OPPA韓國燒肉店 (已結業)

今日同朋友係大埔踩完單車，決定要食反餐勁，補充體力，就決定去呢個OPPA 韓國燒肉店! 狂 食 肉!!雖然呢間餐廳唔顯眼，不過位置都絕對唔偏，當我地入到餐廳，已經比一D流行既韓國歌吸引住，係咁un係咁un， 佢既座位相比韓燒餐廳更寬，更舒服，而且更充滿住韓國電視劇燒肉店裡面既個種裝修，感覺，正！！！！講番食物，一座低，待應已經會主動過泥幫你倒蛋汁，開始煎蛋，味叫先有得食，哈哈，好特別。而且你一到等已經可以食住佢一開始為你準備左既前菜，有泡菜，同埋個樣好似紫菜咁款既小食，超有咬口，比個讚先!到個主菜啦！首先我地叫左個鵝肝，嘩! 體型超大，加埋佢煎煎下出個D油，配埋餐廳為你預備既個4種汁，隻隻唔同感覺，不過真係好正，絕對唔會話好似食緊一堆油落口，個人好推介相中左下個隻，甜甜辣辣，正正正！根住到個銀雪魚扒，唔知係咪因為個個服務員主動行過泥幫我地慢慢煎，慢慢隔油，我特別覺得呢份魚扒真係好好食，唔洗用任何醬油，已經好出味，好香，夠灑味。根住到個牛肉啦，一開始煎既時候，我同朋友研究洗唔洗落油，最終答案係原來牛肉本身已經充滿住唔少油，當我地一到煎，D香味同d油一齊係舊肉到發出，因為咁樣，我地同左10

大埔舊墟直街岀名多食肆，上次吃了日式火煱，所以今次約了朋友們來找找 oppa 吃燒肉。吃韓燒又怎能只喝茶呢？所以我點了菠蘿冰，份量夠大。菠蘿味很重但不是太甜，吃燒肉一流！寶寶要了蜜瓜冰蜜蜜，賣相起吸引。有整支蜜瓜味雪條插在中間，所以越喝蜜瓜味越濃。因為真的太掋食了，有牛，雞，豬，湯，炒飯，所以我們點了早鳥四人餐，也只是 $398！前菜有泡菜，芽菜和海帶。我最喜歡泡菜，小小辣又爽口，惹味十足。旁邊還有泡菜蛋提供。我不喜歡全熟蛋，所以襯還有點蛋漿時便吃了，與爽口小辣的泡菜吃，口感一流！最欣賞的是泡菜蛋沒有燒焦，更沒有黏著鐵板。醬雞片沒有很重的醃料，夠原汁原味。如果覺得味道太淡，可以選擇沾上醬汁吃。雞肉嫩滑多汁。沒有雞皮更健康。醬醃豬肋肉沒有肥肉，紅橙的有點像叉燒。因已用韓國醬汁醃製，所以已很惹味。終於到我最喜歡的燒肉 —日式韓牛拼盤！拼盤有封門柳，韓牛頸脊，下腹牛肋肉和雪花腩片。一吃便知是高質牛肉。牛肉肥瘦均勻，一放上燒板上已很香。牛肉已夠香濃，所以連醬汁也不需要 (我也有 oppa 幫我燒肉呵呵！)。牛胸白肉片的肥肉很多，像吃燒豬腩肉似的。燒後會比較油膩，建議吸一吸油才吃。還要留意要把肥

每次食親韓國燒烤都係會選擇放題形式但係好多時食物嘅質素同埋種類都比較少而且仲因為加入過分的人工味道及化學劑好多時就算唔新鮮嘅肉類經過人工嘅處理濃烈嘅味道會蓋着唔新鮮的味道所以今晚特登揀咗一間唔單止食物質素比較好而且仲用上韓國美國加拿大產地的肉類見到佢哋有呢款馬場洞燒肉套餐套餐唔單止有成十幾款食物好似有牛舌，牛肉,牛扒,豬肉,銀雪魚,鵝肝仲有炸雞及韓式年糕首先點完個餐之後店員會用上牛油炒香個鍋旁邊會加入蛋汁及粟米及魷魚經過差大約15分鐘便可以食旁邊的粟米蒸蛋到了主菜方面店員會逐一為你處理好鵝肝，豬豚肉及銀鱈魚鵝肝煎香之後非常之香而且食落冇根食每一啖都令人食指大動已銀鱈魚本身已經有分充足但因為放在鵝肝旁邊鵝油會令到銀鱈魚味道更加提升而且魚肉一疏疏絕對唔係嗰啲唔新鮮貨一夾便會散豬豚肉的質素亦都不錯無論燒幾耐肉質都依然保持爽口另外牛肉拼盤方面我最喜歡的就是三角腩因為油脂分布10分平均只需要輕輕一燒當油脂剛剛溶化的時候便可以沾上牛肉醬汁放入口咸度剛剛好的牛肉醬汁會令到牛肉味道進一步昇華去到最後食埋炸雞及年糕呢個餐完全食到飽到上心口質素唔錯而且份量幾多韓燒一定要飲番杯解暑嘅飲料我就叫咗熱帶風情裏面

