MiSS‧Mixian Sour Spicy 米線專門店 (已結業)

下午去油麻地交收 諗起附近有間米線舖 就入左黎試下啦叫左個下午茶a餐 雞脾肉羅白米線配熱飲 $29唔算貴湯底比較咸 羅白第一啖咬落去甜得過份 好似浸過糖水咁 蓋過左羅白味米線咬口可以 但因為吸哂湯d味 搞到都咸埋下次應該食返譚仔算了

平日很少到旺角，怕的是人多。今天晚上有事到旺角，要一個quick dinner, 又想坐舒服一點，便到這裡。經過此店多次，今次終於可以一試。我的米線經驗，最早來自南記，跟著是譚仔，要在米線市場分一杯羹，有什麼招數呢？這間米線店是來自於一個飲食集團（它開蛋糕餅店和一間極出名的日式連鎖快餐店）。晚上店裏頗滿，但不用等也拿到位。有一半食客是吃火鍋的。我叫了麻辣肥牛米線和一客麻辣雞翼。要和譚仔比是難免的⋯⋯至於雞翼，味道也不錯，但如果和譚仔比，此處的皮不夠乾身，所以不及譚仔香口。最後有關服務，普通ok，不是評論所言的差。我覺得M.i.s.s. 也可以的米線的多一個選擇。

香辣蕃茄濃湯，只是微辣，可以再辣少許。公爵米線有飼穀牛肉片，腩肉，黑醋豬軟骨，魚皮鮫＆蘿蔔（蘿蔔浸在蕃茄湯內時間長些，更好味），蕃茄湯底真係好飲, 整碗麵都好食, 米線不會過淋。order 一碗麵可以加$15 一杯飲品, 華田豆漿，有華田味，豆漿味就出唔到來，但大熱天飲，確係舒適，冷熱同價$15

呢日放早，就係落車度入左呢間miss 米線食早餐，早餐都唔貴，所以叫左一 set米線早餐配奶黃包，一d都唔奶黃，好淡，包子的皮皺皺的，似隔夜再翻蒸👎🏻👿等左10幾分鐘，主角米線上場，我叫左番茄濃湯，濃稠度OK，但好酸😑米線又碎到不得了😩韭菜餃浸住d湯都唔熱😠一句話，唔會再幫襯🖕🏻🖕🏻🖕🏻

 MiSS stands for Mixian Sour Spicy 米線專門店. It is a new MiXian Rice Noodles (米線) concept store, specializing in Tomato and Pork Bone based Soup eaten with round Rice noodles which are prevalent in Yunnan Province in China. This recent MiXian trend has really caught on in Hong Kong and throughout China and Asia recently! But Mi.S.S. goes one step further by making their soup base from imported Italian Tomatoes, utilizing Balsamic Vinegar for the tomato salads, and additionally they now also offer a

我倆不時出沒旺角一帶，這晚不經不覺又行到九點半，既累且餓! 又是找吃的時候，再次來到Mi.S.S. 番茄米線專門店，上次幫襯過其下午茶，食味不錯，這晚一於吃碗米線才回家九點半，剛到了此店的宵夜時段，開始供應宵夜米線套餐及宵夜火鍋套餐，其米線挺不錯的，就決定點兩個米線套餐吧!米線套餐分別有雙倍特切北美牛肉及雙倍雞腿肉供選擇，湯底則有五款，分別是番茄濃湯,辣味番茄濃湯,惹味酸辣湯,特色酸麻辣湯及豬骨濃湯，上次試過番茄濃湯，令人回味，於是就點了雙倍特切北美牛肉番茄濃湯米線和雙倍雞腿肉辣味番茄濃湯米線加十元，就可以升級特飲，點了好立克豆漿試試! 豆漿以精緻的玻璃杯盛載，頂是胚芽山丘，美味又有益，好立克豆漿挺有水準的，豆味濃郁且，好立克也不過甜，讚!先來雙倍特切北美牛肉番茄濃湯米線，送到已經聞到陣陣番茄濃香，實在令人食指大動，先呷一口番茄濃湯，稠身且番茄味非常香濃，酸酸甜甜的，很開胃，特切北美牛肉份量果然是雙倍，多得很，味道亦不錯，質感軟腍!另一碗雙倍雞腿肉辣味番茄濃湯米線，辣味恰到好處，即使不太好辣的朋友亦可一試，加上辣粉的番茄濃湯更加惹味，配上嫰滑的薄切雞肉，味道匹配，米線份量亦剛好，盡吸濃

