MOO MOO

營業中

休息中

🍔 熱帶之堡 $67- 好完滿既組合呀，好多時美國既 Burger都唔會加菠蘿🤣 係澳洲人會加，呢個組合好少有：煙肉、菠蘿、漢堡。一啖過食晒 會好滿足😆🐤 炸雞條 $39- 有少少辣，但係唔食辣都會接受到，好跪，加埋個醬(芝士醬) ，真係Cheat Day一流🍟芝士肉醬薯條 $35- 啲醬加埋，成條事好唔似薯條😂 好似肉醬意粉，但啲粗薯條又炸到好跪，好香薯味，下次去一定會再叫🍔 滋味雞堡 $60- 個人鐘意食雞既Burger🤣 感覺好似健康啲，而且雞扒肉嫩 Juicy既感覺，配埋芝士、生菜 真係好無敵

早前聽過朋友介紹佢公司附近有間burger幾吸引，所以今日突登黎搵佢試下！因為呢幾日好想食漢堡薯條啊！ 放工時間黎到，已經見到室外位置好多人坐左係到食緊漢堡飲緊啤酒！原來啤酒仲有買一送一優惠，好吸引，不過今日唔方便飲酒就無叫到啦！先係收銀處叫左野食比左錢先，再去搵位坐低。我叫左熱帶之堡$67，朋友叫左美式之堡$63，我地仲叫左翠綠森林$44同肉汁芝士薯條$32一齊食～我個熱帶漢堡有芝士，菠蘿，生菜，煙肉，蕃茄配千島醬。個安格斯牛肉漢堡超juicy,再夾埋其他配料 一咬落去真係爆汁啊！真係一啖咬唔曬，超足料！個麵包係由本地製造仲要用日本面粉，真係好軟熟，漢堡包既包先係主角👍🏻另一個美式之堡就簡單d,牛肉，芝士，蕃茄，煙肉同bb汁，好典型既漢堡，bb汁同漢堡好夾，好好食！食左咁多肉，我地就叫個沙律食下啦，d沙律菜都好新鮮有3款不同既菜配搭！仲有粟米、紅腰豆同面包粒！另外有3款醬汁選擇～薯條都係另一個重頭戲，肉汁芝士薯條好香啊！薯條炸到好脆，配埋肉汁芝士勁正！

今晚約左朋友去觀塘食晚餐，佢話想食burger，不知不覺行左去工業區呢邊見到呢間叫moo moo burger既餐廳，於是就入去試試喇！呢度主打當然係食漢堡啦，另外仲有沙律同小吃可以當前菜食，而且漢堡既種類都幾多，岩哂唔同人既口味！我地叫左一份翠綠森林，新鮮既蕃茄同蔬菜撈埋凱撒沙律醬更加入味，而且表面加左麥包糠，令到成份沙律更加豐富！小食方面點左肉汁芝士薯條，份量黎講都算幾足料，面頭舖滿鹹鹹既肉汁同熱溶芝士，兩者果然同新鮮炸起既薯條好夾，更添一份邪惡味！主菜終於黎喇！我同朋友分別叫左熱帶之堡同美式之堡。熱帶之堡入面除左有平時漢堡會有既配菜之外，最特別係加左菠蘿，食落去酸酸甜甜幾開胃！配埋千島醬同充滿肉汁既安格斯牛肉就更加令我食指大動啦！而美式之堡就有煙肉同埋bbq汁，同安格斯牛肉一啖咬落去，肉汁豐富無比，而且更食得出安格斯牛肉既牛味！連埋生菜蕃茄一齊食可以減輕肥膩感，一流！最後飲返杯檸檬特飲可以幫助消化，今餐食完真係充滿飽飽既滿足感！

