One More Hotpot 來一鍋 (已結業)

HK dollar 3 hundred something you got a full set of mixed seafood plate and dumpling plate, very fresh sea food, and non frozen dumplings. Together with one meat plate either beef or pork.I am pretty picky, I also feel this food quality is very high, not the normal cheap quality hotpot buffet.Seafood plate included mussel, oysters, calms, shrimp, scallop, baby squid. 😍Dumpling have 4 fresh balls, beef, squid, fish..., and 3 veggie and meat mixed fresh made dumplings.With 2 self-made appetisers,

Happyfriday 銅鑼灣周圍都係人，想避開最旺既地方但又有唔同選擇，好多時都會走去鵝頸橋街市附近搵野食。辛苦完五日想獎勵下自己，所以我地三個人走咗想一間新開既任食火鍋，吸收脂肪可能係新開既關係，經理好有心機同我地吹下水，解釋套餐既內容同個環境，我地去到都比較早冇乜人，加上酒鬼朋友聽到未有酒牌就衝落樓買啤酒，所以八卦咗一下啲房⋯⋯大細房都有電視有啲小裝飾咁，行過入去覺得幾闊落架。如果人多，有獨立間隔都唔錯。不過我地三個人就行返出大廳嚕。卡位話就四人枱，但好大張，擺幾多野都唔驚！話說我地叫既係海鮮任食套餐，包一碟靚牛/黑豚肉同每人一份指定海鮮同主食，經理話啲定食好多，食野先點任食配料，我開頭不以為然，但都聽佢講啦。到啲野黎咗我終於明佢講乜。因為係真係好多啊好誇張啊！先講響鈴同炸魚皮，我真係未見過咁大舊架！拎出黎仲feel 到啲熱力，真係新鮮炸比你！響鈴係自己廚房整既，浸落湯吸少少汁即刻拎上黎熱辣辣，真係無可挑海鮮種類好多，亦唔係流野，象拔蚌鮑魚蠔青口帶子樣樣齊，樣樣都大大隻又鮮甜鍾意海鮮既人一定會滿足。我最欣賞係啲蝦。平時任食海鮮火鍋啲蝦都唔知死咗幾耐，啲肉冇哂彈性，但呢度啲蝦一食就

今晚經好友介紹，來到銅鑼灣吃一間新既火鍋店，對於平時只遊走於新界區的我，來銅鑼灣確實是一種考驗，本身諗住要搵好耐先搵到，怎料由時代廣場行過去唔洗五分鐘就到，地點十分之就腳，非常適合我依啲路痴😉由於遲到既關係，一上到去就已經見到一盆好擺得好靚既海鮮拼盤，裡面有蝦，鮑魚，扇貝，貴妃蚌，八爪魚仔，青口，手掌咁大既蜆等🦐🐙，全部都好新鮮，彈牙得黎又好易咬。另外牛肉同豚肉都好好食，脂肪比例十分之適中，不肥又不太瘦，不過依間火鍋店隨左出名食海鮮外，佢地有好多産品都係自家制，外如肉丸，水餃，餫吞等，不過我最喜歡吃既就係平時我地俗稱邊爐下欄三寶既嚮玲卷，不過我想講既係依一間既嚮玲絕不下欄，即點即炸，拎到上枱面仲係熱，仲有一浸香噴噴既味道，我敢誇口說係我食過最好食既，十分值得一試👍🏻👍🏻😍😍

