Running 燒 (已結業)

好耐冇食過韓國燒烤，所以約朋友黎到旺角呢間Running燒韓式燒烤店食，第一次黎食覺得唔錯。餐廳環境幾好，地方寬敞，店員安排我地坐窗邊位，仲有電視睇。一坐低就送黎幾碟韓式前菜，辣泡菜辣辣地幾開胃，芽菜同海帶唔辣嘅都幾好食。點餐紙有多種肉類選擇，我地呢d食肉獸當然乜都點黎試下。除左肉類仲有蔬菜、湯、麵、飯。醬料可以自取，攞左d醬油、蒜蓉、辣椒醬、豆瓣醬。飲品櫃嘅飲品除左酒類都可以自取同任飲。道地冬瓜茶、菊花綠茶，清熱解渴，食燒烤飲最啱。有調過味嘅薄切西冷牛扒，色澤睇落好新鮮，厚薄適中，好快可以燒熟，味道唔錯。叫左唔少肉類、蔬菜同湯，好豐富。水冷麵賣相唔錯，味道都幾好。韓式湯烏冬，烏冬幾彈牙。午市時段仲有優惠，抵食好食嘅韓式燒烤。