Mokumoku Yakiton (厚福街)

營業中

休息中

喺香港都可以試到日本居酒屋既風味，真係要黎試一試佢啦。一入門口就好似去左日本咁，好有氣氛。前菜就點左一道蒜香蕃茄，味道好清新，又配到少少蒜味，好夾👍🏻餐飲就點左柚子梅酒，好重梅子味，酸酸地易入口。值得一提既係呢度每到星期四就係女士之夜，每人送一杯酒。而平日既話就十點後買一送一，都幾抵玩👍🏻咁食物方面就以生蠔同刺身打頭陣，兩者都非常新鮮加大大份，好食😋咁之後就到居酒屋必備既串燒啦，呢間餐廳以豬肉為主題咁我就點多啲豬既產品如黑豚肩肉，夾心肉，紫蘇豬肉卷，秋葵豬肉卷，紅姜豬肉卷等等。每樣食物都非常高質，尤其係黑豚肩肉，一咬就有肉汁滲岀黎，好香既豬油味再加上後添既喜之次，配上檸檬汁完全帶起魚既鮮味。最後再配上美味既椰子雪糕就心滿意足了😄

MokuMoku (both)好特別！好好味嘅串燒呀520呢日一定要出去同最愛食飯，尖沙咀厚福街開左好多新嘅食肆。見到呢間有職員撈客，撈得好落，就上去試下。果然無令我地失望。蒜子蕃茄沙律：冷盤前菜，成個剝左皮嘅蕃茄，嫩滑又多汁，好清新，好開胃酒盜芝士 :有少少麵豉味，芝士軟滑香濃，面頭嘅酒盜係酒漬嘅海鮮內臟，係送酒佳品。五點刺身：牡丹蝦、帶子、海膽、三文魚、油甘魚。樣樣都好新鮮，有啲爽口，有啲棉身，好鮮甜，証明貨源流轉迅速。啦貝：見到個樣都覺得正喇！肉質爽脆鮮甜，好大舊肉呀！配柚子胡椒加檸檬汁仲帶出個鮮味添腸頭串燒：我未食喎腸頭架。第一次試又ok 喎，幾彈牙。溫泉流心蛋：有趣的造型。有塊薄薄燒焦豬片包住隻流心蛋，當作調味，決定一啖擺入口。好好味呀，有蛋香味，令單調的溫泉蛋，味道變化增加了層次感。西班牙豬肩肉：脂肪同肉嘅比例差不多一半半，有肉嘅韌度，又有油香味豬脷：好厚呀，但超爽彈牙。我第一次食到咁爽嘅豬脷！小腸：鍾意食內藏嘅人會喜歡嘅。月見免治豚肉燒：自己篤爆個蛋黃，第一次咁食，好juicy，啲肉又掛汁熱盤：豬軟骨、日本大根、沖繩豬手。好精緻！全部都好入味，相信用左好多心機同時間整。清

而家尖沙咀厚福街開左好多食肆，我地喺520佳節放工去搵食。見到呢間有樓上鋪好似幾吸引，就上去試下。果然無令我地失望。蒜子蕃茄沙律：冷盤前菜，成個剝左皮嘅蕃茄，好多汁好清新，好開胃酒盜芝士 :有少少麵豉味，芝士軟滑香濃，面頭嘅酒盜係酒漬嘅海鮮內臟，咸咸地，送酒一流刺身拼盤：牡丹蝦、帶子、海膽、三文魚、油甘魚。樣樣都好新鮮，有啲爽口，有啲棉身，好鮮甜喇貝：見到個樣都覺得正喇！肉質爽脆鮮甜，好大舊肉呀！配柚子胡椒加檸檬汁仲帶出個鮮味添腸頭串燒：我未食喎腸頭架。第一次試又ok 喎，幾彈牙，無怪味溫泉流心蛋：好可愛嘅造型。有塊薄薄地嘅肉包住隻流心蛋。本身想咬開影下相，但怕浪費左啲蛋汁，決定一啖擺入口。好juicy 好滑身，有蛋香味西班牙豬肩肉：脂肪同肉嘅比例差不多一半半，有肉嘅韌度，又有油香味豬脷：好厚呀！超爽彈牙。我第一次食到咁爽嘅豬脷！好鍾意。又唔會有騷味喎小腸：鍾意食內藏嘅人會喜歡。佢外皮脆脆地，中間煙韌得黎粉粉地，都幾有趣月見免治豚肉燒：自己篤爆個蛋黃，第一次咁食，好juicy，啲肉又掛汁熱盤：豬軟骨、日本大根、沖繩豬手。好精緻！全部都好入味，相信用左好多心機同時間整。清一清串燒嘅味道，