同媽咪及朋友去食韓燒，當然想食好d，呢間Oppa韓燒旺角間分店經常有人龍，我呢d住新界地區，去大埔食最好，又近又唔洗等！我地4個人食呢個餐剛剛好！又和牛又韓牛媽咪都話滿意！天氣熱食韓燒配沙冰，超爽！其實個店員真係幾好，細心解釋又幫我地燒！（雖然唔係韓國oppa）佢話食左鵝肝同魚先，因為鵝肝放得耐無咁好食，同埋鵝肝d油可以幫之後煎牛唔落油！而個鵝肝真係好好食，外脆內軟，油香停留係個口好耐！而佢個魚真係會有油香！個店員仲特別燒香個銀雪魚皮比我地食，又脆又香！正！接住係食M6牛扒同黑毛豬！M6牛扒油脂分佈均勻，而且厚身d！我話要5成熟就夠喇！而我認為最重牛味，成為我媽咪最愛部位，竟然係韓牛牛舌！真係唔洗家任何配料都好好食！仲有一個好好食部位，係牛嘅三角位！呢個部位好似食緊薄燒牛肉，再加小小海鹽，正！其實個餐真係好多野食！你睇下碟牛！想食下其他野！佢又好細心有韓國炸雞！粉唔厚而且好juicy！不過真係好飽！仲有年糕！d芝士有牽絲㗎！而其實我最欣賞係飲品！色彩繽紛，而且好消暑，有支雪條架！藍色係蜜瓜味，紅色係士多啤梨味！我鍾意藍色多d！之後發現，原來支雪條溶係杯飲品上面最好飲！裝修都唔錯，下次同

今晚老公收工收得夜﹐等埋一起食飯都差不多10點了﹐真係晚飯連消夜一餐食﹐車泊左係大埔舊墟直街﹐一直以為大埔舊墟直街係大埔墟﹐原來係大埔政府診所附近﹐呢條街原來都有佷多食店﹐我哋最終入左OPPA韓國燒肉店食﹐這間已不是第1次來了﹐覺得這店食品都不錯所以再選這間﹐店內都算大﹐擺放了約20幾張枱﹐而坐椅全是圓桶可儲物的﹐牆身以壁畫為主好有色彩﹐如怕在燒烤過程弄髒衣服﹐可加上店提供的圍布。今晚原本打算食醬油蟹﹐但店員話要預先book 的﹐那只好食個份量十足的和牛拼盆來填滿一下肚子﹐當然還加了必食的餓肝喇！除了order 的菜當然少不了韓國必有的前菜泡菜、海帶及大豆芽菜﹐仲有爐邊既泡菜蛋漿及生菜。 和牛併盆份量真的不少﹐有：美國上肩胛肉、美國牛小排、美國下肩胛、日本A4背𡶶肉、日本A4上腦肉、日本A4牛肉眼、1++韓牛肉眼、澳洲和牛頸脊還有澳洲和牛舌 開頭是牛舌﹐咬落𡙁口有肉味﹐之後牛上肩﹐牛下肩﹐4A牛‥‥好食當然不要停﹐不停燒不停食﹐都分不清咩牛打咩牛﹐總之一口接一口 老公急不及待放埋鵝肝﹐80G匈牙利鵝肝﹐厚厚的一大塊沾滿了粉末﹐這樣煎的話不會散開 煎時已散發

