OPPA韓國燒肉店 (已結業)

這次是我第二次吃OPPA韓國燒肉店，跟兩位大埔朋友一起吃～今次點了二人燒肉餐，有安格斯肉眼扒、五花腩及海鮮拼盤（帶子、多春角及小八爪魚），以及一個海鮮泡泡飯，另外LIKE FACEBOOK就送上生蠔。鐵板有泡菜蛋卷，待熟後直接挖出吃便可，內裡有粒粒泡菜，增加了蛋卷口感。加錢更可以吃牛油粟米。二人燒肉餐：安格斯肉眼扒、五花腩及海鮮拼盤（帶子、多春角及小八爪魚）五花腩一整塊燒後都唔夠吸引，特別在店員將它剪開一小塊再每邊煎到香脆，很像中式的燒肉般，真的令人垂涎三尺。而餐桌會放上一盤生菜，可以包著五花腩及安格斯牛扒來吃，可以減輕油膩感，以及增加了爽口生菜及充滿肉汁的口感。五花腩夠香脆，不會太肥膩，肉實結實又易咀嚼，輕輕一口就咬開了。而且煎得剛好，吃下去頗吃到一定肉汁。安格斯肉眼扒肉扒夠厚夠新鮮，煎到七成熟左右就可以吃了！肉扒煎得香噴噴，肉味很濃郁，而且肉扒充滿肉汁又不會太肥膩，配上生菜就更加正。店員更細心地煎去邊位的脂肪呢～而且肉扒肉質夠結實，咬下去不會粗糙或者散開。海鮮拼盤（帶子、多春角及小八爪魚）LIKE FACEBOOK就送上生蠔，生蠔新鮮夠滑，挖起後不會散開，而且海水味較濃，可以一試。

不嫐對韓燒無咩特別鍾意 來來去去都係燒牛 同🐷今晚見無咩人 就捻住獻出第一次試左加拿大牛排骨 牛味好香 😌d油脂比例岩岩好又唔油膩🐷肋肉醬醃 真係麻麻地 無咩味😐😐跟著有個人走埋黎 介紹左碟牛心口中心果度嘅肉 真係超重牛味 又嫩 回味無窮😍😍😍😍可惜唔知叫咩肉😢 不過有相😏 不過個人真係唔鍾意炸醬麵😢

OT後想食韓燒，就近近地入去大埔，試下Oppa!食店內裡寬敞，容納到不少人。黑蒜鍋 $148除了燒物，鍋物都好有興趣，而且價錢幾經濟，這兩樣只是$148。上菜時倒入黑蒜忌廉湯底。有大蝦、蜆、金菇、年糕、午餐肉、龍蝦丸、雜菇等等，材料有別於一般的步隊鍋，沒有腸仔、公仔麵，不會超飽。湯底有蒜味，加入忌廉變得幼滑，味道不俗。蜆肉、蝦肉等也新鮮，凍冰冰品嚐著熱騰騰的鍋物，別有一番滋味。韓國地道的魚糕，質感好彈牙，吸收湯底精華，正。牛肉幾薄幾腍身。而內裡真的有幾粒黑蒜，一定要試試，對身體有益。鍋物後接著韓燒，點了大虎蝦 $148/2隻及豬肋肉醬醃 $108長方形的烤爐好少見，旁邊是泡菜蛋。老實說大虎蝦不新鮮，這個價錢不值。至於豬肋肉經醃製幾濃味但質感未夠鬆化，總評我覺得鍋物較有水準。

身為大埔友。👅又豈能錯過種種好東西。任食韓燒/烚烚下就食得多。燒肉🙈第一次食。喺Facebook 打卡送生蠔丫千祈咪錯過。。。。生蠔肥美鮮甜一坐低。店員會遞上前菜。前菜有海苔。芽菜。泡菜。爐邊會放泡菜+蛋漿。（可以refill架）2130 開始有宵夜套餐。好似唔錯咁wor 。order 黎試下先左起（五花腩。烤雞肉。牛柳粒。）店員會主動上前幫手燒。窩心。五花腩好爽囗。小小肥。入口竟然唔太油膩。牛柳粒入口即溶。韓式海鮮泡泡飯～有青囗。大蝦。龍蝦丸飯待應會倒入湯。個飯濕濕地。淡淡飯焦味道。有個櫃子擺滿一碟碟燒肉。一問之下。竟然碟碟$108 Ja 。👧🏻揀咗一碟黎試下。個名幾特別。叫「胸門柳」。輕輕燒幾下就食得。薄薄一片。肉質無比juicy 。澳洲和牛👅～$68 有五大片。脂肪比倒均勻。肉嫩。店員主動幫手燒肉。抽風系統好好。食完唔會一陣油煙味。整晚播放著韓國歌。服務。味道。環境。值得一讚。

