Mokumoku Yakiton (厚福街)

營業中

休息中

尖沙咀呢間居酒屋主打串燒，啱晒同朋友傾偈飲嘢！等待串燒嘅來臨，先叫一個刺身盛$298有五款：有海膽、三文魚、帶子、油甘魚及赤蝦😍全部都好新鮮，好好食，夠肥美！海膽鮮甜；三文魚肥美；帶子厚切鮮甜；油甘魚夠油脂又唔腥；赤蝦超好食！大大隻新鮮爽口！前菜係凍蕃茄～好開胃！叫杯乳酸梳打🥤食串燒一定要飲嘢，酸酸地好開胃呀！串燒（以下是每串價錢）西班牙黑豚肩肉$38-燒完脆脆地，肉夠林好味，黑豚肉香，唔會好肥！豬皮$28- 呢個燒完好得意，個皮煙煙韌韌，唔會油膩，面上仲有啲醬汁好好食！豬大腸$34- 一上枱已經好香，豬大腸燒到好香脆！嗰浸豬大腸味真係好正！免治豚肉串$58-好大條！呢個好好食，入面有少少洋蔥香，表面脆脆地。本身鹹鹹地，但點埋生蛋味道非常夾！呢度啲食物超級高質！串燒師傅真係燒得好好食！

放咗工同女朋友去尖沙咀行街，經過厚福街，因為朋友想食串燒，所以就揀咗mokumoku yakiton。首先有一個開胃既蕃茄前菜跟住叫咗個粒貝刺身，第一次食真係好有驚喜，好爽口，又鮮甜。柚子味梅酒同京姫蘋果酒，甜甜地再加酒香，好易入口跟住就係依度好出名既豬肉串燒，包括:煙燻豬腩，月見免治豚肉串，豬小腸串，豬心串，燒得好有水準同心機，食落去肉質仍然鮮嫩。林擒紅薑豬肉卷，秋葵豬肉卷，紫蘇豬肉卷，用香滑豬肉包住其他食物，真係特別好香口。最後仲有豚骨湯沾麵，真係夠哂飽

一行四人，晚上來到以豬做主題的串燒居酒屋，因為是OpenRice入圍餐廳之一，抱住有一定信心來到餐廳，由於已一早訂好位，店員馬上安排入座。餐牌上有各樣形形式式以豬為主嘅菜式，串燒種類很多，當然也有其他不是豬的菜色可選，例如刺身、雞翼、味增牛筋等等。今次值得推介的有以下：紫蘇豬肉卷：吃到濃濃的紫蘇葉味，LIKE西班牙黑豚豬頸肉串：吃到香甜，有驚喜！越見免治豬肉串燒鰻魚串：做法不是濃醬汁而是簡單的鹽燒燒芝士年糕：口感軟滑QQ豬肝醬釀雞翼：雞翼真的燒得很香脆，抵讚總結：餐廳環境不算大，滿座的時候都十分熱鬧，算是比較嘈吵的環境，食物質素高，尤其是雞翼即使點過普通嘅燒雞翼都應該很好吃，以豬做主題的串燒店都很到位，只是店內嘅服務員比較少，但都有禮勤收碟，不過吃串燒不能心急，因為每一串都是精心燒出來的，有時總會有漏單或者上菜慢嘅情況，這也可是理解的，畢竟香港人心急。　

最多豬嘅居酒屋今日做完gym之後，去會合家姐食晚飯！食我鍾意食嘅串燒！呢間係專食豬串燒嘅專門店！嚟到居酒屋緊係要點杯酒啦！點咗杯京姬柚子檸檬酒，有啲甜甜地，有柚子嘅清新味道！每一台客人都有一個頭盤冷蕃茄，凍冰冰酸酸甜甜好開胃！食完前菜開胃，就叫左兩款刺身，分別係象拔蚌同白子刺身。象拔蚌刺身要預訂，份量十足，香甜可口。白子刺身有好多人未必鐘意，不過呢到整得比較合適香港人口味，可以一試。主角串燒方面首先叫左煙燻豬腩，食落有d似煙肉，不過好juicy，肥瘦適中。豬顎骨肉串，有d似豬軟骨既感覺，不過無咁硬，呢到整得仲幾脆口tim。之後點小得豬內臟，分別有豬小腸、大腸、生腸。唔洗擔心三款都洗得十分乾淨，一d異味都無，只有油香味。白金豚肉流心蛋卷顧名思義係薄豚肉卷包住流心蛋，蛋黃香加上薄薄既豚肉，一絕。秋葵豬肉卷同皮蛋豬肉卷 都係用豬肉包住食材，秋葵爽脆，皮蛋香濃，帶出兩款唔同感覺，都係不容錯過。同後就係燒舞茸，唔好以為好簡單，師傅燒到外脆內多汁真係唔容易。真係好飽，今晚不吃雪糕了，點了一份燒菠蘿當甜品，好滿足嘅一餐！

