，所以好快有得入座。咁岩我地張枱後面就係飲品雪櫃，真係好方便！重有好多吾同款既飲品，我最鐘意係忌廉鮮奶，好好飲。另外重有酒精飲品，需要自費，但我地飲吾到，所以冇叫。肉類有好多款，全部都醃得好入味。店員好貼心將d雞翼剪開，所以燒得好方便，又快熟。而辣味雞肉同豬頸肉就調味得好好，好夠辣，食到噴哂火，好過癮。而牛類都幾新鮮，色澤鮮紅。燒金菇牛肉幾特別，好快熟，所以忍吾住食多幾個。我地重叫左杏鮑菇、茄子、金菇黎燒。海鮮方面都有吾同款可以揀，我地叫左扇貝、帶子同蝦。帶子幾新鮮，所以之後都再叫吾少，而蝦就幾彈牙。另外重有芝士生蠔同辣味生蠔，可以圍住爐邊慢慢燒。估吾到呢間重有熟食，炸雞都炸得幾出色，又脆，柚子味好清新，辣味係超級辣。最後，每人重可以order一款甜品，我地叫左蜜瓜雪條同紫米露，好好食。

上次喺呢幢大廈食咗忌廉烏冬 見到呢一間韓燒有幾多海鮮架所以決定咗下一次嚟食今次同朋友半年見一次 就提議過嚟試吓店內環境不算大 大概坐到十幾台 但反而因為地方細所以我覺得服務上菜都幾快 唔會好似韓x咁大大間 等侍應都有排等野飲選擇唔算話好豐富 但係有茶同埋冬瓜茶俾我揀我就已經心滿意足☺️😂首先一定要講嘅梗係海鮮啦大家見到有原味生蠔 芝士生蠔同埋辣汁簡 如果你本身鍾意食芝士嘅話 你就直接全部都嗌有芝士唔使專登去試咩原味同埋辣汁因為只係topping唔同嘅分別建議大家一直擺喺側邊燒 燒到咁上下就最後擺喺中間燒 燒到起泡泡2分鐘就可以另外多春魚都唔錯 笑嘅時候一定唔好擺中間 就算擺側邊都好快熟 鍾意食鯖魚嘅朋友唔使怕佢嚟咗成條會食唔晒因為佢只係黎一節 叫兩三舊都唔怕 另外咖喱魷魚都係必點 唔使專登揀魷魚圈夠入味同埋好快熟 但係小心咖喱汁留咗喺板上邊會好易窿 塊板好易黑 所以唔好一開波就燒本身個人唔係太好牛 冇叫晒咁多款試但係朋友話牛肋骨切得幾薄 又有肉味係唔錯至於豬肉 五花腩都幾靚見到食個冷麵幾好食所以試吓 除咗有少少黐埋一舊之外 食得牛肉多覺得油膩食淡冷面 係有refresh既感覺 可以食咁多

勁耐無食韓燒，所以朋友約我去食仲吾即刻應承🤣 依間我之前一直都無咩留意，但係野食種類同埋質素都好值得下次再嚟食。佢有好多種類即海鮮，鐘意食海鮮既我地梗係叫咗幾款吾同既海鮮嚟試下啦。同埋，佢特別在一種食物都會有吾同既味，就好似生蠔咁，除咗有普通生蠔，仲有辣味同埋芝士生蠔。我地最先食咗帶子，依個燒既時間好快，只要好好掌握到燒既時間，佢食落就會好滑，我地仲叫咗幾次😋 生蠔因爲有殼，所以就比較難熟，但係個芝士生蠔真係有好多芝士，好足料。肉類方面，我地叫咗好多牛，我覺得牛既肉質吾錯。食完第一輪，我地再叫多次牛柳粒同埋豬頸肉，因為佢個辣味豬頸肉真係好入味，同埋好夾。蔬菜類都有好多選擇，杏鮮茹同埋茄子燒嚟食都真係幾好食。佢有得叫生菜比我地包住啲肉嚟食。佢仲有好多主食同埋小食，特別推介個柚子炸雞同埋炸魷魚鬚。

又係同朋友食宵夜嘅時間...呢間韓燒係朋友話想試，之前full house試唔到，今次可以試吓喇！其實選擇都多嘅，味道services都一般啦！可能始終自己偏好傳統果款韓燒影響喇～

