Roma Roma (已結業)

今晚行行下街~見到這間ROMAROMA門口好多人~所以想試下啦~點不知~~~~~~~~~等位不是問題~但等左30分鐘~換來只是細TABLE一張~一坐落都覺迫,隔離仲係放垃圾既地方~唉~冇野講~但係唔錯既係~服務真的不錯~坐落後~立刻有人幫我地鋪餐巾,之後有第二個接上斟水~比人感覺好舒服~門口帶位既比既MENU 冇飲品揀既,開頭仲諗比漏,原來入面既待應會立刻過黎介紹飲品~雖不算全面服務~但;執生方面,這侍應都唔錯~介紹飲品既侍應~介紹也不俗~味道尚可~最得意係~侍應髮形,身形很古怪~一個超高既,一個矮既,一個中等既,剛剛一條樓梯咁~高的是光頭漢,兇神惡剎,但落單時態度方面卻很好的~若加點笑容會更好~仲有一個就係中等身形,CURELY頭髮既,佢好似好忙咁,手拎好多碟,感覺好似好唔得閒咁,問佢野,佢答左句'請稍等一陣,轉頭幫你,好快'心想一定講完就算,點知1分鐘都冇就反左黎解答我問題~但對於我地既問題,答得也十分清楚細心~笑容態度也一流,唔錯~至於最可愛,便是最細小那個,O者左個好型既頭~係個餐廳到將D食物拎黎拎去,感覺好攪笑~好似D食物就黎壓死佢咁~哈哈~飲品方面唔錯~幾好飲~介紹唔錯~但

今日得閒約了朋友去APM唱K,不過去到話Lunch K滿哂咁我們就諗住食完野行下街,APM開了咁耐我都係第一次去,因為我住青衣,覺得好遠,但之前睇報章見介紹呢間餐廳的PIZZA好正,咁我就諗住慕名黎試試,點知食完一肚氣咁走!經過時見無乜人,諗住入去可以坐卡位,點知佢話D TABLE全部被人BOOK了,因我們兩個女仔都唔係好肚餓,諗住食少少試下佢個PIZZA係咪咁正,但佢得兩個SET,一個係是日PIZZA,一個係是日意粉,兩個都係$58,是日意粉唔合口味,咁佢仲有一個LUNCH BUFFET,不過好少野食,但都要$78,我們問了侍應叫BUFFET是否一定要兩個一齊叫,佢話唔駛,可以各一,我落單前再問多一次,我諗住同朋友SHARE一齊食,叫兩個餐,可以嗎?個侍應話OK,咁我先落單,點知到我們真係開始SHARE沙律同個湯時,便即時有侍應及部長過來問話,當時剛好我有電話打入來,要應付電話未能回應,但當我收線後再問落單的侍應是否可行時,他說不要一次拿兩碟便可以,其實我們拿的份量連一人份都不足,亦因為無乜好食,只是各樣食了很少,結果第二個侍應又走來問我們是否即是轉二人BUFFET,但態度很差,我朋

I've been there once with my parents (the first few days the restaurant was opened). I know which waiter you referred to and can't agree more with your comment. It seems that he's senior than other waiters.There was a waitress serving my table and was good......but seemed that she and others were later frustrated by that hateful guy (due to some ordering chaos). What a pit to the restaurant?!?!The food there is reasonable given the price. Too bad it didn't get the liquor licence when I visit

果然係聞名不如見面，22 號星期日下晝6 點，行過門口見到入面裝修得幾靚，好有衝動入去幫趁下，點知行前兩步，見到企門口個男侍應戴住副超十分樣衰（下面Ｄ食評形容得好貼切，真係扮晒G4 咁款），原全冇意圖招呼我地，淨係出晒力咁溝緊旁邊個女待應，兩個人仲玩得好開心下咁細聲講大聲笑，當正我地係透明人，唉，都係算吧啦…………..

