Mokumoku Yakiton (厚福街)

營業中

休息中

突然好想食日式串燒，每次食串燒都會喜歡去居酒屋，因為氣氛比較地道，即時相約朋友到尖沙咀厚福街一間Mokumoku Yakiton 的高質日式串燒店。番茄（前菜）蕃茄平時很少食的，但呢個食落爽口鮮甜，酸酸甜甜非常開胃👍刺身盛（4款）刺身款款色澤新鮮，牡丹蝦有手掌般大隻食落啖啖肉，肉質爽口鮮甜。月見免治豚肉串豚肉串會配埋一碟新鮮雞蛋，一啖食落好有咬口亦非常多汁,雞蛋輕輕攪拌兩下再將豚肉加入蛋漿一齊食，肉質好幼滑鮮嫰👍秋葵豬肉卷薄薄的豬肉片包著健康有益秋葵，啖啖秋葵香氣而且燒得好香脆👍雞翼串雞翼外皮燒到金黃色，骨肉分離容易入口，一咬落去肉汁咇晒出嚟，鹹鹹香香不用配任何醬汁已經好好味😋牛舌（厚切)燒牛舌鹽香味重得來不會太鹹，而且燒到好香脆，送酒一流👍

五年沒有見的朋友由新加波回來香港, 尽地主之宜帶朋友香港大吃一餐, 挑選了尖沙咀這間樓上日式店相聚。大約因為疫情的關係, 店的人流不多, 店員能有更多時間招呼我們, 因此都覺得服務十分好。日本餐當然少不了刺身及串燒, 相聚當然也少不了酒。我們點了一客四色刺身拼盤,有三文魚, 帆立貝, 油甘魚及赤蝦。無款都十分厚切,三文魚金黃色的肉, 魚紋清晰, 潔白的帆立貝, 大約三隻手指般大, 入口清甜綿滑, 油甘魚淡紅色的肉, 十分肥美, 魚香味重, 而赤蝦, 蝦肉晶瑩剔透, 咬下清甜肉爽, 新鮮無比;其后點了一些串燒芫茜卷, 夠特別, 很少店會有, 而且平時不太喜歡吹芫茜的我, 這裏的芫茜卷做得十分惹味, 一片肉把芫茜卷起, 芫茜爽口且味淡, 感減輕肉的膩感;另一首厚切白金豚, 白金2字感覺十分高級, 吃起上來, 豬肉的油份十分香口, 整串肉的肥瘦比例大約7:3, 入口即溶, 吃完有少少膩感, 但齒頰留香;吃完白金豚來一客顎骨肉, 顎骨肉口感另外, 相對較瘦, 肉較粗糙, 但豬肉味較重, 而且吃完也不見油膩感。燒豬肝串也挺特別的, 豬肝切成小份燒至每一粒都金黃色, 口感較硬, 每一口的豬肝味較為

上次同朋友食咗牛主題嘅串燒居酒屋 覺得個體驗都幾好，跟住今次同返同一個朋友去食依間以豬做主題嘅❤️呢排食肆生意唔係好好，更何況樓上鋪。一入到去會幫我哋量體溫，仲好細心俾咗個袋我哋入住口罩。喺呢啲位置度已經知道呢間餐廳服務好我哋揀咗吧枱坐咁就可以見到師傅燒😂 一開始有蕃茄前菜 開下個胃！我哋一開始叫咗一個刺身，劍魚腩超級讚 隻蝦大到爆！有五種刺身只係298 仲要係多份量！朋友想試煙燻豬腩 全晚真係剩係得呢個我自己一般。本身我唔係好鍾意食煙燻類嘅食物 覺得太有腌製品嘅感覺雖然佢唔係然之後全晚我哋試咗好多豬嘅唔同部位，不過係想到呈現唔到😂我自己最愛就係 「豬肩肉串」佢好似和牛咁香！豬顎骨肉 都一定要試呀！勁香😂😂完全冇蘇味！煙肉流心蛋- 燒完都仲係留心，配埋煙肉同埋上面櫻花蝦好夾！另外仲有3串夾住唔同野嘅豬肉卷！有花生苗，好得意第一次食，真係好有花生味😂（但係呢個係季節性食品）仲有蘆筍，紫蘇葉。全部都好juicy 食到咁上下，師傅問我地要唔要試下佢哋自己釀製嘅酒！原來都25%酒精 佢請咗我飲一小杯，真係即刻解除左全消嘅肥膩感覺 好正林尾 share 沾麵 我朋友話佢係佢食過最好味！味道岩我呀都

