OPPA韓國燒肉店 (已結業)

話說提早慶祝母親節，一早就Book左檯7:30pm (4人)講到book檯真係一肚氣...明明book左7:30PM我地7:26PM到...見到門口一大堆人等...有book左檯的，亦有walk-in客心諗book左檯應該唔會出事掛!結果我地足足等左35mins先入得...都唔明個waiter點解仲要放walk-in客入去搞到book左檯的客人反而要等!book檯個意義都無左啦!!!仲要一心諗住慶祝母親節，難為要媽媽企足35mins...做仔女個心都唔好受 如果有客6:30pm walk-in...我覺得餐廳應該要同客人講明用餐時間...1小時後因為有人book左檯所以一定要交檯...如果唔咁做...我地book左檯反而仲要等咁耐...好唔fair好...講返d食物先...去圖燒烤盤個設計值得一讚，盤身微微傾斜，方便燒烤時的肥油能順勢流走。不過個蛋就燒到好老好鞋口，底熟時面又唔熟，等到面熟時底已過熟。我地order左個什錦牛肉($338)，大概有5-6款牛肉，說真的肉質其實不錯，味道亦剛好，但份量真的好少呢不夠4人食，最多2人食就差不多黑毛豬扒($138)，只可說這家店的份量與價錢不成

韓式燒肉店周街都係，可以脫穎而出比人推薦應該都吾簡單～今日就去一個住大埔既朋友推薦我去食既OPPA燒肉店試下！一入門口抬頭就見到幾部電視播緊KPOP MV，幾有韓國氣氛唔錯～店內沿用好多燒肉店常用既鐵桶做既圓形枱。一坐低就有店員姐姐將泡菜+蛋漿、三款配菜：泡菜、大豆芽同海帶放好～事不宜遲睇menu叫野食先！「豬肉拼盤」有豬頸肉、五花腩、日本豬西冷同豬排骨～一次滿足我地4個願望！豬頸肉爽口彈牙夠入味！五花腩係厚切，燒起上嚟夠油份焦焦地最好味！豬西冷同五花腩差唔多肉質夠腍滑，如果有醃下吊味就更好！豬排骨一燒就好香因為骨邊肉最好味，上既時候係一連兩舊骨既，燒好將佢剪開就好方便食！「雞肉」冇醃過既雞肉味道靠燒好之後點既醬，勝在肉質嫩滑唔'鞋'，份量亦比預期多！「煎韓式海鮮餅」份量都好多，起碼有三個人share先食得晒，唔係就食唔落其他野架啦！煎餅厚薄適中，食落煙煙韌韌又有好多海鮮係中間好好味呀！熱辣辣再點埋佢個汁食最正！「豬皮」薄薄既豬皮，擺落爐上面燒一燒好快就食得，通常都都會點黃豆粉一齊食，而我就中意就咁點鋪頭本身提供既醬汁食！食落煙煙韌韌好似食左好多骨膠原咁正呀！「什錦海鮮」有大虎蝦、帶子

今日係大埔收工，就同同事係附近搵下有咩好食，行過見到呢間幾特別既韓國燒肉店，就吸引我地入左去。點特別法？一望埋去有酒吧台，好似酒吧，但其實佢係韓國烤肉店黎。牆身都係街頭藝術d噴字同畫，有別大部分既韓國烤肉店。店內整潔，位與位之間算闊，不會太迫。椅子冇得埃，係有d唔舒服，但好多韓店都係咁。椅子有樣好，打開可放袋呀隨身物品入筒。食物種類不算多亦不算少，應有同想食都有。價錢亦不算太貴！前菜，比較喜歡海帶，泡菜都唔錯。係芽菜有點淡。什錦牛肉拼盤我唔食得牛，但佢睇落好吸引，好新鮮好靚，好好味既感覺。同事們都有叫多碟！什錦豬肉拼盤我之前有上過openrice，見d人大讚五花腩。五花腩 我都覺得ok，唔會太肥，肥瘦適中。但我最鍾意食係豬頸肉，d醬料"葉"得好好，食到甜甜地，即單碟豬頸肉食，正雞肉鍾意食雞既我，餐牌上雞類唔多，建議可加雞扒/雞胸肉。最後單點雞肉一碟，肉質非常好，雖然覺得略有點咸，有同事唔覺，但我覺得如果可以淡少少會更好。不過由於肉質不錯，我都有再叫多點食，正雖然我唔太好海鮮，但都覺得佢到海鮮幾大隻，都幾吸引！海鮮既味道都ok...韓式海鮮煎餅呢個超好食，點埋佢比既醬汁更好食，唔識形容，

