181
36
13
所有分店 (2)
電話號碼
24617000
營業時間
今日營業
12:00 - 22:00
星期一至四
11:30 - 21:30
星期五
11:30 - 22:00
星期六
12:00 - 22:00
星期日
12:00 - 21:30
公眾假期
12:00 - 21:30
*最後入座時間: 18:00/21:00
付款方式
Visa Master 現金 Apple Pay Google Pay
其他資料
加一服務費
食評 (247)
日本班戟基本上係港人遊日時必食既甜品之一,香港有唔少日本疏乎厘班戟嘅過江龍,係呢排疫情期間無得去旅行既時期,介紹呢間名古屋嘅人龍店過江龍,餐廳行夏威夷風格,而甜品菜式都好友熱帶風情,班戟更加有兩款香港限定嘅口味。HoiHoi Pancake House係來自日本名古屋,喺當地係要排一個鐘先食到嘅人氣店,由2011年開業至今,先後有幾十個電視台節目介紹,譽為日本最好食嘅班戟,更加有「名古屋No.1行列店」之稱。第一間分店就揀咗係同九龍灣嘅MegaBox係上年開業,而最近都係荃灣荃新天地商場一期開咗二號分店。不過其實日本間間班戟都話自己係最好食,咁究竟呢間又係咪真係最好食呢?呢度嘅班戟分為兩款,一款係大家都食慣、好鍾意嘅空氣咁十足嘅疏乎厘班戟,而令一款就係佢哋嘅信心之作,夏威夷班cake,即係傳統嘅美式班戟。香港店班戟材料都係由日本直送,用料講究,香味特別濃郁。我前後去過兩次,一次係大概平日3點既時間去當TEA食,大約3點去到,個次就完全唔駛等位,餐廳大概坐左8成人,而第2次就係平日放晏既時間,大約12點8到,去到見到前面差唔多有10個人排緊隊,等左差唔多8個字先有得坐。店內裝修簡約乾淨,位置我諗可以容納30-40人,枱同枱之間距離充足,擺台闊落,有空間感,環境舒適,入面會有開放式廚房,上面會有一塊大黑板介紹店內既野食,尤其係啲正常餐牌無既野食,好似目玉燒夏威夷班戟同一啲飲品,餐廳會播D比較熱門既日本音樂,如果有點到咸點同甜品,會分別提供兩套餐具,幾貼心。- 1️⃣ 目玉燒夏威夷班戟 💰108(👅: 9/10)第一次被呢間店吸引其實係呢個有隻假荷包蛋既班戟,但呢個我第一次去個時就有(大概3月),第二次去個時問店員佢話已經無左,我諗應該係期間限定,唔知幾時會再出返。呢個班戟好處係可以揀疏乎厘或者夏威夷班戟,對比起店鋪其他班戟都係已經配好左咩醬汁口味咩班戟,呢個就可以跟返自己個人口味同心情揀想食既班戟。因為香港已經成日食疏乎厘班戟,美式班戟好少食到,而且一直都想係香港食到好似BILLS咁好食既美式班戟,所以就揀左後者。上碟見到同相中分別唔大,白色既蛋白其實係Mascarpone Cheese Cream,而圓碌碌既蛋黃其實係特製吉士蛋黃,外表真係整到好似隻荷包蛋咁,蛋黃仲真係做到流心效果,打卡度十足。食落芝士忌廉味濃郁,甜度非常足夠加上淡淡鹹香,小小似台式既奶蓋,幾惹味,當個班戟唔係做到超好食既時候,我覺得醬汁就要相對做到重味一啲。而呢個班戟特別在上面既Mascarpone Cheese Cream係可以無限添加,我食個次食到60 70%時D醬已經無哂,所以可以要求店員再添加,就唔會食落得班戟咁單調。