530
17
17
餐廳: OPPA韓國燒肉店
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

太和站B出口 繼續閱讀
所有分店 (2)
電話號碼
35655032
68923091
開飯介紹
提供海鮮類和肉類的韓式燒烤店,還有大受歡迎的烤蛋漿。店內佈置走街頭藝術風,玩味十足。 繼續閱讀
獎項殊榮
最優秀大埔/沙田區開飯熱店 (2016)
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay 微信支付
座位數目
80
其他資料
網上訂座
Wi-Fi
深夜營業
酒精飲品
自帶酒水
泊車
電話訂座
外賣服務
加一服務費
電視播放
當面支付
有關獎賞計劃
食評 (592)
等級4 2021-05-04
57 瀏覽
五月特別多朋友生日,今晚就請其中一位五月之星食生日飯,壽星想食韓燒,我就帶佢來這家我一直都好喜歡的韓國燒肉店!慶祝生日當然要食好一點,我們就點了$368的「江南海鮮燒肉放題」。這個餐性價比極高,可以任食A4日本澳洲和牛加海鮮,另外飲品及order紙上的食物都可以任點。飲品的選擇亦非常多。首先這間餐廳的餐前小食好多種,我就覺得餐廳的泡菜好好味,不會過酸或者過辣,好清爽開胃。最先上菜的是A4和牛併盤,用一隻小牛形態的擺設放上和牛,壽星一見到就好興奮地影相打卡了!餐廳有清楚列明各和牛的種類,最好食的莫過於黑毛和牛三角腩,其脂肪比例均勻,而且油香濃郁!另外餐廳的五花腩都好高質,本身已經有鹽調味,單食已經好出色。如果再配醬汁包菜食又有另一番風味。 而海鮮頭盤亦非常出色,有按人頭提供的扇貝、鮑魚及大蝦,當中的鮑魚最質素最好,口感彈牙爽口!另外order紙上除咗有大腸、雞肉、午餐肉等等肉類外,還有其他比較特別的熟食。海鮮煎餅及炸雞海鮮煎餅內有一些魷魚粒及蝦仁,不過不失。炸雞比較有驚喜,即叫即炸,炸粉不算厚,但炸得外脆內軟,還有肉汁!辣冷麵份量都不少,冷麵的麵條煮得好彈牙,而且湯底帶點梨汁的甜味,把麵上的辣醬攪拌再食都不會覺得太辣,而冷麵上的牛肉煮得好嫩,整體來說不錯。 雪濃湯最好味的熟食之一!裡面有煮得好軟身的蘿蔔及牛肋骨,雪濃湯煮得非常鮮甜濃郁,感受到蘿蔔自身的甜味,好有層次。最後每位都有一個雪糕做甜品,壽星表示非常滿足啊~👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-03
72 瀏覽
燒肉!燒肉!食燒肉!好耐無食過燒肉啦!上次同朋友過嚟太和食野嘅時候已經見到呢間燒肉放題,所以今晚終於可以過嚟試下啦。。去到門口好有酒吧feel。。好大聲嘅韓國音樂,陣陣燒肉香味,裝修都係韓國特色!店員係門口已經會問食邊個set。咁餐廳有分A4和牛燒肉,同M7M6和牛燒肉嘅,仲可加飲品,加酒精飲品添。今次我地試下M7M6嘅弘大和牛燒肉放題,因為呢個set本身都會送一份A4和牛嘅。咁第一次就食個平餐試下先啦。。餐廳用大嘅長方形煎盤,有別於圓形穿窿嘅煎pan,呢個煎盤傳熱好快,熱得快熟得快,所以燶得快😂😂😂記得要睇住,因為真係好快熟。。另外枱面都已經有3款小食,泡菜好食,海帶就咸左小小,芽菜酸酸地咁。哇!送嘅呢一份和牛好大份!成隻牛送上枱,大部份牛嘅部位都齊,而且有明確標示係乜野牛肉,讚👍🏻!仲有會上一條五花腩,好大條!我諗食完呢份已經飽一半🤣放落煎pan真係好快熟!如果一次過擺滿去煎,應該會食唔切同反唔切,所以大家真係要慢慢燒,我地都係幾片幾片咁燒。燒完醃牛肉之後,個煎pan癡住啲汁濃哂,我地用紙巾去刷,個店員見到就教我地其實用一片生菜去刷一刷就可以整走啲濃嘅野,又真係好work喎!又學到新野😬個和牛拼盤每一款都好香,入口油花均勻,又香牛味唔癡牙。連5花腩都好香豬味,唔需要任何醬汁都好食。食完拼盤就寫紙仔啦,小食我就點左炸雞,炸雞🍗脆卜卜,係雞脾肉,啖啖肉 ,本身加左醃粉係面。仲有點左一份真露蜆湯,材料好多,有豬腸,蜆同蘿蔔,其實好似飲緊胡椒豬肚湯咁。。點左翠肉瓜同雞髀菇,雞髀茹真係好好食!燒完牛肉放菇落去吸啲牛牛味,咬入口有少少爽口又有汁,perfect match!海鮮類我地試左魷魚🦑好食,唔會un另外就點左一份牛肉,每款點左4片去試下。。不過就無標示牛肉名,同食入口同岩先A4果拼盤真係有分別,呢啲牛肉油花會小啲,根位多啲嘅,但一樣有牛味,好食!薄薄一片好快熟,其實小食同麵我就無試啦,因為真係太飽了食完仲有一人一杯雪糕選擇添。。呢度飲酒食燒肉環境一流!好有韓國feel,收工聚一聚,飲酒的話選擇好多,有韓國燒酒生啤加錢任飲,真係好抵!鍾意飲酒食燒肉嘅大家值得一試,價錢合理又可以食2個鐘和牛 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-26