又唔係想像中咁差....因之前東方介紹過! 咪黎囉!可能之前新開張! D員工未慣呱!呢度D 待應好型, 有2-3個戴紅超! 木板上既PIZZA 一般,反而D 位DESIGN 得好特別....加上新鴻基既場樓底夠高! 意大利炸飯, 聽名好似好特別.....但一D 都唔好食!全店最正可以話係果甜品拼盤有4款Tiramisu 最為有驚喜!

係佢地開左唔夠5日,我去食,食到一肚氣,食評都唔想寫,但係而家見到有咁多人咁"出左事", 我就一定要補誌番.....waiter ---> 生手,驚青整pizzA廚師--> 冇戴手套, 為求PIZZA快D上檯,將D PIZZA 頂上爐頂燒,加速D PIZZA熟, 點知成日燒loan,試過有客唔要,佢地再燒,但之後繼續趕出貨,竟然用刀挖走d loan 左o既地方, 仲有每次分pizza d 件數size不一上菜勁慢,以為自己食緊"法國餐" tim著黑色西裝個3個呀---> 以為自己係MIB呀？食肆黎架,行catwalk 咩？扮哂野講英文,行黎行去唔理人,戴住個handfree headphone 同sunglass 好似G4咩？好心佢地唔好發夢啦,D客餓死, 佢地竟然仲可以同個鬼佬甜品廚師行去個BAR個邊飲野!!!!!!勁!!!!我寫個"服" 字比佢地之前賣哂廣告話有PIZZA BUFFET $68/PERSON 唔限時,點知去到話未有,話愛黎裝PIZZA D 盤未整好,大佬呀,你未有就唔好賣哂廣告話有啦, MENU都可以用貼紙貼個告示呀,好似人1地"SUZUK

看完許多對這餐廳不好的批評，　所以抱著不太高的期望，幫襯佢係因為訂唔到其他餐廳既位，APM 大部份既餐廳係假日都爆到七彩。對佢地既service 都尚算滿意，　食物則一般，　甜品比較可取。不過佢地既冷氣真係凍到不可令人接受，同餐廳一步之隔既商場有天壤之別，　佢地既解釋係因為中央冷氣無得調節，　其實只要係風口位做點手腳咪得囉，唔明點解。唯一解釋係佢地唔想D客人坐咁耐，快點埋單。所以，　除非佢地肯改善冷氣，　否則這只是一間食完野就要走，　不可以同朋友傾計既理想選擇。

食物方面既問題係唔大既～因為我同朋友餓鬼上身先會覺得唔夠飽既啫。但係服務真係完全唔得。首先係一坐入去～佢比左果個角落最凍既位我地，其實另外個３張枱都係吉既，一坐埋去就feel到d風呼呼咁吹黎，我地話轉枱個waiter仲話個度係風口，四張枱都係一樣咁凍，我就唔理咁多，同個經理講要轉位，轉左個位根本一滴風都冇。之後坐果個位個ｄ客人凍到震真係慘。之後我地要Spoon,要水每樣都叫左至少３次。另外，埋單個陣係要找番一蚊既，雖則我唔洗佢找番比我，但佢都冇理由話"岩岩好啦"咁掛。最奇怪既係個個waiter都戴太陽眼鏡，我見佢地搵野要除左副太陽眼鏡，搵完再戴番～你話幾老土，我叫佢地個陣，都唔知佢係唔係同我講緊野，好騎呢呀～

本人於四月十七日惠顧此店,當時我們一共有五人入座,時間約為下午三時半…..其實食物的味道算不錯,但侍者的待客之道就不敢恭維了.當日的侍者態度非常怠慢,說話之語氣亦非常輕佻浮躁,嬉皮笑臉似的,他總是愛在句末部份加上「…Air…囉」等等字眼,個人認為平時與友人對話有這些字還可以,但如果面對客人是用這種語調,未免給客人的感覺是沒有專業操守,以及令人覺得是十分之不耐煩吧!另外,亦有漏單之情況出現,當日我們點菜時,,曾經點了一客天使麵,但當所有點叫了的菜式陸續上檯,以致吃畢為止,天使麵仍然未見蹤影,及後我們在結賬時請侍者代為取消此菜時,竟然輕而易舉地取消了,使我們十分懷疑侍者根本是漏了落單.最後是等候結賬時間也是十分之漫長,由拿走了我們的信用咭計起,粗略估計等了五分鐘才能出單給我們.一間食店,食品質素固之然重要,但出品好服務差, 還是會趕客的,反之亦然,這間食店雖然只是惠顧了一次,但我已經將它加入黑名單了

佢地"茶餐廳式服務" 真係差到冇人有,無咩驚喜, 味道一般,想草草地填飽肚子便會去!

