Monster Sushi (已結業)

知道是吳彥祖有股份， 諗住都ok， 裝修好好，但d食物都好普通，d價錢都好貴，不如去板前食好過，不過d食物都好新鮮。本人只會去一次的，不會來去的。我們點了3客三文魚1客北其背1客玉子1客蟹至1客軟殼蟹手卷還有數樣。

話說上次食唔倒海膽既女友心心不憤今日小弟決定再戰點知閒日去仲旺過假日好多!!星期三咋喎大佬入坐後二話不說3碟藍鰭赤身2碟海膽點知...今次D赤身真係好赤....係最瘦既部份上次果D近中拖羅,好食好多海膽...女友讚不絕口仲要再加碼...今次試埋個寿司王都唔錯...舊帶子真係好大...不過三十幾蚊舊都係貴左DDMONSTER卷再食一個熱辣辣好特別既寿司值得一試不得不題...呢度有一樣野係比出面既迴轉寿司好好多既就係空間感一黎佢樓底好迥二黎位同位之間留有好大既空間食得好舒服唔係板前..峰果D咁迫各有各享受~

一次睇報紙介紹lee間野 話吳彥祖有股份 諗住都ok 裝修好好 但食物質素普通 同一價錢我choose又一城板前 (因為旺角個間唔好食) 呢間monster 服務ok 但d三文魚無セ脂肪 拖羅一般 燒魚鮫&炸軟骨都唔掂 以咁既價錢絕對唔值 除非你like食裝修 下次我去朗豪揀元氣好過

同男朋友行朗豪坊，煩緊晚飯食咩。上到十二樓見到一間門面裝修得幾靚ge餐廳，門口仲要鬼咁多人，心諗都係大家貪新鮮，人排我又排ge心態，咪又係一間普通日本壽司舖。點知男友話想試下，唯有等位啦。一等就一個鐘，等位其間睇過menu，都有幾款特別ge壽司。終於有位坐喇，等到眼瞓ge我當然喇喇聲叫o野食啦。上菜速度都算快，同埋覺得佢地ge壽司唔同平時出面其他ge壽司，感覺上新鮮D。當晚試咗都好多壽司，印象最深刻係佢地ge Monster 壽司，因為係我覺得最麻麻ge一款壽司，佢都幾大份，一咬落口感覺有D "漏"(絕對唔係因為我食飽咗)，如果佢入面加番D生果，例如芒果咁就好D。

平日夜晚七點半左右嚟到, 要等到差唔多九點先有得食. 如果唔係明星效應, 我諗我未必有咁好耐性等咁耐. 可惜, 一試之後, 覺得d嘢食平平無奇, 質素其實係唔錯嘅, 價錢中上, 都可以話係合理, 但要排咁耐隊, 就真係覺得唔係咁值lor...三文魚壽司 - 幾新鮮.什錦天婦羅- 即叫即炸, 有幾好wo, 全晚最鍾意呢款, 唔油, 味道又香又甜.藍鮨吞拿壽司 - 吞拿魚味幾濃wo, 唔錯唔錯.卷物 - 唔記得咗嗰名(唔係哥斯拉卷), 外層有d米通, 幾特別.帆立貝壽司 - 好大件帆立貝呀! 加咗d唔知咪醬, 搞到d味有少少怪海鰻 - 只係微暖, 唔似係即叫即燒嘅, 又唔夠醬汁...間八壽司 - 其實唔知係咩魚, 味道普通.仲有d壽司飯好得意, 唔係款款壽司都用同一種飯, 有d醋味好重, 有d就加咗調味嘅, 個人就比較鍾意普通嗰種多d啦.

琴日同朋友黎到旺角，突然心血來潮想試試呢間餐廳，因為我睇番d食評人話幾好食，幾大件，同埋好新鮮。不過我最被吸引既係佢地登出黎既壽司相片，於是我地就6點鐘去到(因為食家們都話呢間餐廳幾多人)。不過唔知係咪平日既關係，人唔算多，仲有好多空位剩，我地坐低即刻order珍寶帶子、三文魚、軟殼蟹、玉子、炸豆腐、蟹棒、鰻魚、加州手卷、蟹子沙律. . . . . . .佢地既帶子真係好厚同好鮮，三文魚又長又好味，我朋友一路食一路講好味呀~~~真係搞笑！不過我下次會帶埋我老公黎試下，因為佢都好鐘意食日本野~~當我埋單既時候，我見到斜對面既情侶拿出部相機黎影住碟三文魚壽司時，死啦！原來我掛住食，被d食物吸引住，賣埋單都唔記得影番d相俾大家睇，唔緊要啦，下次再食既時候，再影過。

同個 FRIEND 星期六食LUNCH價錢:有平有貴推介:玉子(夠厚加好味)大件壽司(三文魚，和帶子都幾靚)那天人不多，所以SERVICE都OK不過每人要成130元，都幾貴VIEW:坐側邊，可向下遠望旺角街道，幾好FEEL!