同好姊妹係尖沙咀shopping 完，又想飲下酒食下串燒，於是諗起之前同好友上黎食過主打食豚肉的居酒屋先來一個清新的番茄前菜打開味蕾，然後來個加入柚子汁帶點酸味的白子剌身，跟隨再來多客新鮮爽口鮮甜的貝粒刺身期間限定自家製檸檬燒酒，清香的檸檬味中和了燒酒的辛辣，值得一試鹿兒島煙燻豬腩，燒得香口無比，入口感覺有點像吃煙肉，但豬腩肉有點厚度，來得更有口感月見免治雞肉串，將整串豬肉串混入日本蛋黃一起吃，加添了滑溜感紫蘇豬肉卷，入口一股清幽的紫蘇味，然後是香滑的豬肉豬皮串，燒香了的豬皮咬落好煙韌，吃一串充滿滿滿的骨膠原，美容恩物還記得第一次食完尼個白金豚肉，讚不絕口，很美味，就來一個白厚切白金豚肉和白金豚肉流心蛋，前者入口充滿豚肉香味，加上調味得恰到好處，油脂雖然豐富，但絕不油膩至於白金豚肉流心蛋，師傅很用心機燒，豚肉燒得香脆，加埋櫻花蝦，味道更有層次感，尼個菜式很有創意，估唔到豚肉包蛋，成件事會咁夾日本青椒芝士豬肉卷，淡淡的芝士味夾著香滑豬肉，青椒減去油膩感，清新可口適逢放工時間，餐廳座無虛席，證明這裏的食物有一定的水準

細佬幫了我一個大忙，說好了請細路仔食飯，細路仔係食肉獸，我就訂了豬燒物專門店一齊食晚飯！坐低之後就會有前菜，冷蕃茄加了醬油調味，冰涼的感覺特別適合夏日！本身好鍾意飲日本的酒，喜歡Mokumoku的其中一個原因，就是這裡有非常多選擇的酒！尤其是自家釀制的！在我眼前就有一瓶檸檬酒，似在呼喚我一樣XD所以我就點了一杯！我真的覺得非常適合配搭串燒！很真實的檸檬感覺，酸酸地，微辛口，可解去串燒的油膩感！點了兩款刺身，都不普通的！象拔蚌和白子刺身不講笑，刺身真的好新鮮，象拔蚌鮮度爽口度滿分，令人念念不忘！新鮮的白子沒有腥味，口感細滑！對皮膚很好的食物！煙燻豬腩帶咸香的味道，燒到微微焦香，一層肉一層甘香的脂肪，令人欲擺不能！西班牙夾心肉幼嫩又帶濃濃的豬肉味，燒得不會乾，有豐富的肉汁！豬脷串厚肉又軟稔！簡單的黑椒調味已經好好食！白金豚肉流心蛋卷這個燒物真的極致！豬肉片包住流心蛋，加上櫻花蝦，咬開的感覺完全感受到那種層次！滿足！九條蔥卷好香的蔥味，惹味之選！皮蛋豬肉卷這個也是比較特別，第一次吃，味道也出奇地夾！點了很喜歡的舞茸，爽口又濃郁的菇味，很適合作燒物！

