MOO MOO

營業中

休息中

有天路過，見到有Happy hour時段 “買2送1”的啤酒優惠，又有一些人氣，所以決定找天上課前與朋友一起試試。沒有失望，更是意想不到的美味！餐牌👆🏻1664/Asahi $68/glass🍻🍻Happy Hour 時段做買二送一優惠😊觀塘放工可以和朋友飲杯。本人不是太好啤酒，所以點了汽水🤣🤣另外一些果茶都不錯。其實已經來了兩次，第二次沒拍照😆這一次試的是經典口味的burger， 非常Juicy的牛肉，配上外脆內軟的麵包，burger口味有幾款選擇，價錢大約是60多元右左，的確令人驚喜。 另一次我試了辣雞肉款式，同樣做得不錯。至於然雞翼，有很多口味選擇，三心兩意可以叫個四種味的，不用心思思，想試多幾款🤩再吃BBQ醬薯條就有點heavy，上面滿滿的芝士😅

夜晚放工, 周圍搵野食, 咁啱見到呢間食Burger嘅店鋪裝修唔錯, 客人都幾多, 就決定係呢度攪掂我嘅晚餐. 店鋪有分露天同室內座位, 環境氣氛都比較Chill, 令人覺得Relax. 因為第一次黎食, 所以試左餐牌推薦. 經典之堡($60), 麵包出色, 鬆軟帶甜, 牛油味重. 中間夾咗新鮮爽脆嘅生菜同番茄, 如果牛肉漢堡可以煎既時間短返小小, 應該會更juicy. 泰檸雞槌($40, 3隻)青檸酸味唔大, 令人比較驚喜嘅係炸漿薄脆, 雞肉嫩滑, 咬嘅時候更會流下肉汁,十分滋味.

嚟到happy Friday, 放工梗係要同朋友仔chill下傾下計啦~朋友係官塘返工，知道呢頭有咩好嘢食，今次帶我嚟工廈食burger ~初初睇menu，覺得同其他burger 店好似差不多，通常唔知嗌咩都係會叫最original 果款，其次就點多個特別款式~ 咁我地2個為食妹係一定唔夠既，所以叫多個薯條😂好，講下味道先！經典之堡🍔🐮賣相幾靚，層次分明，睇落塊漢堡肉有d乾，😋但食落係好juicy有驚喜呀！麵包外軟內脆滿滿牛油香，用料新鮮好味！鹹蛋黃雞堡🍔🐔見到鹹蛋黃呢三個字，真係抗拒唔到啊！雞皮好香鹹蛋黃味，🤤雞肉亦夠厚肉好juicy! 如果再多d蛋黃就更加正la😛肉汁芝士薯條肉醬薯條食得多，肉汁薄薄的倒在薯條上，芝士做到拉絲效果，風味不同但同樣惹味！友人係啤酒🍻lover! 梗係叫返杯Asahi飲杯la~ 呢度既職員都好有禮~ 我地走果時發現outdoor位置都好有氣氛呢！😜

所謂好食既野一定會有返頭食既一日,今日同小胖女又黎返之前食過既MooMoo 食晚餐啦呢到出左味抵食又好味,我地又係一人一個漢堡包+小食,值得推介一定係招牌既經典漢堡,舊肉好夠肉汁,份量夠大,價錢都係賣緊$60蚊一個,未試過既朋友一定要試試,,之後小胖女就叫左個滋味雞堡,塊雞扒都係好大塊好juice配埋特制醬汁簡直無得彈,又係賣$60蚊,真係去邊到搵,其他小食方面亦都好足料,忌廉蘑菇雞翼同埋芝士肉醬薯條都好好味,成餐加埋200蚊都唔洗,認真抵食

今日突然好想食burger🍔🍔上網搵到尼間moomoo既burger望落好吸引😍😍於是就黎左食😆😆店員好有禮貌咁同我地講有indoor & outdoor 位。叫完野食等左大約10分鐘，熱辣辣嘅burger就送到😙😙個麵包皮夠晒鬆軟又唔太乾，唔似平時食開嗰啲硬骨骨同乾爭爭🥰🥰個牛肉煎到啱啱好，蕃茄唔係好生有陣青味個種，而係食落好juicy，同成個burger好夾好fresh👍🏻👍🏻薯條係即炸所以好爽脆，加埋啲肉汁同芝士💯總括來講好滿意，大家經開可以嚟試吓😇😇