天氣開始轉涼，最適合一堆朋友去烚下烚下，而今次嚟到位於銅鑼灣，只需要步行五分鐘就到嘅「來一鍋 One More Hotpot」，平時去開火鍋嘅地方都係比較迫同環境比較嘈吵。相反，一入到來一鍋， 環境較為清靜，而當中既設計同裝修都好有Cafe嘅感覺，空間都好充足，就算滿座都唔會有一種好迫嘅感覺。火鍋進食嘅時間為任食兩個半小時，時間上比好多其他火鍋店長，價錢則爲$368/位。落單紙亦清楚分為前菜、鍋底、肉類、主菜、火鍋配料及收費海鮮燒烤，而調味同飲品都好齊全。首先前菜嘅兩款食品都係較為開胃嘅食品，包括四川麻辣木耳同手拍青瓜。之後，一定唔少得就係湯底，火鍋黎講湯底真係好重要，而來一鍋嘅湯底嘅種類都算多同特別，例如有喇沙海鮮湯、花膠螺頭雞湯、湖南香辣牛肉湯等等，辣度亦分為大中小辣，以方便顧客對辣味嘅程度不同。肉類則有兩種，分別係西班牙黑豚肉及手切安格斯Prime Grade 牛頸脊肥牛，而哩兩款肉類的分量係每兩位送一碟，並非任食。除此之外，當然唔少得來一鍋火鍋嘅主菜，主菜有各種唔同嘅海鮮，例如珍珠蚌、大蝦、扇貝、青口、鮑魚等等。平時任食火鍋配海鮮嘅店舖都較少，但食過之後，發現湯底再配各種鮮甜海

來一鍋市面上愈來愈多火鍋店，今次黎到銅鑼灣新火鍋店來一鍋。一入到黎俾我既感覺已經同其他火鍋店唔同。以白色為主再加藍燈，有高身白身沙發、白色長枱，地方十分寬敞舒適。另外，如果你哋多人又想有反少少私人既空間佢都有3間房提供。🤓成個火鍋係兩個半鐘仼食🤤 368/💁🏻‍♀講下個前菜先🥒佢有兩個既 一個係四川麻辣木耳另外一個係手拍青瓜 呢兩樣酸酸辣辣食完都特別開胃。有得仼食添丫🤤跟住就係湯底啦🥘佢有10個湯底。 有海鮮湯啦，有喇沙湯底啦，有冬陰湯啦，最特別既位係佢有埋雞鍋底同牛肉鍋底，咁食完呢啲仲可以繼續烚吓烚吓🤤 肉類🍖有兩類既 西班牙黑豚肉同手切安格斯牛頸脊肥牛片 呢個就無得仼食既 佢係人頭計每人一份 如果你係食肉獸就要同frd鬥快啦🤓主菜有多種類既海鮮，鮑魚、青口、大蝦、蚌、豪。全部都好新鮮好鮮甜尤其係珍珠蚌🤤仲有大大舊既響鈴同埋脆卜卜既炸魚皮。 仲有仲有各種手工既丸同餃，佢既手工丸粒粒都好味有嚼勁。配菜配菜方面就正常火鍋配菜。最特別既應該係佢有分唔同既豆腐，有牛奶公司豆腐同蜂巢豆腐。另外，佢遞菜個個野都好精緻。用層架分開每份既配菜，就好似港女high tea咁。總結黎講十分有八分啦，值得

天氣涼左，好想打邊爐，朋友話呢間新開既，可以去試下一入門，環境好乾淨舒服，同平時既打邊爐既環境好唔同，二人枱大得誇張，椅係沙發質地，坐得好舒服一坐低，已經有人即刻招呼，介紹食物，湯底，招呼認真周到，全程無漏單，收碟又收得快，服務抵讚湯底有好多款，叫左個濃湯既花膠螺頭雞鍋，十分足料，個湯滾起，已經飲左兩碗，無味精，鮮甜，雞都夠滑。海鮮拼鮮既海鮮每樣都好大隻，好鮮甜。即炸響玲，魚皮滾一滾，都仲好脆，如果可以任食就好啦肥牛都好正，仲有手打丸，手包餃子，每款都好食，用料十足食完前面嗰啲，都飽得七七八八。任點部份，菜類叫左皇帝菜，豆苗，金菇好難得打邊爐有得叫豆苗，而且好新鮮，所以食左兩轉肉類叫左一份羊肉片同一份脆鯇，份量啱啱好，可以食多啲其他嘢食完仲有甜品，仲係即叫即焗既朱古力心太軟，正