今晚同朋友去了間日式居酒屋，但這裡最主打就係食日式串燒，而將隻豬嘅唔同部位作為串燒亦有一手，朋友特別喜歡食豬於是帶他上去品嘗一下！可能係星期四lady night 一杯free beer所以特別多女士，大家都開懷順飲，咁枱面上總都要有杯先似樣！當然飲杯再加埋啲串燒先算夠Happy啦！點了杯自家製嘅咖啡燒酎，入口咖啡味香濃同平時入開嘅燒酎又係另一種風味，確實唔錯！而食串燒前點了個蒜子蕃茄沙律，清新一下個腸胃，味道鮮甜帶少少酸，非常開胃！跟住就係月見兔治豚肉串，店員會幫你隻蛋同個醬汁用豚肉串兩三吓就攪勻，入口外香內軟，再加埋個蛋醬汁一齊入口味道更佳！當然雞翼串亦係必食之選，皮脆內嫩，熱盪盪入口十分好味！而份山形縣產煙燻豬腩真係超級好味，入口個陣煙燻味仍然鎖住在片豬腩肉上，而且肥美嘅豬腩肉由一層肥腩同瘦肉組成，入口個種油香只能在口中感受！除了豬外亦有個味噌煮牛筋必吃推介，牛筋炆得超級軟熟，入口時感受到牛筋個陣吸收了味噌嘅味道之餘，還有個種膠質軟滑嘅感覺，比喜在麵檔的筋腩還要出色！日本產青椒芝士豬肉卷，薄薄嘅豬肉卷住隻青椒，豬肉燒得十分香脆，而青椒入口爽甜，吸收了豬肉嘅油脂，青椒分外美味！而裡

心血來潮好想食豚肉，偏偏又遇上非洲豬瘟，想食又心掛掛，一於去有信譽的餐廳倍感安心。MokuMoku Yakiton 於尖沙咀地點方便，是香港比較少見的日式豚肉串燒專門店，我念念不忘它的白金豚系列。《漬蕃茄》跟日本文化一樣，客人坐下點菜前，店員會自動奉上店家特選前菜，美味的生蕃茄上面加一點生蒜，生蒜的辣夠醒神。《Moku Moku 沙律》天氣開始炎熱，有時候會覺得沒什麼胃口。一於點選沙律作為前菜，西班牙伊比利亞豬Parma Ham 是賣點再伴以秘製既醋汁，非常開胃。《刺身盛》Mokumoku 的串燒花款多，刺身也不遑多讓！海膽淡淡的海水味，鮮甜沒有腥味，入口溶化。還有今天的時令海鮮是螢光魷魚，新鮮有咬口。《煙燻豬腩》我想說這個特別好吃，煙燻味道濃郁，香氣撲鼻，豬腩肉肥瘦均勻，非常爽脆不油膩。味道有點像肥美的厚切煙肉，口感結實。《月見免治豚肉串》這個要讚一下店員的細心，親手為我們整理上碟。一般用上雞肉，豚肉相對比較少見，配上日本蛋黃，鮮嫩入味，肉質結實囗感佳。《日本青椒芝士豬肉卷》甘香嘅白金豚肉包裹著日本青椒味道清新，可以拉絲的芝士入口軟滑，口感層次豐富。《喜知次》北海道深海的紅寶石，不同

