No.9 Bistro (已結業)

約左朋友去觀唐海濱公園影相hea就決定係觀塘搵間西餐廳食下hea下先過去。⭕️保雲酥烤羊排配意粉 $141有2大枝羊架，羊痴一定喜歡！都幾夠騷味，上面d脆脆好香好好味，仲有薄河醬可以掂但我鐘意就甘食😂意粉係蕃茄意粉，好彈牙同唔洗怕乾爭爭冇味！羊架份量ok的，意粉份量就唔算多🤔⭕️Ribs配薯菜 $98Ribs都幾多，有d燒得過火，但入面咬落幾淋，同冇咩骨唔洗怕要咬。整體份量幾多，薯角好多，食到最後食唔哂😂⭕️南瓜濃湯配法包南瓜湯幾濃郁但唔算杰，法包亦唔會硬，凍左咬落都鬆軟！⭕️海鹽咖啡 +$1x好好飲！唔算太甜！幾濃咖啡同上面d脆脆好正⭕️抹茶紅豆 +$15係綠茶味，唔係抹茶但幾好飲唔太甜，紅豆亦唔會爛哂

第一次黎尼間餐廳食晚飯，入到去見到座位寬敞整潔 我地叫左個太餐，尼個麵包熱辣辣，好脆 係比較硬身既包，配牛油食 好香而隨餐附送餐湯 初初以為無南瓜湯，飲落先知係甜甜地 粟米湯😻😻😻之後就係煙三文魚意大利飯，四塊三文魚 飯唔會好「結身」食完都唔覺滯☺️☺️七成熟安格斯西冷，絕對唔行口 😇😇😇香濃 😼👍🏻仲加左$18 叫特飲 （原價$32 ，跟餐半價）👍🏻👍🏻薄荷朱古力曲奇奶昔，薄荷味夠 如果再多少少曲奇碎就好啦！勁清新😻跟餐甜品係好立克布甸，低下仲有芒果！

觀塘最多工業區，又唔想食商場大餐廳，咁就上openrice search下有咩工廈餐廳 試新野6點幾去到環境寧靜 侍應有禮我地無跟套餐 只係散叫～蒜蓉包$32/6塊 勁香脆 前菜叫左個鮮什果沙津，有菠蘿、芒果、青蘋果、士多啤梨、沙律菜... ... 每款都酸酸甜甜 好開胃兩個人食岩岩好😍😍😍😍😍主菜 卡邦拿意粉 我覺得好好食，味道濃郁，但又唔會好重奶味，唔好睇佢細細碟，其實都幾多份量 最後尼個安格斯牛配鵝肝 仲有啲薯菜🤣🤣🤣

今日又去到觀塘工業區揾食，就選擇試下依間西餐，餐廳的氣氛好適合情侶黎食，比較靜，吾洗驚隔離枱會好嘈今日嘅餐湯係粟米湯。粟米味好濃郁，而且裏面落左少少忌廉，味道更加香濃法包即叫即焗，所以好熱辣辣，揸埋牛油一邊飲湯一邊食，perfect主菜分別叫左西冷扒同雞扒。首先，兩者都會配上薯菜，薯條啱啱炸起，脆卜卜熱辣辣，點埋茄汁，好味道西冷扒5成熟，所以吾會太硬，一切就切開到，而且配埋佢地的醬汁，味道更上一層樓，但有dd咸而雞扒煎到塊皮脆卜卜，加埋秘製燒烤醬，甜甜地好惹味餐飲分別叫左熱朱古力同凍柚子蜜，熱朱古力甜蜜蜜，中和番本身食扒嘅濃味最後甜品係奶凍一開始我以為只係一個普通奶凍，食食下發現裡面竟然夾左菠蘿，菠蘿加埋奶凍一齊食，完全打破我對奶凍嘅認知，但是係意外地好食，酸酸甜甜嘅菠蘿夾埋頗甜嘅奶凍食，好match

