Roma Roma (已結業)

夜晚去, 一大個吉埸都唔比人揀位坐...係要去同經理講先換到, 正一受硬唔受軟, 要左個168二人餐, 餐飽是cool 的, 又無味,casar salad 太多芝士,唔夠酸,好漏...bbq pork ribs d 汁太甜d肉唔夠嫩, 最好係煙肉長通粉,夠份量而味道不錯的...但枱太細,服務唔好, 好似茶餐廳/酒家咁, 碟上仲有野食未食,竟然叫客人:呢個仲要唔要架? (要。)不如你地食埋佢先, 我同你地收左隻碟佢。~???!!! 即刻返左落裕民坊d街邊大排檔, 都幾無奈...

補課後班主任說要了解我們小組多一點,就衍生了是次"飯局"~是日lunch buffet款式並不是十分多,比樓下食友所提出的也較為少一點。味道也是可以啦。比較深刻的有:1.自己撈的沙律..2.chicken wings...3.金沙骨都ok ...不推介的有:1.迷你pizza 2.玫瑰花飲品...3. chocolate mousse 勁"漏"..由於是次飯局是班主任出錢..我們也不大清楚要多少錢,只知道好像$68一個人,但不知道要否加一如果要加一的話,即是$75,我覺得在apm有其他更好的選擇。

我唔明點解一間做開外國人生意既dining group 開既呢間店，竟然人人下午茶做到1800 既時候，佢1725 已經o益「無貨」。呢個Dessert Platter（Tiramisu、Nougat Parfait、Chocolate Mousse、Strawberry Cheesecake）賣相真係好靚，又大（碟同個size 都係）又高（Tiramisu 上塊朱古力片），但係...逐樣講。Tiramisu：少少酒味，但個底吸哂D 朱古力醬，而朱古力亦蓋過o左Tiramisu 本身淡淡既味；塊朱古力片係次貨既milk chocolate 勾出o黎既，「睇得唔食得」。Nougat Parfait：最出色亦都係呢間店特色；係芒果、雪糕、毛士（mousse）、甩士（nuts）同鳥結糖既結晶品。食落口感唔錯：兩種唔同程度既軟（雪糕同mousse）同唔同程度既脆脆（鳥結糖同nuts）。面o個舊龍鬚糖絲又真係「一絲不苟」。Chocolate Mousse：鍾意佢用焦糖base 既漿底做個托，可惜因為朱古力醬（又係你）「甩底」。chocolate mousse 係dark chocolate，厚t

剛完成了淘大的工作,我們來了APM開餐,嘩!成個商場都好多人,間間食店也排長龍,呢間無人排,就呢度啦.點了個二人套餐,$168,好多野食,唔貴丫.先來了個包----最好食(因為肚餓)再上三文魚焗薯皮--焗出來無什麼香味凱撒沙律---十分十分普通羅馬Pizza---點解又乾又無味道,好像食緊餅乾燒豬仔骨---完全係肥豬肉,油到不得了,無燒烤的味道.肥成咁大佬,點食呀呢度環境唔錯,服務幾好,可惜食物太差,比你選,咁你要好食定要環境靚呢?p.s.食完飯,你回家煲給我飲的靚湯,好飲到不得了

上年嚟食過,覺得又貴又細碟,今次見到有二人套餐都係$168,所以入去試吓,由於上次叫過pizza同意粉都唔好味,今次一定唔再試,今次頭盆叫咗菠菜芝士焗薯皮& 燒雞翼(三隻),焗薯皮好濃芝士,好味, 雞翼好香好入味,主菜有豬仔骨& 龍脷柳蘑菇意大利飯, 豬仔骨勁好味,啖啖肉,配合燒烤醬,味道一流,又有炸薯仔皮伴碟,正!龍脷柳意大利飯有兩大塊龍脷柳,飯汁味濃好特別最後加$20有兩杯大大凍飲(熱飲就超細杯),食到勁飽,係到食記得唔好叫pizza,又薄又少,叫咗實後悔!

