MiSS‧Mixian Sour Spicy 米線專門店 (已結業)

隔左一段長時間冇食米線，順路行過門口，熱熱地見有涼拌小食，就決定來呢到食，是晚只是7點3，職員都好快招呼我地，態度良好。我地2人點了以下食品：① 辣味蕃茄湯米線+竹笙 ($31)② 招牌小鍋酸辣米線(小辣)+黑醋豬軟骨 ($34)③ 涼拌四重奏 ($40)Total $105涼拌四重奏： 爽脆墨魚頭，麻辣度夠強勁，估唔到份量都幾多；涼拌木耳同涼拌青瓜醬汁同樣係麻香醬油，幾清爽；和風麻醬玻璃肉以麻醬和柚子絲拌著，食起來甘香不膩，唔錯！招牌小鍋酸辣米線(小辣)黑醋豬軟骨：雖然只點小辣，但酸辣米線湯底還是偏淡了點；黑醋豬軟骨酸酸甜甜滷得入味軟綿，幾好食。辣味蕃茄湯米線：雖然辣味只是來自撒上湯面的辣粉，不過帶酸且有粒粒番茄的蕃茄湯底加上辣味，係更恰到好處嘅；竹笙係湯底裡面被蕃茄湯染成橙紅色，吸收哂蕃茄湯，好食而且份量都算多；芽菜爽口，米線不會過腍，整體唔錯！

特登開個account黎寫佢, 其實佢既食物係Ok架. 個蕃茄辣湯係好味既. 所以都黎左幾次.....但呢到既侍應服務態度真係好差. 之前坐係出面可能經理係到, 所以都仲可以. 點知今日坐係入面, D侍應直頭係過份. 首先入座坐左10分鐘無人理, 叫左個妹妹拎menu....點知一去無回頭. 跟住要再叫人先有, 再黎落order....揮極手都無人理, 仲要有個見到架啦, 但佢竟然擰轉面走左去....咁鬼得意既, 再揮手, 有個女既掛住講電話, 示意我等陣, 但等左.....又5分鐘, 最後經理行入黎, 直接叫佢先落到單....都唔知有無攪錯. 雖然呢到只係普通餐廳, 唔洗本星級既服務態度, 但對人同對自己既工作都要有尊重囉. 唔鐘意既咪唔好做囉. 你做得呢份工就要專業架啦. 點解可以咁架？？？？？ 😠😠😠😠😠

入門後，侍應好隨便叫你坐。跟著自己走去同其他侍應傾計，menu 又冇，唸佢會轉頭俾我，㸃知等三分鐘有多都冇理我！攪到要大大聲喊先有人俾張menu我！仲有，冇紙巾！真係有冇攪錯？

無寫過食評，今次係嬲到要做啲咁麻煩嘅野！返工前食早餐日日都會，第一次咁受氣一入去落單改左快餐型式，落單，座低等食物。餐牌唔清唔楚唔緊要，又無寫蛋同腸二選一，仲要老鳳要你自己知，答唔到仲比面色你睇！兩個女服務員樣就笑笑口，一出聲明顯聽出唔耐煩，無禮貌，一啲責任心都無！問題1.成堆食早餐反工人士第起碼20分鐘先有餐-大佬，返工時間等20分鐘早餐no ar ...你講馬鐵??2.樓面推責任落廚房- 廚房無人管，同事掛住玩。我點解知？樓面兩個女服務員大大聲話廚房同事無人管，仲打電話叫一個龍哥快啲翻，方死啲客唔知咁，請著你真係倒米！3.服務其差-客人A：我等成20分鐘唔等喇！女服務員：你都要等埋個外賣咼-客人B：姐姐20分鐘喇咼，幫我跟一跟張單丫！女服務員：你自己行入去廚房追啦，我都想話下佢地客人B：有無攪錯呀！你遲左我追你，你叫我自己去廚房追？女服務員：我真係幫你唔到假！（惡）食個早餐成肚氣，人唔夠就咪開餐廳啦，仲請埋啲態度差同事對客4.食物問題-熱檸水上面滿曬油漬，我都費事換

全個場有一半吉枱，偏偏要啲一個人來嘅客人搭台迫埋一齊，侍應零專業零有修養零有禮貌(個場又唔係特別忙)，食物又貴又唔好食，佢價格唔貴，例如＄10 麻辣拍青瓜，舊舊青瓜得手指公咁大，但只有七舊，青瓜根本肯定冇拍過，求其淋D汁就算，我稱之為貴！我感到有欺騙成份，決定以後不會再來！！！

行過見到哩間餐廳嘅裝修完全唔似賣米線，似食西餐多啲，見到下午茶都幾平，就入去食。牛肉流心蛋撈米線，肥牛無乜肥膏，讚！用了炸醬來撈米線，甜甜哋辣辣哋，再加埋流心蛋汁撈埋一齊食，米線會更滑，不過略嫌米線煮得太腍，如果硬返dd口感會更好。下午茶份量剛剛好，食完唔會太飽，可以留肚夜晚去食生日飯。