平時食串燒多數都係海鮮、牛、雞今次特別啲嚟一個全豬宴餐廳裝修主要以木為主店內燈光柔和仲播放住著輕快嘅日文歌加埋周圍佈滿豬嘅裝飾同擺設係一間好有特式嘅豚肉串燒專門店 📍前菜 - 凍蕃茄，用上黑醋蒜蓉調味，味道酸酸甜甜咁非常開胃，蕃茄本身唔太酸而且甜甜地，落咗日本酸汁落去令蕃茄變了開胃前菜 📍白金豚肉流心蛋卷 –非常創新嘅食法，賣相非常吸引，蛋既外層有一層薄薄嘅豬肉同煙肉去包裹住，面頭再灑上蝦米乾，入口好香口。蛋嘅流心程度控制得唔錯，唔會食到好輪盡，加埋調咗味嘅豚肉同帶鹹香嘅櫻花蝦一齊食，又幾夾喎 📍上等豬脷串 - 燒得比較乾身，但味道鮮美，醬汁恰到好處，可以帶出食材本身的甜味。 📍豬肝串 – 即係豬潤，燒得剛剛好熟，保持到爽口彈牙的口感，而且很多汁，配上甜甜嘅醬汁滲出淡淡香氣，一啲腥味都無，加上用胡椒粉燒過，味道仲好惹味📍豚肉露筍卷 - 露筍以豚肉片包裹，爽甜多汁之外仲帶有豚肉香，露筍鮮甜多汁，味道清甜，口感又爽又juicy 📍月見免治豚肉串 - 免治豚肉串燒得外脆肉軟，配上金黃色嘅日本蛋漿，更顯香滑，仲令成個味道好協調，口感非常豐富 📍活白膳 - 燒活白膳厚肉多汁，唔需要添加太多調味料

簡唔中去下居酒屋飲下酒之餘又食到至愛美食一舉兩得，早排又約埋好友齊來敍餐，今次就去左尖沙咀美食集中地之一厚福街開餐，雖然只係短短一條街仔但已有晒想食嘅美食係度夠晒方便，至於今日開飯地方係一間日式居酒屋主打美食有串燒同日本菜，當然唔少得美酒品嚐，先點左幾款人氣美食食住先，先有係前菜蒜子蕃茄沙律同平時出面食開嗰D，呢度味道夠凸出又食到啖啖清爽香甜蕃茄肉，食得日本嘢點都會食番個刺身拼盤品嚐，點了呢款刺身盛合五款賣相十足有大家至愛海膽入口香滑味濃厚、三文魚肉質夠肥美、帆立貝飽滿又多汁、油甘魚厚切份量足同赤蝦爽彈又鮮甜，仲有是日推介螢光魷魚食落有驚喜再來就梗係食串燒時候，先點杯Homemade fruit shocho，仲有幾款口味選擇，我就揀咗菠蘿味飲落酒味香濃又有菠蘿香甜幾特別輪到串燒先食番串月見免治豚肉串，先將雞蛋攪勻再將肉串撕開沾上蛋汁，入口外脆內軟加蛋汁食落更加香滑肉味濃郁再來有西班牙產黑豚頸肉串同黑豚肩肉串，兩款肉質各有不同前者食落軟滑滿口香甜油脂，後者肉質細嫩啖啖肉汁接住有燒牛舌(厚切）咬落口感飽滿軟硬適中仲以為食緊牛扒食完牛又點會冇豬有上等豬脷串，燒得啱啱好外脆內軟入口更香滑到另

