Mokumoku Yakiton (厚福街)

個晚同朋友去開尖沙咀行街，無意中俾我地搵到間串燒店。呢間主要係用豬嘅唔同部位做串燒！
講下最好食既月見免治豚肉串先。將生蛋黃撈埋豚肉串一齊食，味道好新鮮，食大大串都唔會覺得膩。

月見免治豚肉串

另外仲叫了牛肉串。牛肉上面有牛油，令到串燒更加香口，牛肉都好多肉汁。

牛肉串

豬肉方面我地仲試咗豬脷串，兩串豬心，煙燻豬腩，豬顎骨串，西班牙嘅黑豚豬頸肉，仲有西班牙夾心肉等等。

豬腩肉

豬脷

豬心

豬頸肉爽口，豬腩肥瘦啱啱好，燒完出黎嘅豬油令到串燒更惹味；厚切嘅豬脷口感好豐富。
除咗豬之外，另外生蠔同埋佢地嘅刺身盛兩樣都十分新鮮。