油麻地食店雖多，但呢間米線店既外形吸引左我入去，感覺好young,簡單食個lunch, 叫左個牛肉米線湯底---聲稱係真正既豬骨湯～ 飲落覺得唔太濃，但絕對唔係用湯粉沖出來的😊值得一試，當然，該店最出名的 應該係蕃茄湯米線---米線好滑，硬度適中，雖然係繁忙時間，但唔會話擺左好耐，浸到淋哂先拎出黎牛肉---份量真係好多，爭d食唔哂～今次食既牛類近我地平時打邊爐個d肥牛煮得岩岩好，唔會話好老最後lunch set送埋杯熱飲

同屋企人喺油麻地等車，咁岩見到呢間個裝修幾令又未食lunch就入左去喇和風麻醬玻璃肉 $20玻璃肉好脆口，其實係好似軟骨變左薄片，所以食落去就會脆脆除左麻醬之外，上面仲有啲柚子汁，少少甜甜酸酸，不過我自己就不太喜歡有柚子皮喺上面 手工雲吞米線套餐配豬骨湯底 $43豬骨湯底好似普通清湯咁，冇豬骨味餃子脹卜卜好大隻，入面既豬肉好香有些少酒味 一碗面你又點會估到佢咁大粒之餘，仲起碼有6粒 個份量多到淨餃子已經飽晒，等於平時就咁叫碗淨餃子再加多一碗面本來米線既份量已經唔少，當然我地最後係食唔晒，實在太多豐盛牛肉米線套餐配蕃茄湯湯底 $48入面有蘿蔔,魚皮餃同牛肉,份量都好多蕃茄湯湯底夠濃郁,蕃茄味足夠,應該有落茄膏,仲有啲蕃茄茸喺入面蘿蔔清甜又夠腍,魚皮餃唔會係又粉又腍晒,好食平時食粉一叫多餸就會變左每個餸得番好少,但係呢度就唔會,牛肉都有好多又唔痴牙雙倍穀飼牛肉米線套餐配蕃茄湯湯底 $4x呢個就淨係得牛肉,講到明雙倍,份量當然係超多!總括泥講,呢間既份量超多,味道又不錯,蕃茄湯簡直係超推介!

經過好幾次對呢間米線專門店好好奇，今次終於試一試，非常失望。先講食物質素，米線專門店既米線真係非常一般，湯底無乜味，餸菜都無乜味。。。真係譚仔都好味過佢多多聲！論小食，香草雞翼，無香草味，只有香草黏係雞翼表面。雞翼肉質稔得過分，覺得係雞翼有雞翼煮，煮完再碌Ｄ香草咁。而且無咩味道。 講服務質素又係奇差，個侍應（似係supervisor既男人）寸寸貢咁，我地第一次黎問下野，佢以為我地落單，知我地問下先佢就好寸咁行左去，咩事呀？問下野先叫都唔得呀？其他落單Ｄ阿姐都好奇怪，聽到佢迫隔離枱果枱客落單要跟佢順序，先叫湯底再叫餸果Ｄ，都幾無禮貌。無服務，又唔好食，又唔抵，梗係無下次啦～

晚上九時半路過彌敦道，看到M.I.S.S.米線專門店開始宵夜米線套餐，剛巧我還沒吃飯，便進去一試。這晚的兩個宵夜米線套餐分別是雙倍穀飼牛米線和雙倍雞腿肉米線，我選了蕃茄湯底的雙倍穀飼牛米線。惠顧宵夜米線套餐還可以加10元升級特飲，於是我又加了10元，要了這個阿華田豆漿（凍飲）。食物到了，蕃茄湯底變成了豬骨濃湯，整個感覺變得很肥膩。雖說米線還真的弄得不錯，但由於湯底錯了，整個米線就達不到我的期望。阿華田豆漿也到了，明明是凍飲，喝下去卻是暖的，明顯是還沒有冷凍足夠。由於要營造可可球火山的效果，不能加入大量冰塊，所以餐廳大概要多想想如何在不能加冰的情況下做好冷涷了。

