Roma Roma (已結業)

沉日同男朋友去apm, 見到ROMA ROMA入面個氣氛好似幾好, 咁就入去la, 又唔洗等位, 叫左個2人set dinner頭盤同主菜都4簡2, (我地叫左西蘭花焗薯皮, 辣汁雞全翼, Pizza, 豬仔骨) 加多20蚊有2杯餐品, 埋單$207, 食到我地抱住個肚走, 除左個pizza 麻麻地之外樣樣都幾好食, 好滿意^^

第2次來食lunch, 又是lunch buffet. 湯改了由侍應送上一人一碗, 沒有添飲. 是日是周打湯, 味道略淡. 沙律沒有了喜歡的海鮮, 換了吞拿魚和其他疏菜, 都頗開胃的. PIZZA是新增的. 每次出爐的份量不多, 餅底薄, 味道OK的. 當日最喜歡吃芝士焗茄子, 茄子唔油食落啖啖肉. 鴨胸切的厚, 肉唔夠軟. 白汁雞皇螺絲粉味道不過不失. 當日亦有火雞片,不過每次只有十分薄的一片.甜品有2款, 是朱古力MOUSSE同檸檬芝士餅, 味道亦唔差. 個覺得遲來會有點搵笨, 因為鴨胸沒了之後換上的是雞翼. 今餐又是朋友請, 呢個月真係慳左好多! ^_^

環境唔錯, 食物又熱辣辣, 態度都幾好~女朋友仔都話讚! ^_^ 我地食完tea都好滿足~所以我都覺得值. 我都有留意呢間餐廳既食評,其實都有進步, 多咗人讚.

上星期日同男朋友一齊嚟食tea, 一入去個waiter就帶咗我哋去圓形梳化, 好舒服, 成間餐廳都設計得好靚!我哋叫咗辣肉醬熱狗+薯角同墨西哥肉食粟米片, d薯角真係超美味, 最開心係個粟米片係用鐵板上, 所以食到最後都仲係好熱, 混埋d肉醬, 唔會太乾, 好味!! 不過男朋友略嫌d粟米片有d燶......順帶一提, 我同男朋都好鍾意嗰杯凍檸茶, 茶味香又唔甜, 正!!

今次係第二次去Roma Roma 食飯，上一次叫set lunch，今次試下佢個lunch buffet，$68 + 10% = $77，都算抵。其實都唔係有好多choice，但係佢每一個dish 都唔錯。有三個沙律: 凱撒，辣肉腸同海鮮沙律，凱撒沙律唔錯。個長方形pizza 唔係咁好食，可能擺左好耐，凍晒。炸魚柳同炸薯條就普通。有三個熱盤: 雞胸肉，豬扒和pasta，個pasta 好好食，d dressing 唔會太濃。豬扒好薄其實最好食就係佢地o既麵包布甸，唔甜，有好多層麵包，d 麵包浸實晒d 奶，我食左兩大碟tim。佢仲有一款蛋糕，但係好重酒味。服務態度同環境唔錯

昨晚7點去到人唔太多, 靜靜地都幾舒服, 兩個人叫左醉鴿(好香酒味, 肉質亦很嫩滑), 麵(除了肉碎還加上秀珍菇, 味道偏濃, 但正合我口味), 奶油津白腐皮(普通), 另外再加4杯HOUSE WINE服務方面我覺得算唔錯, 叫服務生拎野唔會聽完就算, 食完麵有花生碎係碗到, 佢地亦主動換左幾次碗碟, 埋單$300唔算貴, 下次經開都會再幫襯

十幾人黎食野, 環境相當唔錯, 唔迫, 傾得到計唔嘈, 呢度值個笑面叫左十道菜度, 最好食既係一道小食--雞棒, 炸得岩岩好, 外脆內滑, 又夠味, 五條野有5隻小雞棒, ok啦個pizza中規中矩, 無乜料子選擇, 料唔夠多, 四四方方成舊水一份, 食左都唔多覺, 太薄了..蜆肉意粉, 很差, 無味, 好似就咁搵水煮熟, 整d黑焦就上碟, 最差個蜆肉, 腥亨亨的, 落d唔知咩酒煮, 唔match的其他, 不甚突出價錢, 唔算貴, 淨食環境都值得比多廿蚊, waiter d算有禮貌(以後生仔女黎講), 所以扯暈有個中立啦

好想食pizza, 晚飯就來呢度, order 左食羅馬什錦pizza (hk$78), 鮮蝦意粉(hk$78) (本來叫蝢肉, 不過當晚沒有了)方形pizza 外貌有趣, 打破左pizza 唔係圓的定律, 不過口感不好, 底唔好食, pizza hut 既薄底仲好食過佢. 料方面, 好好好咸!!! 佢個D 意大利腸, 味度似中國"潤"腸多D, 太SALTY ! 而且,料同Pizza做唔到合二為一, 有點失望. 至於, 鮮蝦意粉, 意粉口感好, 不過個汁都係好好好咸, 破壞成個意粉的味道.佢地有俾bread and wafer 我地, free 既, 但係點解個wafer 一樣好好好咸, 個cook 的味蕾是否出了問題,定係功力未夠?!另外, 有self made pizza, 當晚, 我見兩三個細路在整自己的pizza, 但好恐怖地, 我見佢之前打噴嚏無扶手, 跟住出去整pizza,之後佢整整下見落多左料, 用手將D 料放番落個原本個盆度, 十分不潔！　當然，　細路唔識，唔可以怪佢, 但係，無人想食口水吧！服務ＯＫ，　不過我不會再來，因為唔好食．