火鍋店係香港開到成行成事，差不多緊有一間係左近。以我嚟講，打邊爐係我至愛。每星期都會搵吓有冇新店開。發現近時代廣場有間叫來一鎘。地點又方便，於是去試吓。預先book位。而且我book6點。所以唔洗等。火鎘店都算大，大部座位係卡位。我超鍾意。仲有3間房可以book問過職員。book房有minimun的。由3000~5000不等。視乎房size。咁啱今日有2間房被book。攪生日party。職員問我有冇興趣入去睇。當然有啦！因為每次有活動我都係攪手。2間房可打通可容納20人左右。佈置埋。唔錯。講返食物先。我揀咗花膠螺頭雞鎘。有好多大件豬骨，紅棗，雞及花膠。真材實料。竹職員會提醒食客。先食完套餐有嘅食物才叫任食嘅食物。以免放得耐而唔好食。套餐包括海鮮拼盤。~ 鮑魚、大扇貝、海蝦、青口、魷魚仔、貴妃蚌、象拔蚌、生蠔。每樣海鮮都好新鮮。最特別係生蠔，淥咗都好鮮味。貴妃蚌肉非常爽。肉類有2款揀，2人一碟。我揀咗牛肩。正呀！入口即溶，好香牛味。響鈴，不得不讚。即炸即食。又大件，原本我唔係太鍾意食響鈴，都被佢吸引。只浸3秒，脆卜卜。好正。另一樣要讚就係炸魚皮。同樣都係即炸即食。唔洗浸湯。就咁食。脆到。

天氣開始凍，又係時候打邊爐了！上網見到這間火鍋店新開張，所以就訂位來吃吃！餐廳光猛明亮，以藍白色為主調感覺舒適。另外仲有幾間VIP房，空間感十分大，而且私隱度高。入座之後，職員遞上調味醬及前菜。前菜分別係四川麻辣木耳同手拍青瓜，青瓜酸酸辣辣非常開胃呀！A3 size 既menu紙劃分左幾個部分， 配菜、火鍋配料及果汁汽水是任飲任食的。主菜部份是餐廳劃定了按人頭安排的。湯底選擇都有好多選擇，而我哋就揀咗花膠螺頭雞鍋，湯底好足料真係有花膠、螺頭及雞。花膠軟滑黏口，骨膠原十分豐富呢！主菜既海鮮拼盤非常豐富吸引，包括有鮑魚、大蝦、青口、扇貝、珍珠蚌、八爪魚及象拔蚌。咁多款海鮮之中我超鍾意食鮑魚，煮熟之後爽口彈牙，正呀！主菜中既手工豬肉釀冬菇非常有特色。豬肉肉汁豐腴加上冬菇香，很好味呀！丸類全都是手打的，所以口感彈牙，十分高質！打完邊爐當然唔少得飲番碗湯啦！花膠響螺雞湯底再加埋各種海鮮和火鍋配料，所有精華都係哂度呀！食完準備走之際，職員同我地講仲有甜品送的！而甜品亦很有心思誠意，並唔係普普通通既紅豆沙綠豆沙，而係心太軟唷！ 切開心太軟，內裡既朱古力醬湧出，甜度適中。再飽都食得落呀！