近呢幾年“韓”風襲港，青年一群對於韓燒炸雞見慣不怪，但家中女皇大帝都比較少接解韓式料理，大概他們對韓燒仲依舊停留係乜漢乜苑既任食燒肉！聽朋友講OPPA韓燒出左個靚料set又唔太貴，平均每人二百幾蚊已經可以食到韓牛、和牛同鵝肝所以今晚就約埋男朋友帶家中兩老出黎個正既燒肉夜啦就係呢個“馬場洞套餐”HKd$838啦估唔到只係七點左右都已經咁多人見到有唔少食客都好似係叫呢個set例牌有得refill既前菜泡菜同海帶既調味都幾好啵仲有泡菜爐邊蛋添（兩老之前都未食過，今次可以俾佢地感受下啦）啲肉肉好吸引呀牛脷係爸爸至愛仲有魚扒同鵝肝Oppa教我地先燒鵝肝同魚扒，因為油脂較多，咁就可以等一陣既肉肉都燒得靚啲啦燒既過程仲黎埋炒年糕同炸雞！（大大盆炒年糕，男仕都唔洗驚唔夠飽）個雞新鮮炸起熱辣辣，正呀好開心可以同自己最重要既人一齊過返個燒肉夜，呢個set啲肉質都真心唔錯，尤其係個和牛三角肉同上蓋肉眼係入口即溶嫁！！！而韓牛又勁重牛味-平均每人都唔洗HKd$250~大家都食得開心又滿足，呢餐抵請啦

好耐都冇再食韓國燒烤今晚就要立即試一試因為太過肚餓嘅關係見到呢度有好多牛肉嘅選擇因為計過數之後如果逐樣計唔係太抵所以就叫左呢個馬場洞套餐貪佢有成十幾樣嘢食揀點完餐無幾耐店員就會奉上前菜包括有我最喜愛的泡菜,海帶,芽菜之後便迎接今晚的主菜就是鵝肝，銀雪魚同鹿兒島黑豚肉邊樣首先會用牛油起鍋之後就會放上鵝肝銀雪魚同埋豚肉因為個鍋面夠熱所以好快可以將鵝肝入面嘅鵝油完全迫晒出來而這些超級香嘅鵝油亦都可以令旁邊的銀雪魚和黑豚肉添加一份難以形容的香味鵝肝有分充足食落口油脂滿框但鵝肝外層佔得香透外表酥脆而內裏錦滑而銀雪魚肉質厚實唔會一夾就散吸收了鵝油的銀鱈魚非常之香黑豚肉首先將外表煎香然之後將它剪成一條條因為本身已經富有脂肪層所以整件黑豚肉都唔會煎得過乾將黑豚肉放入生菜蒜頭泡菜海帶再加入醬汁包着一齊食簡直係韓國食物相我最喜愛的一種食法之一其他食物都好正厚切牛舌非試不可爽口厚實的牛舌燒香之後除了吸收和牛牛油的香脂更帶出特別的牛味

之前喺open rice留意到大埔「OPPA韓國燒肉店」宵夜時段（21:30後）做緊優惠套餐$268，二人份量嘅套餐有齊安格斯牛柳粒、五花腩、韓式醬烤雞肉和4支韓啤，性價比超高！於是就約埋哥哥放工，兩兄妹一齊去食烤肉！門面嘅立體招牌相當搶眼！門口亦貼上消夜套餐嘅宣傳海報。餐廳面積都幾大，坐位寬鬆唔逼夾。坐低後，店員為我哋呈上各類配菜，配菜有紫菜、芽菜和泡菜。另外仲喺烤爐上注入蛋漿和泡菜，簡單好食嘅泡菜蛋，完成！我哋兩兄妹為左消夜套餐$268以嚟，當然就梗係揀番個消夜套餐啦！之後仲點左個「大蝦伴冷麵」$108添！首先我哋先燒安格斯牛柳粒！細細粒嘅安格斯牛柳粒肉質嫩滑，牛味十足！五花腩烤至外皮香脆，脂肪和豬肉逐層分隔，入口帶油香！烤烤下，先記得套餐附送四支韓啤(Dry Finish)，一於邊烤肉邊啤啤佢！韓啤入口清新偏淡，適宜烤肉時享用！韓式醬烤雞肉，味道帶甜，肉質嫩滑不韌。最後嚟嘅係大蝦伴冷麵。冷麵配菜十足，例如有青瓜絲、蘿蔔絲等，混入酸酸甜甜嘅泡菜醬同炸大蝦，配合冰凍自家製冷麵汁，夏天享用絕對一絕！