觀塘很多餐廳~今次隨機地去左no9 bistro食西餐！環境闊落乾淨！價錢合理~食物質數相當唔錯~侍應態度都親切有禮餐湯係忌廉菇湯~d菇粒打到半碎，飲落仲食出菇粒既香味相當討好呀~個餐包熱辣辣好味呀勁想食多個喔意大利麵條條分明！唔會成 pat野至於個主角蒜香烤羊架~有2大塊既羊架內層色澤粉紅剛熟肉質鮮嫩！沒有羊濃烈既(so) 味。骨與骨之間既細肉好嫩唔會食到成口油既感覺！旁邊 d薯菜亦做得十分出色菜夠哂新鮮！仲有個甜品奶凍~唔會太甜！好滿足呢

呢間餐廳環境高雅，播住輕鬆既音樂。好適合拍拖約會。如果唔係朋友係度返工，我諗我會錯過呢間靚餐廳。麵包啱啱熱好，好香脆。搽埋牛油一齊食，正。粟米湯甜，因為餐廳寫明唔加味精，飲到粟米湯既原味，清甜。食到粟米粒，口感好。叫左個rosemary西冷扒。牛扒叫左五成熟，切開個牛扒，真係五成熟，正。牛扒多汁，夠甜，香料令牛扒更香。好好食。唔洗點燒汁，牛扒本身已經整得靚，好滑好甜。食埋個薯角，炸得好脆，熱辣辣，好味。牛扒上邊仲有啲茄子，牛肉同茄子一齊食，個口感更豐富，牛肉質感又昇華左，好好味。飲埋杯熱檸水，係呢間餐廳hea，好寫意。原來套餐仲有個甜品。奶凍口感滑，入邊仲有菠蘿仔，幾得意既配搭。今日呢餐係好食同健康既。

今日放左學之後約左朋友一齊食飯。係人群眾多既觀塘，竟然有個清靜優雅既地方食晚飯，好適合同朋友傾計，慢慢享受晚餐。我同朋友叫左兩個晚餐包抱香辣煎蝦蒜片白酒煮意粉同紅酒燴牛尾飯。夠包有焗番，外脆內軟嘅。兩個菜式賣相幾好，但味道唔錯。隻蝦煎得好香，意粉煮得啱啱好，但可能個汁有啲辣。而牛尾煮到好入味，好軟熟，容易入口，個汁好啱送飯。有甜品同餐飲送。叫餐可以以半價飲特色飲品。食物好食、環境乾淨舒適、服務好，價格大概每人100至200左右好適合朋友或情侶黎食。唔錯唔錯。

Among all the restaurant and cafe in these industrial building in Kwan Tong, No. 9 Bristo will definitely stand out!Tonight we had our dinner here and the food was really nice. We chose two sets from the dinner menuFirst we were served with this pumpkin soul and bread. I would recommend some pepper on top of the soup. It was not bad at all!This is spaghetti agility-olio with shrimp balls. A little bit spicy and the shrimp was really well cooked.Oven braised ox tail with red wine. I really liked

我呢個觀塘工作嘅打工仔！講到每一日食lunch，我哋都會好苦惱，因為大家都應該知係觀塘搵食艱難，因為每次放飯嘅時候，好食少少嘅餐廳都會full 晒，又要等位，又坐得迫又唔舒服又會俾人迫走。最近就俾我地終於塭到呢間餐廳，可以接受book 位，舒舒服服俾我哋坐喺度慢慢享受我地一小時lunch time! 😌呢間餐廳位於王子大廈9樓一上到去環境佈置好舒服，枱與枱之間闊落，一啲都冇擠迫感，侍應服務態度非常友善同熱情！🤗今日同個同事試咗兩個午餐；我哋點左美國頂級西冷配薯菜（七成熟）$149，呢個七成熟真係啱啱好，唔會有過熟同過生的情況，最怕就係上枱仲有血水出，但呢塊扒就無呢個情況，食落好牛味同埋表面煎得好香脆，唔錯，絕對唔係Hea！而薯角亦都係炸得好香脆好味，食到唔停得口！👍🏻👍🏻另外仲叫咗個芝士肉醬焗意大利粉配和風溫泉蛋$88，買相已經唔錯，溫泉蛋真係做到留心嘅感覺，同埋有煙燻過咸咸地，好味！半隻其實唔夠食！不過佢嘅芝士肉醬意大利粉個portion 就好大碟，我哋兩個女仔share食都食唔晒，芝士味道濃，啖啖肉醬，老闆一啲都唔吝嗇，飽到不得之了！🤤🤤餐飲如果係特色嘢飲都係加＄6，味道唔錯！呢間