尋晚過左大埔同班老死打籃球, 由於約既時間早, 所以只係食個面包就開始, 連場大戰過後, 當然換來又攰又餓之軀啦, 難得兄弟聚首, 決定去食番餐勁既補充下~~最後我地選擇左Oppa燒肉, 揀呢間既原因係肉類能夠最快填補失去既元氣....其實邊有咁多道理, 成班男人, 梗係要食下燒肉飲下酒先爽架ma...唔通去食個D靜到無人講野既西餐咩一去到見到個門口, 樓底好高, 仲有個吧枱, 一望而知, 應該係前身係酒吧改建而成, 空間感好大, 唔會俾人好迫既感覺, 坐位亦好寬敞, 枱與枱之間都有段距離, 唔會好似去食日本放題咁, 枱貼胸, 椅背貼背脊, 仲要同隔離好似搭枱咁近, 值得一讚!!但無椅背, 對於我地一班剛做完劇烈運動既中年人難免有D為難, 不過無緊要既, 當練下腰力啦. 話說, 由於大家都太肚餓啦, 已經唔諗得咁多, 即時開始叫野食, 成班仔仔, 當然主攻肉類啦, 所以立即order左牛拼盤, 豬拼盤同雞肉 眨下眼就黎啦, 嘩!!我最愛係食牛架啦, 個牛拼盤實在令我喜出望外, M6和牛肩胛肉 - 肉質脂肪分佈均勻, 燒個陣香味四溢, 令人流哂口水(當然可能係我地太肚餓啦)牛肋肉 - 調

朋友新居入伙，一班老友鬼鬼決定入去反轉佢間屋。成班女煲煲下韓劇，個個心郁郁想食韓國野，但又吾想去番佐敦食，諗起之前有朋友推薦旺角間oppa燒肉，今次一於試下佢大埔間分店先一入到門口，已經俾入面既裝修吸引，佢地特別用上長形既韓燒抽氣煙囱（吾識形容），已經無咩油煙味。配襯住牆上好有特色的圖畫，真係好地道，似足我之前係韓國食燒肉既風味我地坐既位凹左入去,有自成一角既感覺,吾好處係D WAITER難D見到你,有時要行出少少叫佢,不過佢地一見到都會立即走埋黎既長話短說，個個餓鬼投胎禁起勢喪嗌，望一望餐牌，價錢算合理範圍。牛肉fans既我二話不說叫左個雜錦牛肉，勝在款式齊全岩哂我呢d貪心族，拼盤有牛排骨、牛肋肉、M6和牛肩胛肉、牛脷!!!!-和牛肩胛肉味好濃，厚厚一大片,燒好之後先剪開一塊塊,肉汁完全鎖住,JUICY有趙頭；-牛舌厚薄有至，一燒就香氣四溢；-仲有我每次食親韓燒都走吾甩既牛肋肉，軟滑無渣，入口即溶，我用生菜，加上少許白飯同埋生蒜包住一齊食，真係好食到吾識形容。-最後的牛排骨由店中的oppa親手燒，由一大卷肉慢慢解開變成一片片薄嫩既牛肉，熟得岩岩好，本身已有調味，燒起黎更加香氣撲鼻朋友

今日放假就去大埔接家姐收工，之後就梗係去大埔搵好野食架啦﹗一直都有人講大埔好多好野食，成日都想黎，不過對我黎講真係有d遠囉﹗因為中左韓毒，所以我地決定要食韓國燒肉，就即上openrice搵啦，就俾我地搵到呢間oppa韓國燒肉店好就去試一試啦﹗離遠就見到個好特別既招牌，好野唔洗等位^^一坐底店員就攞左3款前菜(海苔，芽菜無味，泡菜醃得唔夠)，同一樽玄米茶黎叫野食啦﹗叫左1個海鮮拼盤(2隻大虎蝦，2隻帶子，2隻鮑魚，1隻勁大魷魚)，牛肋肉，五花腩虎蝦蝦肉彈牙，新鮮帶子鮮甜牛肋肉配生菜一流呀~~五花腩正常(唔記得影相添)真露米酒，第一次飲好得意呀用個茶壺裝用碗飲，店員話韓國人係咁飲架需然已經食到好飽啦﹗不過食甜品係有第2個胃既，叫左個韓國刨冰(抹茶紅豆味)我地睇住個店員整，一層冰一層抹茶粉同煉奶最後加上紅豆同糯米磁粒，好好味呀抹茶紅豆我的最愛

