MOO MOO

營業中

休息中

通常黎觀塘都係食Cafe 但係其實觀塘都有好多唔同既餐廳 今次就同朋友係中午時間黎食依間好多好評既burger🍔白菌之堡 $65安格斯牛肉製成既漢堡肉 足足成吋厚 肉味十足 加上炒香既白蘑菇同黑松露mayo醬 真係食得好滋味😋熱帶之堡 $67安格斯牛肉漢堡加上煙肉同燒菠蘿 菠蘿既甜甜酸酸 加上大方既千島醬 一食落口好Juicy 仲有燶邊煙肉同新鮮生菜 口感豐富 好食🍔肉汁芝士薯條 ($28升級加配)肉汁倒係炸得脆口既薯條上面 配埋拉絲芝士🧀 食到停唔到口🤭芝士肉醬薯條 ($28升級加配)肉醬芝士用料大方 啖啖薯條都點到 薯條都好大份餐廳職員好nice 主動介紹啲漢堡有咩特別上菜時又問我地駛唔駛切開方便share👍🏻📍MOO MOO觀塘巧明街94-96號鴻圖中心地下1A號舖

-🔸The Tropical Moo $67🔸The Salted Egg Chick $69🔸Poutine Fries set +$28🔸Salad set +$14🔸Cream Mushroom Wings $40-喺觀塘返工都幾個月喇，時不時都會發掘吓平靚正嘅餐廳，今日又嚟到愛琴坊覓食。呢間Moo Moo嘅burger都唔錯喎，值得推介俾大家。我揀咗熱帶之堡，配料非常豐富地除咗有安格斯牛肉漢堡之外，仲有煙肉、芝士、菠蘿、蕃茄配千島醬，厚度完全考起咗我口嘅大細lol 同事就食咸蛋黃雞堡，見到雞扒煎得金黃色而且非常厚切，而咸蛋黃醬係鋪喺雞扒面上，非常吸引，同事都覺得好味～Lunch set可以加錢要沙律或薯條，再跟罐汽水，夠晒滿足。我哋再另外加咗三隻忌廉蘑菇雞翼，原來忌廉蘑菇係釀咗喺拆咗骨嘅雞翼裡面，一啖咬落去超驚喜地好味呢！

👧🏻😋👅🍽✨- Moo Moo 🐮🍔🍟✨可以WhatsApp落單，見D人行入黎即刻拎得!✨服務態度好好，D位又舒服，仲有室外位好chill-經典之堡 $60✨當要知道餐廳堅唔堅，一定要試佢既 signature✨呢度既 Classic用安格斯牛，芝士，蕃茄、生菜，同自製Moo Moo汁✨漢堡醃味夠之餘又唔會cover左本身既牛味，因為本身塊安格斯好靚好濃牛味，又夠juicy唔會實的的✨包如圖烤焗到脆卜卜，成個包唔會太濕-鹹蛋黃雞堡 $69✨試完signature緊係要試創新口味✨鹹蛋黃入饌西餐就成日見，但配落burger好多時都係炸，呢度係就用煎焗方式，冇咁油膩，係減肥胃食既你同我既恩物 😍-✨除左burger，佢個lunch set可加配薯條/沙律加汽水，而我就再升個有醬既薯條，收我$28都冇揸流攤 😎-芝士肉醬薯條配汽水 加$28✨落左勁多芝士同肉醬好鹹香✨車打仲識拉絲-肉汁芝士薯條配汽水 $28✨肉汁芝士比較少見，睇落好水但完全唔會整淋啲薯條，反而食落好滑-汽水轉冰茶 +$12 （檸檬味）✨因為鐘意酸野揀左檸檬，叫果陣都驚佢係凍檸茶收我$12✨但好彩飲落唔似😂 佢味道有啲似康師傅

