OPPA韓國燒肉店 (已結業)

難得假期去完郊遊，老婆話想食韓燒。上open rice一睇，最近北區只此一間。冇得揀之下，一於試下。平日韓燒都係正正經經一間餐廳，好鬼悶。反而呢間似一間酒吧，非常輕鬆，配合強勁音樂。適合放工後一班人食，飲下啤酒。食材方便可能冇傳統韓燒鋪頭咁靚咁新鮮，但也不錯，價錢也相宜。一份帶子有4粒，大大粒，也可口。豬肉什錦拚盤，豬排骨真係得啲骨。豬頸肉不錯。豬腩肉反而好韌，唔好食。豬扒就超大塊同厚身。值得一讚就係煎到中途，侍應幫手剪開塊豬扒和腩肉，還燒熟埋。岩晒我呢啲懶人。店內還收集了十多款來自世界各地的手工啤酒，還做緊特價，正!