228 瀏覽
今日同老公去大埔踩單車,踩到又攰又餓,咁啱行過呢度門口寫住燒肉放題,我話要食呢間。裡面都幾大,牆上有好多好靚嘅手繪畫。飲品櫃亦排列得好整齊,仲有好多韓式飲品揀。呢度前菜有泡菜,海帶同埋芽菜。海帶咸咸地,芽菜有少少辣,都幾好食。職員先送上頭盤,見到已經覺得好豐富,好吸引。呢間餐廳都幾有心思,頭盤係用木製牛嘅木板上,每款牛嘅部位都放返啱位,而每個部位旁邊亦有張紙仔寫住邊個部位,等客人知道食緊咩。呢度d牛望落去肥瘦均勻,顏色都好靚。我最鐘意和牛三角腩,入口好有肉汁,油脂分佈剛好。而和牛金展就最瘦,仲好大塊,平日就用黎打邊爐多,今次用來燒先知原來咁好食,肉汁同樣豐富。梨泰院牛排骨就有醃過,好入味,夠晒味道,好好味。五花腩大大塊,呢個真係好多油脂,配埋旁邊生菜食就覺得無咁邪惡。除左頭盤之外, 呢度選擇嘅種類都有好多。我哋第二轉點左炸雞,人參雞湯,八爪魚,雞肉,同埋一d肉。炸雞剛炸起,咬落鬆脆。人參雞湯雞味濃,仲有大大隻雞,真材實料。八爪魚都係好大份架,食落爽口,調味調得幾好。最後點少得甜品,每人可以點一杯雪糕。呢度有三個牌子,而每個牌子就只得一種味道。我就揀咗個movenpick雪糕,係雲呢拿味。而老公嗰個就dryers朱古力味雪糕,食完就覺得好滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-05
0 瀏覽
之前食oppa都仲係單點模式 估唔到原來而家有埋放題添就一於試下變咗放題之後 質素會唔會即刻下降咗🙈有兩種價錢選擇 弘大餐同江南餐主要分別就係江南餐無需再加任何錢就可以任食和牛同任飲雪櫃入面嘅所有飲品但以嚟試下嘅心態嚟講呢 都係試下弘大餐睇下質素如何先弘大餐加$30就可以任飲1-2櫃嘅見5號櫃有唔同味嘅真露任飲其實都好令人心動😆韓國燒肉就緊係唔少得前菜同生菜啦放題亦已包任食爐邊蛋啦牛油粟米同埋芝士熔岩添對芝士控嚟講真係不得了🤤喺你落單前呢餐廳會主動上咗個牛肉拼盤先嘅話埋你知每種肉嘅名 食過好食就可以瘋狂encore啦呢拼係筆者encore嘅肉 質素一樣係咁好唔駛擔心只有第一round好食嘅問題🥳牛肉嚟講筆者最推介和牛金展 唔算係大路貨但口感同味道都無得頂阿除咗牛肉其實仲有其他肉類同配料嘅不過筆者嗌得唔多 因為都係主打食牛😛除咗燒肉 仲有好多韓式料理揀熟食嚟講唔係話好特別 不過都係好食嘅過下癮係幾好嘅驚齋食肉唔夠飽嘅過仲有啲飽肚之選份量都唔細㗎 細食嘅人就就住嚟嗌喇😆總結嚟講筆者對成餐都好滿意Oppa嘅質素無因為變咗放題就跌晒watt服務食物環境價錢都令人滿意嘅5位以上仲可以食兩個半鐘 出面真係無幾多燒肉放題可以食兩個半鐘😛但提一提大家 因為堂食做到10點嘅關係9點就last order㗎喇所以都係早啲嚟食會食到開心啲同舒服啲 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-03
0 瀏覽
今日突然好想食燒肉,記得朋友話大埔有間燒肉店好好食,於是立即揸車入去搵佢一齊刷餐勁放題有兩款選擇,江南海鮮燒肉放題或者弘大燒肉放題,一場黎到,當然要是多啲嘢,揀了江南海鮮燒肉放題,因為有我最愛的和牛,仲要係任食先來一個海鮮頭盤,四隻深海虎蝦蝦加兩隻彈牙鮑魚加大大隻美味元貝,元貝灑上蒜蓉,更加惹味主角來了,11款不同的牛放在牛形盤上,和牛金展薄切,香濃牛味, 澳洲和牛脷,切成條狀,識落更濃郁,還有A4和牛類,全部入口即溶,真係非常美味,另外霜降小牛牌,鹿兒島牛柳粒,咬落煙韌有口感,梨泰院牛排骨,長長一大塊鋪在爐上燒,再用鉸剪前一小塊,食落更方便最後雖然有點飽,還是忍不住encore了和牛這個套餐除了和牛任食,飲品也是任飲,連生啤也是任飲的,雖然食物紙內除了牛肉還有很多美食,但真的太飽了,下次來一定再試其他 繼續閱讀
(以上食評乃用戶個人意見 , 並不代表OpenRice之觀點。)