今次就去到觀塘食burger😋發現依間burger店好受歡迎，好多人係門口叫外賣番公司食😝小明為食餐單: 鹹蛋黃雞堡🍔 $69一咬好多汁咇出黎，雞排好juicy又香脆，仲要好厚身，雞排上面有鹹蛋黃碎，一齊食咸咸地又有蛋黃香好味😋底下有生菜蕃茄沙律醬伴襯，好fresh又正🥰美式之堡🍔 $63優質安格斯牛肉大大塊又厚，好足料，仲有煙肉，配埋BBQ汁，帶出牛肉既味道，好有質素😋水牛城辣雞槌🍗 $68/6隻雞槌炸得香脆，加上秘製辣醬，好香辣又惹味，無得頂😆

觀塘出名手工牛肉漢堡店！聽同事成日講話好正，今日終於有機會試試佢！經典之堡$60手打美國穀飼牛肉，睇住廚師在廚房手打嘅新鮮牛肉漢堡，煎完出嚟有香濃肉汁！食落就知係用靚牛做！車打芝士香濃，蕃茄同生菜感覺好新鮮！包皮外軟內脆！熱帶之堡$67安格斯牛肉，咬落去果下啲牛肉汁必曬出嚟！個包皮脆既！啲芝士溶晒係啲牛肉嘅嗱嗰度！一咬落去啲生菜卡卡聲，代表好新鮮！加埋菠蘿🍍，酸酸甜甜咁，令胃酸都分泌多啲！炸薯條$25新鮮炸起非常邪惡！但係又香脆可口，食到停唔到！ 忌廉磨菇雞翼$40 3隻將雞翼去骨已經唔易！然後入面仲釀埋忌廉同埋蘑菇！啖啖肉好好味呀！佢塊牛肉漢堡真係整得好好食😋想食burger會再過嚟幫襯！

有時都好鍾意食漢堡包貪佢簡單又方便 😙叫咗個經典漢堡同埋滋味雞堡兩個漢堡都大大份而且餡料十足。香煎雞扒加埋生菜同蕃茄，又fresh又夠味。漢堡包用嘅包都好軟熟😁😁有空氣感。嘢飲方面叫咗蜜桃特飲同埋可口可樂。經典漢堡可以試得出一間店有冇水準。漢堡扒夠厚身，好有口感。加埋芝士蕃茄生菜，豐富得來味道夠夾。有提供手套，好貼心呀！漢堡用紙包住，用埋手套，唔驚整污糟手，慢慢食好滋味～😋😋由於有少少口痕都想食埋小食於是就叫咗泰檸雞鎚。泰檸雞鎚共有三隻，外皮香脆，加咗特色泰式醬，好惹味呀！價錢仲好優惠，$40有三隻！呢度仲設有戶外地方，如果天氣冇咁凍都可以同朋友喺出邊啤啤佢！

觀塘搵到間食漢堡包唔錯嘅鋪仔，雖然細細間但係漢堡款式都好多選擇，即叫即做好新鮮，仲有薯條都有好幾款。熱帶之堡：用左安格斯牛肉、芝士、煙肉、菠蘿、生菜、蕃茄、千島醬，我個人覺得夾左菠蘿🍍就能提升左個飽嘅口感，加上即煮嘅漢堡牛肉，成個飽好juicy。美式之堡：都係用左安格斯牛肉、芝士、蕃茄、生菜、煙肉、BBQ汁，佢地用嘅材料較為優質，啖啖都食到肉汁味👍🏻👍🏻👍🏻芝士肉醬薯條：薯條上面鋪滿肉醬，薯條加埋肉醬真係好正。肉汁芝士薯條：肉汁覆蓋整個薯條，令到薯條嘅味道提升不小。