由於不幸朋友突然要陪同屋住飛的入院 長期處於想減月巴的我自然一丁友唔想食野 一路行一路行~~正想搭車歸家由於真係好餓 見到有間門面幾靚的就入左去....入到去發現 原來食米線的 仲有好多人打邊爐 Menu 內的 手工餃子 正合我意 可以選湯底~~最後選了顏色鮮艷, 味道清新, 開胃醒神的蕃茄味湯底看到吧 餃子的確像人手包的 鼓鼓的餃子味道:  豬肉應該有用酒調味, 香香的湯底蕃茄味也很濃郁怕只點一款食物太單調 所以另外點了小份的涼拌皮蛋它有涼拌 / 麻辣可以選擇因為我怕辣 所以涼拌還是覺得辣辣的

成日經過，但食就第一次。基本上唔駛點等位一入去就有。見佢幾特別又有番茄辣湯咁咪試下，咁我叫果隻就有幾樣餸既，又有腩肉又有糖醋骨等等，個糖醋骨就幾入味~其他野就唔太特別普普通通咁囉~跟住再叫左個小食-香草雞翼，呢個就真係好麻麻，個雞翼除左上面好多香草之後，我地覺得佢似係就咁烚完就算咁，完全唔入味又唔香脆，非常失望。其實呢間野都不過不失，但最大問題係D職員，叫四樣野落錯左兩樣野都算，有D仲要態度好差，聽到隔離枱落單，個職員竟然大大聲話返個客人講得唔清唔楚，又話客人Get唔到職員講乜等等...

出完旺角交收餓餓地唯有去穩下午茶食，見到哩間個門面都幾靚，就入去試下叫左個豬軟骨辣番茄濃湯，飲第一淡都幾過癮，真係食到番茄粒～但飲多就好鹹 ，骨ge真係得兩塊🙈另外一碗係牛肉來ge，料多好多哩間野有樣野整得唔好就係d米線煮太爛，唔夠三哥彈牙～好過3哥就平平地27果個都有杯野飲，我哩兩個就29+33 ，都算OK啊～PS：米線真係唔好煮太耐

每日會係呢間店門口等巴士，適逢今日有啲時間就黎呢到試下佢嘅手工雲吞啦入到去搵左個位坐低，店員就同我講“冇雲吞呀…會用豆腐卜代替…因為係工場每朝新鮮整之後運黎架”心諗“下，冇雲吞！仲要用豆卜代替！差好遠喎小姐…咁每朝先整其實係咪每朝早都冇架…”算啦都坐低左叫左個B2餐雞肉米線，店員仲問我要咩湯底，我揀左麻辣湯之後好在我坐得低入機位，佢報我要B5餐(呢個係得四個包嘅餐)，咁我即刻話我係要B2啦～然後佢再話我係要豬骨湯底…………有冇咁難記呀，一分鐘前落嘅單可以全錯先黎左個齋花卷，味道好普通又唔夠奶味...再黎麻辣雞肉米線，我以為佢俾錯左牛我，因為好似肥牛咁薄片，薄到我完全唔知呢啲係雞……啲雞片係冇味嘅，碎濕濕，餐牌張圖細到係睇唔清楚嘅～豆卜有三塊，都幾大塊既，可惜冇豆香味，但吸哂啲湯嘅味再一啖咬落去，湯汁滿溢，不錯。湯底就做得幾好，麻同辣都適中，但啲米線就林身左啲……成日都覺得主食點都應該係要煮得好D既，但都算係吸到湯嘅味道眼見店員係積極工作嘅，但見隔離枱點左小辣，中辣各一，佢就直接放上枱冇話俾人知點分就行左去…要客人追問佢先返轉頭答，呢啲咁基本嘅事應該要做好啲

殼飼牛肉、蘿蔔米線$34（學生傻惠）米線嘅湯底係超濃超香嘅蕃茄味而且似汁多過湯，啖啖都食到蕃茄，酸酸甜甜夠晒開胃真係落好足蕃茄煲 牛肉夠鮮嫰，有肥牛嘅口感蘿蔔都好鮮甜個湯底真係令人回味無窮