已經聽過OPPA好幾次😂好似係幾出名韓燒襯假期今次同3個朋友一行4人黎擦番餐勁既好在預先book左位 見到成場都滿哂😳😳不過新界區呢頭真係無咩高質韓燒 坐低諗住唔洗揀嗌左佢新推出個個 馬場洞套餐 ($838)首先上既係三份 前菜 問左店員 前菜同生菜都係任加既😊正呀 可以任包一陣d燒肉黎一齊食！😙😙店員之後就黎幫我地整 泡菜蛋 泡菜蛋簡直係我既摯愛😍😍👍🏿可惜原來唔係任加 每加一次都要加$18不過真係好好味 蛋味好濃 同泡菜真係好夾😆之後就一路上唔同既肉 呢個餐係有 1) 韓國1++韓牛脊柳2) 鹿兒島橡味黑豚3) 澳洲和牛上肩肉 (M9)4) 澳洲和牛五花5) A4和牛三角肉6) 宮崎和牛上蓋肉眼7) 澳洲和牛脷不過店員上菜都無解釋過係食咩😅😅所以都唔識分d肉不過係幾好味 勝在d牛唔會好似日本和牛咁重油脂 唔係得個油字 同埋呢度既牛無用醃料😂 可以自己燒完揀點咩醬😋包埋前菜同生菜食係最鍾意既食法😂除左紅肉仲有呢d其他既燒烤 8) 銀雪魚扒 呢個抵讚係魚質超嫩滑 呢個激好味😋 9) 匈牙利鵝肝 呢個真係好肥好肥 d油一路燒不停逼出黎係好juicy 不過唔係我杯茶🤦🏻‍♀️😂熱食有

韓式燒肉店真係開到成行成市我都試過唔少中既伏就唔少但今次呢間又出乎意料的好味今次食呢個係叫馬場洞四人套餐11樣食物, 包括左有韓國1++韓牛脊柳，鹿兒島橡味黑豚，澳洲和牛上肩肉(M9)，澳洲和牛五花，A4和牛三角肉，宮崎和牛上蓋肉眼，韓式炸雞，澳洲和牛脷，銀雪魚扒，匈牙利鵝肝，韓式海鮮年糕淨係以上咁多樣都已經夠我地４個食到飽一飽LU大部份肉都係好新鮮下，淨係睇個PATTERN都分得出邊D係靚牛啦，特別係雪花和牛，真係無得頂另外有埋炸雞，年糕等即食既野可以食，食物真係夠多元化，兩樣都應該係即叫即整的，因為上到黎仍然係好熱辣辣同埋都等左OK耐！！除左以上呢11樣，仲有一樣不得不讚既係佢既爐邊蛋，真係MY FAVOURITE!!!因為佢唔係單單既爐邊蛋，而且有泡菜會加埋入去!!多重口感, 正

難得朋友約，就黎到呢家既韓燒店食個晚餐再吹下水咁排左大約30分鐘終於入得了!!!我地就揀左係馬場洞套餐食～套餐包左超多野澳洲和牛五花我覺得唔介意太油既朋友會係鐘意食呢個，超邪惡既和牛五花，比起上肩肉脂肪會多D，但係比佢更香口同埋有少少似炸既口感！！ A4和牛三角肉呢個就相對比較厚身D既肉質，會比較難燒，但係就會更加有口感，我個人就講都幾鐘意食呢個，但第一次FAIL FAIL地就係燒到過哂龍，第二轉就OKAY好多。 宮崎和牛上蓋肉眼呢個部位就相對係比較爽口同埋要燒耐少少，因為佢算係比較厚既部份，唔可以見到外面熟哂就得，因為入面都可能未熟透，口感我幾鐘意，食落會有飽肚感。 韓式炸雞估唔到韓燒店都有炸雞食，仲要係套餐包埋，岩哂我呢D等食既人一路等人燒一路食住野先，好好咁俾左4件雞都係上脾同雞搥，而且係超級熱辣辣新鮮出爐的！外脆內嫩，而且有汁滴緊出黎咁，超好味 銀雪魚扒好少韓燒會有魚，呢銀雪魚扒真係不得不讚，超級淋滑，又唔會好腥，最正係佢好少骨，岩哂我呢D懶人食