去開觀塘順便去搵下食，行行下就見到有間有得坐出露天位置既burger店。當日都兩點半先食野 ，見到個menu好吸引，有個經典漢堡加自制moomoo汁就想試下.我同朋友二人各點了burger 加沙律🥗同薯條因為我不太飲汽水就散點了經典漢堡及雞沙律經典漢堡是榖飼牛牛味香濃 再配甜甜地的moomoo 汁好味雞沙律配柚子醋，非常開胃，雞也很濃味值得推介另外是點了白菌之堡，平時很少見到有松露味的，所以今次要試試此款用安格斯牛，牛味濃厚，愛吃菇類既要點來食 很特別的味道食漢堡要配呢個牛汁薯條再加上芝士 嘩好邪惡呀但都要食的

平時都會係鴻圖中心覓食。今日放工無約人，一個人就諗住食個快餐。美式漢堡 （$63）+正雞沙律（$52）安格斯牛肉漢堡有品質保證，加上BBq汁、生菜、蕃茄、煙肉。口感豐富，咬落非常Juice。一個漢堡份量都好多，但對我嚟講當然唔夠。加左一份雞扒沙律，我揀左凱撒沙律汁。雞扒有一個手掌分量，而沙律菜都裝得滿滿。入面除左羅馬生菜之外，仲有紅腰豆、粟米粒、同烘麵包粒。十分足料。呢到除左室內仲有室外坐位，有時約埋朋友係到聚會，chill下都係一個唔錯嘅選擇。

平時好少去觀塘食晚餐，一路都以為入夜就無人。朋友帶路原來工業大廈都有正嘢。未試過嘅關係，嗌經典之堡一定安全啦。麵包搽咗牛油，烘得好香。而漢堡嘅牛肉肉質結實，肉味濃。配上芝士一流。最驚喜係生菜蕃茄，一般漢堡都會有。但呢到啲菜同蕃茄係好新鮮，一啲都唔馬虎。識落好Flash嘅感覺。肉醬薯條，分量十足。肉醬鹹香，配合芝士十分惹味。薯條無因為醬汁變淋，仲保留到香脆口感。估唔到觀塘夜晚係有好選擇嫁，是日晚餐好滿足呀！

適逢Happy Friday，約咗喺觀塘返工嘅朋友出嚟食個晚餐，咁啱嚟開，就梗係一齊試埋觀塘出名嘅burger小店 - Moo Moo🤩店面好似一間小酒吧，出面仲有個霓虹燈招牌，好有feel，環境都算舒服🔮🍔 白菌之堡又鐘意食蘑菇，又鍾意食漢堡扒嘅我，當然就揀咗白菌之堡。配料仲有好多芝士、生菜、蕃茄，口感豐富多汁，個包有牛油香同好鬆軟，食得好滋味呢🥳🍔 魚Full之堡炸魚柳炸得好香脆又金黃，魚肉又大塊又厚，加上肉質嫩口，比起出面啲連鎖店嘅魚柳包，真係贏10條街！😆 同樣有基本配料芝士、生菜、蕃茄，夾埋mustard嘅味道，成個包根本就係perfect match✨🍟 芝士肉醬薯條芝士味極香濃，肉醬汁蓋滿哂所有炸薯條，薯條又啱啱炸起，熱辣辣香噴噴，味道又夠哂濃郁，正😋🍗 水牛城辣雞鎚有驚喜，炸雞翼炸得香脆，肉質嫩滑多汁，配合Tobasco嘅微酸辣醬汁，夠哂惹味，又唔油膩，OMG!🍎 蘋果薄荷特飲食咗咁多肥膩野，啱晒飲啲清新嘢嚟解滯。飲落有啲似冇酒精版嘅Apple cider，少少甜，又有啲汽咁~🍑 蜜桃冰茶蜜桃味唔係好重，唔會好甜，飲落去好爽口好舒服，愛紅荼嘅少女們可以揀呢款😳

