OPPA韓國燒肉店 (已結業)

之前介紹過位於大埔的 ‪#‎OPPA韓國燒肉店‬ 🇰🇷有超過200款手工啤嘅"啤啤庫"🍺，之後就收到部份朋友仔私信問我間嘢得唔得仲有餐廳詳情😁咁我就分左兩篇寫-首先佢啲 ‪#‎手工啤‬ 確係勁多選擇，話哂都嚟自世界各地超過200款~緊👍有幾枝適合你口味(如對手工啤不太認識，可找店長推薦，講下自己想要濃郁或清新，苦或甜，等佢推介下)🤘這post先介紹送酒好物<韓式炸雞> 🐔$188炸雞配單酒是韓識吧😅非常香口，炸粉很薄，炸得很乾身脆口，肉質算嫩滑(仲送2杯韓國生啤🍻)<煎泡菜餅> 🍕$68唔洗講嘢啦，又係香口嘢，送酒一流<真露煮蜆> 🍲$98這個蜆湯非常足料兼有鮮甜味，蜆肉肥厚新鮮<滋味醬油蟹> 🦀$188我真係第一次食醬油蟹🙊因為食生蟹喎😱但原來食落非常滋味，佢個味醬調得唔錯😋蟹係新鮮嘅

承接上個po，介紹重頭戲，就係韓燒🍖肉肉加🐚海鮮由於今次我同朋友共8人，所以就試左比較多嘢，如果人少可點 ‪#‎必試‬什錦牛或豬就要按個人喜愛-室內👀 : 枱與枱之間不會太迫，而比較吸睛就係牆上畫左好多顏色鮮艷嘅👻搞鬼畫食物👅 :<什錦海鮮> 🐚$358 #必試(大虎蝦2隻、帶子2隻、鮮鮑魚2隻、魷魚、八爪魚)海鮮係新鮮而鮮甜嘅👍基本上去到邊我都會點，因為我好鍾意食海鮮 ( ‪#‎鮑魚‬ 放角落個小盤上煮，記得唔好煮太耐)<A4和牛> 🐮$108 本月推介，好似做到月尾 #必試這個好食到爆燈又抵食，👏睇油脂分佈就知道勁嫩口，入口即溶化<神戶水飼黑毛豬> 🐷$148 #必試豬嚟講燒太耐又驚佢糙口，太快又驚唔熟，😋但這塊豬就算唔小心過左火都非常嫩滑<什錦牛肉> 🐮$338(牛排骨、牛肋肉、M6和牛肩胛肉、牛俐)<什錦豬肉> 🐷$298(豬排骨、豬頸肉、五花腩、日本西豬西冷)

最近見到宣傳話有韓牛,所以即刻黎OPPA食返次先!見到韓牛做特價,又係全新引入,即刻點返份食下先啦呢份韓牛真係不得了!超好味,聽講呢個係1++既級數,即係最高級,呢個價錢享受到真係不得了!食落口好重牛味,有別於平時食開既牛肉!牛脂既平例分佈好平均,一咬就咬得開,唔會太"UN",真係好好味!呢個真係要試下仲有個日本和牛都做緊特價,我地都點埋黎食,兩種牛都各有特色,真係食晒兩隻都唔過份呀我地仲點左雞翼同魷魚,雞翼好好味,又夠大隻,對於鐘意食雞翼既人黎講呢個一流魷魚好新鮮,食落口好鮮味,一食就知係新鮮既品質!呢個食完都想再追加多春魚係我至愛,所以都點左黎食!不過我燒得唔好,燒爛左,但食落去都覺得係新鮮既,好多魚子,好香口好好味我會為左韓牛再返黎架!

見食評幾好，便和友人四大四小一試。點了個四人餐再加一人╫拼盤，勁飽！食物都幾足料，菠蘿特飲好正！牛舌，牛肋條都好味石頭飯和人參雞湯也不錯，可惜飲時已凍了。整體價錢合理，可以再來！