今日認真係餓鬼，因為食完早餐到晚都無食野。。。又好多野做，所以連食都無時間。做埋手頭上野即刻撲去同朋友開餐啦！ 經已唔係第一次光顧嘅韓國燒烤店，但都係掛住個泡菜湯，所以專程黎食啦！燒牛肉係時候教大家正確嘅韓燒食法啦~其實韓國人食韓燒就唔係剩食肉嘅，應該好似我咁，一細羮飯，加舊肉，再加配菜，最後用生菜包住食嘅！唔係啲韓男邊有咁大隻喎~個牛肉醃得好入味，味道帶甜，飯都做得好好，好軟熟。包住食口感仲正。 部隊 Shake shake飯雖然唔係我點嘅，但係睇落都幾有趣，店員先幫我地將配料剪碎，然後合埋個盒不停shake勻佢。韓國午餐肉好味，個醬料好夠味同好辣。 泡菜豆腐湯終於到我至愛，因為哩個湯好多料，辣得黎啲泡菜味好特別，所以我好喜愛哩個湯，酸辣平衡得好好，醒胃呀！ 甜品黃豆粉牛奶冰一粒粒嘅年糕係面好有咬口，但是太甜了，最鍾意綿綿冰嘅口感，入口即溶，再加埋煉奶同黃豆奶，口感變化相當！係我在其他地方都未嚐過嘅甜品味道！ 真係好細砂狀同埋乾爽嫁，入口先溶好過引！

吸收過食飯時間爆晒場嘅經驗，今次早到的鳥兒唔洗排隊都有得食嘞旺角分店我就冇食過，不過大埔呢間真係幾吸引，話晒大埔都冇同類型食肆今次揀晒OPPA推介先五花腩─肥瘦度啱啱好，唔油膩好好味店員會幫手燒架!!仲幫手剪開添剪開細細舊仲易入口安格斯肉眼扒─韓燒新嘗試平時唔係食和牛都唔會嗌扒，今次冇揀錯呀估唔到咁軟綿綿架，Yummy!!大大塊真係好抵食原隻魷魚─差唔多味味菜都有人服侍呀，平時燒魷魚鍾意燒到完全乾身不過呢度燒到啱啱好已經得嘞!!魷魚夠新鮮好彈牙呢日本豬西冷─一餐兩大件扒我真係覺得過份咗，好彩配生菜食唔覺滯咋

難得婆婆幫我照顧2個小朋友，我同老公撇甩2隻馬騮去撐枱腳。朋友介紹我地去食oops 韓燒我地就去試下啦！好彩都唔係等左好耐，大概15分鐘到就有位。入到去睇到牆上漫畫，公仔畫得好生鬼又得意，好有創意裝修！未叫餐前店員已經拎左前菜，有芽菜，泡菜和海苔，3隻都好好味，重可以任食！岩曬我，我超愛泡菜，重有2款醬，甜甜地配肉會幾好味！我地點左什錦牛肉，牛舌，m6和牛胛肉，牛肋肉同牛排骨，重有我老公至愛五花腩爐側邊有泡菜蛋，店員話大約幾分鐘就食得。牛舌果然冇令我失望、幾好味一d都唔難咬開，牛肋肉同牛排骨都腌得好惹味，唔包生菜都好好味！不過我個人喜愛包生菜食！五花腩我又覺得唔肥，肉同肥膏剛剛好，當然包生菜會好d,因感覺冇甘肥膩泡菜蛋都好惹味，可以係泡菜另一種食法！yummy玄米菜好清幾好飲，又可以解油膩！我下次都會黎食，因想食海鮮併盤！好開心食到一餐滿足韓燒 yeah 👍👍