牛頭角 鴻圖中心 Moo Moo 小店地方不大，幾張高檯高凳， 室外 幾個座位 甚至係車道旁 。但moo moo 是以專取勝，只賣 各式各樣的漢堡， 在 牛頭角 能一邊喝啤酒一邊吃高質 安格斯 漢堡， 就只此一家。 難怪即使晚上也高朋滿座 ， 人人也摸著啤酒杯底一邊吃漢堡 ，高質而 又Cp值高。經典之堡牛油烘烤麵包 外脆內軟有種堅韌感，半溶美國車打芝士，新鮮手打優質美國 穀飼牛肉漢堡扒食落多肉汁又柔嫩，啖啖肉汁在口裡， 配搭新鮮生菜頭蕃茄， 清新爽脆又解膩，再加埋秘製Moo Moo汁 ，超一流。白菌之堡 比起招牌漢堡最特別之處是 配搭了燒香料的白蘑菇與及以松露美玉作為醬汁， 松露美玉有陣陣濃郁的黑松露香氣， 牛肉的肉汁與松露美玉兩者 碰在一起的時候不會覺得 突兀 ，反而松露美玉更為漢堡畫龍點睛， 加添滿滿的風味 。薯條即叫即炸，薯條炸得金黃，外脆內軟，25蚊超大盒超抵食， 配啤酒非常一流。燒豬頸肉沙律除了漢堡包，這裡也有健怡的沙律 可以order, 無論是燒雞/燒豬頸肉，或是最簡單的羅馬生菜沙律也有選擇. 燒豬頸肉 即叫即燒側邊燒得微焦， 豬味濃， 豬油淡淡的滲進去羅馬生菜裡， 帶點豬

十年不入觀塘，今日清假，入嚟同細妹食個lunch，先知道而家有個food court叫愛琴坊。入到黎，覺得都幾得意，個個area啲佈置都有啲唔一樣，買完野可以揀位坐，咁可以大家叫唔同餐廳嘅嘢食都ok。細妹揀左moo moo 食burger，有套餐叫好似好吸引！Burger用安格斯牛價錢約60左右，同出面街都差唔多價位。佢哋嘅面包標榜本地製造，冇防腐劑，又幾好喎！叫左一個熱帶之堡，入面有片菠蘿，幾正喎又，酸酸地幾解膩！醬汁係千島沙律醬，都係酸酸甜甜咁。塊扒好厚㗎，但肉汁就少左啲啲。鹹蛋黃雞堡，呢個幾得意，佢喺個漢堡度搽咗層鹹蛋黃醬，所以啖啖嘅鹹蛋黃味，認真邪惡。雞扒好大塊，雞皮煎到十分之香脆。加$28變餐，可以揀一個肉醬or肉汁薯條同一罐汽水。個薯條幾得意，有得食肉汁薯條嘅地方唔多，值得試下嘅！加加埋埋都要$80幾，food court黎講算貴，不過個good court可以任坐唔趕客，ok la都值得一試！

黎MOO MOO已經唔係咩新鮮事,但可以係夜晚堂食就要好好珍惜。本人性格比較安穩,如點餐有選擇困難時必定先揀''原味''當然二話不來個經典漢保。MOO MOO的漢保 包身厚身,漢堡煎得不會過老,有肉汁。芝士肉汁薯條其實每次黎都會必點,不過今次真係失望。一上枱薯條已經完全唔熱.肉汁求其無驚喜。詆下全新時鐘雞翼,有8隻及16隻搭配。我就揀咗由上而下(孜然,加州,菜脯及卡加牛油)最推薦卡加牛油,帶出雞翼的香味!!!!!!!

這天朋友相約一同前往吃飯，餐廳位於觀塘，距離觀塘地鐵站路程需要十分鐘左右，但其實有更方便快捷的方法，也就是透過 港鐵由牛頭角地鐵站步行過來，路程需要五分鐘左右，十分方便快捷。這間餐廳主打的就是漢堡，我也十分欣賞， 但我在過去已經早已品嚐過，這天也不是十分肚餓，所以我就安排和朋友一同分享一些小食， 分別就是脆炸雞粒 和雞槌， 同樣炸得外皮香脆可口，內裏肉汁十分豐富 ，但兩者之間我更欣賞雞槌，全因為 上面紅紅的辣醬，十分惹味，也十分可口，正合我的口味。