粒貝刺身$328起初以為質地地會滑潺潺 原來呢個係錯誤想法 一點潺的感覺也沒有 味道好鮮 口感非常爽脆 還帶有一點海水味白子刺身$98軟淋淋嘅質地 又帶點滑捋捋 個口感係幾得意嘅 人一世物一世點都要試下 好少地方可以食到白子刺身 叫定杯啤酒迎接之後的串燒 冰凍嘅生啤配串燒是無敵的月見免治豚肉串$116/2鍾意佢個口感 依然可以食到一粒粒豬肉 表面燒得焦脆 內裏充滿肉汁 醬汁味道甜甜的 還可以配合蛋黃醬一起吃 味道更香濃 帶有日式風味白金豚肉流心蛋捲$76/2好特別嘅配搭 流心蛋外包住豚肉片 一咬開隻蛋 有好震撼嘅感覺 啲蛋黃好似熔岩咁流出嚟 蛋黃好香 其實我真係好鍾意食流心蛋豬顎骨肉串$76/2肉汁好豐富 唔講其實唔會覺得係豬肉 因為佢嘅顏色比較深 有啲似牛肉 相對肉味比較濃 這個推介 很好吃豬小腸串$68/2外皮煙煙韌韌 燒過之後帶點脆口 一邊咬 一邊有回彈嘅感覺 沒有半點內臟的騷味紫蘇豬肉捲$64/2紫蘇葉的香味獨特 咀嚼之下 帶有一份清新效果煙燻豬腩$128腩肉半肥瘦 厚度適中 相當有咬口 煙燻味道清香獨特燒飯團$76/2餡料是明太子 粒粒魚籽帶有鹹鮮味 飯糰外層燒至已經變成飯

香港的疫情也漸漸見到署光, 大家也想和朋友分享美好的美食,雖然在限聚令之下，也不能超過八人聚會，但是在香港尖沙咀食店林立的厚福街也充滿了熱鬧的氣氛，希望香港明天會更好.食店用豬來做主題， 不同豬的部位，十分之有特色.這個油甘魚十分之香滑加上三文魚的肥美簡直是美好的配搭.牛面肉十分之香滑有十分之香濃的牛味.這個煙燻豬充滿了濃濃的香味油脂分布也十分之平均.免治雞肉串加上了日本的雞蛋味道十分之香濃所有蛋汁也掛在雞肉身上.雞翼十分之香脆加上廚師的火侯控制的十分之好，令串燒的精華發揮得淋漓盡至.最後的拉麵也十分之有水準麵爽口彈牙.

疫情期間不少食肆都難以經營，甚至面臨結業倒閉風險。能夠撐得過多數是人氣店，而今晚就相約朋友到這間以豬作主打人氣居酒屋品嚐美酒佳餚啦!位於尖沙咀的MOKUMOKU YAKITON於厚福街藍馬商業大廈之中，而大大優勢在於營業時間由中午3點至凌晨1點，非常適合下班後消遣的我們．店內日式裝潢完全能夠讓食客融入店來氣氛之中。前菜番茄沙律象拔蚌刺身通常居酒屋都有時令款式，當然在MENU之中就沒有。今次就點選了刺身象拔蚌，師傅將蚌肉切成多片，而大小剛剛好方便入口。刺身於適量解凍後才上碟，完全不會食到冰碎粒等，反而帶清涼更能提鮮。蚌肉爽口略帶微甜，新鮮海產沾不沾刺身豉油也非常美味!!!京姫柚子梅酒淺間蘋果甜酒一場來到居酒屋，無酒不能盡興，所以點了2杯酒伴串燒入口啦!Suntory生啤除了甜酒梅酒外，生啤配上串燒簡直是完美組合。(店來廣告可以見到Suntory有生啤X黑啤 50/50之選，有興趣朋友可以一試)日本山形縣煙燻豬肉配蜜糖芥末醬較多客人點的一道豬肉，整份豬肉以煙燻醃製，未上碟就已經聞到香味，而入口煙燻醃味都較重，沾上旁邊的芥末蜜糖醬會更好味。月見免治豚肉串這味是人氣招牌串燒!!先將豬肉用免治方