小時候讀書的年代，大埔中心曾經有間韓燒店，好可惜幾年前已經關閉了。最近大埔開了這間韓燒店，餐廳的裝潢十分特別，牆上怖滿手繪壁畫。坐在這裡，有感自己去了第二個時空！一進門就看見這個巨型雪櫃，裝著的都是來自世界各地的手工啤！據說款式超過200款，十分誇張！店內的手繪壁畫真的很吸引，在大埔能找到如此高質素的餐廳怖置，十分感動。必點這款A4和牛，因為當時有優惠，只需$108就有100g，十分抵食！和牛油花分怖細緻，放到爐上略煎，不用煮到全熟，咬下肉質嫩滑，牛味濃郁，非常好食！什錦牛肉 四款肉類都做得十分出色，全部都充滿肉汁，即使燒過也能保留著水份。很喜歡牛舌的我，覺得這裡的牛吞很爽口嫩滑，真的很好吃。建議不太懂控制火喉的朋友，可以叫店員幫忙燒，他們都很樂意服務，還為我們介紹每款的燒法！什錦海鮮 大大隻的虎蝦，見到已經感到很開心！對於海鮮的生熟程度控制，我們真的很不熟悉。以往每次都怕不夠熟，以致把它們燒到很"鞋"很老。今次又麻煩到店員代勞，好讓我們能吃到燒得好吃的海鮮！果然專業的店員燒出來真的和我們自己燒有很大的分別。各樣海鮮都保拎彈牙的口感，味道整體也很鮮甜。唯獨鮑魚略un，有點難咬開，已和店

好些日子沒來這邊，舊墟直街已是一條成熟了的食街，立着幾間爆場食店。這間吃韓國烤肉的오빠是其中之一。牆壁上是入型入格的噴漆塗鴉。環境光線充足方便拍出好照片。熱鬧得來不嘈吵，抽氣系統佳，不會吃到一身油煙臭味，靠近門口的位置冷氣稍遜，怕熱仔如我要留意返。那點熱其實不很礙事，我有冷凍啤酒。六個雪櫃的啤酒，放的不是尋常的喜力百威1664健力士，報章形容為手工啤酒博物館，還真沒說錯。聽說店子取貨的供應商有逾二十家，世界各國的啤也可在這邊找到。而且售價合理，三十元左右有交易，即買即飲，有點日本角打ち的風味。常陸野木內酒造貓頭鷹啤酒這裡幾乎全系列供應，造型趣緻可愛，打開樽蓋，女孩子都爭相拍照。但說到真正要喝的，英國的Brothers西打才是大家的寵兒。聞落是甜絲絲的焦糖太妃糖蘋果香，入口是清新不過甜的蘋果味兒，是男女老幼都啱的Happy Drink。另外也推薦來自澳洲維省的Ginger Kid薑仔薑啤，從嗅到喝都讓人為之一振，夠薑勁得來又好喝易飲。替啤酒拍寫真擾攘了好一陣子，當大家稍微冷靜下來，食物又要來了，大家立馬再次掏出手機。這裡是那種可以自己落手落腳烤，也可以請店員代勞。海鮮嘛，我覺得是交託給專

聽朋友介紹大埔有間烤肉有好多啤酒飲，仲要係個樽好靚嘅手工啤，所以一定要去試下啦。而且朋友識店主，所以決定去拜訪下。約好左大家星期日去食餐好的，四點半係大埔等，坐小巴約2個字就到，位置唔難揾，係人氣八妹雞煲隔離。我地5點左右到左，未有好多人。一入去見到好大個啤酒櫃呀，入面起碼有成千枝手工啤酒，好震撼，仲要好靚。店鋪行搖滾藝術風，每堵墻上都有幅搞鬼的壁畫，顏色好鮮豔，襯返晒間店。成個感覺好活潑。店入面橫樑上又放滿手工啤酒樽，完全無浪費左啲咁靚嘅樽，物盡其用，抵讚！我地幾個左揀右揀都揀唔到飲咩好。咁店主見未係有好多人，所以索性遂一介紹每種啤酒俾我地，又介紹味道同產地。同我地上左一堂啤酒雞精班。大概5點半，人開始多了，店主話新界人習慣早食，所以5點零就開始旺場。我地都唔執輸，而且都真係餓啦，所以就埋位點野食。大埔店其實好大，分左2個部份，一邊係燒烤區一邊係啤酒區，唔燒野食可以坐高凳飲枝啤酒食件炸雞。先來的是韓式炸雞（$188），大大份，成座小山咁，熱辣辣，炸粉唔厚，內裏雞肉仲係好嫩滑，配甜酸醬食，好惹味。然後飲埋碗真露煮蜆湯（$98），一流。蜆湯好鮮甜，蜆肥美，隔左隔炸雞的熱氣。然後就到戲肉啦

難得假期去完郊遊，老婆話想食韓燒。上open rice一睇，最近北區只此一間。冇得揀之下，一於試下。平日韓燒都係正正經經一間餐廳，好鬼悶。反而呢間似一間酒吧，非常輕鬆，配合強勁音樂。適合放工後一班人食，飲下啤酒。食材方便可能冇傳統韓燒鋪頭咁靚咁新鮮，但也不錯，價錢也相宜。一份帶子有4粒，大大粒，也可口。豬肉什錦拚盤，豬排骨真係得啲骨。豬頸肉不錯。豬腩肉反而好韌，唔好食。豬扒就超大塊同厚身。值得一讚就係煎到中途，侍應幫手剪開塊豬扒和腩肉，還燒熟埋。岩晒我呢啲懶人。店內還收集了十多款來自世界各地的手工啤酒，還做緊特價，正!