天氣凍係時候恰下恰下啦一般去食打邊爐都係去食任食嗰啲餐廳，今次第一次食韓式嘅打邊爐前菜，前菜任添，有大豆芽，泡菜，海苔依個打邊爐材料十分豐富，有好多大花蛤，唔少得有韓式年糕，魚餅，蝦，金菇，娃娃菜，雞髀菇，豬腸，丸類，午餐肉當然唔少得有主角-黑蒜！好神奇嫁！倒落去嗰個湯底係粉紅色嫁！我特登問咗店員點解會係粉紅色，店員話因為係用咗泡菜汁同牛奶秘製嘅高湯。火鍋嘅配醬有蒜未同黑蒜蓉，黑蒜蓉係好辣！好似xo醬既味醬汁都係任添既食食吓會覺得呢個喎好惹味唔單止有黑蒜獨特嘅香味仲會有少少辣因為湯底有泡菜汁嘅緣故。另一個焦點就係呢碟雪花肥牛！每片肥牛都切得好薄而且雪花分布非常均勻，呈網狀。食落口感入口即化，牛肉嘅味道濃郁。估唔到第一次食韓式嘅打邊爐係咁有驚喜，咁有特色，好有滿足感

同老友Happy Hour 完 感覺肚餓 突然好想食韓燒 但係身處大埔區唔知有冇選擇 比我係Open Rice見到這間韓燒 即刻唔使講入去食啦 三個人order左 牛肉併盤已包括幾個部位 一次過試晒 份量夠三人 我最想like嘅牛舌也有幾片 要左支蘆薈飲品不過偏甜 最重要環境似身處韓國 同埋喜歡用新鮮生菜包燒肉 仲有係任添嘅生菜同泡菜 呀 其實d泡菜蛋漿睇住熟左飽滿 原來都好好味凍冷面無影到呀 但係唔錯我鐘意夠凍同又薄薄梨 清新 反而order左韓式炸雞 有少少失望 d粉漿太厚了 埋單竟然有$100 coupon for下次用

大埔一開oppa就黎試， 今晚再同朋友黎encore,因為好味又唔太貴～今晚豪一下試個黑毛豬，一上檯就見到份厚厚嘅肉，肥瘦適中，燒起上黎油香撲鼻，而且啖啖肉，配搭佢地嘅辣醬同泡菜夾埋一齊食就唔會覺得油膩，本身佢地嘅燒盤都係斜放，一路燒啲油就會流番落一邊，唔會不停焗住兜油係度煎。另外仲order左份豬皮，豬皮燒好耐都依然好軟唔怕硬身另外叫左個豆腐湯同雞肉石頭鍋飯，豆腐湯好甜而且好足料，有啖湯過一過肉味岩岩好可以接住食個熱辣辣嘅石頭鍋飯，個鍋夠熱所以好有飯焦香，而且味道同材料都好足，兩個人食到好飽～～！ 而且又冇限時，一路燒一路傾計，而且舖頭夠大，坐落夠舒服！

放大假既第一晚，當然就要大吃特吃啦！第一餐緊係揀我至愛既韓國燒烤啦！今次揀左近朋友公司既oppa韓國燒烤～內裡裝修以塗鴉為主，感覺幾年輕。看餐牌。除左肉類有很多選擇外，佢都有唔少特色既韓國料理、小食供客人選擇。未上食物前，先來個菠蘿特飲。賣相幾有特色，原隻菠蘿咁上，入口仲有絲絲菠蘿肉，味道清甜。上菜了～因為我地唔算太肚餓，隨便叫碟肉想過下癮😂係等食期間，店員幫我地落下啲蛋漿，仲提我地食完可以再添⋯雞蛋泡菜，入口都幾滑。而豬肋肉，油脂分布平均。韓國炸醬麵-味道同係當地食過既味道差不多，麵條不會太林。入口除了有麵豉醬味之外仲有淡淡嘅蔥味。泡菜豆腐湯-入口都幾辣，但份量都幾多，好足料，豆腐入口滑溜，仲有好香既泡菜味！👀撈飯一流⋯