因為九點半入座有7折優惠，所以一早係網上預約咗，到店後唔使點等都可以即時入座。地方唔算太大，但都可以接受嘅。食物方面，去餐廳前我已經略略睇過點餐紙。知道佢除咗有一般燒肉，另外有具韓國特色嘅熟食，所以都好期待。基本上我地係咩都點啲，例如肥牛、牛柳粒、金菇肥牛卷等。老實講，通常一上都唔會分到咩肉。但呢間店嘅肉真係薄到喊，又細塊又薄，品質仲差過吉野家。食落完全無牛味，完全睇得出食材係平價貨。當然我地都有叫五花腩、五花肉個類，但都係同樣問題，肉質薄而無味。海鮮方面我地有叫生蠔、帶子個啲，算係正常，生蠔同帶子都算肥美啲，無乜縮水情況，但鮮味欠奉。蔬菜方面有茄子、杏鮑菇、冬菇等。味道不過不失。之後我點咗水冷麵、韓式辛辣麵、炒年糕、小辣噴火炸雞、韓式炸餃子。本來好期待食炸魷魚鬚，點知無哂，店員又唔出聲。要我落咗好多次單先出聲話無。水冷麵酸酸甜甜，夠透心涼，略嫌啲麵韌咗少少。韓式辛辣麵其實就係普通辛辣麵，無咩特別。炒年糕都尚可，唔會太辣，口感煙韌。小辣噴火炸雞辣度真係唔太高，炸雞雞肉算滑身，可惜一上碟已經凍咗。

今日係旺角行行下吓街 突然想食韓燒。於是臨急臨忙搵間韓燒食 喺旺角晚飯時間食飯基本上間間都要等好耐 呢間相對來講都算等得冇咁來可以快啲入去食 同埋呢度嘅價錢都算實惠比起其他看韓燒冇3,400都落唔到樓 呢度$300樓下就搞掂都幾抵 入到黎梗係試吓個牛啦 可能呢個牛扒嘅關係 個人覺得呢款肉有啲硬 但係其他肉類好似豬肉羊肉等等質素都唔錯 大家笑嘅時候可以點左醬汁先然之後擺落去炒咁樣啲肉就唔會咁硬身 有啲驚喜嘅係呢度$300以下嘅價錢竟然有得任燒海鮮包括蠔！ 我叫咗幾次芝士燒蠔😂😂😂oiiiishiiii!另外個人都都幾推薦牛面珠燈 包埋生菜食落去啱啱好 一啲都唔硬！仲可以點埋炸野同埋韓式年糕等等嘅熟食如果燒到有啲攰或者唔想再食肉類都可以選擇呢啲小食佢個柚子味炸雞都幾特別到最後仲可以有韓國既雪條食，點左個密瓜味 雖然點左唔係好多，但最後都食到飽到差d行唔郁，如果太耐無食韓燒既食家，都可以不彷一試呢間running燒。

好耐冇食韓燒啦！見就腳就揀左依間。點知又真係幾唔錯！一入到去地方雖然唔大，但裝修幾有個性/風格，有潮潮地又年輕既感😂佢點既食物種類好多，肉類海鮮類蔬菜類熟食類... 每類都再細分成好多款揀(羊肉都有🤤）💛就係蠔都有3款口味呀♪( ´▽｀)其中除左啲蠔好正之外(芝士蠔超正😭)，覺得扇貝、西冷片、雞翼(有剪開一半 方便易燒，細心 值得讚👍)、豬頸肉、豬皮、豬耳...都好好味！因為好多佢都有醃製過，啲調味好適合。而豬皮豬耳依類咁邪惡既野真心勁少食，同以為燒起黎好un，點知出奇地好味💛💛💛外少脆 內軟又juicy 好香 唔un 好好味...🙈🙈🙈（不過真係太邪惡 都係食左2-3片炸）真心推薦最後佢既甜品係包每人一款，唔係任食既。有得揀指定糖水/雪條。我就揀左糖水—紅豆西米露。又出奇地唔錯，唔太甜，而且西米係大粒啲果種，煙煙unun咁，味道&配搭唔錯👍👍👍可以為一餐豐富既韓燒畫上一個完美既句號～

位於太子及旺角之間，彌敦道726號9樓嘅running 燒，地點方便並且價錢大眾化，，食物唔錯，雖然選擇唔多，每日午市放題及夜晚9:30後入坐，仲可以有七折優惠，三五知己食住傾計，或二人世界都好抵食。韓餐唔少得前菜，呢樹有任叫任食Kamchi 、大豆牙、海帶。。。及一大舊生白蘿蔔，原來白蘿蔔係當擦膠，用嚟清潔鐡版上嘅燒焦物，真係好work wor👏🏼👏🏼基本飮品如可樂、凍茶、韓式飲料都係無限供應，但酒精類就要自費啦喂😆食物方面我又覺得幾新鮮，尢其個雜菜沙律，very good ，一邊燒一邊食沙律，好refresh🥗香草羊西冷、青魚、多春魚、金菇肥牛、帶子。。。都好啱食，叫左幾個rounds，最值得一讚係無漏單👍🏼