而夏威夷班戟其實係美式既班戟,即叫即煎,食落係同梳乎厘班戟唔同,口感較厚實帶小小鬆軟煙韌,但我一直都想食美式班戟,呢個算係滿足到我,有小小蛋香味同麵粉香氣,牛油味會比較出,不過美式班戟應該要煎得再焦一啲會更好食,呢個班戟如果無左Cheese Cream單食會比較單調,都係需要Cream作為主要味道。-2️⃣ 法式焦糖梳乎厘班戟 💰128(👅:8/10)呢個法式焦糖其實係香港限定口味,另一個香港限定口味係抹茶忌廉梳乎厘班戟,不過MENU上無特別寫出黎。首先賣相非常吸引,好似一個巨型焦糖燉蛋咁,上面既焦糖燒到有D焦脆,食落係比較重奶黃味既吉士醬,如果焦糖可以燒到有更明顯既脆口脆片會更好,法式焦糖食落都會比較飽膩。而班戟係用上日本島根縣新紀元雞蛋,獨家特調配方既名古屋麵粉,再加上明治4.3特濃牛奶製作,係由人手打發蛋白,所以班戟算企身唔易塌,班戟用半煎半蒸焗方式燒香外層,有三塊疊起左,不過份量每塊感覺比A Happy Pancake細一啲偏薄,食落蛋香味正常會比夏威夷班戟多,不過似係米漿香味多過蛋香味,牛油味就會小返啲啲,咬落嫌唔夠厚同空氣感唔夠,唔係A Happy Pancake或者FLIPPER'S個啲入口即溶既空氣感,口質偏濕同黏口,個人覺得梳乎厘班戟就應該要做到極致超空氣感先得,但整體已經好食過香港好多梳乎厘班戟,班戟算係及格水準。-3️⃣ 夏威夷果仁忌廉夏威夷班戟 💰118(👅:8/10)夏威夷班戟個口感就好食目玉燒既夏威夷班戟差唔多。忌廉份量睇落十足,係用日本產忌廉,滿佈左成個班戟,食落算順滑,帶微甜,質感算係比較稀好似水咁,略嫌唔夠企身,融融地好流質咁,可能因為咁所以食落覺得唔膩,上面灑左D夏威夷果仁碎,咬落香脆帶小小果仁香,食落口感無咁單調,但食到後期就會覺得忌廉份量其實唔夠三塊班戟食,而且無得好似目玉燒夏威夷班戟咁無限添加,而味道都比目玉燒既吉士同Cheese Cream淡,唔夠滿足,個人鍾意班戟一係蛋白味好勁,一係就調味重味啲。-4️⃣ 宇治金時 💰35 (👅: 8.5/10)呢個應該係期間限定既野飲,第二次4月去個時已經無得再叫,而且佢不嬲唔係正常MENU入面。出面有好靚既拉花,佢係一杯熱飲,所以冬天飲個時幾岩,可能因為咁所以呢家無,係冬日限定特飲。宇治金時飲落抹茶味幾濃郁,唔會得個甜字有抹茶應有既小小苦澀同茶香,抹茶同牛奶味平衡,入面有十勝紅豆粒,食落香甜軟糯,但整體唔會太甜太膩,齒頰留香,鍾意抹茶牛奶既人應該會鍾意。-5️⃣⃣ 焙茶牛奶 💰39(👅:8/10)呢度既熱飲咖啡都會有靚既拉花,未飲前會聞小小煙燻香味,茶香比奶味更重,飲落焙茶味甘香得黎溫潤,帶少少炭香,牛奶會中和焙茶自身既小小苦澀感,配搭得宜,唔需要加糖都已經夠甜,因為焙茶牛奶係應該甘苦共存。-6️⃣ 榛子牛奶咖啡 💰39(👅: 8/10)同樣有靚既拉花,同之前個杯比就係焙茶變左做榛子,飲落係同牛奶咖啡另一個配搭既味道,比焙茶甜一啲因為無左茶既苦澀,但都唔會過甜,值得回味。-🌟總括黎講,如果係梳乎厘班戟,我覺得A Happy Pancake、FLIPPER'S、窩子會做得更出色,空氣感更好,入口即溶個種,所以有只有特別既口味好似抹茶忌廉同法式焦糖既味道去彌滿空氣感既不足,如果黎呢度食我會推介夏威夷班戟多啲,因為香港好少有得食,鍾意實在口感班戟既人可以一試。