又係apm開餐今次去roma roma環境好舒服坐位好寬敞叫了一個pizza同埋意粉再加上個特色拼盤二個人食真係食得你好飽pizza好特別係長方型的界起pizza都方便d價錢ok唔叫平又唔可以叫貴間唔中試下都好

上星期三晚上6時半到達, 可能未到食飯時間, 有很多吉枱, 唔駛book都有位, 又無限時交枱, 女待應安排我倆二人坐吸煙區卡位(近窗邊), 記得第一次嚟(大約7月初)要求坐卡位, 待應又話要book枱又話要限時交, walk in又話要等最少個半鐘, 卒之未等就走左。今次order煙三文魚pizza, 蒜蓉炒磨菇(個名好似係咁上下), 凱撒雞沙律。待應先捧來一盤麵包籃(內有幾塊薄脆), 麵包幾軟熟, 用意大利黑醋及Olive oil點嚟食幾滋味。碟頭幾適中, 適合2人share食, 先來客凱撒雞沙律, 跟住來炒磨菇, 炒磨菇($28)比想像中大碟, 幾好味又抵食, 最後上煙三文魚pizza, 係正宗意式薄批及切成長方形, 並放在木板上, 幾有特式, 餡料幾足, 一客有六塊, 每人食三塊都唔覺膩, 薄底幾脆好正! 我同朋友成晚掛住傾計, 食得好慢, 但待應們都好細心, 等我倆到差唔多才捧下一碟嚟, 唔會擺到成枱都係。食物價錢大眾化, 平過Dan Ryan及Ruby Tuesday等美式意大利餐廳, 當然味道就見人見智, 但都尚算滿意。值得一提就係餐廳內冷氣強勁, 問女待應可否調教一下,

約左朋友去APM palace睇戲，之前有一個鐘時間食dinner，我拍扳揀依度~　兩個人食：Caesar Salad –幾fresh，又大碟，okay好食~BBQ Chicken –春雞係朋友o既摯愛，我就一般般鍾意啦，嫌佢鞋口少少~Specialty Pizza –講真，味道唔係特別出眾，但方型pizza放o係木盤上，presentation勁靚！我鍾意！　價錢唔貴，服務都幾好；不過atmosphere略嫌casual，有少少fast food feel....如果做到fine dining d會好d~ ^^

18-Sept-2005今天到Apm吃午餐,看到這裡已沒有以往多人等候.二大一少(三人),便走進去吃自助餐.HK$87.00一位,小童HK$57.00, 四歲以下免費.時間由中午12時開始至下午四時半.款式比較少...通粉沙拉,什菜沙拉,牛扒,薄餅..Cake等.味道不錯,值得一試.但因款式不多,故下次不再嘗試自助餐,而會叫正餐.值得一提是,這裡每個服務員態度迎非常好...

(12/9/05)同"家人"來食生日飯。好朋友來過, 識得訂圓形梳化位。一入到去, 覺得裝修好靚, 好舒服, 服務態度亦非常之好。要試晒三樣主菜─pizza、飯、意粉。唔記得白菌乜乜薄批(齋來的)長方形共有六片, 脆脆地好有蕃茄味, 味道清新。飯,order左, 白露筍意大利飯, 白露筍好多片好鮮甜, 飯的芝士味適中。不過凍左會"琼"埋, 令口感變得粉, 所以一定要襯熱食。意粉是三色通粉, 一隻長碟放有意大利雲吞(唔多好), 茄汁粗通粉, 白汁幼通粉(哩兩個普通d)。甜品是四式甜品$68可試幾款, 擺放得好靚。有tiramisu失望, 無酒味; 有兩件會溶的, 淺黃色東西, 話佢雪糕又唔係, 有點牛油感好滑o羅; 朱古力慕絲, 最正! 有酒香, 外面整左個朱古力焦糖脆脆盛住好靚架; 第四樣, cheese cake 都ok。p.s.哩間野真係來過架!

一肯3人叫-凱撒沙律with雞<-都幾大碟-蕃茄雞pizza <-一般-炭燒肉眼連沙律+焗薯<-好味-蜆肉意大利粉蒜蓉汁<-好味,好香牛油味,無蒜蓉味waiter都好好服務,唔係太差.

1. 餐前麵包(免費): 每籃有3款，味道和texture都唔差。2. Pizza ($98 跟頸盤或甜品): 餅底有些似食餅乾，脆脆地，但又不會太乾。整體上味道不錯。3. Baked cod ($98): 魚肉相當滑，不覺有雪藏味。清清地，是唔錯的健康之選。4. Souffle cake: 這個是跟餐的，有些似食棉花糖，略甜。5. Cappuccino creme brulee ($38): 用柸呈上，當中是在cappuccino pudding 上加上mousse，幾好味。6. Roma angel ($35): 這特飲是把芒果汁、西瓜汁和Sprite 混在一起，不太甜，幾好。服務方面都幾好，侍應和經理都很nice & helpful。