今日午市自助餐的款式;冷盤==吞拿魚沙律,菜絲沙律,菜類,豆頪熱盤==紅酒燴牛柳, 煙鴨胸, 香腸長通粉, 意大利什菜, 燒鷄, 炸蝦多士配薯角, 青口, 燒豬肶PIZZA==來去得兩款,香腸及磨菇甜品==朱古力mousse,檸檬mousse,切粒jelly及生果飲品==熱情果及桃味飲品

晚亦都唔爆,緊係啦,d侍應淨係識得站著講波,我食緊最後一塊pizza時已趕快收起我碟dressing,離譜.~海鮮紅花意大利飯$78~飯的份量有二碗,不過一入口,個味好似褒燶飯咁,好難食,不過質感OK.~8oz肉眼扒$98~份量約有二塊麥記漢堡扒咁啦,我選了青椒汁,扒及配菜味道都OK.~羅馬雜肉腸pizza$78~我選了長型,有六塊,都OK.其實計下真係lunch抵D,$78任食.雖然選擇唔多,但質量撘夠.

來到APM吃午飯，和朋友行到這裡就試試這間的意大利菜如何，進到去見到高卡椅，頗有意式情懷，而食物方面，先來煙三文魚薯仔沙津，再來洋蔥圈西冷牛扒配通心菜，牛扒十分韌，切都難切何況食呢！再吃吃辣肉腸Pizza，但卻來得普通，味道一般，最後來多個布丁甜品，原來最好吃的就是這個甜品，然而兩人共吃$178。另場內亦見有Lunch Buffet，但見人人都要像倫米般排隊拎食物，而位置又逼，我想我不會在午飯繁忙時間食這樣的Lunch Buffet吧。

同朋友食飯叫了一個二人set：1. 包(一般)2. 沙律(...)3. 薯皮(ok 好味)4. pizza (好細份)5. 長通粉(ok)嘢食好似list 咗唔少但係真係唔太飽仲要無嘢飲...嘢食都算ok 喇環境都ok啦但唔值囉apm大把嘢好食同抵食過佢

家住觀塘，所以經常到apm的食肆開飯；這一間，免費也不會再去！十個女孩子，訂了七點枱；坐下，水等了很久才奉上；餐牌，兩大個！因為人多，差不多叫了半個餐牌的食物。份量很少，我們自覺的四五個人一組，那碟海鮮飯只吃了兩口便報銷，飯粒也沒有淨。pizza少得可憐，每人只分發到吉之島超巿試味的份量。沙律，點了，但細如Delifrance伴套餐上的大小！還有其他的豬仔骨、雲吞、炸薯圈？每人一口也分不到。還有總總的食物，份量都很少。一路吃一路饑腸漉漉，侍應說：噢，Lasagne賣哂！！意大利餐廳在七點多便售罄了Lasagne？！唯有喝水應付。牆上掛著電視，問侍應晚一點會否轉台；問了三個，都是聽完問題，沒有反應，走開了。真吊詭！埋單每位$140，餓火未消，再去Suzuki cafe吃多一餐，$50一位，有飯有甜品有飲品。如果以$140去Fat Angelo's，可以吃飽打包請屋企人食有餘！