同老婆拿了超市禮券，晌朗豪坊買野前，去左 Monster Sushi 拎飛先。 軟殼蟹手卷 - 炸粉太厚，軟殼蟹一般，牛油果放得太耐。好彩係先苦後甜，之後既都幾好。A5和牛手卷 - 和牛新鮮嫩滑，飯粒則偏硬。玉子燒 - 即叫即整，厚厚的，和暖軟熟，唔會太甜，滿意。七味燒三文魚旗 - 三文魚旗燒得香口，唔錯既小食。辣味蓋得住魚腥味。三文魚壽司X2 - 唔似 Monster Size，三文魚太薄唔鮮，飯鬆散。鰻魚壽司 - Monster Size，鰻魚暖暖的，稔滑厚身，鰻魚汁濃度適中，好。松葉蟹膏軍艦 - 本身唔食既，但老婆話好味所以試試。蟹膏滿溢，有水準。藍鰭吞拿魚壽司 - 滿意，少根稔滑，有回味既感覺。帆立貝壽司 - Monster Size，加了檸檬汁和鹽，鮮甜肥美。 服務態度良好，今次見唔到吳彥祖，老婆話要再黎過，哈！

今晚行朗豪坊,七點二已經見到不少人排隊,這間又是新開的,於是攞咗張飛,二人檯等八張,三十五分鐘後有位,坐低,見到迴轉有很多壽司,隨手攞咗幾碟,但唔知係咪咁啱啲壽司好似擺咗好耐無人攞,啲刺身是暖的,有啲仲出少少水添.三文魚壽司($10)--三文魚很長,可惜味道一般,但十蚊都算扺食.蟹籽蟹肉棒($14)--味道不錯.壽司王($35)--頂層有吞拿魚及海膽,跟住有甜蝦,最後有帶子,整體上料算新鮮.食食吓,竟然見到有隻蚊滋飛咁係迴轉的蓋上面,剛剛係我哋面前,想影低佢,不過飛走咗,即刻無哂胃口,只係叫多幾款.濃汁燒三文魚($18)--算肥美,但比較油.忌廉芝士三文魚($16)--原來只是三文魚上加一小撮忌廉芝士.玉子燒($16)--算是最理想的一碟,夠熱夠大碟夠蛋味.軟殼蟹手卷($28)--軟殼蟹唔熱,紫菜唔脆,唔扺食.雖然只係食咗好少嘢,但係都要一百八十蚊,唔扺食,更加唔明白點解有咁多人等位.

my gf read about this restaurant in the paper, owned by Daniel Wu.... and she really wants to go but I don't want to wait on line, so we went there at about six, no wait. the decor: quite modern and hipfood: egg sushi is really good, juicy and hot, seared toro is a must, tuna is really fresh and tasty, salmon, eel, and spicy tuna roll is ok. overall quite good for this price.service: ok. one disappointment: my gf didn't see her daniel.

入去o既時候都未夠7點, 所以都唔駛點等位.三個人仔食o左$254, 普通喇. 係比出面貴o左D, 不都尚可接受. 菜單如下~~帆立貝壽司~ 我冇食到, 不過見個舊帆立貝好大件, 都好吸引.鰻魚壽司~ 我冇食到, 除o左塊鰻魚比出面o個d大d之外, 我唔覺有咩特別三文魚壽司~ OK, 幾好食.濃汁(熟)三文魚壽司~ 普通, 都係三文魚壽司好食d.玉子~ 甜甜的, ok好食.豆紙軟殼蟹卷~ 豆紙, 唔覺有咩特別, 冇味. 只係青綠色o既皮包住d軟殼蟹.軟殼蟹又唔夠脆, No Good.蟹籽沙律~ 同出面吉之島買o既差不多.鰻魚卷~ 普通,冇特別.南瓜芋頭天婦羅~ OK噃, 幾好食. 唔太油.一口豆腐~ 好滑, 好味.裝潢都ok喇, 樓底高, 坐落去都唔覺得好有壓迫感. 我o地坐o左張三人枱. 其實同兩人枱一樣大細, 只係加多張椅. 不過都尚算舒服. (枱o既size係同老Mo既二人枱差不多, 係比佢大少少.)不過由於佢差不多一次上晒咁多碟o野, 搞到張枱擺唔晒. 而且佢d碟又大隻. 擺擺下搞到要好似去酒樓食飯咁, 張某d同類型o既就夾埋一碟, 去慳位. 又或者要挾硬一人一舊擺落個碟. 想