呢日約左個好姊妹同我食生日飯, 餐廳佢揀的~佢話食豪D~係間串燒店來, 而佢專門係食豬的~好多豬嘅唔同部位呢度都有得食係喇, 因為佢專係食豬的, 店內牆上面都有隻豬呀~仲要SHOW左唔同部位嘅名~不過係日文我唔識睇同埋呢個圖, 牛我就見得多, 豬真係第一次見 佢連個筷子托都係豬豬樣嫁!好可愛柚子X檸檬酒 $65一睇個名就知, 柚子同檸檬都好FRESH!一邊食串燒一邊飲呢個真係好開胃!赤蝦2隻 $58帶子 $58海膽 $98我地2個人叫左3樣刺身~赤蝦好大隻好鮮甜~帶子都好鮮甜啖啖肉!不過最正最正都係海膽!真係超正!大大啖!勁鮮甜!食到覺得好感動呀!(利申:我係海膽怪秋葵豬肉卷 $32蒜心豬肉卷 $32兩款都好食!兩款唔同嘅蔬菜用豬肉包住燒,蔬菜吸左豬油的香氣同時又可以解膩!我特別中意 蒜心豬肉卷,清甜又有咬口! 爽口的!西班牙夾心肉 $38西班牙黑豚肩肉串 $38兩款都好味!燒到岩岩好!肉嫩多汁!厚揚 $28呢個其實係豆腐來~幾香口, 都幾好食!粟米 $58平時多數食烚嘅,間唔時食燒嘅真係會覺得特別好食嫁!黑糖水信玄餅最後仲有個晶瑩通透嘅水信玄餅做甜品!個黑糖好香, 配個水信玄餅食岩岩

很喜愛到居酒屋，與友人一起飲酒吃小菜十分relax。今次試這一間以豬為主題的居酒屋，果然沒有令人失望。蕃茄沙律食肉之前叫了沙律平衡一下先。原隻番茄食落清新，搭上醬汁十分開胃。想飲清酒來配串燒食，店員清酒知識豐富，逐一介紹給我們選擇，最後選了月之玉響純米大吟醸，酒味香濃有層次。叫了個粒貝刺身，味道鮮甜爽口。煙燻豬腩煙燻味濃郁，食落豬腩質地似煙肉，配上芥末醬不錯。豚肉秋葵卷簿簿豬肉包上秋葵燒，表面豬肉燒得香脆，秋葵夾上豬肉油香一起吃令人滿足。白金豚肉流心蛋卷第一次食白金豚，油花比例均衡，保留到肉味香濃而入口不膩，不愧為日本最高級豚肉。流心蛋半凝固狀態，師傅控制得很好。白金豚肉上鋪上櫻花蝦令口感更豐富!雞翼串燒雞翼要雞皮要燒得香脆，但同時要保留雞肉juicy都不容易，這個師傅控制得不錯。大腸串大腸同樣燒得香脆，好味。燒白膳白膳皮都燒得脆，膳肉亦保持到嫩滑。甜品以水信玄餅作結，賣相很美，晶瑩剔透，入口即化。最後店員介紹他們有一些自家製燒酌，下次一定要試一試!

今日到尖沙咀逛街，行到好攰，見有間樓上鋪餐廳，就走去歇下腳。餐廳好熱鬧，好有氣氛，見餐廳門外那隻大肥豬裝飾，就知道呢度主打吃日本豚肉。我因為要駕車，所以改飲無酒精飲品 ~ 乳酸及巨峰提子飲品。少少甜，乳酸飲品帶少少酸，配串燒吃好夾。蒜子蕃茄沙律蕃茄顏色好靚，去咗皮，配酸酸地嘅沙律汁，好開胃。象拔蚌刺身象拔蚌好大隻，切得好薄，鮮甜、爽脆又彈牙。月見免治豚肉串外皮燒到少少焦香，侍應好貼心，幫我用扒义開肉串，又教我將豚肉串沾生雞蛋黃吃，果然又香又滑，啖啖帶蛋香，冇得頂！西班牙黑豚豬頸肉串少少肥，肉質好爽，沾柚子胡椒檸檬汁吃，一啲都唔膩。味噌煮豬手味噌煮豬大腸兩款味噌煮都炆得好腍好入味，帶少少汁，食完串燒再食濕濕地嘅味噌煮，好舒服。最好嘅係豬大腸洗得好乾淨，令人非常放心食用。呢間餐廳最適宜一大班朋友約埋吹下水，飲下酒，食下串燒，一樂也！

