Monster Sushi (已結業)

又係睇左openrice既介紹, 所以上星期六決定來此店試吓.因為我好怕等位, 所以一般我都會選擇早食晚飯總好.當日睇完戲都未夠6時, 係朗豪坊亂行上去monster sushi度先6時多少少...點知見到餐廳內已經幾多人, 所以我地2個只有入去坐費時再行回來就要等位啦.一入座我就叫左我想試既魷魚芝士壽司(面有d彩色既粒粒再炸)不過味道一般又無芝士味, 另外帶子壽司就大粒不過好似無咩鮮味,反而三文魚同吞拿魚就好正啦, 仲有佢地既即叫即炸軟殼蟹都唔錯, 咩a5和牛卷老闆就話好味, 但我都食唔出咩牛肉味仔.最後可以介紹一吓就係sushi bar上有一大碗活生生既蟹仔, 原來客人可以order即炸來食..我地都order左2隻呀..不過味道就一般啦但估唔到咁細隻既蟹入面好多好多膏架..其實這裡有好多特別同埋有創意既壽司, 但對於我就覺得一般啦. 可以一試但未必會再來.

好好味, 板x比人釘牌,重諗緊邊到有好好味既sushi尋日,同男朋友2個人食,,7點到,唔洗等真係好好味,果個薯c玉子鰻魚roll果d 七彩粒粒,我接受唔到( 陣味太似金魚既魚糧喇........ )anyway,成晚都好開心咁食,呢間野,一定有下次就算miss左單,佢都會好快咁同您跟,值得一鑽!!

一直好渴望食 ..昨天老公帶了我來 ..而且幸運地可以坐出去了...--三文魚..不特別 .. 普通飯超散 !!! 又不夠圓大 .. 似我平時係屋企食果D 渣喎 !一D 壽司飯既感覺都冇...差 ..吾值得咁多人排隊...--大蝦天婦羅 ...吾差 ..不過好多度都食到哩個質素--A5 和牛卷..雖然個蒜同蔥好香不過請注意 ..主角應該係和牛...但我食吾到牛味...又冇入口即溶既感覺. ..A 5 和牛 ? --豆紙軟蟹卷的確粉太厚. ..而且炸得很油而且我不覺得豆紙是特別的...用牛油果好食多了--魷魚蝦肉芝士卷HAHA..哩個係炸的..似我係街邊食果D 小食...加上我一點都食吾到芝士..--吞拿魚卷..我老公話 ..我都吾知自己食過野 ..散到佢 .....好散好散 ....唉--不過好彩 ..都有野值得讚 ..就係個帆立貝好味大粒 ,,抵食 .. 28 蚊2件..有鮮味 [ 但又吾算甜 ]如果你要我食哩間野我諗我陣係會食帆立貝..

睇完movie過黎食...近2個星期成日食sushi, 入到呢間, 重點想試新野.試左3,4個卷物, 有monster卷, 哥斯拉卷, sushi king...(唔記得名), 感覺味道太亂/複雜, 不喜歡. 尤其不喜歡那些粒粒pop pop太多了, 食落好粉.其他普通sushi就ok, 幾新鮮. 魚背sushi既飯有梅子味的, 幾清新..三文魚就乾左D又瘦左D; 海膽又不夠新鮮, 臭臭地...整體一般

昨日 6月15日父親節，帶屋企人一行9人到 Langham 嘅 Monster Sushi 吃中午~我其實近大半年都係食開"板前"，上星期給友人介紹這個"怪獸"，未等及約她吃飯， 便先來試試看囉。因昨天我地中午1點前到達， 人不多不需等位，我們便坐在一入門口的一張張枱上，因為天花很高，沒有一般日本餐廳的壓迫感。入內餐牌其實款項不太多，便先叫一些大路 sushi 品嘗。我當然叫了三文魚及珍寶帆立貝 sushi 啦！它的 sushi 飯不是純白色帶點紅，味道幾好，帆立貝入口即溶一流, 跟"板前"相比略勝一籌，但三文魚就沒"板前"般甘香。最值得一讚是"怪獸"的卷物及炸物，真是超新鮮 (唔知係咪早的關係)，我地叫咗各種天婦羅 蝦啦、軟殼蟹、茄子...... 最正係軟殼蟹及軟殼蟹sushi，入口感覺超完美，就連"Genki" 及 "Sushi Kuu" 都不能相比, 我一個人就已吃了各兩件軟殼蟹及其shushi啦！！！重有一款卷物(唔記得咩名)，外面是用三文魚包著, 加上有些辣汁, 好野味~另外因為有兩小孩同行 (8及4歲)，所以我地都叫咗好多熟食，而玉子及鰻魚玉子都在內, 味道一般啦！希望日後