即使去不到也要在港中感受日式美味，所以相約朋友在居酒屋慶生，一嗜渡滋味!京姫柚子梅酒(左) 淺間蘋果甜酒(右) 每人有一客蒜子番茄沙律日本象拔蚌因為一早預訂，電話預約時留上新鮮時令海鮮，店員還提醒需要3-4日前預訂先能夠享受得到。日本象拔蚌切成細細薄薄，味道鮮甜，口感爽彈，2人份量剛好。月見免治豬肉棒月見意思是如字面一樣是賞月的意思，在食材上用了雞蛋作比喻，選材自北海道雞蛋配上免治豬肉。豬肉軟腍，沾上北海道雞蛋蛋黃，又滑又香，好好食☺️白金豚包豬腦日本岩手縣嘅白金豚肉彈同味濃，而且難以想象豬腦都可以咁好食，好似豆腐咁軟嫩。上邊有乾蝦香蔥和蒜片增添香脆的口感。日本山形縣煙薰豬肉 配蜜糖芥末醬豬肉肥瘦分明，單單聞一聞就已經體會到燻過後的特別之處。白金豚肉流心蛋卷食物不單止味道，賣相亦同樣重要，豚肉燒至白金色，包上白裡透黃的流心蛋，望著師傅一邊燒，雞蛋黃一邊流出，望到已經好吸引，最後在面上點上粉色乾蝦，一食蛋黃流出，好食!簡直食物色香味俱全。白金豚包九条蔥推介！整串串燒肥厚多汁!白金豚肉的油脂滲入蔥，一咬蔥超爽脆味道帶清甜，，而且食落夾雜豬油香，值得encore!燒生腸、豬皮生腸爽脆，醬汁酸酸

新年黎過一次之後，就心思思間唔時都會上嚟呢間居酒屋，因為食物質素真係唔錯，而且唔限時同朋友可以一邊飲酒一邊傾偈好輕鬆！今日又再一次嚟到！一嚟到店員都會比每枱客人一份蕃茄沙律做開胃菜的確好開胃酸酸甜甜咁！食燒肉咁當然要飲番杯燒灼！店員知道我都幾鍾意飲咖啡，佢就介紹我飲咖啡味燒灼！味道真係幾特別都係第一次飲咖啡味嘅酒！每一啖都好香咖啡嘅味道，濃濃嘅咖啡！叫咗個大啡菇！雖然外表好似唔太特別但係食落口真係好多汁好開胃！😂😂😂呢份燒五花䐁肉就正啦！ 有啲似叉燒但係佢比叉燒嘅口感再豐富肥瘦剛好剪埋個芥末醬就一流啦！入口唔會好肥膩好正！ 再叫咗一串燒雞翼呢度嘅消息消化好得意好將雞翼切開在燒肉即然好嫩滑，而且雞皮超得好！推介推介！每次食日本嘢有得揀食芝士年糕我都會叫，今次都唔例外！我比較鍾意食啲有用嘅嘢佢燒到外脆內軟入邊仲有芝士留心添真係好鍾意食！呢個係燒豬內臟朋友好鍾意食，我就一般般佢話入口好香脆成串一陣間就食晒啦😂😂😂係我哋都食得7788嘅時候已經好飽啦啲面仲送咗個小菠蘿我哋食真係好開心呢個焦糖燒菠蘿清甜得來一點都唔嚟為今日嘅晚餐畫上左完美嘅句號

今天是5月20日，當然要好好慶祝一下，不知道是520不是的關係，還是居酒屋的關係，很多食客的情緒都很高漲。可以坐在吧枱，看著廚司大顯身手，大飽口福之餘，大飽眼福。在香港，牛肉專門店不少，但豬肉專門店就相對較少，這間居酒屋不論食物，還是裝潢，都很能感受到豬之氣氛。厚切白金豚肉啖啖肉，燒烤完鎖住了肉汁。煙燻豬腩的煙燻味突出，必須要蘸一蘸含有芥末味的醬，令豬腩肉有另一番風味。隨了豬，亦有不少其他選擇，粟米和雞翼都是必點之物，粟米香甜，雞翼香脆。還有刺身配酒。

