107
94
103
港鐵旺角站 C3/E1 出口, 港鐵旺角東站 B 出口 繼續閱讀
所有分店 (3)
電話號碼
2111 1118
營業時間
星期一至日:12:00-00:00
付款方式
Visa Master 現金
其他資料
加一服務費
食評 (340)
等級3 2017-04-18
82 瀏覽
記得以前每星期都會食一次Monster,仲要係九點半之後入座。點解?因為每一次食完都會送coupon,coupon要九點半後先可以用。一排冇黎,裝修唔同咗,比以前更光猛,但卻少一份氣氛。Monster最好食嘅係火炙美乃滋蟹棒壽司,鮮味的蟹棒,配上燒溶的美乃滋醬,油同肉既比例恰到好處,整件壽司油而不膩!但係除咗蟹棒壽司之外,其他食物既水準都明顯下降,呢點確實令我呢個忠實小粉絲有d失望😣另外仲食咗清酒煮蜆,個鐵窩勁熱,好保溫,超好味,不過要小心辣手👍🏻 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-06
284 瀏覽
與其說架車人仕不喜歡前往旺角,不如說老伴不喜歡旺角。所謂君子不立危牆之下,那些人多擠迫、龍蛇混雜的境地,老伴便打從心底地皺起眉來。是故這些年來咱們一直對旺角敬而遠之。甚至連親戚大婚,選址於旺角舉行婚宴,小的所能踏足的唯有屬酒店場地,然後便點到點地回家。於是旺角在幾年來的變化成長,自己幾乎是懵然不知。老伴屬君子,小的卻只是凡夫俗子,加上人馬座愛冒險嘗新的性情對雜亂無章的旺角當然全無禁忌。聽聞旺角街頭巷尾存在著許許多多的小店商舖,售賣不同的街頭小吃,比之政府大力監管,虎頭蛇尾地摧谷的美食車,前者的發展乃因應自由市場自動調配,在競爭底下適者生存,協同效應讓食肆更是百家爭鳴,遍地開花。無奈小的只能對此大涎涶沫,始終無緣一試。這次適逢其會地到訪旺角,未見官先打三十大板,在出發時老伴已禁不住大發牢騷。車子駛入旺角,街頭的兩邊都擺放著許多的車輛,大部份都沒有標位。小的疑惑:這些屬違泊嗎?還是某些時段可以停車?然而老伴則表示即使有位,這些都只會是「跎地位」,若泊了回來便可能連四條車軚也不翼而飛了!儘管小的認為香港是安全文明的法治之都,既然自己不懂,也無謂爭拗,於是唯有繼續兜圈,在已知的各大停車場尋找泊位。在迷路與許多泊位已滿的情況下,咱們好不容易才抵達旺角的大型商場朗豪坊。商場前一陣子剛發生了一宗嚴重的扶手電梯事故,造成多人受傷。未知是否因此,商場未算極度擠擁。咱們順利泊車,處理雜務,然後便回到商場尋找餐廳去。17大元半小時,泊上三四句鐘便要百多元,為了享用泊車優惠,咱們需於商場消費。結果小的仍是沒機會嚐嚐街頭美食,不過能試試旺角商場的不同口味,小的也甚為歡喜。朗豪坊的餐廳食肆除了在三樓的平台層,便都集中於十多樓。咱們看見升降機大堂人如潮湧,老伴決定乘坐扶手電梯去。咱們一層又一層地爬升,好不容易來到中層,轉一個彎打算乘搭多層扶手電梯直闖雲霄,到甫才發現這意外現場的元兇原來仍須封閉。老伴立刻破口大罵。在這高不成低不就的尷尬情況下,咱們唯有爬樓梯。沿著商店一個圈一個圈地攀爬,雖然有點疲累,小的卻有機會觀摩一下不同的特色商店,欣賞潮流的新趣味。來到12樓的Monster Sushi,老伴提醒這就是於尖沙咀iSquare網上劣評如潮的分店。然而小的看著餐牌覺得不錯,而且剛在新加坡吃過了太多西餐,於是堅持和風。老伴氣上加氣,嚷著陪小的吃過以後便回家自己泡麵。誰不知這家Monster Sushi直教人喜出望外。壽司乃小的最欣賞的飯小肉大形式,一啖一口,吃來爽快方便,而且刺身亦算新鮮。小的最歡喜的更是其中添加了許多創新口味,例如鯛魚海膽醬花之戀;Monster特色壽司則以一塊大凡立貝金字塔式地包裹著壽司飯,然後再於凡立貝上置以小量的三文魚子、吞拿魚碎與海膽,縱是份量不多,但四款海鮮皆屬小的至愛,彷彿是專為自己度身訂造的完美配搭。