今日食晏，同事話想食漢堡🍔，就即刻諗起鴻圖中心的MooMoo，因呢度的野好食，價錢亦都合理。 沙律……翠綠森林，配柚子醋沙律菜新鮮，配上脆脆麵包粒，加上酸甜柚子醋，清爽開胃。🌟經典之堡，呢款漢堡🍔係餐廳推介，仲係我至愛之選😋手打殼飼牛肉肉汁充滿，肉味豐富，加上車打芝士，生菜，蕃茄，MooMoo秘製醬配搭下，加上烘烤過的麵包，整個漢堡層次豐富，清爽細膩。🍄白菌之堡厚厚一塊牛味豐富的安格斯牛肉，加上白菌的菌香味，濃香芝士，新鮮蕃茄，生菜等配搭，加上微烤過的香脆麵包，好味之選。 芝士肉醬拌薯條＋汽水（＋＄28 升級加配）香濃肉醬、芝士，完全覆蓋炸得香脆的薯條，入口滿滿芝士肉醬味。

如果來開觀塘，鍾意食漢堡包🍔的，就實會來到鴻圖中心的moo moo 嘆包包。點解可以用嘆來形容，雖然店舖雖小，但有個位置係我鍾意來呢度食既原因，就係坐餐廳外面的小巷，雖然地方不大，但有種身處歐美地方的感覺，播埋音樂食漢堡真係正架。我們點了一份經典之堡，一份美式之堡，仲有芝士肉醬薯條🍟，加多兩罐可樂都係$200唔洗，都幾抵食架。呢度既漢堡🍔真係大大個又足料架，經典之堡用的係優質手打美國飼養牛肉做主角，配車打芝士蕃茄同生菜。而美式之堡就用安格斯牛肉，芝士，蕃茄，生菜仲有煙肉。兩個都各有各風味，各有各口感，總之就係好好味。另外芝士肉醬薯條都好正啊，脆脆又多肉醬，不過太口痕食左無影到相😋😂🥰下次要影返張相先，下次真係要約多些朋友來chill 下呀。

今日同朋友黎到位於觀塘既Moo Moo食漢堡包。記得好耐好耐之前食過一次，覺得幾好食，所以都期望今次佢會保持到水準！我地叫左兩個招牌既 The Classic Moo 經典之堡，一個翠綠森林沙律，仲有一個芝士肉醬薯條 Bolognese fries。The Classic Moo入面有一塊牛、蕃茄、生菜 仲有芝士。牛肉肉汁豐富，食落有牛味。生菜同蕃茄新鮮，緩和左肥膩感。成個包重點在於個Moo Moo汁！Moo Moo汁酸酸甜甜，非常好吃，同個包好夾。翠綠森林沙律好新鮮，蕃茄同麥包糠更添一層風味。另外，柚子醋亦都好開胃！芝士肉醬薯條份量亦都唔少，面頭舖上芝士同肉醬，更添邪惡感，每一啖都係一個享受！Menu:

今天剛好經過牛頭角，想起了年紀幾前在這裏學過的burger店鋪，印象中好像幾出色，所以嚟再食，今次食完都係一樣，好味又性價比高！安格斯牛漢堡配肉醬薯條🍟這個安格斯牛的味道不錯，性價比很高， size比一般大，而且沒有爆汁的情況出現，因為吃這些美式burger很怕咬一口爆汁令隻手濕晒，這個安格斯牛肉偏乾身，但是也有少少肉汁，非常balance。薯條🍟方面因為是即炸的，而且大大條，份量方面也足夠，所以也很滿意，而且他的肉醬也挺不錯👍魚Full之堡配上芝士薯條比起上一個漢堡，這個漢堡更出色，熱辣辣的炸魚柳非常大塊，而且外脆內嫩，非常好味！而且這個芝士薯條的芝士醬做得很出色，比起肉醬味，更推薦這個芝士味！蜜桃味汽水🥤這個汽水非常有濃烈的蜜桃味，而且不是死甜的那種，也不錯！