在旺角到了這一家韓式燒肉放題，我是挑了5:30這一段最早的1時段，因為價格是最便宜的，一個多小時才$228 ，而且在7:20之前結帳還另外有七折，實在很划算。這裡說是價格很便宜，但是提供的食品一點也不欺場，牛肉、羊肉、豬肉、雞肉、海鮮如生蠔、蝦、帶子、扇貝，都有得任叫任食，我是先要了生蠔、芝士蠔、茄汁蠔，尤其是芝士蠔都真的是把芝士鋪得滿滿的，最好的就是生蠔洗的很乾淨，是進口也沒有腥味，表示生蠔都是新鮮的，沒有放了很長時間才有在腥味。蝦🦐也是很新鮮，我要了兩種，一種是鮮蝦，另外一種是酒蝦，兩種蝦肉質都也彈牙，酒蝦都是帶有酒香喔！結帳的時候還有驚喜，就是餐廳派來一張甜品表格，原來是有甜品送的，我是我選擇了芒果味的雪條呢！

難得dayoff 夜晚當然要食好野啦🤤今次試下呢間任食110分鐘既韓燒一坐低店員已經好快手咁拎左前菜黎，有泡菜 海帶同埋芽菜醬料同飲品就係自助拎既醬料都有幾樣選擇 分別有海鮮醬，烤肉醬，麵豉醬，辣椒醬同蒜蓉雖然係食燒肉 都呢到既小食同麵食都唔錯👍🏻柚子炸雞雞肉滑 炸得岩岩好 配上柚子醬好清新水冷麵份唔算大碗 但好有心思 有把湯整成碎冰 而且湯底清新 麵條都好彈牙 用黎配燒肉食就最岩主角燒肉方面肉質都唔錯 不過我都朋友都比較鐘意食豬肉😂佢呢度比一般既韓式放題好既地方係有刻意將不同既肉分開擺 唔會比醃醬影響到其他既肉味 值得加分😆如果黎食既記得簡晚市 因為午市冇海鮮同小食任食甜品方面可以簡melona雪條或者西米露～

最近食左幾餐生日飯，想食嘅嘢都已經食得七七八八。上openrice搵下有乜好食，見到呢間running燒評語唔錯又好方便可以上網book，就決定黎呢度食😋肉類:無乜特別，同普通一般餐廳差唔多🤔海鮮:蝦唔多新鮮，霉霉地;魷魚同帶子幾彈牙，我encore左帶子2次😋蠔:普通嗰隻熟左勁細粒，芝士嗰隻好食😁炸雞:啱啱炸起，熱辣辣。柚子味麻麻，辣味幾好食😋辛辣麵:鍾意啲麵有咬口，唔會淋哂😊冷麵:呢個無得輸，酸酸甜甜又夠哂凍。同燒肉好夾，一齊食真係一流，又係encore左👍👍雪條:每人一條，熱氣消哂😆

同朋友經過旺角想食韓國燒肉 於是就上網睇吓邊間好食 見到呢間燒肉店都開左一段時間同埋又幾多好既評論 就黎試下啦入到黎最開心係有海鮮仼燒！連蠔都有幾款口味 分別試左芝士蒜蓉 辣汁 同埋原味蠔 身為芝士控當然最鍾意食佢嘅芝士口味有多款肉類 呢度既羊肉都幾出色 建議大家燒嘅時候唔好成塊煎 可以加少少調味料擺落去炒 咁樣食落去就唔會太韌啦想健康少少嘅朋友亦都可以試吓呢度嘅沙律 或者另外叫生菜包住啲肉食 呢度嘅沙律食落去一啲都唔苦 酸酸甜甜更加開胃另外呢度亦都有唔少嘅熟食分別有柚子口味炸雞 魷魚鬚 炒年糕等等 如果食燒肉食到悶嘅亦都可以試吓呢度嘅小食最後呢度亦都有韓國雪條做甜品 不過每人指定只可以要一條 佢嘅蜜瓜同埋芒果口味都唔錯㗎總括嚟講呢到都係一間幾抵食嘅燒肉店 大家不妨試吓

最近好想食韓燒，所以就同朋友黎試下呢間有得任食嘅running燒。我地特登簡左夜晚，因為晚市有海鮮同小食任食🤤呢到特別既就係比左舊蘿蔔我地清潔鐵板，清潔效果唔錯之餘唔使成日叫店員黎換鐵板，都幾方便！晚市有得食海鮮當然唔可以放過呢個機會🤣🤟🏻所以我同朋友食左好多生蠔😂呢到有蒜蓉芝士生蠔同埋辣汁生蠔添，兩樣都唔錯，不過都係食原味正啲😚其他海鮮既質素都幾好，新鮮唔會有雪味。蝦既肉質都鮮甜，唔會霉之餘仲幾爽口！最鐘意就係食帶子，鮮甜嫩滑❤️燒肉方面肉既質素都唔錯，比較推薦嘅有西施牛肉片，黑豚豬肉同埋豬梅肉。肥瘦適中，亦無豬“so”味。200幾韓燒放題，仲有海鮮，韓式熟食同小食任食，整體性價比都幾高👍🏻