Pancake House HoiHoi (Megabox) (已結業)

係名古屋No.1行列店既PANCAKE!!想食好耐,成日都排長龍,E家因為限聚,一台只可以最多2個人，台同台之間好寬，唔驚同人地有太親密的接觸。成個環境都幾配合夏威夷風格。MENU有好多選擇。沖繩芒果疏乎厘班cake $138軟滑到震的pancake，味道好香濃，啲cream亦好香滑，加埋時令的沖繩芒果粒，令pancake 味道更豐富。夏威夷果仁班cake $108依款pancake較挺身，味道更濃郁，加上幼滑的cream同夏威夷果仁，口感好豐富。焦糖沙冰$48焦糖味濃，沙冰好幼滑，甜到適中，夏天必點。手沖浸泡式精品咖啡 $70自己即時滴漏的精品，店員提示要順時針咁落熱水。咖啡味道香濃，當中又帶陣陣的果味。同食pancake好夾，下午必點。PANCAKE 加COFFEE真係好夾。

前幾日放左工同朋友黎左食厚班戟，唉呀～心情唔好食下甜品會開心啲嘛。位於Megabox內的HoiHoi，唔係同事介紹都唔知Megabox有厚班戟甜品店，哈哈，環境又唔錯喎，單邊位有陽光好開揚，半開放式但冷氣十足幾舒服。朋友點左杯手沖浸泡式精品咖啡，每個月調佩都不同，是月係水果味。先加熱水落滴漏壺。用旁邊提供的砂漏計住3分鐘，慢慢泡一泡。按一按，將咖啡漏落杯子。咖啡飲得啦～好香濃，淡淡啡味仲有水果味，酸酸地好得意，不用加糖加奶已經好好飲。再點左一杯朱古力咖啡沙冰，夠晒冰凍超正，又香又甜好好味。點了一份鹹食煙肉比薩，焗起香噴噴。雖然細細件，但都芝士拉絲㗎。跟住就係甜品時間啦，來一份夏威夷果仁忌廉夏威夷班戟，賣相好可愛呀。內邊係三層鬆餅，滿滿的牛油味，上面的夏威夷果仁好有堅果香，仲有厚厚的cream好正。另一份點左期間限定的沖繩芒果梳乎厘班戟，有三大塊厚班戟㗎！軟綿綿香噴噴，外面煎得香脆內裏軟腍，滿滿的蛋香勁正，旁邊的芒果激甜，好好味呀～估唔到食完不久政府就宣布無得堂食，唔知幾時先可以再同同事黎食呢…

日本名古屋 No.1 人氣班戟店過江龍 HoiHoi Pancake House 登陸咗香港已經一段時間🇭🇰我都終於去試下😍.沖繩芒果梳乎厘班戟🥧外觀充滿夏日感☀️梳乎厘班戟空氣感唔算好重，口感軟綿鬆軟😋入口蛋香味非常濃厚🥚芒果係由沖繩直送，香甜多汁🥭忌廉輕盈幼滑☺️連埋酸酸甜甜的芒果醬一齊食就唔驚膩😜.夏威夷果仁忌廉班戟🥞呢款班戟口感厚實😙蛋味無咁濃，但牛油味就濃少少🧈忌廉覆蓋住成個班戟，質感香滑🥛面頭怖滿香脆夏威夷果仁粒🥰口感豐富又好味🤤.手沖浸泡式精品咖啡☕️先將熱水倒入浸泡咖啡粉嘅咖啡漏斗，等待 3 分鐘後撳掣⌛️咖啡就會滴入到杯內😆味道香濃帶酸.抹茶沙冰🍵味道唔太甜，抹茶味幾濃👍🏻不過飲落為碎冰嘅口感

Mega box 1樓有間HoiHoi pancake店甜品控必去！由日本名古屋來香港開店的人氣店！Pancake有咸有甜，店員介紹我地食用沖繩直送芒果沖繩芒果梳乎厘，正合我口味呢~芒果甜度超高，小小酸味都無！梳乎厘大約要等十五分鐘，一碟三塊，梳乎厘上超多超多既忌廉入口蛋味香，軟棉空氣感，配上忌廉，幸福感滿滿！夏威夷果仁pancake 疊起三層既pancake,有如瀑布既幼滑忌廉，pancake帶點咸味，同夏威夷果仁好夾，咸味pancake也有意外驚喜。仲可以自己沖咖啡☕️呢個咖啡好特別，會因為不同嘅水溫而有不同嘅味道。飲落好淡口有啲似茶，不過又有咖啡豆味加上淡淡嘅berry，好似飲花茶咁。

