137
106
104
港鐵旺角站 C3/E1 出口, 港鐵旺角東站 B 出口 繼續閱讀
所有分店 (1)
電話號碼
21111118
營業時間
今日營業
12:00-00:00
星期一至日
12:00-00:00
付款方式
Visa Master AE 現金 銀聯
其他資料
加一服務費
食評 (390)
等級4 2017-10-07
1303 瀏覽
今日下午我們去咗朗豪坊戲院買咗戲票睇7點半嘅場次之後,我們就去咗朗豪坊嘅「Monster Sushi」食下午茶!一入到去見到店內嘅環境裝修好舒適寬敞,而且樓底亦相當高!一坐低之後見到有其中一款餐具係一枝用嚟點豉油嘅壽司掃,感覺都幾特別,而且更加方便隨自己鍾意,將豉油搽滿整件刺身,呢點真係值得一讚!我們叫咗厚岸產帆立貝吞拿魚他他嘅擺設賣相砌到成件壽司蛋糕咁,感覺相當精緻,頂層係鮮甜嫩滑嘅帆立貝,中間係牛油果,但可能唔係太熟,所以質感比較硬身,而底層係香濃軟滑嘅吞拿魚蓉,再配埋啲味道好似泰式辣醬一齊食,雖然酸酸甜甜感覺都幾醒胃,但味道過度濃郁,略嫌掩蓋咗帆立貝同吞拿魚蓉原有嘅鮮味!蒲燒一本鰻魚丼嘅鰻魚好大條肥美同好厚身,而且兩大件咁多,感覺真係好抵食,食落啖啖肉,真係好正呀,但就略嫌燒得燶咗啲啲!另外跟鰻魚丼送嘅蜆肉海帶味噌湯真係有幾隻蜆肉喺入面,湯底嘅味道好清甜鮮味! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-30
3174 瀏覽
去完泰國返黎突然好掛住日本野食🤣,得悉 monster sushi 做緊promote,身份證有1/0就有優惠,所以男友放工後約佢黎食壽司😋太耐無黎過,發現佢加左新餐牌外,仲加左壽司新食法(用掃點豉油再輕掃落刺身,壽司飯既醋味同刺身既鮮味唔會被豉油覆蓋)👍🏻新餐牌方面加左日本直送吞拿魚(拖羅&赤身),話明新野當然要食下,點哂六種吞拿魚壽司,唔同食法,首先又赤身開始食起,赤身色澤亮麗,眼見已經好新鮮,食落好鮮甜而另外3款赤身分別加試再京阪風胡麻醬,法國芥末籽同和風醬油湯箱配合唔同嘅醬汁,別有一番風味,胡麻醬同芥末籽令赤身感覺更鮮甜開胃,而和風醬油雖令赤生色澤較暗,但係都遮蓋唔到魚既鮮,味道意想不到禁夾👍🏻拖羅同中拖羅油脂真係好豐富,非常鮮嫩肥美,中拖羅壽司肉質油脂分佈均勻,香甜味鮮,令人齒頰留香,大拖羅壽司更為另一層次,油味好濃郁,真係入口即溶。鰻魚飯, 鰻魚夠大件,肥美鬆化,而且有焦香,醬汁亦夠味而且分量啱啱好,配合珍珠米飯,令男友搶埋我果份食🤣 但鰻魚比較多細骨,食時要比較小心。鰻魚飯附贈麵豉湯,估唔到連湯都一樣禁出色,味道濃厚,加入豆腐同海帶增加口感層次外,更令人驚喜係加入左蜆肉同蝦乾,令湯底更添海鮮鮮味黎monster sushi 當然必點monster sushi ,壽司充滿層次感,仲要食材夠哂高貴,上層放上鮮甜無比既海膽,高貴既魚子醬,中間更放味香濃郁既鵝肝、下層包著大大隻既新鮮帆立貝,組合特別,一口氣整個壽司放入口,鮮味無窮,口感復雜但各種既鮮又出奇地襯👍🏻蔥碎拖羅爆蛋輕輕打開會見到即將爆發既蛋黃係入面,做法非常有心思,整個放入口蛋黃在口內爆發,感覺有趣,蛋黃混合蔥碎拖羅,令整個質感更滑,甚為美味。 免治軟骨雞肉棒串燒配和風玉子醬, 軟骨混入免治雞肉中,啖啖嫩滑既雞肉食落又有咬口感,內裏多汁, 沾上玉子醬食更滑溜, 必點 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-25
1990 瀏覽