呢排凍凍地就想瘋狂食麻辣火鍋搵搵下其實都好多選擇 不過好多都FULL見到呢間新開唔使等～於是就試試啦上到去覺得好似去左CAFE咁 但係食麻辣火鍋haha有唔同湯底可以揀 辣與不辣任君選擇我地就揀左麻辣小辣～ 指定嘅海鮮同肉拼盤會有一份其他配料就任食 望落都幾多料揀未上鍋前有個前菜 同埋六款醬料自己混醬～湯底來了 好紅。。。而且聞到都覺得辣都幾多辣椒 麻椒 不同的椒！海鮮拼盤每人有七種海鮮 都算豐富不過食完就冇得再加落一陣就食得 啖啖肉 食落鮮甜：P另外指定的料 即炸魚皮響鈴 勁大條 勁晒脆！！餃同肉丸好味 唔同平時食到嘅～打邊爐點少得肥牛呢 加埋個湯底又麻又辣～食到口水鼻涕一齊流～大合照 其實食完指定嘅頭一輪都飽飽地～再嗌多輪其實都好夠食 同埋D野黎得好齊 都冇漏另外仲有好多韓國款嘅飲品可樂個樽好靚！雖然飲落冇乜分別～整體黎講個辣麻湯都唔錯 食得好過癮係CWB食其他麻辣火鍋都要400落樓呢度400有海鮮加其他配料任食性價比都算高！

新開無耐打邊爐餐廳, 地點幾方便就過黎試試幾欣賞環境同decoration, 以淺藍同白色為主調, 牆上掛住唔少植物, 燈飾一律用左地球儀同單車shape, 都幾靚. 第一次去打邊爐餐廳係走西餐廳decoration 路線, 都幾特別 經過見到, 原來佢地仲有獨立房間for 包廂, 房間幾大, 如果人多應該預先book 房會坐得更舒適.人均消費$368再加一, 包時令海鮮同牛肉, 手打丸以及餃, 另有任食menu. 不過其實食完一開始上菜式已經好飽, 唔點食得落任食menu🙈湯底選擇都好多, 最後選左印度椰子雞湯底, 真係撈到唔少椰子同切件雞肉. 飲品汽水選擇都齊, 滿滿一張order 紙, 如果之後可以加d 茶option 就更好 (eg 道地烏龍茶....) 海鮮份量超多, 真係好大一盤, 食海鮮都食飽咁濟😂 其中幾欣賞海蝦, 蝦肉結實都幾鮮甜. 鮑魚都幾厚肉彈牙, 仲有青口, 蠔, 魷魚同象拔蚌.手打墨魚, 豬肉同牛肉丸, 手工豬肉釀鮮菇以及手工墨魚釀豆卜. 香味唔算太濃郁, 不過都幾彈牙, 當中牛肉丸中夾左cheese比起丸更欣賞佢地餃子, 皮好薄好滑, 餡好足料好香. 雲吞包

昨天食口水雞，今天試星加坡海南雞飯，簡值無得輸，雞肉鮮嫩口感一流，可以不加賣醬汁都非常巧味，還有一個梅菜扣肉飯，明天再來試試，呢間店名叫One More Hot Pot來一鍋，果然無改錯名我會再來

One more hotpot 來一鍋，果然無改錯名，在大門口看看以為收費很貴，入內坐下看到餐單，還有75折，都只是實收300多元，就看內容，確實超值，海鮮類已有7種每位計，手工拼盆類都有8種，重有即炸嚮鈴和即炸魚皮，前菜兩款任食，更過份的還有十款鍋底選擇，每2至4位送一個鍋底，每6至8位送兩個鍋底，9位之後送3鍋底，實在太正，不用十幾二十人都係食一個鍋，不用加錢都有三個鍋選擇，還可以選擇駌鴦鍋底，只加68元低呀！咁即係三個轉晒駌鴦，就有6個不同口味啦！正呀！環境😄裝修得很好，店主很有個性，服務員很有禮，個人認為價錢不貴，最重要是食物質素高於價錢，值得推介