吳彥祖的 Monster Sushi!http://hk.myblog.yahoo.com/goodboy_philip/article?mid=27592呢牌日日都出日劇 blog 會唔會過份左 d 呢? haha...鐘意 "食" 野既 blog 友有無餓親呢? 先前提過 Monster Sushi 既創意同卷物都幾好味, 所以再食多 d! Again, 都係食唔到佢個三式 cone! 呢間 Monster Sushi, 阿吳彥祖有股份, 名氣夠響吧? 環境就有掛起好多銅製燈, 好似水世界既氣泡, 暗暗銅色令人增進食欲...不過講多尾, 至於好唔好食? 又睇落去?Monster Sushi 地址: 旺角亞皆老街8號朗豪坊12樓13號鰻魚壽司: size 有幾大有眼睇啊? 跳出碟咁滯, 只係味道略嫌乾一點...帆立貝壽司: size 又係大! 同 "峰" 既珍寶 size 有得揮! 味道仲好鮮甜! 唔係賣廣告!油甘花之戀: 油甘魚做花之戀很少見, 一口咬下, 油甘魚肉填滿咀, 油甘魚愛好者必定欲罷不能!拖羅壽司: Toro 一向係好孩子食迴轉既重點! 十幾間迴轉中, 個人認為呢間拖羅

這間在朗豪坊高層的迴轉壽司店,能在短時間成為熱話,相信同其背景或多或少有關係,老細之一為城中型男,普羅港女聽到這三個字就雙眼發亮的 - 吳.彥.祖. 相信很多女人會為見其一面而前來,我就在UA朗豪,同舊愛睇罷Sex and the city,前來吃點東西. 店名叫"恐龍",充滿著Kidult氣息.記得我們兒童年代,那些甚麼戰龍哥斯拉嗎?在這間恐龍店,沒有侏羅紀,但有一味哥斯拉壽司.玩味十足.外層七彩繽紛,帶點脆口.內裏包著沙律醬,牛油果等酸酸甜甜味道,先脆後酸,最後感覺,竟如吃著日式炸薯餅.邊吃邊問身邊的她:{覺得套戲如何?} 她一手拿住三文魚壽司,說:{都不錯丫,}不知是說件三文魚,定係套戲? 店自慢的Monster壽司,用到自己名押上去,應該有點料子.其實是用燒過的帶子,襯托著三文魚子,吞拿魚碎,海膽等材料,四合一的壽司.賣相如花一般的燦爛.一口咬不下,分開幾啖吃,味覺層次幾重天.海膽甘而不甜,三文魚子也帶點咸鮮,吞拿魚碎同帶子沒有甚麼味道.這個味覺四部曲,如濕水炮仗吹不響. 甘而不甜的海膽在舌頭轉動時,小弟問:{成套戲,最喜歡邊個

為了farewell同事，上周五來這裏吃午餐一行６人，以美食化解壓力，一直狂點三文魚，蟹肉棒，海饅，帶子，油甘魚，立魚，花之戀，酸辣八爪魚軍艦，酸辣三文魚軍艦等等當中最讚的還是三文魚及帶子壽司三文魚壽司上的三文魚長的像燕尾服一樣，拖的很長很長吃的時候三文魚是可以把整顆壽司飯包起來的一客兩件才HKD10！！！超級讚！帶子壽司很厚很有肉質，充滿著鮮味不過有點小貴 ，HKD28兩件點了一客哥斯拉卷，賣相很漂亮但一點都不好吃．．．．小吃點了軟骨雞肉棒玉子稍嫌不夠鹹味，不過加了雞軟骨口感很特別炸雞軟骨不怎麼好吃枝豆一大杯，我們６個人居然吃不完~~~Monster sushi 還是會再來的為了三文魚及帶子，呵呵呵~~~~

朗豪坊新貴,唔鍾意等位的我破例一次去試試,魚生尚可,幾新鮮.最好食係帆立貝,又大又鮮甜.七味三文魚耆好香好味,人手唔多夠,等得都幾耐.裝修普通,成間舖得幾隻大燈,價錢比想像中平.

d 野食一放低o既時候就開始有 d 失望因為個樣已經唔算好討好食落o既味道亦都麻麻所謂 monster size o既壽司除左帆立貝係比較大 d 之外其他都同普通 size 差唔多d 魚係長身 d ，但亦都相對薄身左而 d 軍艦壽司o既紫菜都有 d 濕濕地大多數壽司都好似唔係好新鮮咁只係得帆立貝同海膽比較好 d早知等耐 d 都應該要坐迴轉位起碼自己可以揀嘛小食方面雞軟骨雞肉棒幾好食但炸雞軟骨就麻麻地喇份量仲好少添o里度有少少相同大家分享http://eat-together.blogspot.com/2008/06/monster-sushi.html

I want to try this sushi place for a long time since its open, but always have to queue for so long n starving to death. This time we went there very early and we ordered lots of things. The sushi is very bad here, its not very fresh and has not much taste at all, its not like other sushi places.... Nearly every sushi is made up of some kind of weird pink rice which taste very bad making it taste even worst overall, if using normal sushi rice would be much better.