有時真係好搞笑，好耐唔去一個地方就會連續去幾次😂。呢日同舊同學去Megabox食Tea，試咗印象中係新開張唔太耐嘅「HoiHoi Pancake House」。估唔到Weekday下午時份都咁多人食，不過未洗等位。環境好舒服(雖然冷氣有少許凍)，加上播放住啲好夏威夷夏日風情嘅歌，成個感覺令人好放鬆😊。一場嚟到班戟專門店，就梗係要試下招牌啦！班戟外，佢亦有提供飯類等主食，始終附近有唔少上班族嚟食晏。一份班戟價錢平均一百蚊到，定價唔算平，但過江龍係差唔多啦😝。我哋叫咗兩份Pancake加兩杯飲品，嘆返個靚靚下午茶💕。沖繩芒果梳乎厘班戟Okinawa Mango Souffle Pancake($138)，唔講都唔知沖繩芒果出名🙈，見佢係餐廳呢期嘅夏日推介就試試。我哋以為係得啲芒果伴碟，點知原來梳乎厘班戟本身都有芒果味，幾有驚喜👍。班戟有三件，整得幾靚，夠圓同做到好Fluffy嘅效果，但略嫌面頭啲忌廉多咗啲🤭。夏威夷果仁忌廉夏威夷班戟Classic Macadamia Cream Hawaiian Pancake($158)，造型同梳乎厘班戟唔同，好多忌廉遮蓋住整件班戟，不過都估到佢應該係幾

差唔多去到下午茶好彩啱啱2:30前去到，講得切食午餐，叫咗個牛扒五成熟，仲有個餐湯加杯嘢飲，另外再叫咗個香蕉pancake點知個牛扒真係令我喜出望外，肉質鬆軟，仲有牛味， 反而其他蔬菜就一半地，特別個蘿蔔，出水，$98個餐，仲有湯加杯嘢飲，超抵食，多湯就一般啲啦，正常嘅牛肉湯，佢俾咗舊好大舊嘅肥膏喺裏面，雖然肥膏香，就唔係咁健康啦之後重點pancake ，真係冇想像中咁好食，完全冇食空氣嘅感覺，好過普通pancake少少，雖然個醬汁，同埋裝飾都做得非常之好，都嚟唔到彌補唔到個pancake加錢玩左杯榛子咖啡，比較甜，冇特別，不過不失

來自名古屋嘅人氣pancake店HoiHoi Pancake House，今年嘅年頭嚟咗香港開設分店，但由於人氣太高，一直都係排哂長龍。今日過開Megabox，見唔係咁多人排隊，機會終於都嚟喇。HoiHoi除了pancake同甜品，都有供應以和式洋食為主嘅食品。不過依啲就留返下次喇，入得嚟就當然係食佢哋最出名嘅pancake啦。沖繩芒果梳乎厘班戟空氣感十足嘅梳乎厘班戟，班戟鬆軟厚彈，入口蛋香味豐富。配上幼滑忌廉，仲有非常香甜嘅沖繩芒果同芒果醬，味道好夾好好味。夏威夷果仁忌廉夏威夷班戟 班戟質感獨特，鬆軟帶煙韌感，同梳乎厘班戟有明顯嘅分別。忌廉搽滿哂喺班戟上面，面頭再灑上果仁碎，多一層嘅口感。加埋忌廉同香脆嘅夏威夷果仁，味道層次豐富。而且忌廉完全唔覺得膩。焦糖沙冰大大杯嘅沙冰，嘅有奶香，亦有焦糖香味。份量比例配合得好好，兩者味道好平衡。手沖浸泡式精品咖啡完全唔使好似陳豪咁識沖咖啡，倒啲水入去，等三分鐘，再㩒粒制就就有得飲。咖啡入口順滑，隱約有陣士多啤梨同朱古力味嘅after taste。唔錯。

Hoi Hoi Soufflé Hot Pancake❤️🥞🍴 Yum💫..日本🇯🇵 名古屋人氣Pancake店🥞🍴，那份鬆軟既空氣口感，軟綿綿 真係讓人一試難忘。今次約左朋友到Mega Box 行街，見有時間 就順便找個地方聊聊天 吃個甜品暢談，剛好有間人氣Pancake 趁住時間人不多入去吃吃，地方走木系風格又寬敞，感覺好舒服。.ll $138Okinawa Manago Soufflé Pancake期間限定既沖繩口味💕，食落真係好Soufflé 好鬆軟 好好吃。配上香甜芒果🥭🥞，加上大量邪惡甜Cream，好好吃呢。.ll $108Classic Pacadamia Crwam Hawaiian Pancake另一款走傳統美式鬆餅，食落較厚實，帶濕潤又實在煙韌口感，加上果仁nuts 碎，咸咸甜甜 層次豐富既甜點，另有一番滋味。.ll $70Brew Coffee自己動手沖泡既一杯咖啡☕️，用熱水倒進咖啡粉內泡3mins，再按下鈕制，待咖啡慢慢滴漏就成一杯香濃咖啡，原味入口偏酸，手動很特別呢。.ll $37Hoicha Latte (Hot)濃濃既培茶Latte☕️，仲有拉花天鵝呢。..