收工之後同，同事食野，次次燒烤真係好悶啊！所以就去佐openrice度穩火鍋，見到有間叫來一鍋 one more,仲寫住7.5折優惠價錢，D侍應十分之有禮貌介紹餐單，個員工仲好細心，問有無人唔食辣噶，到最後我地選擇佐一個叫(花膠螺頭雞鍋)我有同事試佐個湯先，無味精，材料同分量都充足，感覺好似外母煲噶靚湯一樣，接住就係海鮮拼盤，同事哇⊙∀⊙！哇聲！真係太大盤，太誇張啦！跟住牛🐮🐮來啦！真係好有牛味超，仲有即炸響鈴同魚皮，真係脆！脆！脆，食到差唔多，跟住追加野食因為我地叫噶也食太多啦！區地比佐個6層圓加比我地，又省位又美觀真係聰明，細心，侍應都換佐好幾次骨碟service一流，接近尾聲有咪心太軟價錢優惠又低食，我下次要同屋企人過來試下。

對於我來講，打邊爐隨着年紀長大會有唔同要求，而家寧願俾貴啲食好啲嘅材料，好少食任食既邊爐，但今次one more來一鍋顛覆左我嘅諗法。我同女朋友係鵝頸橋附近打完拳，諗住醫吓肚子，但發覺附近餐廳差唔多食過曬，忽然望一望樓上既招牌，見到one more來一鍋，覺得個名幾得意，就上左去啦！整個環境相當大同舒服，裝修有別於一般任食火鍋店，以藍白色為主，未至於金碧輝煌，但偏向高尚路線。餐廳亦設有三間貴賓房，其中兩間可以打通，生日飯約食任食邊爐都唔會失禮。枱上有一張menu，劃分左前菜、鍋底、肉類、主菜、配菜、火鍋配料，亦有啲收費海鮮燒烤，望落少少更寫有精選甜品，睇得出餐廳係menu設計上亦落足心機，抵讃！我地一坐底，職員就呈上前菜，分別係四川麻辣木耳同手拍前瓜。兩者味道不錯，而且令人非常開胃。同經理傾計先知早排餐廳先正式營業，所以佢話飲品未有coca cola，雪碧，遲下會有，但飲品選擇已經好多，足足十二款，例如韓國cola、番石榴汁，飲品仲要係任飲經理仲透露遲下啤酒，紅酒、白酒都係一任飲，質素有保證，真係每個人聽到都會心動💓湯底方面，我地加$68叫左鴛鴦火鍋，首先有花膠螺頭雞鍋，湯底好足料，見

近排真的是十分流行打邊爐或台式涮涮窩等，只是銅鑼灣一帶有不少的選擇，今次就相約了好姐妹們到開業不久的火鍋餐廳晚餐啦！！😆😆地點十分方便，就在與時代廣場一街之隔的地方，灣仔道街市附近，非常適合行街或放工去食飯！光顧的時候還早，趁機會望左望現場的環境，發覺他們有數間獨立房間，適合開party及慶祝使用！裝修光猛，空間感也十分足夠！一坐下來，侍應便給我們菜單及醬油料，而且還跟我們介紹及推介湯底！花膠螺頭雞湯～這是侍應推介給我們的，湯底好像老火湯一樣，可當湯喝，初時清甜，越滾得越久時味道更濃，花膠湯底也充滿膠質感！主角出場，超豐富的海鮮大集合，貝殼類新鮮味甜，喜歡海鮮的人不應錯過！西班牙黑豚肉及手切安格斯肥牛片～二人就可以選擇一樣，不會切得太薄像一陣風失去口感，雪花紋理飄亮，不會太肥，肥廋比例適中，充滿濃郁的肉味！手打丸及各款餃子～手打丸非常彈牙，晶瑩剔透，非一般丸可以比較，其中豬肉丸我是最喜愛的！其中韮菜餃也分出色，韮菜與肉比例剛剛好，唔會太多肉有過膩的感覺，韮菜亦不會過多搶去肉味！炸響鈴新鮮炸起，而且大大件，越食越滋味！不會有油膩感，放湯浸一會就要食啦！最後我們追加了一些蔬菜、蜂巢豆腐、蟹