今日放工出左去尖沙咀食晚飯，上openrice見到呢間日本餐廳有咁多好評，睇相同睇餐牌都覺得質素唔差而且價錢合理。自己本身係好鍾意食日本野，不過係鍾意食魚生多，對熟食冇咁大興趣，不過朋友話好想食下串燒，於是我就同朋友去去試下。一入到餐廳就覺得好有日本居酒屋feel，我同朋友就被安排坐去吧檯，可以一路食一路望住師傅燒串燒，眼見師傅調味都調得幾足，灑鹽都好似有好技巧咁，絕對係用心處理好食材，感受到餐廳對食物同客人嘅尊重。另外，餐廳環境幾好，吧檯張凳坐得好舒服，而且服務員都好好禮貌，我相信只有真正嘅日式料理店先能夠令客人有賓至如歸的感覺。菜式方面，我地兩個人點了不少食物，每一款都頗有特色！蒜子蕃茄沙律：蒜子及葱花切得細小精巧，盡顯廚師功架，味道微酸醒胃。雞泡魚乾：雞泡魚乾難燒，火太大會燒焦，魚肉會硬，這個烘燒時間掌握得準妙，魚肉有彈性，不致太硬。豬顎骨肉串：師傅說這是豬的面豬登，吃上去口感似牛，味覺竟真的像在吃和牛一樣！豚肉蘆筍卷：點了些蔬菜中和一下，師傅將豚肉切得極薄，包住蘆筍，搶不到蘆筍的清新感。喜之次：最貴的一碟，但最值得。喜之次是深海紅寶石，同大眼雞同科，魚肉鮮嫩，而且多，不會因燒烤

Mokumoku Yakiton近排同個好鍾意食嘅朋友吹水，問佢有咩日式串燒推介，然後佢就介紹咗今晚呢一間居酒屋俾我。由於佢對食真係好有研究，而且我亦食過佢親手烹調嘅食物，我就毫無猶豫咁book咗今晚同女朋友提前慶祝生日。一坐低就叫咗杯京姬柚子x檸檬酒醒下胃，柚子味好重，甘甜再帶微酸，飲一杯熱下身無妨！然後叫咗一系列嘅串燒同食物，逐碟逐碟好有次序咁上菜，唔會一次過送到上枱，所以呢就好多急躁嘅香港人都未必啱食。或者咁講，你識得享受食物，先好去食。首先，豬喉軟骨，軟骨係幾特別，未去到雞軟骨嗰種硬度，食落口感幾過癮！然後係雞泡魚乾，呢碟真係出色，自問好鍾意食，所以每逢去日式料理都會叫，今次呢碟係一咬落去就有好多汁，唔會燒到太燶亦唔會太乾！另外仲有豬顎骨肉，食落似牛肉質感。厚牛舌同西班牙產夾心肉，兩者都肉汁豐富。由於本人都幾喜歡食魚，於是就嗌咗條喜之次，被喻為日本深海紅寶石，肉滑多汁，不過多骨，進食時要小心啲！盛惠$880，不過絕對值得！仲有一款叫白金豚，呢款真係不得了，肥膏入口會溶化，佢所䆁出嘅油香味簡直令人齒甲留香！如果你係對食有要求亦會講究的話，呢度真係絕對適合你，價錢雖然唔算好平，但係