朋友係班戟粉絲，每次有新店開幕，都會抽空到訪。最近就邀約我一齊去九龍灣試下呢間來自日本名古屋的人氣班戟店「HoiHoi Pancake House」。餐廳位於 MegaBox 1 樓，店舖鄰近 AEON，開放式門面，非常易認，裝潢走夏威夷風格，加上場內的植物配置，具熱帶風情。翻開餐牌細看，除了主打的班戟外，也有鹹食供應，以和式洋食為主，如巨型漢堡塔，另外亦有沖繩人氣料理墨西哥 Taco 飯、漢堡扒、炸豚肉定食等菜式供應。交由友人發板，揀咗兩款班戟，另外再加咗兩杯飲品。先嚟呢款係夏威夷果仁忌廉夏威夷班戟 ($108)，班戟賣相一流，面頭鋪滿日本產忌廉，份量十足，把 Pancake 完全覆蓋。班戟鬆軟得來又帶點煙韌，麵粉香氣突出；忌廉夠曬輕盈滑溜，再加上頂層的夏威夷果仁碎，口感好豐富。至於另外呢款就係沖繩芒果梳乎厘班戟 ($138)，賣相好有夏日 feel，原來係期間限定嘅新出品。班戟食落非常鬆軟，有空氣感之餘又唔會覺得只食了一陣風落肚，蛋香十足。芒果由沖繩直送，配上清香芒果醬和震騰騰的梳乎厘班戟吃，真係無得輸。飲品我揀咗芒果沙冰，而友人就話要試下呢款手沖浸泡式精品咖啡 ($68)。嘩！原

同朋友嚟朝聖食pancake一人叫咗一款，分別係夏威夷果仁班戟，沖繩芒果梳乎厘班戟呢度嘅夏威夷果仁pancake好似好出名，望落 好satisfying啲cream好smooth咁鋪滿整個班戟嘅面頭 ，上面有好多一粒粒嘅夏威夷果仁碎，最後裝飾嘅係用咗紫色嘅花同翠綠薄荷葉整個感覺好似去咗海島切開見到入面係有三層pancakes，每一層都有足夠嘅厚度，承托咗個班戟最後嘅高度忌廉嘅份量都好重手，差唔多有半塊pancake咁厚因為班戟嘅材料用咗日本嘅麵粉同雞蛋，仲有3.7牛奶，所以食落個感覺都好紮實，香滑沖繩芒果梳乎厘pancake畀我哋嘅感覺同上面嘅夏威夷果仁pancake好唔同，同樣有三塊大大塊嘅班戟，加上新鮮打好嘅甜忌廉，芒果syrup，同埋好多芒果肉芒果肉好香甜，仲有一絲絲嘅纖維，但係又唔會有渣感覺同平係香港食開嘅味道好唔同因為我哋都坐得幾耐，所以各叫咗一杯飲品朋友叫嘅呢杯手沖咖啡好特別，一個托盤放咗咖啡杯，過濾器，量杯，計時器，同埋一張小卡片卡片簡介畀我哋聽用嘅咖啡豆，佢嘅味道，同埋沖調嘅方法雖然店員拎盤咖啡上嚟嘅時候有解釋過畀我哋聽，不過我哋都有睇到呢張卡片上面嘅指示，十分之清晰將

知道HoiHoi Pancake開咗喺Mega Box。鍾意食甜品嘅為食妹👧🏻又點可以錯過。🤪望咗陣食乜好。一於試下呢個沖繩芒果🥭梳乎厘班戟。😍Wow🤤未食已經流晒口水。芒果🥭好香甜。可惜熟咗d 。有小小水😅。梳乎厘班戟軟綿綿。又香又滑。overall係正嘅。👍🏻夏威夷果仁忌廉夏威夷班戟🥞～呢款pancake🔪開有三層。口感似麥xx嘅pancake🥞。甘當然呢款高level好多啦😝。忌廉夠晒份量。佈滿整個班戟。上面灑有果仁碎。口感豐富。😍