朋友介紹，尖沙咀有間日本串燒店專食豬，而且非常高質，我同朋友都愛食豬肉，於是跟呢位朋友一齊去試下。見有一張長Bar 枱，主要係用來燒烤的，吧枱上放了不同的豬擺設，非常別緻。沙律叫了蒜子蕃茄$28，有香蔥、醋和蒜味，好開胃。叫了刺身盛盒5款$298，有名貴的海膽、赤蝦、三文魚、帆立貝和油甘魚，食材好新鮮，魚生厚切，好肥美，赤蝦好大隻。期待已夠的豚肉串，即刻叫了幾串先，呢串係西班牙夾心肉$38一串，燒烤可以燒出肥膏，令外表香脆，中間層夾心肉，帶出豬肉的鮮甜味。再見到一串個名好特別，讀左幾次先讀到，白金豚肉林檎紅薑卷$38一串，白金豚肉肉質好淋，林檎原來係蘋果，好創新的配搭，好夾。再來是白金豚肉流心蛋卷$38一串，流心蛋加埋櫻花蝦同薄豚肉片，豬肉片好香脆。食左幾款豬，試下另一樣先，見到有白鱔串$52，當然要試下，鱔的底部都燒得好脆，魚肉又厚又彈牙，鱔味好濃郁。紫蘇豬肉卷$32，紫蘇葉襯埋豬肉原來又幾好食喎。另一類的豬肉烹調手法，月見免治豬肉串$58@，滑蛋加免治肉味，口感好滑，加上濃味燒醬汁，好惹味。日本青椒芝士豬肉卷$36，青椒加芝士都好夾喎，兩樣都好濃味。叫埋串燒必食的燒雞翼串$32，雞

同朋友很久不見，係網上見到呢間主攻食豬內臓串燒的餐廳好吸引，於是就相約來這裡飲下酒，食下串燒。疫情期間，入餐廳前都需要量體溫和用搓手液搓手，餐廳還給予我們膠袋放口罩，十分體貼。餐廳牆上有一豬的部位介紹，而且還用了很多不同的豬佈置，什為特別。原來這裡除了串燒，也有刺身、煮物等可以選擇。柚子梅酒、京姬梅子酒，食串燒點可以少了飲杯酒，前者柚子味較出，很易入口，很岩女士飲用，而後者梅味較出，味道濃郁。刺身盛，因為突然好想食刺身，所以就點了一個刺身拼盤，拼盤共有5款刺身，包括有三文魚、帆立貝、赤蝦、油甘魚和海膽。刺身也是厚切的，味道鮮甜，赤蝦夠大隻，食落啖啖肉。而海膽鮮甜又creamy，十分美味。西班牙黑豚肩肉串，豬肩肉肉質鬆軟，唔會好油膩，上面灑上黑椒，味道惹味。豬肝串，口感特別，食落粉粉地，內臓的味道頗出，但加上串燒汁能減去那種味道。白金豚肉流心蛋卷，這款蛋卷用上豬肉片包著流心蛋，一咬蛋黃汁流出，十分美味，另外上面還灑上櫻花蝦，口感更豐富。網油豬腦卷，豬肉片內夾有豬腦，豬腦粉粉的，豬肉片燒到很脆口，上面灑上蔥花和蒜片，使味道更突出。豬皮串，平時食豬皮魚蛋就食得多，第一次以串燒方式試食，店員表

樓下先探一次熱，上到去餐廳又再量多次 好事好事 👏😃食得安心好重要 👍😃連續16天零感染，好友👯立馬 call 我去drink 1 杯，我仲誤會她有＂喜＂事公怖添，哈哈，吃炸糊了🤣餐廳每張枱都設有圍板， 阻擋飛沫傳播嘛，令我感覺衛生又安全，抵贊👍😙安藝虎純米吟釀🍶好久沒喝 Sake, 天氣很熱，喝一小枝 Sake 降下溫先，有種很清純口感和米香，我覺得很易入口🙆 冬天我就愛喝微暖的，整個人全身立馬和暖了! 不同天氣也可微酎，約 15度酒精濃度，自己要衡量下喔🤪豬皮串🥳朋友笑我。。。一聽見"骨膠原＂的食物就立刻往咀塞! 呵呵😆是啊🤪 能把青春留住，減少臉上和皮膚的歲月行跡，誰不想? 你不吃就全給我吧😋真的串燒吃得多，就未吃過加工了的＂豬皮＂，很煙韌的，要牙力😁夠才能整治它! 幸好本姑娘夠牙力，暫時未需要找咪咪姐😊😝秋葵豬肉卷😛混合我喜歡的秋葵 🌯🌯🌯吃串燒都要健康d，好香口又有益，我很鐘意呢! 味道不咸不淡，火喉控制得好!芝士翠肉瓜🧀🥒又是健康之選，少少咸的芝士，加燒後更起絲了，配上翠翠瓜， I like😘雞翼串🐤🐤🐤呢個我每次來都必叫上的，皆因燒得剛剛好，雞皮很脆脆，但又不焦，灑上