店鋪除左有好多款班戟外,晏就會有lunch set,平時會有其他輕食、咸食、芭菲同飲品。熟食鹹食例如有慢煮漢堡扒、炸豚肉定食、墨西哥Taco飯等。炸豚肉用上鹿兒島豚肉眼即叫即炸,所以黎到唔一定淨係食班戟。而且香港店將會同步推出名古屋總店全新兼期間限定既一系列食品,好似沖繩紫薯梳乎厘班戟、創意班戟漢堡。而為左慶祝基灣新店開業,更加推出開幕紀念環保袋,幫襯滿$300就可以18加購一個環保袋。-👅味道: 8.5/10🍴環境: 7/10💰消費: $140-170人均 (服務費: 10%)❗ 每位最低消費一份甜品 繼續閱讀
(以上食評乃用戶個人意見 , 並不代表OpenRice之觀點。)
❣ 難得行開Megabox,就特意留肚來拜訪下呢間名古屋No. 1 Pancake店‼️🥞 無論鹹甜定甜點,都做得幾出色喎👍🏼❣ Hawaiian Pancake Burger w/ Avocado, Shrimp, Honey Mustard (HK$108) 夏威夷班戟漢堡配牛油果、蝦、蜜糖芥末醬💢 超!驚!喜!我印象中嘅Pancake都屬於甜品類, 但呢個漢堡令我改觀🤩 班戟質感厚實, 絕對係取代麵包嘅不二之選😋 配上牛油果🥑大蝦🍤新鮮沙律菜🥗蕃茄🍅 整個配搭超refreshing~ 薯條炸得香脆唔油膩🍟❣ Strawberry Souffle Pancake (HK$138)士多啤梨梳乎里班戟 🍓3件梳乎里班戟,草莓片全部切成心型做伴碟❤️ Pancake 蛋味香,吃落鬆軟輕盈🥞 空氣感💯 火口控制剛好🔥 配上挺身綿密奶味濃嘅忌廉🍼 係幸福嘅味道吖🥰❣ Single Origin Pourover Coffee 手沖浸泡式精品咖啡 (HK$68)自己咖啡自己沖‼️ 店員會細心講解浸泡程序~ 我當日試咗Indonesia Sumatra Gayo Asman Arianto Fully Washed咖啡豆~ 飲落輕身,酸味特出☕❣ Espresso Tonic 湯力濃縮咖啡 (HK$58) 上枱嘅時候已經調教好㗎啦,仲加上咗一片檸檬及薄荷葉🍃❣ 我今次去嘅係Megabox店,佢哋啱啱喺荃灣開咗分店呀~ 值得拜訪,一解思鄉之愁🤪 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-16
1237 瀏覽
呢間位於九龍灣Mega Box 既日本名古屋超人氣過江龍 Hoi Hoi Pancake專門店, 經常都大排長龍, 今日終於有機會黎試下啦! 餐廳位於Mega Box 既一樓, 裝修走簡約日系風, 環境舒服自然, 而且枱同枱之間都分隔開一定距離, 感覺寬敞舒適唔會侷促。 佢地既Pancake 有多款唔同類型既咸/甜點以供選擇。夏威夷班戟漢堡配牛油果、蝦、蜜糖芥末醬 $108Hawaiian PancakeBurger w/ Avocado, Shrimp, Honey Mustard - 呢個好 !有 !驚 !喜 !  係我印象中Pancake 應該屬於甜品類, 但呢個令我完全改觀 !Pancake 既質感好厚實, 仲富有香濃既蛋味。牛油果份量超多, 熟度剛好又Creamy, 仲有大大隻既蝦仁, 再配上新鮮既沙律菜, 清爽既蕃茄同芥末醬, 感覺好fresh , 勁足料超好味!