最近身邊友人都說想找一個OPPA當男友…也許被韓劇迷倒了..真的OPPA未出現,但令人驚喜的OPPA韓國燒肉店就被我們發現了XD海鮮併盤, 可說是必點!有大虎蝦 、鮮鮑魚、魷魚、帶子、八爪魚~大虎蝦很大隻! 比我的食指還要長~而且有蝦醬的…YUMMY~魷魚放置得美美的, 就像魷魚花..XD當店員一看見我們打算燒魷魚, 就幫我們煮理~原來煮魷魚都好大學問的..XD 以我慣例會將魷魚剪成一圈圈...原來剪成一塊塊才對啊!有專員幫手煮調太爽吧~一整隻魷魚熟透度剛好, 不太生又不太韌, 入口容易~有兩款醬汁提供,魷魚很配點上醬油包生菜 (生菜也是附送一籃子)~八爪魚鬚, 彈牙爽口, 夠爽嫩~是刺身用的帶子, 挺厚身~先放在鐵板邊近去油位置燒, 燒熟同時順道去雪水~會看見白色的雪水霧出, 再煮調多一會便食得~外熟內帶點絲的感覺, 有質感, 很美味唷!連殼的鮮鮑魚 , 挺鮮味~牛類方面都多款選擇, 實在令人難以選擇呀! 如想每樣試點的當然是什錦牛肉~最後我點了澳洲M6和牛肩胛肉~牛味香濃,肉質帶有咬口感~食完一塊都唔夠喉..XD同樣可依個人喜好配上生菜進食~雞肉燒後仍然滑溜 ~應該本身已把雞肉調味

未夠6點得幾枱客，不用等位。地方算ok，但個埸唔算好大，牆上有街頭噴畫，叫做有點特色。雖然每一枱上面都有一個抽氣管，但冷氣不足，或門口太開掦，個場未滿，已覺得熱。餐牌面好油，感覺有點污糟。2個人order左一個什錦牛肉，同一客銀鱈魚，個牛肉併盤比預期中細，如果無叫白飯應該食唔飽，而白飯質地偏硬，米香不足。而烤盤上的kimchi蛋一D都唔好食，個面仲生，但下層已經好老了。什錦牛肉$338有牛排骨、牛肋肉、M6和牛肩胛肉、牛脷。但整體肉味不足，只有牛肋肉較為可取。客銀鱈魚$138個賣相唔係好新鮮，幸而熟左無怪味，肉質都算滑。但成餐食完勁口渴，好明顯落重味精。配肉的菜籃只有生菜一款，仲滴緊水。前菜有3款，牙菜，海帶同泡菜。味道好普通，款式比一般傳統韓食店少。叫左侍應2次追加前菜，都話等陣先。因為他們係統一一次過發放同添加，水亦唔會主動幫你加。整體侍應態度都麻麻，完全係一副清明拜山或未訓醒的面囗，只得一個男侍應係反應快同態度好，睇他應該係senior。這樣的食物質素同服務，試一次就夠，之前報紙網絡介紹的芝士醬完全無影，唔知是否要額外order。總結：食物及服務一般，應該短時間不會再光顧。P.s

自從搬離大埔之後，已經好耐無黎啦﹗ 今日約左舊鄰居就梗係要係大埔食個飯啦﹗鄰居話有間韓燒聽講都ok，好..就去試下啦﹗韓燒岩我，我鍾意食肉我地6點就到啦﹗好彩唔洗等位姐~~入到去就會俾係牆上既漫畫公仔吸引，d公仔好得意呀~~一坐底店員就攞左3款小食過黎，有泡菜，海苔，芽菜，3款小食都ok啦﹗到叫肉啦，我地叫左個什錦牛肉(牛舌,M6和牛,牛排骨,牛肋肉)，韓燒必食既五花腩除左肉外，仲有煎泡菜餅，oppa 炒飯(不過店員話呢個炒飯係等我地食哂d燒肉係我地面前即炒既)點完菜，店員會係我地個爐邊落蛋漿仲話俾我地知大約幾分鐘就可以食啦﹗我地好期待咁計住時間，個蛋好滑好嫩好好食牛排骨同牛肋肉好入味好香，包住生菜食簡直係一流呀﹗ M6和牛好林好似唔洗咬就可以吞咁，牛舌ok五花腩肥膏同肉既比例岩岩好泡菜餅普通有得睇又好食既oppa炒飯(有泡菜,芝士,蛋漿)，芝士味濃，即炒即食熱辣辣咁 very good差d唔記得仲有玄米茶，玄米茶係可以解肥膩既，令到個胃唔會頂住頂住咁呢度係難搵左d，不過我覺得可以食到好食既野就要辛苦d架啦﹗ hahaha.....