之前返工久唔久都會經過呢度，見到呢間舖頭嘅漢堡包好似幾吸引，而且之前夜晚有Happy Hour嘅時候都幾熱鬧，今日終於忍唔住去試吓。《經典之堡🐮》漢堡包有搽牛油煎烘過，令麵包保持外脆內軟。漢堡包嘅醬汁混合左洋蔥🧅，增加左漢堡嘅口感同埋先甜度，漢堡扒都幾厚身大塊（仲比我偷睇到佢哋係自家新鮮手打製作👀），咬落去非常Juice，加埋半溶狀態車打芝士，食得滿足！《鹹蛋黃雞堡🍳🐣》漢堡包一樣有搽牛油煎烘過，令麵包保持外脆內軟，加分！但係調味方面就略為扣咗少少分，雞扒雖然夠大塊同厚身，口感嫩滑，但就略嫌鹹咗少少，調味略為簡單。鹹蛋黃唔係依附喺雞扒嘅表面，而係另外搽咗一層鹹蛋黃醬喺生菜底下，鹹嘅蛋黃醬加埋鹹雞扒令整體味道都偏鹹。我哋都分別加咗$14 upgrade為套餐🍟🥤，套餐嘅薯條都幾多，小編認為兩個女仔叫一份薯條share食已經好足夠。薯條的確值得一讚，除咗份量之外，味道也不俗，有啲似調咗未嘅薯格，唔使點茄汁都已經好好食。餐飲方面，可以轉為是日餐湯，當日係忌廉湯，表現則平平穩穩。

#哈比四圍食相信好多人都會認同工廠大廈都收埋好多美食，而觀塘區嘅工廠大廈入邊確實係會令你有好多驚喜😎今次就嚟到試吓呢間係觀塘區都好出名嘅漢堡😋🍔 經典之堡 $60個包質感幾鬆軟，食落好重牛油味又帶點甜味，塊牛好厚加埋塊芝士好邪惡🙈好在中間仲有蕃茄同埋生菜平衡返😆另外，你可以+ $14，有埋一份細薯條(其實個份量一啲都唔細😆)同一罐汽水🧀 芝士波 $55熱辣辣新鮮炸起，呢個唔係拉絲嗰種芝士波，食落去係好軟綿綿好香芝士味嗰種鹹香味嘅芝士波🤤絕對係邪惡中嘅邪惡😈

趕係六點禁堂食前 食呢間小店嘅手工漢堡佢個位置都幾隱蔽雖然餐廳地方唔算大 但裝修感覺幾溫馨 仲有戶外嘅座位 有啲似bar既感覺好有外國feel可惜禁左晚市 如果唔係坐喺佢室外嗰啲座位 都幾chill白菌之堡餡料有安格斯牛肉 白菌 芝士 蕃茄 生菜 松露mayo sauce首先個包烘得好香脆而個牛肉係手打漢堡扒 煎得啱啱好 啲肉汁鎖住晒好Juicy 一路食啲汁一直流佢嘅松露mayo sauce好香 陣味唔會太strong 蓋過肉既香味啲白菌輕輕調味過 少少咸咸地 中和左成個漢堡既油膩 感覺好冇咁heavy咁仲嗌多左杯檸檬冰茶店主話唔係就咁汽水機出嚟個啲 人手沖嘅好refreshing 唔會太甜見到都幾多人黎happy hour嗌杯啤酒食下薯條 下次都想試下！

白菌之堡係加左白菌菇同安格斯漢堡扒既一款漢堡 白菌菇極香而且味道上好濃 咬落去個種香氣係完全滲透左成個口腔 而個安格斯漢堡既肉質都好軟冧 勁juicy同肉汁都好多 鹹蛋黃雞堡炸到好脆口 而且仲要keep到有肉汁 塊雞扒好都厚身下 上而仲要落左唔少鹹蛋黃 鹹香味十足 令到成個包層次昇華左唔少 芝士肉醬薯條個份量都幾多下 啲肉醬同芝士淋落啲薯條到 個配搭又唔差 好似一次過食哂兩種唔同野 食完都幾full水牛城辣雞槌好貼心呀 將啲雞肉推埋一邊方便啲客直接食 食落真係啖啖肉 炸到好鬆脆 點埋啲汁酸酸地又辣辣地 幾開胃

