No.9 Bistro (已結業)

No.9 Bisbro是公司女同事比較喜歡去的餐廳，皆因比較寧靜舒適，甚少吵鬧聲音，而且出品也不賴，價錢銷微高些少，但又不是餐餐富貴，一星期一、兩餐獎勵自己是應該的。像這個拿破崙巴馬腿意大利麵，用鮮茄醬就是不一樣，味道清爽，有田園新鮮的感覺，Parma Ham更起了點綴的效果。而另一個餐菠菜刺山柑龍脷卷，份量覺得比較適合理女士，男士可能要下午茶補充補充，龍脷柳做到了嫩滑可口，調味汁不知是不是刺山柑這東西做的，味道微酸不搶，起去腥提鮮作用，整體令人印象深刻的。

平時極少到觀塘 估唔到今次黎有驚喜係成業街附近開倉行到攰 此餐廳不失為shopping後飽腹好地方👏 我去既時候正門無開 😳轉個灣係停車場入口都易搵～不過如果下面有易拉架指示仲好一入門口感覺唔錯 寬敞舒適 靜靜地👍坐底望一望menu~無味精 靚食材 咁好？見到無味精以為會比較清新淡味 但呢個南瓜湯係無預計過既咸😣 落左好多鹽？南瓜蓉亦不多～除了太重味外 味道還是可以的麵包是驚喜之作 熱辣辣 可以溶到牛油既餐包真唔多皮脆 內又唔會硬身 牛油一上就溶友人叫了海鮮意大利飯 仲以為會有青口 仲諗緊通常成碟海鮮飯最難食就係青口 點知無😂所以唔會難食😂😂蝦唔錯 唔止得個榖 入面都入到味 唔係普通交貨仲有帶子等海鮮 亦都唔錯既～不過我覺得意大利飯反而失分了呢度既意大利飯係硬身既 不過各人對軟硬口感各有不同喜好 就不評論但意大利飯本人覺得重要的醬汁就唔得拿..太稀 感覺好似有種濃郁既味但又同d飯分開左咁～呢個千層麵唔錯既都雖然見唔到有好多芝士 但每一啖都會有淡淡既芝士味 千層都軟硬度亦算適中～～味道方面酸甜度亦是很適中唯獨亦是太重味～食到一大半就有點吃不消了～呢個奶凍絕對同出面唔同奶粉味極濃! 奶凍亦

忙裏偷閒半日安，下午放工，我在街上看見餐廳廣告，其中食物圖中的蝦多士吸引了我。於是我與姐姐們朝向這間食肆，終於扺達王子大廈9樓，店內裝修是中式設計，食物則是西式的，中西合璧較為突出。我們點選了幾個下午茶套餐。首先來了幾杯熱飲料。味道恰當的熱檸蜜，香滑濃郁的朱古力，海鹽焦糖咖啡並不是想像中的咸味咖啡。暖在心頭啊期待的食物第一道的是蝦多士，比廣告中照片更為出色。原隻蝦在脆脆多士，就像薯片的那樣脆。蟹肉芝士蒜蓉飽，香口蒜蓉飽，再配上蟹肉沙律醬，配搭突出。煙三文魚班尼廸伴荷蘭醬，這個食物並非每間西餐廳會製作出來的。當我用刀切開時，蛋黃汁流出來，非常美味，再配上新鮮伴菜及醋，絕頂美味。最後的一道是芝士煙肉卷，內裡香濃芝士，外面香濃煙肉，口裡彌漫著芝士煙肉味，齒頰留香。店內職員服務不錯，欣賞他們的招呼，細心介紹食物給我們，我們在邊欣賞及邊吃，這裡可比美酒店的水準。觀塘竟有如此出色的餐廳，用心製作，一流水準質素與合理價錢。我們會再次光臨。Hello Kitty上

收工經過觀塘工廠區，聽聞近年這區變成美食之區，閒閒地有過百食肆，打開Openrice搜尋，經驗是先剔除那些專業blogger推介，唔洗畫公仔啦！選了這間不是最人氣的，卻是實實在在顧客推薦。餐廳晚市不算旺場，環境優閒不吵耳，感覺非常舒適。和同事食的只是普通套餐，我點芝士粟米龍脷飯，非常普通的焗飯，魚柳有經過微煎處理，芝士醬汁濃濃鋪面，粟米粒粒十分豐富，烤焗至表面金黃，色、香、味都躍然碟上，食落每粒飯都拌著芝士醬，亦嚐到嫩滑的龍脷魚柳，果然有實力。同事點的是松露蒜香豬扒配意粉，豬扒是厚切，食落不是鬆肉粉加工的酶淋，而是爽彈不柴的口感，配松露醬及蒜粒都是濃味，本以為會有點過分，完全不是那回事，多一分味濃；少一分缺靈魂，味道點到即止。今次考試合格，下次再返嚟試他們正餐牌的菜，希望有另一番的體會。

我去官塘是路過的，在王子大廈被七彩的招牌燈箱吸引，好！ 就試黎間，上到9樓環境吾錯，午餐好多選擇，最後叫了秘制燒排骨配德國薯仔沙律 $88，上碟好精美，即時胃口大開，秘制醬汁好香好特別，肉汁好juicy, 整體呢講水準好高.