熟食竟也不遑多讓,牛腩湯烏冬把蘿蔔炆得軟綿入味,烏冬的質素比之「自家」還要出色。豚肉炒雜菜更是一絕,以韓風的泡菜汁將食材炒得鮮香惹味,微辛的香氣更能引發咱們之食慾。有時候網上流言端的不可盡信,要勇敢一試才能為餐廳作大平反。老伴吃飽以後開始有點笑意,用不著回家泡麵了! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-03-25
415 瀏覽
之前一直想試,今天行到附近無理由唔試。一入門口感覺冷冷清清,只有兩三個服務員也態度冷淡。我們基本都點了推薦的壽司,滿懷期待。我本身是很喜歡壽司的,如果食材新鮮可以產生好幸福的感覺~但這次沒有一件壽司讓我有這種感覺,完全是超市冷藏外賣壽司的檔次。還記得有一次在千兩和monster sushi之間選吃哪間,還好當初選了千兩,完全不是一個等級的,千兩我給95分的話,monster sushi只能給60分⋯以後不會再來⋯ 繼續閱讀
(以上食評乃用戶個人意見 , 並不代表OpenRice之觀點。)
等級1 2017-02-18
991 瀏覽
今次唔係第一次黎食,之前食過幾次都覺得體驗唔錯,於是今次就帶朋友一齊黎食,點知就咁中伏,食到一肚氣。果晚六點幾去到門口,見唔到有人排隊,當下已經覺得奇怪,因為之前黎食dinner係極多人等位。呢晚咁啱撞正MTR著火,朋友途中遇到阻滯,等埋佢落座果陣已經七點九左右。我地坐係出面啲檯,樓頂係朗豪坊嘅天幕,環境唔錯。然後就寫紙落單嗌野食,落左單等左N耐都無野到,肚餓到極點,好艱難咁終於等到有壽司上,點知係逐份逐份咁離,食完一兩件又無以為繼,等好耐先有得繼續食,大佬你以為去飲咩,逐碟上,吊住吊住咁。就因為佢地太耐先上野食,啲壽司一黎到就第一時間比我地食曬,根本無興致無心情影相。成件事搞到好無癮,話就話限食1.5hr,我地最後食到十點幾先有人黎話要收檯叫埋單,到果陣啲野食都未上齊,真係好誇張。等嘅過程中見到隔離檯啲野食都係等左好耐,唔知Monster嘅廚房究竟係點運作,當晚真係唔算好多人。要評價野食嘅話,只能講係中規中矩,壽司唔算大件,無明顯差錯,但多數又讚唔落口,已及不上當初嘅質素,食物只值一個OK。再講翻服務,除左上菜慢到極點之外,啲茶又唔熱。之前係有人幫手加茶,宜家可能貪方便,每檯擺一個唔保溫嘅茶壺係度等你地自己斟就算。問題係,啲茶擺得耐就會凍,無人主動換茶,等咁耐,連啖熱茶都飲唔到,好惡劣。後來主動叫人加啲熱茶,個waitress竟然攞走左個茶壺一去無回頭,要再叫另一個攞過壺茶比我地,呢啲服務真係無言以對。最後埋單人均200幾,呢種服務加每況愈下嘅食物質素,下次絕對唔會揀呢度,食元氣都食得開心過。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-02-14
748 瀏覽
一直都好想黎哩間野試下,無奈佢真係好旺場😂難得有朋友肯陪我等,咁就唔好錯過良機啦🙊原來9點後佢地做緊食滿250減100既優惠,抵到爛,好彩朋友有coupon,慳返唔少,價錢都唔使睇,係咁點點點👍🏻🙈本人推介佢個牛舌同monster壽司,牛舌講真唔係間間好食,都數都切到好薄,冇口感同好硬,但係哩間牛舌真係好味到令人念念不忘😋厚薄適中,重點夠入味,我以嫁一路打都一路流水🙈至於個monster壽司,其實佢個名我唔係好記得,美食當前,仲理佢叫咩咩,梗係食左先嫁啦😂大大件,講既唔係d飯大大件,係d料大大件👍🏻由帶子,碎吞拿魚,海膽,三文魚籽組成,物如其名,真係monster😍 繼續閱讀
(以上食評乃用戶個人意見 , 並不代表OpenRice之觀點。)