平時睇電視見到好多日本人放工之後都會去居酒屋飲酒傾計，近年香港嘅居酒屋開得越來越多，令到我都好想嘗試一下。Mokumoku yukiton 格局好有日本居酒屋風格，燈光昏暗，人多亦都非常熱鬧，我哋亦都點左各式各樣嘅串燒。蒜子蕃茄沙律：細心嘅師傅將蕃茄去皮，令到口感更加嫩滑，蕃茄入口新鮮清甜，蒜子蓉同蕃茄嘅味道配搭一流。果味汽水（巨峰味）：食咁多濃味嘅嘢，飲返啲甜嘢會比較舒服。巨峰味嘅果味汽水，果味重，入口清爽，非常好味。象拔蚌刺身：象拔蚌非常新鮮大隻，肉質爽甜彈牙。西班牙產黑豚肩肉串 +厚切白金豚肉：豚肉肉質柔軟，肉味香濃，肩肉肉味香濃，雖然入口較油膩，但係點上店員推介嘅柚子胡椒同檸檬之後可以解膩。日本蘿蔔一串：食左一輪串燒，食下啲有湯嘅野，濕濕地，好舒服。味噌煮過嘅日本蘿蔔好入味，蘿蔔無渣，入口清甜！山形縣產煙燻豬腩：煙燻嘅味道非常香，食落鹹鹹地，有少少似煙肉，喜歡飲酒嘅話用黎送酒，簡直一流。豚肉秋葵卷:露筍以豬肉提味，爽口清甜,味道唔錯。呢度雖然係日本居酒屋嘅格局，但係都能帶俾人一種食法國大餐嘅享受，每道菜之間都會相隔一段時間，由十分鐘到半個鐘不等，等你哋可以慢慢傾計，慢慢享受，今

個晚同朋友去開尖沙咀行街，無意中俾我地搵到間串燒店。呢間主要係用豬嘅唔同部位做串燒！講下最好食既月見免治豚肉串先。將生蛋黃撈埋豚肉串一齊食，味道好新鮮，食大大串都唔會覺得膩。另外仲叫了牛肉串。牛肉上面有牛油，令到串燒更加香口，牛肉都好多肉汁。豬肉方面我地仲試咗豬脷串，兩串豬心，煙燻豬腩，豬顎骨串，西班牙嘅黑豚豬頸肉，仲有西班牙夾心肉等等。豬頸肉爽口，豬腩肥瘦啱啱好，燒完出黎嘅豬油令到串燒更惹味；厚切嘅豬脷口感好豐富。除咗豬之外，另外生蠔同埋佢地嘅刺身盛兩樣都十分新鮮。

約了朋友食晚飯, 去到一間位於尖沙咀厚福街一個商業大廈內的樓上鋪, 這間的日本燒物超好食, 他們的冰鎮京姬蘋果酒也都是非常好飲! 待我們落了order後, 頭盤涼拌番茄好快來到我們面前,這涼拌番茄的賣相甚是好睇, 剝了皮的番茄原隻放在碗中間, 碗底有醬汁浸住番茄, 夾起番茄, 原來已是切開幾件, 方便食用, 送入口, 番茄天然的酸甜再加上醬汁的味道, 頓時令人胃口大開, 好味道! 之後上來了刺身盛, 包括有油甘魚, 三文魚, 帶子, 甜蝦及海膽, 樣樣嘢又大件又鮮甜, 食到我們舐舐脷. 他們的生蠔都相當唔錯, 我們叫了個生蠔刺身, 生蠔肉質爽口, 食落口鮮甜, 食完都口有余甘, 相當好食! 之後我們order的串燒都陸陸續續來到, 我們叫的串燒大多是頗為刁鑽的平時少見的部位, 食就要食的特別的嘛!見到這間有咁特別的串燒, 咁係要食下啦, 我們order了西班牙夾心肉及黑豚肩肉串, 仲有豬顎骨肉串, 有的部位香淋, 有的部位爽口, 但全部都好有豬肉香味, 而且越嚼越滋味, 認真唔錯! 連豬大腸串及豬脷串都非常好食, 豬大腸一D都唔騷,外皮燒到脆卜卜, 同食炸豬腸一樣咁好食, 豬脷非常厚肉