觀塘友又有好西介紹大家！呢間「MOO MOO」唔知大家有冇食過呢？佢除咗係Happy hour 之選，仲係我心目中嘅Burger 之選！我最鍾意就係食佢呢款熱帶之堡！因為有勁多料，唔係講笑，$67又有安格斯牛、芝士、菠蘿、生菜、番茄同埋煙肉，個口細少少都真係搞唔掂！加上仲有我最愛嘅千島醬！超級滿足，呢個價錢真係無得輸！而吳生就叫咗美式之堡，佢呢款分別係少咗一片菠蘿同埋醬汁唔同！但就因為少咗片菠蘿，所以咬落去完全感受到安格斯肉汁嘅滋味！而BBQ醬食落又幾惹味喎，幾有驚喜！兩款漢堡都真係各有千秋食Burger又點可以唔叫薯條！我地叫咗個肉汁芝士薯條，超正呀！拉絲就必然架啦，除咗有滿滿嘅芝士之外，佢嘅肉汁味仲好濃郁！同芝士都幾夾，而且份量仲要好多！最後一定要整返罐可樂，成件事咁就完美晒！但我想介紹下佢杯特飲，我地叫咗杯檸檬特飲，又幾好飲喎！唔會好酸，飲完都幾爽！鍾意檸檬嘅朋友不妨試吓！

好耐冇食過burger啦，今日過開嚟搵男朋友所以又可以去鴻圖中心搵Moo Moo。開放式嘅廚房令你可以見到廚師好忙碌咁樣幫你準備緊嘢食，成個feel好似外國嗰啲快餐咁。店舖細細但係裝修絕不馬虎，我覺得佢呢幅牆影相出嚟真係好靚，都可以打下卡。講返嘢食先，我仍然都係俾個菠蘿吸引咗，叫咗個熱帶之堡。佢個包依然都係咁鬆軟，望落去好吸引。一揭開滿滿嘅芝士，同埋一塊唔令人抗拒嘅煙肉，佢塊煙肉瘦嘅位多個肥嘅位，又唔會好似其他地方咁油笠笠。最重要嘅精髓就係佢塊菠蘿，真係又甜又Juicy。不過佢塊漢堡扒就好似薄過之前，話雖如此但係仍舊Juicy。男朋友就嗌咗佢個滋味雞堡，雖然餐牌有隻辣椒仔，但係其實一啲都唔辣。而佢塊雞扒超級厚肉之餘，仲爆多汁添。另外見佢新出咗個雞翼小食，一次可以是四隻唔同嘅味道。佢好細心咁樣幫我地將甜同鹹嘅味道分開擺。呢兩隻就係柚子蜜雞翼，柚子味好香，甜甜地，清清地都唔錯。另外三隻味分別係辣味，菜脯味同埋孜然味。菜脯就因為上面沈左啲菜脯，所以都幾特別，鹹鹹地又爽爽脆脆咁。但係辣味同埋孜然味就比較普通咗少少。

今日又去左食漢堡！！呢期成日周圍去試唔同既漢堡，而呢次收工就坐車入到觀塘去試下工廈既小店～觀塘區其實都好多好野食，奈何距離有啲遠，所以我都比較少黎呢區。呢間專賣漢堡既小店係工廈入面，仲有happy hour可以叫啤酒飲。除左店內既area之外，店外有個類似food court既位，同埋工廈既出面都有一個area可以坐。呢到既漢堡定價都係60-70蚊左右，不過就唔跟薯條/沙律，要另外叫。白菌之堡我食既呢個漢堡加左白菌，醬汁亦帶有少少松露香味，幾香口。漢堡扒唔會太老太鞋，入面保留左啲肉汁，而且都食得出牛肉既香味。麵包輕輕烘過，有少少脆身同帶牛油香。熱帶之堡朋友揀既，佢同其他漢堡唔同既地方就係多左塊菠蘿，可以解下膩，感覺無咁膩。另外醬汁係用千島醬，有酸酸甜甜既味道，應該都幾開胃。翠綠森林沙律沙律菜新鮮，醬汁可以自己揀。我就揀左凱撒沙律醬，個人唔太鐘意，因為無左食開個種味，反而係偏酸少少。肉汁芝士薯條芝士可以拉到絲，肉汁稍為有啲咸。薯條質感唔差，而且用左粗薯條，值得加分。

《Moo Moo》.🍔魚Full之堡漢堡嘅麵包鬆軟，包底亦唔會過淋，食嘅時侯唔會論論盡盡啦😆魚柳🐠肉質結實，唔會一咬就散，配上芝士、生菜、蕃茄，簡單嘅配搭已經好好味，醬料如果落多啲就更加好喇！.🍔鹹蛋黃雞堡呢個邪惡嘅漢堡夠晒特別，juicy嘅雞肉食落帶陣陣鹹蛋黃香味，又有生菜同蕃茄中和吓肥膩感，呢個配搭又幾match喎！.🥗豬頸肉沙律配柚子醋柚子醋汁酸酸哋非常醒胃，啱晒中和返食熱氣嘢嘅油膩感👍🏼.🍟薯條配burger必食嘅薯條就正常發揮啦，勝在份量夠多，同朋友兩個人開心share夠晒正！.同埋呢度有happy hour, 啤酒買二送一，下次嚟happy Friday 就啱晒啦！🔸🔹🔸🔹🔸🔹🔸🔹🔸🔹🔸Moo Moo（觀塘）觀塘巧明街94-96號鴻圖中心地下1A號舖🔹🔸🔹🔸🔹🔸🔹🔸🔹🔸🔹

