MiSS‧Mixian Sour Spicy 米線專門店 (已結業)

星期二同朋友唱K唱到喉嚨痛，今晚去睇首場“火星任務”，因為拎左坐艇iPhone關係，要去先達放售，所以就算要去尖沙咀海運睇戲，都要去咗旺角先去完先達，就開始煩食咩，點知行到幾乎油麻地都未諗到，突然經過MI.S.S米線，我話就呢間喇，因為都已經7點45，我地9點半開場(我係完全唔記得同事叫我要早多半個鐘到XDXD)其實呢間米線店開鋪初期我都已經好想試，但係……因為我成日都唔鍾意食譚仔，大少成日話好似啲港女咁，對米線有敏感……吼……其實係我本身鍾意食米粉多過食米線，同埋譚仔我又唔覺得特別好食，又唔係平意式黑醋蕃茄香濃蕃茄湯米線 - 今次我揀咗冬菇、惹味腩肉、白菜豬肉餃，平時其實我絕對唔會要蕃茄湯底，但係可能今日喉嚨唔舒服，想食少少酸酸地嘅嘢點知……出奇地好味，個湯好濃蕃茄味、多蕃茄肉，個米線唔知點解好彈牙，我未試過食彈牙嘅米線，我同大少講，大少重以為我病癡咗，佢食咗一條，都話係喎，你嗰啲彈過我嗰碗喎冬菇我覺得可以用少少卥水卥吓，會好味啲，個惹味腩肉真係好好味，辣辣地，但係又唔係麻辣，我鍾意~

中午在油麻地Mi.S.S.開餐，舖面設計幾新派，入到裏面才知道吃雲南米線，真係估佢唔到，點選盛之牛米線套餐$45，連個名稱都冇雲南地方感覺！要豬骨湯底，好味，不過吃飽過後很口渴，白蘿蔔很清甜，像麻雀牌的方塊黑醋豬軟骨不酸夠淋滑，講明套餐，是沒有飲品，水都冇一杯啵！

途經多次，店面環境形象吸引。今趟第一次光顧，環境不錯，一般米線店對比算叫舒適，有下午茶餐等供應，配四款湯底選擇，本人揀左小鍋酸麻辣米線，配菜選擇大眾平民化，冇乜特別，我order左魚皮餃同牛肉配豬骨湯底。可惜，湯底清如水，冇香味，辣味亦唔香，但米線好滑附口感。要求店員取調味品補救，態度欠佳，從未回應，但有拎黎掉在枱上，當時客人不到10個，非繁忙，令人難以接受。本人覺得此店整體主要以裝修吸引路人，選擇冇特別，湯底亦欠佳，與一般低級車仔麵檔冇分別，加上態度欠佳，肯定不會再去

米線店近年愈開愈多，質素坦白說也是很一般，想不到連吉野家也參與其中，在油麻地開了一間MISS米線專門店。這間店門面很光鮮，裝潢以淺藍作主調，很有日系的感覺，可說是比所有米線店都還要漂亮。這裡客人數目好像不多，下午時間不足40%入座率。價錢是中等水平，沒什麼特別。雲耳拌了酸醋，反而這簡單的菜式便是這裡最正常的菜式，味道還算可以。蒜泥白肉和墨魚仔的醬汁好似差不多，只有少許麻和辣的味道，醬汁味道沒有層次，食起來有點影響食物的味道。肉就是薄薄的豬腩肉，味道一般；反而墨魚仔口感彈牙，可是拌醬更糟。黑醋豬肉骨很軟腍，醋的醬汁也不錯，有點像鎮江骨、東坡肉那種。圖片的蕃茄湯底很像不錯，還有一點期望。可是來到嚐一口，極其失望，湯底濃得像漿一樣，這不是足料蕃茄製成，反而是很明顯的味精湯，加入大量茄膏製作已成，成口茄膏味，真的很失敗。