工作愈忙愈要食好野！見到這間價錢合理的餐廳便決定要試試。牛脷切成厚片, 以新鮮番茄煮成開胃的西西里汁淋上爽滑意粉，味道勁夾。我欣賞牛脷那獨特的質感及濃烈的味道，真材實料, 食左一塊之後真係停唔到口, 真係好好味Yummy！西西里燴美國牛脷意粉 $88

現在官塘區食個lunch，無論茶餐廳或中餐飲茶都起碼五、六十，重要係難食到無朋友，今日終於比我地搵到間食得飽兼好食沒投訴，價錢還算適中，重點是物有所值，第一個鮮蜆蒜片意大利粉，蜆肯定不是雪貨，意粉竟然做到名店水準，粉心留點白，食落清爽可口，不像出面食店晨早整定，求其煮到淋晒都比客食。第二個比較少有的火焰油甘魚菠菜意大利飯 ，通常做得午餐都想快煮快食，但這個餐就睇得出這間餐廳的良心，煎魚不能預煎就肯定的，意大利飯更是必需現做，講水準又是一大Surprise，輕燒過的油甘魚肥美甘香，搭配味道濃郁Creamy的意大利飯，好食到停唔到口，最後的芝士黃金粟米龍脷焗飯，看似普通焗飯，錯；真係唔好比佢平凡嘅外表欺騙，龍脷柳只要質素好，其實想整得難食都甚難，但表面醬汁才考廚師功夫，這碟的醬汁食出不是平時食的"金寶"豆粉水加芝士，香濃軟滑加上烤焗半溶的芝士，又一化腐朽思為神奇之作。

由官塘消房局沿開源道直行有唔少餐廳，戰場不止路面左右，更發展到工廈商廈烽煙四起，能夠開喺樓上而儲到一班熟客嘅，呢間西餐廳梗有過人之處。就說簡單如午餐的浪漫嘅牛脷燴意大利粉，牛脷除了必需的烹調得滑嫩滋味外，廚師於上餐前再將牛脷輕煎，充份體會到餐對出品的執著。看似只是一個簡單工夫，但我好肯定話你知，口感層次超級豐富，搭配鮮茄醬炒過的意粉，三個字無得輸。

去完銀行，見到lift 的宣傳廣告，$55一個set lunch, 去試下啦。見到餐牌，揀了個鷄扒。唔洗10分鐘個飯就到，唉，諗住咁快到，可能係快餐店貨式，點知出乎意料之外，超好食，又juicy,個飯好香軟，個汁又好好味，唔係味精汁水。真係無諗過$55可以食到，去翠仔都唔得。一定要通知班friend ，下次嚟試下，就算過左優惠時段，都係多$10，好過好多cafe。

忙裡偷閑，食Lunch就是我的加油站，真的不想"茶記或大家X"隨便浪費時間，這間餐廳正是我公司同事的指定油站，皆因價格中等，食材超值，更好是有幾個角落比較隱蔽，坐得特別舒適。今日Lunch照舊上來，剛好轉了新Menu，香燒松露豉油比目魚甚少在午餐食到，其實比目魚比銀雪魚有過之無不及，比目魚肉質細滑卻少了銀雪魚的油膩，食落清爽，用上黑松露油的調味，相當考驗主廚的功力，過了便畫蛇添足，但今次是錦上添花，給個讚。第二個米蘭式比吉打豬扒選擇配意粉，主角豬扒外層包上蛋漿半煎炸，色、香、味極具水準，內部仍保持濕潤肉汁 ，配搭足量的蔬菜及鮮茄醬，不失為大胃王首選。最後一個是最精致的火焰三文魚茄茸意大利飯，不得不提這家用的三文魚真的不一樣，主廚掌控煎致8成熟，肉質嫩滑，油香滲入飯中，混和味道濃郁帶Creamy的的飯， 那種沖擊味蕾的感覺真讓人再三回味，所以我常說，辛苦搵來自在食就是這道理。