平時只會上網睇食評既我, 終於火滾到要同大家分享啦...話說今晚同母親大人去試下呢間意大利菜, order左一個180蚊既二人餐...頭盤: 三文魚焗薯皮- 乾爭爭, 無味既; 意大利菜湯- 超酸超咸, 係味覺既新挑戰, 但我飲左兩啖已經頂唔順啦...主菜: 半隻雞, 又係乾爭爭, 硬到切唔開; 薄餅- 係唯一我可以入口既...以上菜色, 全部係室溫, 唔熱唔凍, 令我同母親大人咋舌...不過食物難食可以話係個人口味, 但最令我反感係服務態度奇差, 真係太差... 全體侍應黑口黑面都算啦, 負責serve我地既係一位哥哥, 好奇怪, 佢好似前世就同我結怨: - 1) 由於二人枱太小, 根本放唔晒我地叫既著皮, 湯同好大盤面包, 在餐廳好多吉枱既情況下, 我要求哥仔將隔離既二人枱拍成一將大枱, 哥仔即刻黑面話唔得, 仲話個張放到滿晒既枱仲可以放埋個鍵盤甘大既薄餅, 我覺得佢要去讀下小學數學既體積課...2) 由於要食雞, 我要求哥仔比把切肉刀我(佢只係比一把刀我, 當我母親大人透明, 算~) 奇怪地佢仲要指住枱上面既牛油刀話: 小姐, 呢把刀都可以切野既...我眼見把刀圓頭架喎, 無齒架

同friend食tea行均成個apm都睇唔岩見到roma roma$48咁抵加埋一都係$53，包一杯飲品food court平均消費都$40咁抵所以入去食時間: 3:30-5:30salad: 自助salad bar, ok!湯: 一款，粟米忌廉湯，有o的稀，都ok熱盤: 兩款，main dish+pasta 水牛城雞翼(正!)，煙鴨胸肉茄醬意粉(ok) fish & chips(勁愛手指咁粗既薯條x100) 白汁海鮮意粉(有大大隻青口帶子) (本來咁平都唔預佢會re-fill,但係居然有，仲 差唔多半個鐘re-fill一次)pizza: 食過三款，青瓜蘑菇，salami，咖喱牛肉(香~) (又係有re-fill，keep住有兩款o係度)dessert:兩款，麵包布甸，chocolate fountain(mini版 ，但夠杰，點完會變脆皮，有o的酒店o的朱古 力溝到好稀，呢度算交足貨) ($48蚊食到chocolate fountain仲想點)

週六去，訂了枱，出奇地不算多人，沒有人龍，所以不需要在一個半小時內交枱。氣氛不錯，唯略嫌枱與枱相隔得太近，傾心事免問。食物令人失望，由湯至沙律到薄餅，全部偏鹹。較可取的只有那甚麼魚配大通粉，亦只是合格而已。兩個人二百一十八元，論食物就完全不值此價，就是氣氛還可以

情人節之前一日同老婆去,因為唔想正日怕人多.當日訂位的,點知遲到左半個鐘,因為搵唔到佢\個停車場,不過佢\地個侍應都好有禮貌打電話問你幾時到.抵讚.到步之後唔洗點等就有位喇～！靠窗圓形卡位,好寬敞同個環境都幾有情調,一對情侶真係一個不錯的選擇.食物方面,當日都有兩個二人套餐\的,兩款都係有四選二的前菜,同四選二的主菜,仲有兩杯特飲.我地前菜叫左三文魚焗薯皮同凱撒沙律,主菜就羅馬Pizza同豬仔骨.焗薯皮都ok不過比較乾左d,凱撒沙律唔錯,清清地d汁好好味,d菜好清鮮無話黃晒咁.主菜方面羅馬Pizza,就用木架上菜的都幾得意,而且係薄批扑扑脆,好多芝士同蕃茄不過好少其他料,但係都好好味．另外一個主菜豬仔骨就最正喇，個汁好好味好有特色，ｄ肉汁好多，唔會乾憎憎．而且伴菜ｄ炸薯仔皮好多又好味！最後埋單都係＄２０７

呢間我食過兩次, 一次係食lunch buffet, 一次係dinner set. 以水準同價錢o黎講, 叫做不過不失. 印象比較深刻o既係dinner set o個隻燒雞, 幾好味又幾滑. 個薯皮都幾好.不過我最buy 佢個環境, 唔算逼, 夜晚去幾好feel, 同人傾計個感覺幾好... 連埋呢間, 觀塘APM 有幾間餐廳都係可以食下野吹下水又唔係好貴. 如果我繼續o係呢邊返工o既話, 會再去.