早割四人餐 $398 (+10%)——————————————整體得分：8分（10分滿分）——————————————好少可食到啲咁高汁嘅韓燒！之前食過好多間，一係就啲肉狗也不＿，一係就全部肉都係同一隻味，最冇癮個次係成個pan黑過黑洞🕳️塊面嫁啦！都冇人換我地換，仲要叫極都冇人理😡今次咦間唔單止服務好，而且啲肉仲好高汁——————————————👅食評：每樣肉都充斥住豬或者牛本身嘅香味☺️特別係個牛白肉😍個種極香醇嘅牛香同油脂味真係一銀流😋最尾咦個墨汁炒飯，海鮮幾新鮮，而且極邪惡拉絲得黎配合得個調味！最憎啲濕9餐廳係咪都加啲芝士落去，然後成功將所有野食昇華成狗糧，.除止之外，$88可以自己揀到3枝手工啤真係嚇到個心都離一離！平時出面飲一枝都係咦個價錢，今次有成三枝😱而且極多款，搞到都唔知揀邊枝好😅好彩有人幫👅🕳️兩個選擇困難症重度患者搞掂炸！

爹哋媽咪扭計話要食韓燒，大埔呢間開咗咁耐都未同佢地食過，一於試吓。星期六人山人海我哋要坐吧枱等。有draft beer都幾好，個杯又夠凍！半個鐘左右就有位， 都唔算太耐呢度裝修都幾有特色，爹哋媽咪話韓國啲餐廳都係咁。怕油煙味嘅可以將手袋外套咁樣放喺張凳入邊，方便又貼心。爐邊蛋已經加左泡菜，我自己就幾鍾意嘅因為夠晒味！因為媽咪係唔食牛肉嘅所以今次就散叫。魷魚都幾新鮮豬扒就實左少少不過邊位都算幾肥美爹哋媽咪最鍾意個豬皮烤完之後加d黃豆粉,qq的口感～唔錯生菜蒜片都可refill佢地食完幾滿意完全冇投訴最緊要係佢哋鍾意。

朋友新居入伙, 入左大埔同佢house-warming, 晚飯時段朋友仲建議我地一齊到附近既OPPA韓國燒肉店食埋dinner。如果唔係朋友帶路, 自己都好少去到呢d位搵食, 港鐵站行去大約8分鐘左右。店內既座位同韓國地道既差不多, 都係細圓檯, 上面有個抽氣煙囪。而最特別、最吸引我既係牆上既graffiti, 色彩繽紛, 令整個環境氣氛都充滿歡樂。一坐低, 正正見到牆上呢張menu貼左個 "馬場洞套餐", 套餐包括有多款較為高質既牛肉、豚肉、鵝肝, 就連炸雞都有, 所以我地一致決定食呢個餐!前菜既有呢三款既韓式小食, 仲有爐邊既蛋漿混左D泡菜等配料入去呢度除左有多款啤酒飲外店員更推介呢頁新推出既飲品比我地試試, 食烤肉點都要配返d凍飲先完美, 而且見咁特別, 就叫左黎試試【蜜瓜凍蜜蜜】HK$48甜甜地既飲品內有一支蜜瓜雪條, 雪條外圍有D碎冰包住, 慢慢溶化, 味道唔會過甜, 等佢慢慢溶, 慢慢食烤肉就岩哂!很快地, 個套餐已經一一送上【馬場洞套餐】HK$838 (3-4人份量)當中既有兩款已經煮好既韓式炸雞同埋韓式海鮮年糕, 可以係等烤肉期間時密密食韓式海鮮年糕平時食開既魚糕都係伴

近排努力左做運動FREE多左QUOTE出黎 ，可以食得HEAVY D。喬麥茶 茶味幾濃。調味醬料，左手面係甜甜地既鼓油，右面係辣醬。韓式炸雞點一開頭講既辣醬黎食，幾惹味。唔點就得個爽脆感。但入面D肉都幾嫩滑。佢用既板幾特別，斜斜地係個尖咀位流番走D油，等D油唔會留係塊板上面變萬年油。前菜小食，芽菜獨突之處在於經過麻油處理。泡菜煎餅，薄既餅底同有口感既泡菜係一個幾好既對比。主菜澳洲和牛上肩肉（M9)澳洲和牛五花A4和牛三角肉宮崎和牛上蓋肉眼澳洲和牛脷唔同部位嘅肉，各有特色，可以投其所好。但有個共通點就係新鮮好味。銀雪魚扒重見到雪霜，以為會有雪藏味。點知個staff幫我哋燒完又唔覺有，而且冇腥味，技術了得。鐵板上處理中既銀雪魚扒同匈牙利鵝肝。韓式海鮮年糕辣辣地嘅年糕，好有口感，但如果加返多D海鮮就更佳。特色飲品，雪條可以當係甜品咁食埋， 一舉兩得。鐵板污糟左其他地方通常會成塊換左佢，但佢地係用生菜黎清潔鐵板再繼續用落去，好有特色