雖然上樓的餐廳已不是甚麼新鮮的事，但在一幢主要是辦公室大廈內有一間餐廳，就真的是較新的情況。相信有不少餐廳老闆為了慳更多的租金，而不惜找更平宜的地方吧。真的辛苦了。講到食物，先來一碗磨菇湯。很足料，很香的磨菇味，也吃到一粒粒的磨菇。很滿足的感覺。而主菜的漢堡包較為特別的地方是這裡把上層的包分開擺放，這不但特出了漢堡的樣貎，更讓食客自然地會用刀叉去品嚐這漢堡包。這個日式漢堡的特色之一是醬汁較淡，不過正因味道不會太濃，就能夠吃到牛肉的味道，很不錯。紫薑為伴菜自然增添更多的和風感。

朝早老細突然良心發現話請食飯，重係順便Happy Hour個隻添，雖然是在公司同樓的樓上西餐廳，但嘅然是老細的飯堂，點都唔會差得去邊，準時6點收工即刻跑兩層落9樓Happy，3個人叫了半打Corona Rita，然後各自點餐，老細叫了個"慢煮法國乳鴿胸伴黑松露飯"，這個本來是要早一天預訂的，熟客就真係有特權，上午打去order主廚拍板即做，睇落沒什麼特別，但老細話慢煮嘅法國乳鴿胸嫩滑到不得了，伴黑松露飯是絕配，每粒飯都滲有黑松露菌的香味，慘在睇到聞到食唔到。輪到上我個"蜜燒加拿大純天然有骨黑毛豬"，個份量應該夠兩個人，調味偏濃，是香草的濃味，肉的質素確是絕不欺場，送酒絕對無得輸，鬼仔叫了個"紅酒燴和牛尾"，唔係話外國人唔拿這些下欄嘢，但佢就打邊爐最愛食"雞子"，簡直係純種西洋香港人，講返個和牛尾，打劫少少試食，嘩不得了，有著濃郁的牛肉味及酒的香醇，加上燴燉到酥軟肉質的獨特口感，即時建議和他兩人share食，結局梗係73分配，我7佢3啦！

帶國內朋友到觀塘的outlet掃波鞋，喺駱駝漆收猜豐富，行到疲乏沒力，見到樓下燈箱推廣這間餐廳，正正在對面大廈，決定上去食年餐回氣，餐廳的環境算不錯，比在街舖的茶餐廳舒適得多，order了兩個午餐芝士焗菠蘿豬扒飯和蒜香辣子雞扒，豬扒不是厚切那種，但肉質鬆化不柴，醬汁濃郁表面焗溶的Mozarella芝士物有所值。蒜香辣子雞扒味道出乎意瞭的驚喜，香味搶先突出，層次豐富，辣而不辛，蔬菜的份量相當充足，平衡了肉類的油潤，餐後每人來杯香濃的意大利即磨咖啡，能量值即時補充100%，可以再血拼下去。

同Honey約會，選了在地鐵站附近，上次無意中試了這間餐廳的lunch，今晚翻尋味帶女友來試試，晚餐的set dinner選擇頗多，價格亦算相宜，女友點選燴羊膝，份量確實不大，但上得餐廳就不是要大件夾抵食，要的是這個價錢這個質量，個Waitress推介配搭羊膝的汁醬是廚師秘制，食落味道確實調較得剛剛好非常惹味，羊膝質感軟滑，燴煮時間掌握得非常到位。無肉不歡的我選燒豬手，做法並不是德國式鹹豬手的燒炸，而是偏向中式的燒烤，沒有香味的醃料，做到了外皮小許香脆、小許煙韌、本質仍然嫩滑，配菜有薯蓉，也有德國酸菜Sauerkraut，最愛就是搭配酸菜，把肥膩度大大減低，犯罪感也減少了，整體在食物上我是滿意的，唯想吃點特式Dessert需預訂，希望下次在這方面能改進，增加每天推出一個精選甜品。

站在門外等位已感覺這間餐廳和觀塘區大部份的樓上餐廳不同之處，就是客人比較斯文，進餐時不會被嘈吵聲騷擾，價格來說屬中檔吧！今天試了兩Set午餐，和牛漢堡表皮焦香，內裡質感嫩滑，牛味濃郁，配搭酸青瓜粒及爽脆生菜，口感香、濃、爽、脆，絕對值得大口品嘗。另一個鮮什果沙律，簡簡單單，吃的是新鮮蔬果的清新，加配的瓶鴨胸，剛好增加了這個飽肚感，既能食得健康，也可滿足色香味的享受。