最近好多時約朋友食飯都揀觀塘, 因為呢度餐廳實在太多, 我諗連食一個月唔重複都得。平時觀塘食, 好多時都要捐窿捐罅, 去工業大廈探秘, 但今晚我地揀左一間幾近地鐵站嘅商廈, 入大堂搭升降機, 樣樣都四四正正, 喺呢度搞西餐又幾啱, 起馬約女仔都唔會尷尬。餐廳佈局有啲東南亞風, 唔似食西餐嘅樣, 唔知係咪上手留低嘅呢?睇完餐牌後大家都決定揀SPECIAL DINNER MENU, 比散叫更平, 仲包餐湯、飲品同甜品, 最抵食啦!先送上餐湯同麵包, 個包係暖嘅, 外脆內軟, 好有質感唔係空氣包。餐湯係雜菌湯, 粒粒菇菌切得細緻卻保留口感, 菇菌味香濃, 忌廉湯底CREAMY得黎唔膩, 估唔到SET DINNER餐湯都有咁好質素, 令我地即刻覺得無揀錯餐廳。主菜我揀古法紅酒燴牛尾 $168 可配薯菜/飯/意粉, 先試下個牛尾, 煮到好淋喎, 而且好入味, 紅酒味就食唔出, 可能酒味蒸發左, 餘下甘香吧, 意粉亦控制得好, 煮到剛剛外軟中間有咬口, 幾正宗做法, 汁料有啲蔬菜蕃茄味, 甜香惹味, 掛在意粉上好滋味滿足。西蘭花、紅蘿蔔配料唔多, 但好優質, 西蘭花新鮮帶爽, 紅蘿蔔軟淋入味味香。

觀塘嘅工業大廈就好多特色嘅美食, 今日朋友喺禮拜五嗰陣, 帶我去咗一間優質嘅上樓西餐廳, 價錢都算好實惠叫咗一個露斯馬利頂級西冷配燒汁, 呢個頂級西冷就係us prime⁠⁠⁠⁠個餐湯係由蘑菇打成嘅, 湯唔算太稀又唔算太傑, 適中之餘, 嗰個菇嘅味滲到口腔,aftertaste好強個餐包係一個係個豬仔脆脆, 非常之夠熱之餘, 外表脆身, 內裏再夾啲牛油一齊食, 滋味無窮主菜終於嚟啦, 分量唔算係好大, 切開裏面,七成熟啱啱好, 咬落去嗰陣, 頂級真係頂級, 西冷有口感之餘, 有黑椒嘅調味, 味道發揮得淋漓盡致, 而且一啲筋都冇, 完全唔需要點任何醬汁食另外佢嘅意粉外表睇落去平平無奇, 但食落口非常之有咬口 ,出奇地好食, 配菜雖然份量唔多, 但係極度有心思, 西蘭花浸咗啲湯, 咬落去非常的juicy, 另外番茄粒感覺好似浸左蜜糖水咁樣, 甜甜地好好食今晚189蚊食到prime牛, 真係好抵!