三款小食：泡菜、大豆芽、昆布，可以隨便refill。可惜泡菜唔辣唔酸，味道有待改善。牛排骨 $128強烈推介！薄切既牛肉片卷住排骨，唔怕燒到又鞋又韌。仲有少少芝麻，燒起香脆，同牛肉絕對係perfect match。牛肉醬腌 $128腌過味道唔錯，但條狀牛肉大小不一，厚薄亦不一，有啲筋有啲韌。五花腩 $98一層層脂肪同瘦肉，比例唔算完美，但燒過既脂肪滲出油香，夾住瘦肉食，入口即溶，口感鬆軟。煎韓式海鮮餅 $88煎餅香脆可口，味道較淡，係有啲油膩，但都忍唔住食完一件又一件。卡邦尼炒年糕 $88應該叫焗年糕，好juicy。

睇經濟日報介紹，話呢度係全港提供最多手工啤選擇的餐廳，朋友從悉尼回港度歲兼約飯聚，於是我第一時間話想試呢間~門口放啤酒的冰櫃一字排開，真係幾煞食，唔打得都嚇得！循例一坐低先揀幾支啤啤佢先，我哋叫職員介紹吓，第一round叫咗支包裝似迷你香檳的比利時啤、台灣限量的榖雨和荔枝啤。支比利時啤叫FARO，好酸，但好啱飲，因為酸，所以覺得好開胃，好想食嘢，於是連隨點菜，叫咗炸雞，仲有安格斯肉眼扒、牛排骨、五花腩，其他唔記得咗……炸雞籃：比想像中多雞腿，好好送酒，因為等唔切慢慢燒肉，幾分鐘已經畀我哋掃晒~ 安格斯肉眼：可能我哋早到，店內未見好多客，職員好主動替我哋燒，生熟剛剛好，而且塊肉都幾厚，我哋三條友分，一人分到三大嚿都唔止，幾抵食。穀雨：係鐵觀音釀的啤酒，之前從未飲過呢類，入口真係有茶香和茶味，特別之中係好飲嗰種~荔枝啤：係好香荔枝味，但入口偏甜，個人覺得麻麻，不過我個friend覺得好飲~第二round又叫多兩支啤酒，今次一大一小……OPA：大嗰支，係apple cider，出面酒吧賣的多數都有陣藥水味，呢款完全冇，仲有少少果肉，味道偏酸（我like酸），又夠大支，全枱都覺得好飲又抵飲~D

今日入咗大埔探朋友，順便食埋飯先返歸，行過見舖頭門面幾吸引，加上即刻有位，一於決定試下佢！第一次嚟呢度食嘢，舖頭環境都算幾大，好彩我哋早嚟，坐低咗唔夠3個字已經全埸爆滿，睇嚟今次無揀錯！我哋最後點咗必食推介嘅安格斯肉眼扒、牛菇同韓式海鮮湯！安格斯肉眼扒──非常大件，仲大過我隻手板！！肉質咬落非常juicy，尤其係我最鍾意食嘅肥膏部位好腍好滑，完全唔會係一咬落去就成口油嘅感覺，讚！牛菇──真係好似牛咁大舊，仲有埋舊牛油俾你一齊燒，我食咁多次韓燒真係從未試過咁食法。索咗牛油汁嘅菇菇好香，比平時就咁燒嘅惹味好多！韓式海鮮湯──好足料，睇落好似好細鍋咁，但實情我哋兩個人share每人都分到3碗！湯唔太辣，飲落有啲甜甜哋嘅奶味，好啱我口味。食飽飽埋單時，俾我發現原來呢度有我最鍾意嘅醬油蝦同醬油蟹，點解我頭先睇唔到架，下次一定要嚟試！