平時路過呢間餐廳既門面，覺得幾靚，想試好耐。見今日有時間就入去試一試。叫了一個牛肉加魚皮胶的米線餐，豬骨湯底。食完之後感覺好失望，個湯底根本冇味，完全食唔到係豬骨湯底，牛肉同魚皮胶就係一般打邊爐果d牛肉同魚皮胶，冇驚喜。相反，另外叫的麻辣雞翼水準就唔錯，食落好香口同好惹味，算是一個亮點。

之前搭104經過旺角就比鋪頭既裝修同燈光吸引住，念念不忘！心動不如行動，所以今日Tea Time同朋友經過就一齊去試下啦!我就叫左個小酸麻辣湯底加腩肉同蘿白。腩肉隻味係我鐘意既味道，而且幾入味bo。識食既蘿白一定揀最後先食，因為可以令到湯底既味道融入係蘿白到。正！朋友就叫左個新既Tea Set。$25蚊又幾抵食，有雞同蘿白。女仔食就岩岩好。而且啲雞又係真係嫩滑!我地再追加個Mi.S.S. 焗雞翼，一人一隻。睇個雞翼既外表好似麻麻地咁，食落又幾好味，最緊要入味！唔會好似出面啲雞翼咁淨係得出面有味，入面就咩味都無。

大熱天時真係冇咩胃口，行哂成個旺角油麻地全部都係M記KFC，OMG，我想嘔。行行下點知比我見到間咁湖水綠嘅餐廳，原來係食米線，咁好啦，咪食米線囉。岩岩好下午茶時間，叫左個雞肉蘿蔔蕃茄湯米線，唔洗等好耐就有得食，嚇死我，以為得好小雞肉，點知原本全部係哂底，即刻開心番哂！D蘿蔔超超超好味，估唔到呢個天時蘿蔔唔係當造都咁好食，最後我都想講下個湯底，蕃茄味幾濃。下次經過可以再食！

平時搭車成日路過門口，覺得間野好靚，以為野食會好貴，今日終於決定一試~我1:00pm等左一陣就有位，一個人的浪漫就係等位好快有~~XD! 鋪頭裝修都幾靚! 下次夜晚約埋FD黎吹水都唔錯!今日有D肚餓，所以叫左3個餸: 蘿白、墨丸&竹笙~配埋酸辣湯底都唔錯! 加埋$42，另加左杯熱檸水, 跟餐加$5，總數$47~~今時今日都算抵! 蘿白幾入味，墨丸就都算彈牙，竹笙就正~~唔係到到米線鋪有得食~~題外話，其實佢地有SET叫，包野飲，抵好多，但我偏偏想食墨丸&竹笙，個餐就無~~唯有散叫~~

呢晚我地７點來到，已經差不多滿座，好彩我地早一步到，有枱坐，唔係就要坐吧枱，不過見到吧枱有USB充電座供叉電，太貼心了吧，仲要係面壁而座，早知就遲一步揀坐吧枱啦。播住純音樂，環境都幾唔錯，不過枱與枱之間都幾迫，空間感唔太夠。Menu好簡單只有４版，不過都要睇清楚，因為有４款湯底加不同配料不同價錢，總之每種湯底都附一款配料，如果唔加配料就一個價喇，其實同其他米線店一樣。呢晚我地２個人點左：-① 涼拌青瓜 ($15)② 香濃蕃茄米線 附一款$5配料蘿蔔($29) + 竹笙($7)③ (餐) 特式小鍋麻辣米線(小辣) 附一款$5配料豆卜($28)+黑木耳($7)+檸檬柚子梳打($9)Total= $95(餐) 檸檬柚子梳打：唔大杯，得一片檸檬，不過有好多柚子條，可惜唔係好梳打。涼拌青瓜：以薑同大蒜蘑成茸，雖然兩種都係辛辣，但味道竟然唔重，青瓜大件好清爽。特式小鍋麻辣米線(小辣)：除左配料，附有大量芽菜、炸醬同酸菜，米線粉量足。雖然揀小辣，不過湯底帶麻，食落都唔算小，不過都幾好味；附大量芽菜更加清清口腔！始終食麻辣湯底跟豆卜最啱，吸哂Ｄ湯又唔覺油，正；小顆黑木耳，好滑。香濃蕃茄米線：到我的蕃茄

呢間舖既裝修係靚, 不過完全唔適合做米線舖之前新開張時試過一次, 果陣都仲OK今日下午茶時間經過呢間, $26有碗米線有野飲, 價錢絕對合理一入到去唔駛等位, 叫左肥牛豆卜米線(豬骨湯)+熱檸水d米線勁淋, 個湯底又咸, 個環境同服務幾好都冇用啦!!!食埋今次冇下次啦!!!