Hoihoi pancake .斑戟控的我，知道是名古屋No.1 的班戟店，而且全店採用日本原材料去製造，非常期待.沖繩芒果疏乎厘班戟Okinawa Mango Souffle Pancake厚厚而軟滑的疏乎厘，吃下去很有空氣感，吃得出手打蛋白那種鬆軟，配上沖繩送來的芒果，真的零舍不同 ，真的很甜啊，一點酸味也沒有，三塊疏乎厘班戟加上超級多的忌廉，每一口也十分豐富.夏威夷果仁忌廉夏威夷班戟Classic Macadamia Cream Hawaiian Pancake外表非常吸引，用獨特的麵粉去製造的夏威夷果仁忌廉夏威夷班戟，三層一層一層的，鬆軟帶煙韌感，連帶幾層一口吃下去口感也很獨特，用一層厚厚的忌廉包圍着，配上夏威夷果仁碎碎，.香桃茶Iced Shaken Tea桃味十足，而且不是一般的就這樣沖茶，而是冰瑤茶，最適合夏天這些日子了.Brew Coffee很特別的滴漏手沖咖啡，有客人自己調配，很貼心的附上一個漏斗， 3分鐘待咖啡浸泡後，喝得到第一口最新鮮的咖啡啊，咖啡非常甘味，完全不苦澀，這隻咖啡豆很值得推介喔.〒HoiHoi Pancake House (九龍灣)九龍灣宏照道38號

其實開業時黎過，當時水準真係一般，今次朋友想試再黎，確實進步左唔少。 至少服務好左好多。沖繩芒果疏乎厘班戟 🥞疏乎厘班戟係主打，班戟熟度ok，配有好多cream，有蛋香，但係室溫唔太夠熱。用上沖繩芒果🥭有少少芒果汁，芒果唔算好甜，甜甜酸酸感覺幾清新～夏威夷果仁忌廉班戟 🥞由三塊薄班戟組成，班戟面上再搽上忌廉，再灑上果仁，口感比較結實，個人比較喜歡食疏乎厘班戟多啲。焙茶拿鐵超濃郁焙茶味，加有好多焙茶粉。面上有拉花。滴漏咖啡☕️用濾紙慢慢滴漏，3分鐘左右就搞掂，咖啡好濃，適合鍾意飲齋啡嘅人士。

夏威夷果仁忌廉班戟 $108, 日本過江龍Pancake‼️哩間係被稱為「名古屋No.1行列店」嘅Hoi Hoi Pancake House係以用高級嘅日本原材料製作出夏威夷風味班戟聞名🥞🥞呢款班戟係選用當地麵粉廠特意為HoiHoi調製嘅麵粉🔅🔅質感幾獨特, 鬆軟帶煙韌感, 用埋島根縣新紀元雞蛋, 香氣明顯, 加埋忌廉同香脆嘅夏威夷果仁, 味道層次又豐富啲😋(以上係媒體既報道, 寫到哩間pancake 好似幾咁好食又幾咁正咁)😍😍😍.然後我食.......好普通😟😟 個pancake鬆軟程度一般, 空氣感不足, 唔覺得好有蛋香, 係個忌廉真係幾香滑🤟🏻 整體其實都ok ge, 但媒體寫得太好, 同我既expectation 真係有d落差😂

餐廳曾獲日本數十電視台節目介紹📺班戟原材料嘅麵粉由名古屋當地廠房特別調製，配上島根縣新紀元雞蛋製作，香港更有✌🏼款限定口味。💗沖繩芒果梳乎厘班戟($138)梳乎厘班戟一共有三塊，每塊超過半吋厚，食落都算鬆軟輕盈，但唔夠空氣感，未能入口即化🥞最大問題係完全涷冰冰，蛋香味又唔突出🙄面頭嘅忌廉雖然好幼滑，但略嫌唔夠企身，好似融融地咁🤷🏻‍♀️旁邊嘅沖繩芒果粒份量算合理，食落冇根唔酸，不過唔係清甜，味道唔太自然，仲有少少芒果汁伴碟🥭💗夏威夷果仁忌廉夏威夷班戟 ($108)其實就係傳統嘅美式鬆餅，切開入面有三層厚，食落鬆軟煙韌，口感較實在但唔會痴牙，而且富麵粉香同蛋香🧇濃厚順滑嘅忌廉瀑布覆蓋成個班戟，帶微微海鹽鹹香🤤再灑上香口嘅夏威夷果仁碎增加口感，可惜果仁份量較吝嗇🌰💗焙茶牛奶($37)焙茶其實係綠茶嘅一種， 透過高温炒製後令茶味更香濃🍵飲落順滑厚實，帶獨特嘅焦燶味，入口較甘澀，建議加糖中和。鮮奶份量可以再加重，奶香味不足🥛💗涷朱古力($37)用咗黑朱古力沖調，飲落微苦唔會太甜，質感夠哂濃郁純厚🍫