Oppa~呢個睇韓國綜藝節目電腦劇集學返黎既韓文相信無人唔識仲hit到有韓國餐廳拎黎做餐廳名當然要「慕名」一試啦同朋友相約在太和踩完單車再黎食韓燒係放假的最佳享受由地頭蟲帶路於太和站走來大約十分鐘雖然地點有點偏遠 但卻不阻粉絲們一見OPPA的決心啊!!五點半就來到的我們 好好彩係無訂位的情況下都能佔一席餐廳內環境衛生 牆上滿是可愛的油畫看到這七彩的壁畫就讓人覺得快樂加上餐廳內的電視都播放著韓國音樂影片彷如置身於韓國 在享受一頓地道的韓式燒烤般一坐低OPPA就為我們端上芽菜泡菜等前菜又於燒爐邊淋上蛋漿 灑上泡菜準備好小食 讓我們未下單就可以先打底又熱心的為我們作推介不錯唷~Oppa推介下 我地先點左什錦牛肉 $338牛排骨 牛肋肉 M6和牛肩胛肉 牛脷店內精選全部可以試齊點可以唔叫碟試下呢最鍾意和牛肩胛肉的滑嫩咬落幼嫩程度可以拍得住牛臉頰既滑溜另外腌製過的牛排骨和牛肋肉份外入味仲有Oppa過黎親自為你燒再用雞脾菇吸走多餘油份食落更香嫩 入口更惹味淨係食牛肉當然唔夠喉啦加單之際俾我地見到有部隊shake shake飯 $58聽個名已經即刻江南style上身原來oppa真係會係你面前shak

好久沒吃韓燒…走進一家非常幽默的韓燒店…店面很大!! 牆上都是可愛漫畫化人物…我們6點去吃只有幾桌客人…不過不用半小時突然坐無虛席…整個嚇到!! 因為我才第一次來吃。 有幾款前菜，海苔、豆芽、泡菜２款醬是甜甜的…左邊的好像叉燒醬的感覺…我個人很喜歡！配肉好吃！不過韓燒沒辣醬…好奇怪喔: 餐牌第一個吸引我的是有我最愛的雪糕!!!!!MOVENPICK 超興奮!!!! 真的很好吃..一定要吃!!!! 餐牌選擇就是豬，牛，海鮮…還有些韓國料理這樣。 我看到鄰桌有人點…就是變芝士鍋吧?芝士會放在旁邊…燒好的肉可以加芝士吃…我感覺太膩就沒點了。 我們點了一份雜錦牛肉 $338裡面有菇，豆，牛排骨，牛肋肉，牛脷，M6和牛 然後店員會端來一籃菜…還有幫我們弄好鍋邊蛋。 一份雜錦牛肉看起來也不少耶~~~ 店員還會來提醒鍋邊蛋可以吃了…其實我已經在吃了…因為一開始真的不知道是什麼來…店員一開始做的時候也沒有介紹…我也沒問…因為在看餐牌。不過這鍋邊蛋好香喔!!! 裡面吃到有泡菜…熱熱的吃下去真的很好吃!! 非常有驚喜!!覺得這個鍋邊蛋一熟的時候就要吃完了…嫩嫩的很好吃!!!

  見到好多人話Angus Beef, Tiger Shrimp, Ribs, Scalop, 五花腩，Squid和雞腎好吃，今晚和家人去嘗試一下，點知全部frozen, 新鮮唔講，完全沒味道，連sauces 都沒味道，最基本的泡莱都沒味，白飯重差，散，又唔係Korean Rice, 唔知點解咁多人寫食評"excellent" in this restaurant, to compare"名家"天與地之別，very disappointing.  價錢又唔係超平，食物普通到不得了，差，差，差，一定沒下次