同朋友去朗豪坊shopping,行下行下不知不覺已經七點,開始有點肚餓,立刻和朋友找餐廳醫肚,剛好見到Monster Sushi,很久沒有吃,心思思,便選擇在這裡開餐!Monster Sushi總是一如以往的多人,壽司種類多又特別,而且價錢親民,難怪全場爆滿!先點了一客火炙柚子胡椒三文魚腩刺身,柚子汁酸酸的很清新,胡椒能增加一點點的味覺刺激,三文魚腩刺身肥美!當然必點這裡的Monster壽司,充滿層次的壽司,下面有鮮甜的帶子、中間是鵝肝、上面還有海膽和魚子醬,鮮味無比,果然是招牌菜!我實在太喜歡味淋魚干,基本上那一間餐牌有我都會點,但不是每間都好吃!$29實在太抵!燒得剛剛好,不會太硬, 調味也不會太鹹,口感非常好!必食!因為我們很喜歡吃海膽,所以也點了海皇卷,這個也很驚喜,每件都有海膽、三文魚子、蔥碎拖羅的配搭,啖啖都好滿足!想不到這裡有明太子手卷,鹹香微辣的明太子,紫菜脆卜卜,惹味!朋友點了軟殻蟹手卷,軟殻蟹炸到好脆!鵝肝芝士軟殻蟹卷的用料好足,鵝肝和芝士軟綿綿,香脆的軟殻蟹,即使很飽也要吃下去!想不到相隔了一段時間再拜訪Monster Sushi,水準比以前更好! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-19
1627 瀏覽
某個周末與友人在朗豪坊閒逛後,又到了吃飯的時候.....忽而很想吃壽司,想到商場頂層有著很久沒吃的“Monster Sushi”,那刻輪候的人數又不多,於是便跟友人決定在這兒祭一祭我們的“五臟廟”看到餐牌上的拖羅,很吸引的模樣呢那就先來“中拖羅壽司”HKd$39+10%、一份“蔥碎拖羅軍艦”HKd$36+10%和名字有趣的“蔥碎拖羅爆蛋”HKd$35+10%中拖羅魚脂豐厚耐無筋,入口轉眼溶化蔥碎拖羅軍艦亦鮮味十足!蔥碎拖羅爆蛋外表圓圓的一顆,可愛非常!輕輕打開便瞬間得知“爆蛋”的意思,看到蛋黃沿沿地流下,未吃已覺動心把它們全部放進口腔混和,只能說是滋味萬分只吃拖羅又怎會足以抵制我的“壽司癮”呢,當然要多點其他的壽司和卷物吧我們“火炙和風醬鮭魚腩”HKd$12+10%、“火炙左口魚鮨肉”HKd$16+10%、“鵝肝芝士軟殼蟹卷”HKd48+10%及“海皇卷”HKd48+10%壽司味道平穩,不錯!吃罷壽司後,與友人還是未夠滿足的模樣,便決意多來一盤自選的“三色刺身盛合”HKd$138+10%刺身均厚切鮮甜,份量不少最後來一客甜甜的“玉子燒”HKd$22+10%作結,滿足矣 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-03
246 瀏覽
放假前之狂食日本野,好耐無黎原來都幾多人,以前通常都係尖沙咀食,去左旺角之後都係第一次去呢間度開餐。望一望枱面有枝掃既,當然唔係俾你寫字喇,而家用自家醬油掃上壽司面,代替左平時既豉油以免變左壽司飯既味。全都都係日本直送吞拿魚,整成大拖羅($52)中拖羅($39)赤身壽司($35)同和風醬油湯箱赤身壽司($38),直送真係好新鮮,大拖羅油脂真係幾多,入面已經放入左芥末,自己掃上自家製醬油會更鮮味。厚岸產帆立貝吞拿魚他他($68),一黎到就見到勁厚既吞拿魚他他,面頭有梅酒柚子啫喱,再夾上牛油果同香草蕃茄汁,成個感覺好清新。香草洋風鮭魚刺身($58),鮭魚配上酸酸地既醬汁好開胃架。食左好多壽司之後一定要試好大盤刺身,自組刺身盛合(六款 ) ($258),可以揀三款六款同九款,想食幾多任你拼,厚岸產帆立貝幾厚身食落真係好鮮,另外油甘魚同三文魚都夠肥脂香味重。火炙柚子胡椒鮭腩刺身($58)三文魚腩燒到勁腍,加左柚子胡椒醬,帶少少辣味令到油膩感較輕。Monster Sushi($35)勁大既帆立貝再配上海膽,鵝肝,吞拿魚,挑戰你個口有幾大,要一啖吞哂感受到個層次,鵝肝味道幾濃。火炙芝士皇帝蟹棒($18)蟹棒勁厚身,再加上至愛既芝士燒香左更好食。名物黑豚腩肉素揚($42)入面有勁大舊黑豚肉,一咬開成口都係黑豚肉既油脂。手羽餃子($38)豬肉餡包哂係雞翼入面,一咬開成舊都係雞肉加豬肉,外皮幾脆。和風醬油煮大根牛肉鍋燒烏冬($62)大根同牛肉好淋同好入味,兩樣都係鍋燒入面必揀既配料黎。店名: Monster Sushi地址: 旺角亞皆老街8號朗豪坊12樓13號 繼續閱讀
(以上食評乃用戶個人意見 , 並不代表OpenRice之觀點。)