因為有驚喜，所以下海上嚟講幾句~呢間嘢，我搭小巴成日經過旺角分店，次次都見一堆人在門口等位，所以想試好耐，但好憎等位，機緣巧合今次有機會在大埔食到。我們一行三大兩細，其中男性友人係食肉獸，我係牛魔王，所以點咗餐牌推介的安格斯牛，朋友叫水飼豬，但我一向唔鍾意豬肉，於是又叫埋雜錦牛肉。誰知個水飼豬出奇咁好食，甘香，咬落鬆化，完全冇我討厭嗰陣豬臊味。我一連食咗3大嚿，畀朋友寸我「又話唔食豬！」吹脹~安格斯肉眼──好厚肉好大塊，價錢唔貴，牛魔王我覺得好抵食~雜錦牛肉──包四款牛肉，其中M6和牛最肥美，牛脷和牛排骨都收貨，但覺得安格斯抵食啲~水飼黑毛豬──堅甘香鬆化，食完一客，又追加咗一客！吹脹×2！燒菠蘿──夠甜、起釘夠乾淨，本來叫嚟招呼小朋友，但大人又食埋一份，卒之食完又追加咗一碟~雜錦菜籃──正常瓜菜，OK~芝士炒飯──侍應姐姐在你面前即炒，夠熱，好晾肚，我哋叫姐姐先鏟起一些未落甜辣醬的畀小朋友食~最抵死係我不嬲唔飲啤酒，侍應推介咗隻薑啤畀我試，叫Ginger Kid，我居然一啖愛上，個薑味好似飲緊凍薑汁蕃薯糖水咁，好夠薑，又好易入口……侍應哥哥話佢哋入咗200款手工啤，支支唔同味，最衰男

媽媽生日飯！！第一次食韓燒任食不計啦叫了兩個肉的拼盤，分別是牛和豬種類都比想像中多喔有牛舌，和牛，牛肋骨等等還有很多配料,,,泡菜生菜芝士等等最愛和牛真是入口即溶！！好興奮！肉的調味都剛剛好！肉汁又多！好食的程度令我和弟弟都忍不住要拍手掌餐單上還有不少海鮮！下次要試除了燒烤外，還點了韓國燒酒加了汽水後，女孩子都十分容易入口甜甜的，與燒肉十分配合因為是第一次燒，請了店員幫忙店員都十分親切吃得差不多才看看四周的裝潢都很有性格有feel最後埋單約$300一人不過大家都飲了很多酒不跟爸爸來應該更便宜吧大滿足！！！相信很快會再見喔

早幾日同朋友係大埔搵左間韓燒食,意外發現到一啲好野,可能由於韓劇既關係,每個人都只係識叫條真露飲,當然我地都唔例外啦,但本人發現原來真露唔係最好飲,只係酒精度較高,經一位四眼男店員推介,我地選擇左一支百歲酒黎飲,雖然只有13度,但味道同真露比較下,個人會覺得百歲酒更好飲更易入口,味道清爽好多,口感更順,之後都會選擇呢支酒黎飲,因為真係好好推介,但奇怪既係,推介俾我地個位店員,佢話佢唔飲酒,但點解會知呢支酒更好飲呢,我諗仍應該做左好多資料收集掛,哈哈.另外店內有唔同既噴畫,好靚好特別.POSTER 又好靚好特別,不規則得黎又有秩序咁掛係到,好有心思,酒吧位擺放同設計都唔錯,又有BEER TOWER,可惜我地不太喜歡飲生啤,我地叫左牛肋肉同魷魚,原隻咁上既魷魚都係第一次見,幸好,有店員幫忙,不然真的不知從何入手,

話說同事上次光顧這間燒肉店覺得好吃，而得到一張$100 coupon...她轉贈給我後就與朋友去吃我的生日飯...晚上8時半，跟友人到燒肉店等了5分鐘便可入座。而一入座，窩邊蛋及前菜已經準備好，見到都開心。*窩邊蛋有少量泡菜，十分惹味*前菜我們點了豬肉SET 及牛排骨...*豬排骨、豬頸肉、五花腩、豬西冷豬排骨及豬頸肉有醃料醃過，十分入味。豬頸肉爽口而新鮮。豬排骨唸軟，與醃汁相配。五花腩未綞醃製，很有豬味，面上的脂肪肥油滲入下層的鮮肉上，各具特色。*牛排骨以卷狀上碟，面上的牛塊沾了濃濃的燒汁，而其他的牛塊則可從碟邊沾上燒汁去烤。*沾上燒汁的牛排骨，十分唸軟，惹味牛味十足，加上蒜片、泡菜、韓式辣醬及生菜