以豚肉料理為主題的日式餐廳，第一時間就想起這家，自家釀造的果酒及創新的豚肉教人留下深刻印象。疫情當下，門口當眼處亦擺放了消毒潔手液，相當貼心。醬油蕃茄醬油蕃茄 清新的鮮蕃茄底部吸收了醬油香，酸甜開胃。北海道生蠔 肉身肥美嫩滑，入口清甜，淡淡的海水味隨後而至，而鋪面的辣蘿蔔蓉亦使鮮味更出。白金豚肉林檎紅薑卷香甜的日本產蘋果以簿切的豚肉卷著燒，外面香軟，咬下爽甜，果香與豚肉的油香絲毫沒有違和，層次感十足。免治豬肉釀冬菇冬菇水份充足，彈牙的免治豬肉拌勻洋蔥粒釀冬菇，冬菇香味與豬肉的咸味相當搭調。味噌煮豬手吃完刺身當然要來個煮物暖一暖胃，我們點了味噌煮豬手，自家調製的味噌汁香味濃郁；豬手醃得入味柔軟，絲絲入扣；而鋪面的白蔥亦使口感更豐富。燒雞翼自家醃製的燒雞翼皮脆肉嫩，恰到好處的火侯將肉汁完好封存。煙薰豬腩肉厚切的腩肉肥友相間，口感厚實，肉味比煙肉更香更濃。牛小排牛小排顏色鮮嫩，肉質鮮美，口感較為彈牙帶嚼勁牛香味濃郁。燒牛舌牛舌大片而厚身，肉質結實緊緻，爽口多汁。豬大腸入口彈牙，油而不膩，撒底洗淨的鮮大腸沒帶半點腥。最後以燒菠蘿作結，外皮焦糖薄脆香口，內裡仍保持溫熱多汁，想不到菠蘿也能燒得如此

自從上一次在銅鑼灣試過一間很高質的牛串燒後就念念不忘。網上見到另一間在尖沙咀以豬串燒為主打的餐廳同樣有很多好評，食店類似居酒屋形式，很適合跟朋友和同事聊天，所以今天就決定一試，果然名不虛傳， 餐廳的食物及服務質素十分高質！今次座位選擇吧檯，可以望到師傅烹調食物的過程。店員亦十分細心，上座後就幫我們量體溫及提供膠袋以便存放口罩。另外店員很快就端上蕃茄前菜，味道清甜，大蕃茄但有車厘茄的味道，吃完後十分開胃，可以好好迎接主食。在食串燒前先點了一份刺身，有大蝦、三文魚、帶子、劍魚及海膽。每款食材都十分鮮甜，連本身不好海膽的我亦覺得很好吃，油香十足，一點苦味都沒有，非常鮮甜新鮮。而點的串燒以豬肉為主，很久沒有試過這麼高質的豬串燒，豬肉沒有豬臊味，食得出很新鮮，調味亦不會過鹹。串燒分別有：煙燻豬腩、西班牙黑豚肩肉、西班牙夾心肉、豬顎骨、肉豬腩骨、肉厚切白金豚肉、白金豚肉流心蛋捲、露筍豬肉捲、紫蘇豬肉捲及花生苗卷。露筍豬肉捲及紫蘇豬肉捲分別用薄切豬肉包住露筍及紫蘇葉。師傅的技術十分高超，外邊的薄豬肉雖然薄燒但仍然很嫩滑，一點都不乾或嚡口，至於蘆筍則多汁鮮甜又爽口，紫蘇葉被烤香後亦很夾豬肉味，兩者各有

<香港·尖沙咀> 下？？「喝醉會有親密行為，增加感染風險」👅👅👅 唔飲酒都會想同你「厚切牛脷」有親密行為!!! 坐我哋對面既居酒屋師傅聚精會神係咁燒，係咁燒！初時以為燒緊厚切午餐肉...原來係巨巨巨厚切牛脷🐄👅！！！牛脷燒得好香口又JUICY!!! 如果燶少少就好啦！更香口hehe!!! 越食越好食係個口到咀嚼着一啲都唔銀而且好爽口同出邊嘅全消味道好唔一樣#mokumokuyakiton #tst #禁酒