諗唔倒有咩好食上Openrice見倒有間新野又好似OK咁咪試下囉話晒星期日...都唔洗點等位..等左幾張枱就到真係有D驚驚...入到去叫晒D招牌野唔詳細講啦...都係D moster乜乜物物果d難得我女友想食海膽...(佢係第一次0係HK話食海膽...佢不嬲都覺得HK D海膽好唔掂)點知......海膽賣晒...灰到咩咁...其實大部份都係無乜特別驚喜同板前...峰果D差唔多想食油甘...又係賣晒...推介海鰻 唔夠日本既好...但都接近~ 唔錯 唔係汁燒, 食得出真美~藍鰭吞拿 正到飛起...入口即溶, 同日本食既有得fight~ 我地叫左3碟MONSTER卷拖羅溶都唔錯...不過可以再油D添下次一定要試埋D海膽同油甘魚

HAPPY FRI 7點幾既晚上, 2個人攞左33號飛, 叫到14號, 我諗, 都唔駛等好耐姐.....最後, 當然難逃等番一頭半個鐘既命運. 但係我地總結係...值得既.坐迴轉枱, 見到大大粒元貝壽司, 必食啦, HKD28 2件, 係好厚同埋大粒, 有光澤同埋彈牙. 仲有蟹棒壽司(雖然應該唔係鮮蟹柳, 但係有口感同鮮味), 三文魚魚籽壽司(fresh), 鰻魚壽司(軟滑), 玉子叉燒 (原先係叫左玉子雞軟骨, 不過黎錯就算啦), 玉子壽司(OK), 豆皮軟殼蟹卷(軟殼蟹既脆漿太厚, 無蟹香味, 豆皮好清新, 但係都係紫菜香口d), 仲有唔記得又無影相, 唔提啦.雖然話碟碟都2幾30幾, 但係碟碟份量唔小, 竟然2個人食左HKD200有找, 但係好鬼飽. 好OK噃. 有d位係店外面商場露天位, 應該感覺唔錯, 不過我估實會再等耐d囉.

Office is nearby, so we were so looking forward to its opening!!6 of us went for lunch twice in 2 weeks... The fish was fresh, environment and price quite OK. But some dishes were... not too tasty... e.g. Monster roll... it looks interesting, but taste sweet + salty the same time, and the rice is very loose... we finished it like we were forced to (because we don't want to waste food). My colleague even wanted to spit it out, but we forced him to finish it.Will still go again for lunch on wo

Monster Sushi最令人滿足，是極大粒切花的帆立貝加上海膽及魚子，不過要＄３５一件！哥斯拉卷很複雜，是甜甜的米餅碎包著鰻魚，再包著紫菜蟹柳等等，一件已經足夠。帆立貝壽司也很大，表面掃上惹味的汁醬，用的又不是白米，有點不配。辣汁藍鰭吞拿魚卷不是太辣，味道一般啦，藍鰭吞拿魚碎也是即化的。三文魚壽司也是一般新鮮，雖然三文魚很長，可是沒有驚喜。軟殼蟹卷不會難吃，但軟殼蟹不似的即炸的，一般。鰻魚卷本身沒有問題，但外皮的彩色脆脆放久了會軟化，完全是破壞者！忌廉芝士卷是芝士心真是十分香濃，喜歡芝士者可以一試！雞軟骨玉子卷原來是熱的，每種材料都好一般，不好吃！香芒帆立貝腐皮壽司很特別，味道出奇地配合，可能是這裡最成功的創意壽司！蜜瓜雪糕、栗子雪糕、綠茶雪糕都很香濃，不過要＄２９一球。這裡的壽司以巨為主，切合香港人要求，而且極具創意，一試無妨。不過食物新鮮度卻一般，又沒有正宗的日式料理，價錢偏貴。服務卻是非常好，不但願意介紹，又不時加熱茶，上菜又快又有禮貌！環境也很不錯，坐ＯＲＤＥＲ桌更好，很有私人空間，那些燈很有格調！