話說之前係旺角食過OPPA之後，覺得幾好味，服務又好，本身諗住搵日約埋家姐出去再食。點知俾我見到佢係大埔都有，咁就唔使突登出去一遠食。同旺角既OPPA一樣，前菜有海帶、泡菜、芽菜，仲有生菜，都係無限Refill，泡菜蛋就要加錢。安格斯肉眼扒   $148/250g份量十足，佔左大半個碟既安格斯牛扒。想要幾熟就按個人喜好喇，不過我唔係專業既廚師，所以次次都係隨心，燒到想食果陣就食，不過就算係全熟都好好味，因為D肉汁鎖左係牛扒入面，包生菜一流。A4和牛  $108本月推介又點可以唔試，點左呢個A4和牛。大約有6塊左右，每一塊都有雪花紋，油脂分佈平均。燒一陣好快就食得，入口即溶。雖然呢個係無醃過，但我覺得呢個唔使包菜，就咁點醬食都好好味。牛小腸 $88/100g第一次試食牛小腸，唔知係口感唔岩，定係醬汁唔對，唔係我杯茶 試過就好了~~~~

平日來到韓式烤肉店，好牛的我當然會order一種又一種的牛類烤肉，不過今次朋友不能吃牛，不打緊，我們就來一夜全豬烤肉宴！｜黑毛豬西冷｜Size 我有整塊臉般大少，有點駭人的份量。兩個女生想要決定它還不算很輕鬆 XD！黑毛豬的肉質就是不一樣，水飼黑令它的肉味比較清淡，脂肪分佈亦比較平均，肉質比較結實，但燒好後入口卻挺稔身。｜豬皮｜豬皮和平日吃開的有點不同，醃製的方法應該是比較淡口味，所以豬皮味道作淡，不過沾上韓式醬依蒦好味。 只是豬皮略為太硬，燒一會兒己經很乾很硬身＠＠｜大醬湯｜大醬很香濃，加上海鮮令湯底味道更鮮味突出！份量方面亦十分充足，海鮮亦很足料！

店鋪營業到凌晨二點👍🏻 平時有限時還台~ 但我地食消夜可以任坐唔駛急趕~ 前菜可無限 refill~ 正~ 泡菜唔太辣岩晒我😁 生菜好正又爽又甜👍🏻炸雞份量好多~ 雞肉都算嫰滑~ 但顧住燒肉好快就凍晒了😝 下次可食完炸雞再 order 燒肉~ 泡菜煎餅好香脆~ 但完全無料的~ 自制夾住泡菜黎食~ 爐邊煎蛋好香~ 原來個燒板係特別設計傾斜可以漏走多餘油份👍🏻而且只需用塊生菜刷抹就可清走 d 燶焦~ 但職員完全無介紹過~ 係我地燒完既肉黏住晒燶焦~ 問職員可否換板先得知..... 建議餐廳可入座前作簡單介紹上圖係A5 和牛~ 幾嫰但好肥~ 底o個三塊成半塊係肥膏添😒下圖係牛肉併盤~ 有牛舌牛肋骨牛扒~ 牛舌夠大塊~ 牛肋骨好味~ 但牛扒就好韌👎🏻哇~ 好多唔同國家既酒類呀~ 但職員完全無介紹亦無提及過~ 我都係睇 openrice 先知🙄整體食物唔錯~ 而且抽風幾好~ 食完唔會成身燒烤味👍🏻 下次可再 encore😋😋