一直好鍾意去居酒屋同朋友傾計、食串燒、飲兩杯既感覺。朋友推介厚福街樓上居酒屋，就襯今晚一齊去輕鬆下。刺身盛有赤蝦、三文魚腩、帆立貝、海膽、油甘魚，各2-3件，每一款都好新鮮，特別係海膽，入口鮮甜，鐘意食海膽既一定要試。厚切白金豚肉Mokumoku最出名就係豚肉，未食已經聞到陣濃濃既香氣，一啖咬落去質感非常豐富，肉味係口腔入面凝而不散。必點！蒜心豬肉卷 青椒芝士豬肉卷 紫蘇豬肉卷以豬肉卷搭配唔同蔬菜，食落更加清新，三款串燒各有特色，個人最鍾意紫蘇，帶出豬肉卷既肉香又唔會有平時食肉既油膩。厚揚 牛小排木魚碎令燒豆腐更加惹味；牛小排肉質鮮嫩，肉汁豐富雞翼串 粟米雞翼串拆左連骨，雞皮燒得好香而雞肉仲好嫩；燒粟米保持到粟米既水份，入口都係清甜各式豚肉內臟都好出色，不過朋友唔太好所以只有點1-2款亦都冇影相，特別推介豬心，可以一試。總括黎講，服務好，環境唔錯，食物質素高，最緊要係衛生，入餐廳前仲要探熱，係呢個肺炎下亦食得好放心。

雖然這陣子儘量也留在家中晚飯，但今晚確實按捺不住，去了尖沙咀mokumoku吃串燒歎清酒。前菜一坐下來侍應便立即放下了這碟前菜，新鮮剝皮蕃茄加上蘿蔔蓉及香蔥，配合少少甜的醬油，美味又開胃。君之井 山廢 純米吟釀今晚全場飲品也是買一送一的呢，這瓶清酒酒質干辛，淡麗辛口，有淡淡的回韻味。北海道岩蠔岩蠔肉質飽滿，口感鮮嫩，加了一些碎蔥及蘿蔔蓉，去除了膩滯感。刺身盛想不到這間專門吃豬串燒的店也有刺身盛可以點，而且重點是有鮮甜海膽呢！油甘魚油香魚滑，帆立貝爽彈鮮味，赤蝦肉質厚實彈口，擺碟精緻非常有心思。秋葵豬肉卷用了薄切豚肉包著清新嫩綠的秋葵在內，外面的豚肉燒得香脆可口，與秋葵一拼吃下，不會有油膩感。雞翼串燒雞翼是我的最愛，當然也要點一份來歎歎。雞皮燒至金黃色，而雞肉卻嫩滑無比。日本長蔥串燒蔬菜一向是難度比較高，因為蔬菜類沒有油份而且比較乾身，但這間餐廳卻做到了，長蔥燒至不油不乾，加上長蔥上面的甜豆很惹味，感覺很清新。厚切牛舌雖然以豬為主，但牛舌也非常不錯啊。厚切的牛舌灑上黑椒及鹽作為調味，已經十分惹味，牛舌肉質爽嫩，有嚼勁。一藏豚骨湯拉麵最後不夠飽還點了一碗拉麵，以價錢及質素來說，是中規中矩，

今日在尖沙咀看完電影後便順便去吃晚餐，找到這家在澳門逸園中心的日式串燒居酒屋，地點方便，食物質素高。餐廳的門口招牌和室內牆上都有以豬的圖案裝飾，可愛精緻，今晚客人都較多，差不多坐满。君之井山廢 純米吟嚷300ml酒味香醇，帶有淡淡的果香味，易入口，是食串燒的好配搭。餐廳現在還做所有包括酒類的飲品買一送一的優惠，很吸引。前菜 蕃茄沙律用新鮮的日本蕃茄，鮮甜多汁，爽脆可口，有酸酸甜甜的沙律汁，是開胃之選。生蠔刺身生蠔大隻厚身，鮮甜滑溜，口感爽脆，不帶腥味，帶有淡淡的海水味。刺身盛 五點有三文魚，油甘魚，海膽，帶子，牡丹蝦等，鮮甜嫩滑，香甜可口。牡丹蝦很大隻，彈牙爽甜，蝦味濃郁。海膽味道香濃，入口即溶。秋葵豬肉卷燒得香氣撲鼻，以較薄身的豬肉卷住秋葵燒，熱騰騰，秋葵清甜爽脆，和豬肉的油脂香味互相配合。西班牙黑豚肩肉串西班牙的黑豚肉味道特別香濃，嫩滑可口，肉汁充沛，口感結實有咬口。西班牙夾心肉豬肉肥瘦適中，燒得剛好熟，入口油脂香味散發，味道香甜。雞翼串雞翼大隻多肉，燒得外脆內滑，惹味可口，雞肉軟稔軟滑，多汁鮮甜。牛舌(厚切)牛舌特別厚身，燒得嫩滑多汁，煙韌有口感，牛肉味濃郁，爽脆美味。一藏豚骨湯