呢間burger有室外既位，室內位置都好多，坐得幾舒服，價錢質素都唔錯！————————❦ 經典之堡 $60包有烘過，而且軟熟。漢堡幾juicy，醬汁都幾多，除左生菜之外仲有d洋蔥，甜甜地中和左醬汁同漢堡扒嘅鹹味👍🏻評分：🌕🌕🌕🌕🌘-❦ 美式之堡 $63同經典之堡唔同嘅係呢個多左塊煙肉🤣不過加左煙肉又真係香d。評分：🌕🌕🌕🌕🌘-❦ 正雞沙律 $52份量勁多，裝到滿哂！d雞肉好嫩滑，一d都唔乾。汁方面揀左柚子醋，食面頭個d好fresh，不過食到底就會覺得有少少酸。評分：🌕🌕🌕🌕🌑-❦ 水牛城辣雞槌 (3隻) $45雞炸到好脆，雞肉好嫩滑，汁嘅味道唔錯。評分：🌕🌕🌕🌖🌑

疫情放緩回復正常，又開始要同人逼車，收工唔想逼車返屋企住，佗佗佻佻食下happy food，吹下水先返屋企平日放工時間幫襯嘅人都唔少，落柯打之後都唔係等好耐就有得食，我地兩個人一個叫咗美式之堡，另一個叫滋味雞堡，另外又叫咗忌廉磨菇雞翼些牙食其實佢地個經典漢堡好好食，漢堡扒充滿肉汁，入口又充滿肉香，但每次都會想有少少嘢唔同，菠蘿或磨菇都係個好選擇，不過今次想惹味d，所以揀咗有煙肉嘅美式之堡，果然不負所望，脆香嘅煙肉，滲透住燻香肉油，加埋芝士，食落果然更加惹味，再加鮮甜埋蕃茄同爽口生菜平衡滋味雞堡塊雞扒好大塊，雞肉肉質又鮮嫩，啖啖都好juicy，因為見到menu個度 滋味雞堡有個辣椒icon，不過食落又唔辣，有少少落差，不過雞肉口感好嫩滑，所以都食得好滿足忌廉磨菇雞翼因為無相，以為係淋汁，估唔到帶來驚喜，睇落燒得好靚，外皮香脆多汁，咬口除咗雞肉外，原來雞翼入面仲有磨菇同溶化軟綿綿嘅忌廉芝士，一啖就有幾種唔感，複雜嘅味道，麻雀需小五藏倶存，而且互相都好夾，一啖就好似食咗一個世界落肚咁慢慢地吃完快樂晚餐，也沒很晚，但人潮已散去，再緩緩地順暢踏上回家之路

星期日途經觀塘牛頭角附近，發現間隱蔽漢堡包店。我叫左個熱帶之堡煙肉配上菠蘿，自己揀左千島醬酸酸甜甜，十分夾店內裝修亦很特別。不過有點兒細！美中不足，在店內進食時，外籍員工在說一些髒話。不知是對誰在說

今日同朋友嚟觀塘度行街，我同朋友都好想食西式嘅野食，加上好耐冇食過burger，於是我哋入咗嚟呢間moomoo burger，估唔到觀塘有間咁好食嘅快餐🤩 我離到下午茶時間，可以叫set，一個burger/salad，可以加$28加配薯條同嘢飲，加多$12仲可以升級做特飲，分量十足，食到勁飽🤟🏻而且不得不讚嘅係依度上菜速度勁快！熱帶芝堡套餐（熱帶滋補、芝士肉醬薯條、蜜桃特飲）我超級鍾意食漢堡，呢度嘅漢堡極高質！裏面有蕃茄、生菜、手打漢堡、菠蘿，超級Juicy🤩🌟煙肉豬頸肉沙律套餐（煙肉豬頸沙律、千島醬、肉汁芝士薯條、蘋果薄荷特飲）我朋友叫咗個沙律，裏面一樣材料好豐富，有超級厚嘅豬頸肉而且兩個薯條味道都超好，炸到脆卜卜🌟必食推介！

放工時間好肚餓 又未夠鐘食飯見到openrice 外賣moomoo burger有折係公司落order 預時間去拎一上手仲係熱辣辣叫左個牛堡一咬落去 d汁包到成個袋都係材料唔多唔fancy但個味就好夾好突出到舊漢堡既味之後都會再食

大部份香港出名嘅漢堡 最平都要$70- $80Moo moo $50左右就有一個 而且好食！經典之堡套餐 另加$14就有芝士薯條同嘢飲包有加牛油煎過 好香又脆 漢堡扒完全唔輸蝕其他出名漢堡店 有牛味 又唔會細塊不過其他配料就冇咁多 芝士薯條正常