平時食burger就食開連鎖鋪嘅，都想搵一啲小店黎試下，觀塘呢間burger都非常之唔錯。佢嘅burger除咗有安格斯牛肉仲有雞肉、大啡菇等等。見到有個幾特別嘅係鹹蛋黃雞堡。今次叫咗個白菌之堡，入邊除咗有安格斯牛肉仲有白菌芝士同埋松露等等，所以聞落已經好香，呢度嘅burger亦都好足料，塊牛肉好厚，好重牛味，而且唔會一咬就散，女仔一啖都未必咬得晒成個。入邊嘅松露味好香。呢度成間鋪都好有外國burger店嘅感覺，座位都係高枱為主，仲見到有唔少其他客仲會叫啤酒好chill咁！嘢飲方面除咗基本嘅汽水，呢度都仲有唔少選擇，而我就叫咗蜜桃冰茶，都幾fresh。

思念美國🍔既味道又唔想食大牌M記 仲有咩選擇好彩追上禁止晚上6點堂食既尾班車收左工都有得食漢堡包 🥰點左一個滋味雞堡 🌶 $60雞肉皮煎得爽脆 雞肉仲好柔嫩👍🏻有芝士 雞排 生菜 加蕃茄 同香辣美玉 好足料私心如果麵包 搽牛油用焗爐烘底更加好🥺😖另外點左個小食 芝士肉醬薯條 $39 私心推薦呢個😋😋😋滿滿既肉醬 加上大量芝士粉 同新鮮炸起嘅薯條🍟加埋就係 perfect 完美🤩!$100有持既一人晚餐 都食得好滿足😬

自從在觀塘上班，要搵好吃又平嘅burger 都不容易呀，幸好這家黃店就滿足到小編這兩個要求啦！點了一份Tropical Moo，有厚厚的漢堡、煙肉同菠蘿。加了菠蘿的漢堡真是清爽好多，而加了煙肉亦好啱食肉獸呢，哈哈！漢堡份量夠晒大，兩個女仔分來吃都不過份呀～另外是雞肉沙律，雞肉份量都比想像中多，煎得剛好，有肉汁。好喜歡肉醬芝士薯條！薯條好多又香脆，肉醬同芝士都好多，好惹味～點多杯Apple Soda媲美在國外食快餐呢～值得一試喔！

今次又到觀塘附近，諗起上次鴻圖中心有好多餐廳都好似幾好食，所以今次試下其他餐廳，就簡左依間漢堡包店。佢有開放式廚房，你可以睇住廚師準備野食，好似外國快餐店，同時裝修好靚，可以打下卡。菇菇堡好大個，成個包嘅高度同我隻手差唔多大。佢有2塊厚身嘅大啡菇，煎完嘅大啡菇好juicy，一路食，D汁一路流出黎，有好香嘅菌味，係素食者或者鍾意健康嘅好選擇。加左$8就多左幾塊煙肉，覺得煙肉同大啡菇係唔可以分開，結果證明選擇係正確，兩樣加埋一齊係非常正。熱帶之堡都好大份，非常足料，層層分明，麵包都軟熟，非常好食。菠蘿為成個漢堡包加左分，燒過之後令burger更加超多汁，酸酸甜甜幾好食。而重中之重係塊安格斯牛肉，食落牛味好足，食落啖啖都係肉汁同菠蘿汁。依份細沙律加$14，仲有一罐汽水。沙律食落好健康，佢有好多唔同嘅蔬菜，令成餐冇咁肥膩，佢嘅沙律汁係酸酸地，令人有開胃嘅感覺。套餐叫芝士肉醬薯條只係加$28，平時唔太鍾意食肉醬意粉，但依個嘅配搭又幾鍾意。薯條係香脆，上面舖滿住芝醬士同肉醬，食落幾好味，係一個邪惡嘅小食。加$12可以將汽水轉蘋果薄荷特飲，飲落幾特別，充滿住薄荷嘅冰涼，仲有青蘋果的嘅香氣，飲落唔會太