收工約左朋友食飯, 朋友提議食串燒, 上網見到呢個評價唔錯, 就上左去試下.入到去我地簡左坐BAR度, 因為可以直接睇住師傅燒.首先叫左支清酒, 月之玉響. 同一個刺身併盤.清酒來自新潟的越乃雪樁酒造, 味道清洌帶辛口, 同刺身, 串燒非常搭配.刺身有海膽, 帶子, 三文魚, 油甘魚和甜蝦, 每樣都十分新鮮.食完刺身, 叫左D串燒免治豚肉串- 常非香口, 有油香同咸香厚揚 - 厚揚豆腐口感特別外酥內嫩, 口感特別豬肝串 - 鹹鹹甜甜的, 豬肝火侯拿捏好，嫩嫩的非常美味栗米 - 超甜栗米, 新鮮, 粒粒分明

今日放工同事問我有冇興趣去飲番两杯食串燒，我都好耐冇放鬆，一於一齊去輕鬆下，跟他們來到了這間Mokumoku Yakiton。他們說是專門食豬的日本串燒餐廳，來到餐廳，富日本居酒屋的味道，氣氛感覺不錯。京姫 一酌一景 大吟釀 300ml $258果味相對其他清酒較為重些，清純易入口。蒜子蕃茄沙律 $28賣相精緻，剝左皮嘅蕃茄，入口冰凉，汁味濃，鮮蒜蓉味道也比較濃烈，整體都幾不錯。Mokumoku 沙律 $98Pama ham 日本沙律菜、蒟蒻、羽衣甘藍配意大利黑醋刺身盛合五款 $298牡丹蝦 - 夠大隻，鮮甜嫩滑。海膽 - 香滑甘甜。三文魚 - 新鮮厚切，腍滑香甜。帆立貝 - 好大粒又厚身，鮮甜嫩滑。油甘魚 - 同樣厚切，脂香重些。BBQ辣肉香腸 $88香腸帶點辣度，味道香濃，再蘸上點蜜糖芥末，佐酒一流。白金豚肉流心蛋卷 $38賣相有特色，用豚肉巧妙地包著流心蛋，上面灑上櫻花蝦，口感鬆化，豚肉味道香，配上流心蛋，口感味道更豐富。西班牙黑豚肩肉串 $38西班牙黑豚豬頸肉上串 $38西班牙產夾心肉 $38點了一系列的不同部位的西班牙豚肉串，不同部位食落口感都稍有不同，但全部肉質都不韌，而且

今天和朋友到尖沙咀見面,大家說想飲點酒,用OPENRICE找附近的餐廳,就找到這家在厚福街的餐廳。餐廳在藍馬商業大廈16樓,門口有消毒洗手液及濕紙巾提供,在這個時勢,十分貼心,值得一讚!先來一個頭菜: 蒜子蕃茄沙律, 微辣又帶點酸的醬汁, 配上超新鮮爽口的蕃茄,完全把胃口開了!這個前菜十分高質! 這一杯柚子梅酒同樣高度推介,酒味香濃,加上甜甜的柚子味道,兩者合而為一,超好喝!第一道菜就是刺身盛! 帆立貝超新鮮爽口,三文魚腩和油金魚都十分肥美,海膽超香超新鮮,兩只赤蝦滿滿的蝦膏和超飽滿的肉,超高質的刺身!再來就是串燒,這個 白金豚肉流心蛋卷 就是燒豚肉加上一只流心蛋,豚肉燒得香脆但又能把肉汁鎖住,每一口都和流心蛋融合,意想不到的好食!厚切白金豚肉,真的是厚切,豚肉和脂肪比例剛好,又有脂肪的香和口感,又有燒得香脆豚肉的味道豬肝醬釀雞翼,這道菜是熱賣的,經常一出就賣光,幸好今日能吃到,雞翼內把豬肝醬釀得滿滿,雞翼的香和肉汁配上豬肝醬的味道,一拍即合清煮帆立貝, 帆立具新鮮爽口, 煮得十分入味, 湯也很好喝, 十分清甜煙燻豬腩, 比厚切在厚一點的感覺, 煙燻味比起串燒是另一種香味, 同樣是上軟

