MOO MOO

營業中

休息中

平時食burger就食開連鎖鋪嘅，都想搵一啲小店黎試下，觀塘呢間burger都非常之唔錯。佢嘅burger除咗有安格斯牛肉仲有雞肉、大啡菇等等。見到有個幾特別嘅係鹹蛋黃雞堡。今次叫咗個白菌之堡，入邊除咗有安格斯牛肉仲有白菌芝士同埋松露等等，所以聞落已經好香，呢度嘅burger亦都好足料，塊牛肉好厚，好重牛味，而且唔會一咬就散，女仔一啖都未必咬得晒成個。入邊嘅松露味好香。呢度成間鋪都好有外國burger店嘅感覺，座位都係高枱為主，仲見到有唔少其他客仲會叫啤酒好chill咁！嘢飲方面除咗基本嘅汽水，呢度都仲有唔少選擇，而我就叫咗蜜桃冰茶，都幾fresh。