今日約左朋友黎到觀塘食飯，黎之前上網check過呢間樓上西餐廳好似唔錯，所以黎試下。觀塘地鐵站出，走幾步就到王子大廈，餐廳響大廈9樓，都幾易搵。餐廳地方寬敞，裝修簡單舒服，四周佈置左綠色樹木，好有優閒氣息。店員介紹lunch time有優惠午餐以及特惠快餐，全部都有八折。我叫嘅優惠午餐：日式照燒美國肥牛飯，套餐附送餐湯、麵包及餐飲。日式照燒美國肥牛飯，上面有大大隻太陽蛋，賣相好靚好得意，拮穿蛋黃，蛋黃汁配醬油、肥牛一齊食，味道唔錯，肥牛肉質嫩，有牛肉味，配菜有紅蘿蔔、西蘭花、金菇，仲有d日式薑片。朋友點嘅特惠快餐：煙三文魚三文治配薯條，套餐包餐飲。煙三文魚三文治配薯條，薯條啱啱炸起仲熱辣辣，幾香脆；配菜有沙律；三文治裡面嘅煙三文魚味道唔錯，煙三文魚肉質嫩滑，冇魚腥味，幾香口。朋友叫嘅即磨咖啡，跟餐附送，朋友話非常香濃。我叫嘅夏日特飲：芒果乳酪冰，跟餐半價，芒果乳酪冰賣相吸引，飲落透心涼，裡面有粒粒芒果蓉，芒果加乳酪，味道酸甜開胃，非常適合夏天飲用。埋單原來唔止有八折優惠，仲免收加一服務費，另外，餐廳亦標明選用優質健康食材，唔落味精、梳打粉，同使用純正橄欖油，唔錯嘅西餐廳。

我平時偶而都有將下午茶當正餐的習慣，今次多得 OpenRice 眾食神的好介紹，發掘到這間位於工廈區內的餐廳，我在這間餐廳的＂下午茶之旅＂也由此開始……😊。餐廳的位置在９樓，餐廳的名字叫９號。餐廳內佈置了不少綠色的植物裝飾，雖然身處一個沒有窗戶的室內，也給人一種仿佛置身於室外的感覺，充滿了生氣，用餐也心情愉快點😜。茶市菜單的選擇項目很多，專揀＂廚師推介＂來試。＂西多士配蜜糖＂，將慣常用的奶油換成了蜜糖，少了一份油膩，多了一種香甜。😍＂芝士煙肉卷＂，鹹點類，捲得細細條，可以斯文地慢慢歎。😍＂煙三文魚班尼迪伴荷蘭醬＂，鹹點類，賣相超靚，嗰＂蛋＂一觸即懪漿，好有動感。😍＂蝦多士＂，多士的香脆配上鮮蝦肉的彈性，好味到食不停口。😍＂焦糖燉蛋＂，是由甜品菜單中單點的，細細盅，賣相精緻。飲品＂咖啡＂同＂熱檸水＂。飲品＂凍西洋菜蜜＂，特別啱夏天飲😍。飲品＂北海道紅豆抹茶鮮奶＂，抹茶不太甜，好享受。😍我前後去咗幾次，呢間餐廳給我的感覺是：下午茶無論是賣相、味道，還是價錢，都瓣瓣掂👍，仲有店員的友善，給我留下了良好的印象。😊還有部份＂廚師推介＂的 Tea Set 未嚐試，所以我在呢間餐廳的＂下午茶之旅＂還

星期三同朋友一行三人去咗呢間餐廳食lunch，點半到等一陣就可以入座，午餐都有不少選擇，快快手點了3個sets，一嚟上餐湯及包，普普通通都OK嘅，之後上枱有日式照燒肥牛飯，比個讚佢先，鋪上隻太陽蛋，拌均照燒汁肥牛，真係好好味，份量啱啱好，另一個牛肝菌巴馬意大利飯，個意大利飯味道濃郁，十分喜歡那濃濃的菇味好吃到停唔到口。最後的保雲酥雞扒意粉，雞扒酥皮焗得脆脆剛剛好，味道勝過不少尖沙咀的名店。大家對呢間樓上餐廳一致讚好。❤❤❤

朋友介紹這間餐廳評語是一間裝飾得很有越南殖民地時期色彩的法式西餐廳，食物水準性價比很高，現場環境確實很有情調，餐牌也是Fusion得很，我們嘅然想深刻感受這氣氛，叫的當然也是循著這方向，蜜燒香茅豬頸肉意粉很東南亞的的味道，醬汁調味配搭的組合很適中，拿破崙巴馬火腿意粉更媲美我在河內Hilton的Chez Manon水準，以極其簡單的食材，運用烹調技巧呈現一個精采作品，還有煙三文魚華都夫沙律，外間食店所用的蛋黃醬，十居其九是現成品，味濃帶酸，這店連蛋黃醬也自己調教，很有隱世小店的風格，低調卻技藝高超，值得支持。