閒來無事食下好西獎勵下自己，今日黎到厚德街依間高質日本菜，貴就貴d，但包你覺得正。佢唔係一般的日本菜，佢有一d串燒內臟選擇，出面一定冇。唔講廢話，直接睇圖前菜蕃茄，酸酸地，開胃。刺身拼盤 ($298)刺身好鮮味，海膽1d都唔腥，蝦好大隻，食埋佢d膏，好重海水味，唔係死實實的刺身白金豬肉流心蛋卷一定要叫！係爆醬架！食落好有驚喜！加上豬肉香，好好食豬肝醬釀雞翼必叫！此生冇食過咁好食的雞翼，豬肝香混入雞翼，雖然有點滯，但好食燒牛串串燒必點，有牛味，易咬，不油膩，唔錯九條葱卷平時一定要叫走葱既我，聽到隔離枱話好食就試下，點知真係好食！上面有豬肉吊葱香，同平時茶餐廳的水準不一樣啦黑松露牛油炒雜菌黑松露香，份量ok秋葵豬肉卷清清地，可以解掉其他串燒的油膩燒菠蘿解下油份，消滯不錯

Mokumoku以豚肉揚名，每隔一段時間會增添時令新菜式。久沒出外，晚飯即與朋友相約至此聚餐。一入店內還是被大大的木豬牌吸引，師傅以不同手法料理不同豬肉部位為特色。刺身盛合五款包含帆立貝、赤蝦、油甘魚、三文魚、海膽，約各三件，份量滿多，價格相宜。白金豚肉林檎紅薑卷豬肉卷扎蘋果再燒製，豚肉爽而香口，蘋果質感爽中帶軟滑水潤，入口夾雜薑汁的辛口。免治豬肉釀冬菇冬菇水份充足，免治豬肉拌勻洋蔥粒釀冬菇，菇香帶動豬肉洋蔥香。味噌煮豬手、牛筋師傅熬煮味噌湯再炆各種肉類及菜類，食材吸附湯汁，入味非常。蘿蔔：質感軟腍無根，味噌完全吸附在蘿蔔內，咬下鮮甜。燒雞翼師傅先把雞翼雙連的骨架拆開，再把雞翼燒至外皮香脆。雞肉更鬆嫩香口，雞肉肉質嫩滑多汁。煙薰豬腩肉香氣有點類近煙肉香，但質感厚身爽嫩，煙薰香香味持久，肉味更香更濃。牛小排牛小排肉質鮮美，口感較為柔軟彈牙，肉汁豐富，口感水潤。豬顎骨肉顎骨肉彈牙爽脆鎖緊水份，肉汁豐富。豬大腸外皮酥脆內里富彈性，逼出油份，整件香口不油膩。總括來說，師傅服務態度好，食物質素不錯，燒肉店內環境乾淨空氣清新，總觀感是值得一吃。

🎖高質串燒慢食居酒屋.呢間野係波波成日話好好食，咁多次之後先第一次同老人家我黎🙈呷醋呀😂.叫左一條池魚$298😍真係唔錯幾鮮味、wasabi 係鮮磨個種👍🏻串燒有部份係兩串起，落單個陣個店員會同你講埋係一定兩串，唔會亂😝老人家食過好食下次會再叫既有：香脆明太子燒飯團🍙、猶如大版豬油渣既豬腩脂、脆口易咬豬耳、有咬口大腸、香濃厚切白金豚肉😋、重口味送酒必備既酒盜芝士、超甜蜜糖燒菠蘿🍍其實仲有個豬肝釀雞翼但係店員話好快就冇晒🤣🤣下次黎要試試預訂先得😁.有啲要提提😝：超重口味如老人家我既都唔係好頂得順既網油豬腦卷，塊網油係超級內臓味之餘兼咬開爆腦漿😂😂😂我都投降，白鱔就唔好期望太過高，怕腥既朋友或許會食到有少許泥味🙈.重點要讚讚呢度既店員❤️忙到冇停手都笑容滿面，同好有禮貌咁盡快幫番你👍🏻👍🏻