Good for lunch, $68 buffet with drink offered, value for money laPizza made when you place order .. fresh, but just fine.

2005年5月2日，我和小公主天使二人第一次到apm遊覽。當經過該餐廳時，發現其宵夜自助餐（每位$78）頗為吸引；餐單上列明有前菜、沙律、餐湯、Pizza、意粉、主菜及甜品。看後覺得好像很划算，很抵食，於是便決定一試。自助餐開始了，果然包括了餐單上所列明的東西，以下便讓我逐一介紹：(1) 前菜搜遍了全檯的食物，相信麵包（共兩款）便是所謂的前菜。我並不介意麵包作為前菜，因為香甜鬆軟的麵包也是很可口的。但是自助餐所提供的兩款麵包也是較為劣質的貨色，口感粗糙，而且麵團搓得不均勻，有些部份會較鹹。(2) 沙律雜菜沙律：很雜的菜，很千島的沙律醬，很自助的雜菜沙律。海鮮通粉沙律：所謂的海鮮便是吞拿魚，而且是油浸吞拿魚，因為一入口便會感到很強烈的油「益」味，但幸好他們只加入了少許吞拿魚。轉個角度來說，只要他們把「沙律」這兩個字除去，再將它放在熱盤上，便可成為一款主菜「海鮮長通粉」。有創意，我鐘意！(3) 餐湯意式雜菜湯：不看label，我還以為是中式湯。雜菜湯果然好，只有很雜的菜碎，連一丁鹽也沒有加入；自助餐果然好，不夠味的話便自己回位加個飽，只要你喜歡，糖或芝士粉也可一併放下。(4) Pizza：

印象中，roma roma 好似只有呢一間，我果日行開apm，特登入去試一試，睇下可唔可以在觀塘找到一間似樣的餐廳。我地兩人食左一個pizza，salad，意大利飯同potato skin。質素最好的是pizza，皮夠薄和脆，料又多，十分好吃。此外，salad都好，但由於佢用左一種有少少魚鯹味的salad dressing，唔係人人都鍾意，我就覺得好好。意大利飯就比較一般，太軟。其實意大利飯一定要有少少「生米」的感覺，可能佢要就香港人口味，因為煮得太軟。potato skin 就冇乜特別，芝士味唔夠重，都係ruby tuesday 好食d。總體而言，食得過喇，而且佢d食物一般味道比較清，好合我口味，但就好似太大碟，食得太飽，如果portion可以細d就十分好。

d 服務絕對唔得啦...聽你講完就走左去唔理人...嘩!d野食又唔得喎...難食到死呀...果d肉丸好似d好難食既山竹牛肉咁...＞＜好難食呀．．．有氈味呀．．．ｄ米都唔熟就放上黎俾人食．．．果ｄ意粉香料味太過重喇．．．不過最唔掂都係ｄ服務．．．連數人數都數錯．．．又冇禮貌喎．．．

食物OK﹐但服務實在差...點左薯皮同PIZZA。薯皮先到﹐單食物到後都無比餐具...食完薯皮後半粒鐘PIZZA都未到﹐找侍應催一催﹐才發現漏單...店內侍應好多﹐但都吾知響度做乜﹖當日星期日﹐差吾多晚上10點﹐人客吾選多。發現漏單後一聲吾好意思都無!我都係食完後先睇到這餐廳服務劣評如潮﹐如果再吾改善﹐遲早完。仲有﹐我當晚都係一毫子貼士都無比...