聽朋友講oppa燒烤不錯,難得約到三五知已都愛韓燒,當然要一試啦。前菜-海帶,泡菜,芽菜牛肋骨湯 ($108) - 顏色與味道與想像中不同,以為是與白蘿蔔煮成,算是新嘗試,味道反而有點似西式既湯,牛肋骨肉質嫩滑,份量也不少。豬排骨($98) 經過醃制既豬排骨,味道一流五花腩 ($98) -五花腩偏肥,燒起來滿滿油脂,與生菜包著吃,減少油膩感覺。豬大腸 ($98) -與想像有點不同,外皮是比較脆及硬身,有點失望煎韓式海鮮餅 ($88) 一上枱以為係泡菜剪餅,其實原來係海鮮煎,十分喜愛這份海鮮煎餅,外脆內軟,一件又一件

放工同同事黎食韓燒大約7點左右到 店肉只係半滿座但食食下到8點零鐘就Full左所以唔想等位就早D 到一入到去就見到幾個啤酒櫃店內枱同枱之間都寬鬆 不過枱好似太細 唔夠位放食物內裡裝修都幾特別 仲會不停咁播唔同韓文MV食物選擇方面都算多 有牛有豬有雞有海鮮價錢就同其他韓燒店差唔多平均一份肉$100-$150前菜無限Refill我地三個人叫左個雜錦豬肉450g同無骨牛肋骨200g三個人黎講太飽 一個人食量我估大約150g就差唔多肉方面 調左味的豬肉幾正 而本身有提供燒汁同辣醬加埋生菜同泡菜包住一齊食 正!牛肉都好嫩滑 但唔係全部都係靚肉面個一半幾好味 放係底下個D肉差少少仲叫左個年糕個人覺得黎呢到食燒肉算個年糕無咩味總括黎覺食物質素幾好肉質嫩滑原本話限時坐90分鐘但係最後餐廳唔Full 都唔會趕你走而且前菜無限RefillD員工見到我地D生菜無晒會主動換個籃比我地價錢方面都可以接受範圍

堔圳同事大埔踩完單車約我食飯佢話想食韓國嘢我第一個印象就係 Oppa 燒肉兩個人食唔到太多野重點係食肉一坐低店員好快手放泡菜蛋牛油粟米粒 28粟米係比較硬身嗰隻唔係我鍾意嗰啲 爽甜粟米當係食前菜沙律都OK嘅美國牛肉醬腌 128 /200g我見其他食評話醃得好好味果然冇介紹錯牛肉味都好濃喔豬肋肉醬腌 108/ 200g味道好 惹味之餘如果怕熱氣可以用生菜包著吃我仲自己搞到啲泡菜咬落去好爽脆香香辣辣又增加口感正到爆石鍋拌飯 牛肉 98上枱熱辣辣飯同牛嘅份量都好多趁熱將隻蛋撈勻好有炒飯嘅感覺一邊傾計一邊韓燒當 team building 也不錯

韓燒開到成行成市，咁多競爭，但當中的，oppa 燒肉竟可脫穎而出，知名度十足，一定有其過人原因，為了一探究竟，亦為滿足我突然想一食韓燒的願望，我和朋友二人便book了位於大埔這家。由於這家店出名多人，我們一早book了5:30開門的時間，更預早了十分鐘來，已經見有三家人在等，可見人氣之高。由於天氣酷熱，即使未正式對外開心，細心的店員已邀請我們入內於門口的高櫈上等，凉凉冷氣。這個等候區有茶水供應，座位舒適，令人於等候時也可保持愉快的心情。店內的空間敞大，估計可容納二十多桌客人。佈置方面是走年輕風格，以橙色為主調，配以五彩繽紛的顏色，還有各個在牆邊的塗鴉，感覺很有活力。店內還不斷播放當紅的kpop, 氣氛特別活潑。座位的設置亦特別韓風，吊掛式的抽油煙機、圓圓的鐵枱、橙色的筒凳，活脫脫是身處韓國的感覺。一埋位，店員立馬為我們佈置餐桌，端來了一個傾斜的鐵板，再拿了些泡菜放在板邊，倒上蛋漿，光看已覺得美味。一如其他韓式餐廳一樣，這兒的前菜是無限任加，而且一碟份量也很足，特別一讚是泡菜，味道十分正宗之餘，辣味剛好，適合大眾口味呢！將它連燒肉夾在生菜包中間，除可為其調味外，更可中和燒肉的飽濟感，一舉