看到新開張的米線專門店，本來沒有打算幫襯，不過經過幾次，每次都會俾佢個門面吸引到(因為實在好grand)，裝修跟米線完全扯唔到關係，所以唔試唔甘心，一於lunch time搵埋同事一試! 中午時段尚算滿座，不過吃米線人流可以去得好快，不用兩分鐘已有店員帶領我地入座。米線款式不多，點了午市套餐蕃茄牛肉米線加熱檸茶，湯底味道不菜，是濃濃的蕃茄味道，肥牛也很足料，加上芽菜等配菜，一點也不「寡」，超越想像的滋味。不看門牌以為是吃高檔西餐呢?!哈哈~不算太多款式，但menu的圖尚算吸引AW每一餐都一定要有「菜」

其實係旺角食野唔好咁奄尖，租金都佔左成本既一半， 夜晚可以用40零蚊，有埋餐飲，地方又企理，厠所又乾淨， 野食又唔差， 都係唔錯既選擇，服務都算係好。相比起附近好出名果間 連鎖式經營米線舖因為果間好似食膠條，佢嘅米線正常好多。 我同老公一人叫咗一碗，我要豬骨湯底 肥牛米線餐，而我老公就叫咗一碗蕃茄肥牛米線，碗豬骨湯比較清淡而蕃茄比較濃味，可惜無調味架，好似差咁啲。另外叫咗碟麻辣雞翼，又幾好食喎！老實講如果特登出嚟試，就會好失望，因為唔係好特別，但係如果行街行到好肚餓，入嚟食野確係唔錯。

星期一下午茶時間，嚟依間新開嘅米線店，佢係一間以西式嘅裝修但賣中式嘅米線，佢門口影啲米缐相都几靚，我諗好多OL會被吸引去試下！我點左一個 Hero 米缐套餐$45 ，裡面有穀飼肥牛、蘿蔔和魚皮餃，上檯時賣相亦不錯，有放個心機落去，所有食物都中規中舉，個湯有少少辣都唔錯，但我都係覺得南記小鍋米線係最好食，但如果你想坐得舒服，依間亦都係一個唔錯嘅選擇！

第一次俾佢既裝潢吸引倒，環境比一般米線乾淨寬落，冇乜壓迫感，播住純音樂，環境唔錯有四款湯底選擇，我揀左小鍋酸麻辣米線，配菜選擇大眾化，我點左竹笙、魚皮餃同生菜，中辣小食方面，由於所以酸辣小食以及蒜泥白肉暫停，本人覺得此店有點兒大意，因為除左酸辣的小食，只剩麻辣的小食，選擇頓時剩下一半，最後我點了麻辣墨魚頭米線太腍，湯夠甜，但麻味唔夠，辣味唔香因為個人鍾意墨魚頭，哩碟墨魚頭唔腥，同樣地，麻味不足，但仍然爽口彈牙整體唔算吸引，未必再去

平時見到咁多人排隊 又好似好平咁 所以試試...餐牌好小選擇 $20 先黎 -- 蒜泥白肉--完完全全冇諗過會咁難食 本人覺得有蒜蓉既野 好難會難食LOW冇蒜味之餘 D肉入口即溶 一PATPAT咁....食左一塊就放棄 =.=$48 酸辣小鍋米線 配招牌黑醋豬軟骨 + 肥牛 + 竹笙米線夠滑 湯底夠濃 招牌黑醋豬軟骨 夠入味夠淋 ...吾錯喔 !!!不過太小選擇 都系做番譚仔粉絲 ..吾會翻兜