MOO MOO

營業中

休息中

有時都好鍾意食漢堡包貪佢簡單又方便 😙叫咗個經典漢堡同埋滋味雞堡兩個漢堡都大大份而且餡料十足。香煎雞扒加埋生菜同蕃茄，又fresh又夠味。漢堡包用嘅包都好軟熟😁😁有空氣感。嘢飲方面叫咗蜜桃特飲同埋可口可樂。經典漢堡可以試得出一間店有冇水準。漢堡扒夠厚身，好有口感。加埋芝士蕃茄生菜，豐富得來味道夠夾。有提供手套，好貼心呀！漢堡用紙包住，用埋手套，唔驚整污糟手，慢慢食好滋味～😋😋由於有少少口痕都想食埋小食於是就叫咗泰檸雞鎚。泰檸雞鎚共有三隻，外皮香脆，加咗特色泰式醬，好惹味呀！價錢仲好優惠，$40有三隻！呢度仲設有戶外地方，如果天氣冇咁凍都可以同朋友喺出邊啤啤佢！