而伴碟既薯條都唔錯, 炸得香脆之餘, 但唔會覺得油膩, 滿滿既飽足感。士多啤梨梳乎里班戟 Strawberry Souffle Pancake $138  - 士多啤梨片全部切成心型做伴碟, 有3件梳乎里班戟, 蛋味極濃, 仲特別選用明治4.3特濃牛奶, 口感非常鬆軟有空氣感, 而且Cream既質感做得好綿密, 再配上蜂蜜一齊食, 好滿足。牛奶抺茶 Matcha Latte (Hot) $37 - 抺茶味道濃郁, 入口順滑而且充滿奶香, 加上個靚靚拉花, 外型極之討好, CP值極高。Hoi Hoi Pancake House 九龍灣宏照道38號企業廣場5期Mega Box 1樓19-20號舖 繼續閱讀
(以上食評乃用戶個人意見 , 並不代表OpenRice之觀點。)
年初三, 為了pancake而來. 紅日假期, 當然先上網搵清楚營業時間pancake或者coffee shop, 唔想等好耐既話最理想都係食第一轉, 即係開門時間的15分鐘內到達. 哎呀! 今次計漏左, 無諗過咁少枱. 大約15張枱, 所以之後既客人要等好耐. 我地係第二輪, 排頭位. 兩個人點了一個午餐, 一個玉子PANCAKE甜品.午餐, 有湯, 有飲品. 飲品好大杯. 羊架, 份量OK, 肉稔. 配菜好食! 湯及咖啡咖啡杯比湯大杯玉子梳乎尼PANCAKE甜品PANCAKE有兩款可選. 梳乎尼和夏威夷PANCAKE比較濕. 白色cream cheese ok!整個甜品係一個賣相. 中間的旦黃, 是吉士, 但試過味道後都係放棄. 白色CREAM, 唔夠, 可以再添. 試過ok了。還是配朱古力比較好!⭕️全店職員戴上口罩⭕️進店前量度體溫⭕️提供酒精搓手液 ⭕️座位間有距離感, 亦有透明膠板相隔 繼續閱讀
(以上食評乃用戶個人意見 , 並不代表OpenRice之觀點。)
‼️❤️ 記得CLICK我PROFILE關注我呀 ❤️‼️.🥞 C̆̈ă̈r̆̈ă̈m̆̈ĕ̈l̆̈ B̆̈ă̈n̆̈ă̈n̆̈ă̈ S̆̈ŏ̈ŭ̈f̆̈f̆̈l̆̈ĕ̈ P̆̈ă̈n̆̈c̆̈ă̈k̆̈ĕ̈ HKD118 @ 🌟 HoiHoi Pancake House HK《👽食神大媽食甜品》.👽 大媽對疏乎厘班戟基本上係零抵抗力,市區好幾間HIT咗好耐熱潮一直都未減退過,不過成日翻兜都開始悶啦,所以今次就試吓位於九龍灣呢間新貴,人氣最近非常之旺呢!🤩.冇得預訂,排隊是常識,大概排咗四個字,好彩都唔算太耐。見大部分人都介紹佢嘅招牌雞蛋疏乎厘,大媽今次就特登試吓另一款 😬 見到香蕉配焦糖,嘩一定好味,即刻叫過嚟試吓!果然特登嚟九龍灣試呢間係冇錯㗎,值回票價,蛋香味濃郁,疏乎厘彈彈下,個焦糖唔會太甜唔會郝喉,最正係個CREAM,空氣感十足,非常超水準!同埋價錢相對其他同類餐廳黎講絕對唔係貴,支持!下次一定要試埋佢個士多啤梨味先得 😆.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂..📍九龍灣宏照道38號企業廣場5期Megabox 1樓19-20號舖 ⠀☎️ +(852)2461-7000. 繼續閱讀
(以上食評乃用戶個人意見 , 並不代表OpenRice之觀點。)