入到去個interior係high ceiling, 有好多drape lightings, 偏暗。 被編到靠窗位置坐﹐環境很不錯﹐有mood也不緊逼。但有隻烏蠅仔同我糾纏左好耐﹑好耐﹐耐到我要係到mention佢既existence!!!!!!!!海膽軍艦: 海膽ok﹐紫菜難咬開。沒預期的好...三文魚壽司: 這個竟做得不錯﹐新鮮亦夠肥。 切得算厚身﹐在serve時已搽上先調好的味淋(比普通豉油鮮甜) 這個配搭做得不錯﹐朋友一口氣吃下4件。油甘魚壽司: 新鮮﹐亦算厚切。燒玉子: 還可以但甜度不夠...帆立貝壽司: 很大件﹐味道和板前差不多但size這裡稍勝少許。忌廉芝士三文魚卷: 芝士味還算香但配搭麻麻不會再叫。炸雞軟骨: size很細...味道ok這裡除了deco有surprise外我想我不會話一定要番黎既感覺亦不會有久不久會懷念的感覺。但是如果人再Langham﹐又要用餐的話我不排除這裡是一個option. Monster 比起其他一般壽司店是貴一些 (個range大概係12 - 25% depends你叫既食物) 。conclusion: Location is conveni

早幾日聽女朋友講話係朗豪坊有一間由吳彥祖有份投資的寿司店，咁見昨日下午5點九到，應該唔會好多人，就上去試下啦，上到去真係冇咩人，任你坐，咁我就同女友選擇佺迥轉位，初初入去都幾好，公司對下屬就唔係幾好，一個休息房都冇給員工用，要員工係d台上休息，大減我食慾，不過算啦，食野用個口又唔係用眼食.......入坐都ok 個侍應幫手推橷，不過係我面前個師傅就有問題啦，不停發生d索鼻水聲，心想有病唔好返工啦，又唔帶口罩，唉...心知不妙....唯有快快點野食，食完快走。點左: 三文魚寿司-------冇咩特別玉子燒-------------最好的一個海膽軍艦---------唔新鮮袖皮胡椒拖羅----值得一試蟹子沙律----------冇咩特別帆立貝寿司--------好食個板前的珍寶鰻魚寿司-----------好腥最特別係d寿司飯，幾正。不過係食緊的時候，發生一後小插曲，就係見到原本休息中的師傅開始開工，但係佢地清潔張占板的布又會取黎沬刀及手，衛生好大問題，食食下突然見到有個肥侍應取個電話給個切緊魚師傅睇，睇完又唔洗手繼續做野，另外侍應服務超有效率，不停幫你收碟，好似唔夠碟用，不過呢d餐廳去一

因為睇左雜誌介紹+吳彥祖效應+openrice 食評o既關係...所以前排就同朋友去左食...同朋友結論係...d野唔夠新鮮...下次都係排耐d去返板前...食左第一舊三文魚壽司就有d中計o既感覺....當晚食左...三文魚壽司 -- 肉不鮮味不美...感覺同食元綠差唔多...吞拿魚腩壽司 -- 同樣地肉不鮮味不美...甜蝦壽司 -- 沒有甜蝦o既感覺海膽手卷 -- 海膽唔夠新鮮....唔夠鮮甜帶子壽司 -- 大就大粒不過都係唔新鮮...帶子面搽左d sauce好似為左遮蓋d腥味但係遮唔到...Monster sushi -- 無乜特別曼魚蛋卷(唔太記得個名) -- 不過呢個係成餐飯最好食o既...直得一讚...

話說同治療師尋日去食lunch，見鬼死咁大雨，咪去朗豪坊搵野食，唔想係街下，淋濕身。記得開左間新sushi，咪去試下佢。正常食lunch時間，竟然係無人等位，仲要行埋就立刻可以入去坐，仲有得你揀卡位定迴轉，心諗，唔通好貴？！叫左一貫我地食開0既sushi︰三文魚壽司 x 2 (一般貨色，治療師話舊飯太細)辣味八爪魚軍艦 (好似去左酒樓叫果d一碟碟小食0既八爪魚咁)帆立貝沙律手卷加洲手卷 (兩個手卷d 紫菜都係「林」的~~ )鰻魚玉子 (呢個係咁多樣入面最好食的)甜蝦壽司 (蝦有d 「梅」)蟹棒壽司 (無咩特別)哥斯拉壽司 (個樣幾得意0既，係面係有d炸左0既一粒粒，入面都有應該係炸魚皮)整體黎講，食物的質數都係麻麻，但我個人就比較唔鐘意個侍應不停行黎收碟，佢好似無野做咁，一見你食完就衝過黎同你講，要收碟。家陣你地好唔夠碟用咩！仲有，你係咁收晒我d 碟，有兩個問題︰ 一、 我無辦法計到自己食左幾多錢；二、如果人多去食的話，真係唔知自己食左幾多碟，又或者係有d野我嗌左無黎，我根本唔會記得，所以我覺得這一點真係令人覺得唔係太舒服囉！我同治療師都一致認為︰不會再試！