尋日在這間裝修得好靚既米線店食左個下午茶, 好抵食..無記錯的話這個SET是T5, 入面除了有厚多士, 炒蛋, 香煎雞扒 和一碗米線之外, 仲包埋一杯豆漿. 而全部加埋都係$29. 好抵食!!第一次同一時間食米線同埋多士炒蛋, 雖然感覺唔太夾, 但都冇乜所謂~ 厚多士係剛烘起的, 搽埋牛油食幾鬆軟. 炒蛋就一般啦, 有點過熟唔係滑蛋, 覺得同麥當勞個早晨全餐炒蛋有D似. 碗米線份量都OK, 雖然比平時的份量少D, 但加埋其他野一齊食都好飽了!米線湯底揀了酸麻湯底 (小辣), 幾好味呀, 麻香味好惹味. 不過湯底中就冇芽菜九菜嗰D配料, 只得極少量的莞茜. 有少少芽菜九菜就更加PERFECT!而塊雞扒雖然只有4小塊, 但煎得相當唔錯, 外面脆脆地, 味道調味岩岩好, 唔洗點個醬汁都好味. 而杯豆漿都好大杯..!飲落亦唔似溝水那種, 唔錯!!結論: 下次如果食下午茶一定會再黎

前幾天經過旺角,就試了這間MISS米線專門店,由於是繁忙時段的關係,等了大概五分鍾先有位入座這裡平均40蚊就叫到一份米線套餐,今次就叫左一份雞扒蟹棒米線套餐加一瓶藍碟花檸檬流打這瓶藍碟流打的味道很好,提子的味道比檸檬的味道略重一點點,也挺解渴的,但整體的份量太少,你們不要看這瓶東西好像挺多的,其實裡面有一半都是冰.....至於呢碗雞扒米線我覺得唔錯,首先米線都是一條一條的,完全沒有斷開,咬落覺得都幾彈牙,而且是偏淋的那種,都幾合我口味至於這間專門店主打的茄汁湯底都幾好味,但上面的番茄碎我就覺得有點畫龍點睛的感覺,主要係那些番茄碎實在太酸,撈左入去之後令到個湯底冇左原來既清甜味,變左碗野反而有點酸過頭,這可能是我比較喜歡吃清淡一點的關係吧,喜歡吃酸的也許會覺得很美味也說不定至於份雞扒我覺得真係幾好食,外皮夠脆,裡面的雞肉也挺有質感,食落完全不黏牙整體來說我覺得這間店的CP值挺高的,食物質素很好而且價格合理,難怪閒日能吸引到禁多打工仔黎食,而本身就住在附近的我之後應該會經常來的

一間精美裝修的米線店之前都食過兩次, 但以往都未有蕃茄湯底今次下午茶時間食, 都有好多位唔洗等雖然佢有蕃茄湯底, 但我入到去見到撈米線又想食, 就食左個炸醬豬軟骨撈米線, 而女朋友就食黑醋豬軟骨同韭菜雲吞辣蕃茄湯米線我同女朋友都覺得個黑醋豬軟骨幾好食, 好似食豬腳薑酸酸甜甜咁, 而我個撈米線, 面上有D辣肉燥粒, 撈住食都唔錯, 唔算太辣, 而女朋友就話個辣米線好辣, 令佢享受唔到個蕃茄湯, 雖然我只係試左一啖, 但係圖都睇得出蕃茄湯底係足料既, 可以一試, 價錢就略貴啦米線黎講, 勝在杯檸茶都大杯既, 所以兩人跟餐叫一杯都可以了

happened to pass by there by chance! place is very clean compared to stadards around the city, staff is friendly and smiley, when you enter it feels like its just a locals place and with everything translated in english! great place! went there several times! definetely reccomend!

經過兩星期前所寫的食評，昨天再給M.I.S.S. 多一次機會，因為他們原本的質數確實是好，所以希望他們真的有所改善。一入門口便發現新的menu, 早餐的選擇多了，驚喜的是原本配米線的中式包現已改了多士和炒蛋，感覺新鮮！落單的方式變了電子化，像一般快餐店，我相信這減輕了不少服務員的工作量，因為之前早上所見的服務員要落單，要拿餐具，要清理桌上的碗筷，要清潔地上的凍檸茶，還要咪單……一個人處理這麼多，確實是不容易！雖然現在要自己去拿餐，但也没所為，最重要是他們的番茄湯質數有沒有改善。拿了我的肥牛番茄湯米線配炒蛋多士+熱咖啡，第一份感覺……炒蛋多士吸引！我首先試試這個番茄湯底，味道跟我初初吃的一樣，讚！炒蛋+多士，讚！咖啡還是高質數！不過還可以更好的，用筷子夾炒蛋有些怪，加個叉會好些嗎？肥牛的肉遍少，肥遍多。經過了這次，我相信這番茄真的有改善，也加入了新鮮感！加油！

今次第一次寫就要負評，理由係唔希望其他人會經歷相同既事。味道是可接受，服務是不能接受。其實我只是落單，要一碗蕃茄湯火車頭米粉，加內人一碗米粉跟雲吞。內人的米粉10分鐘已經來了，其他東西也沒有問題。之後等了20多分鐘，我的米粉也未到，其他遲來的顧客也有了，說實在20分鐘不算長，於是我開始客氣地那個侍應幫忙跟進，那個妹子說在煮中，那麼我繼續等。5分鐘後，我再問佢煮好了沒有，她反問我要的是什麼，惟有再講一次，她又去跟。幾分鐘後，又走來問我要的是什麼湯底，坦白講脾氣都開始差了，說不要了，她又說已經在煮，惟有繼續等。又5分鐘，實在不耐煩，問經理究竟幾時煮好，他才去廚房跟單，看來又是漏單，他又說在煮中。過了兩分鐘，他又走過來看看我的單是什麼，不好意思但好脾氣也用盡，“我唔要喇，走吧“。其實經理態度是可以的，還問我不如打包給我，但是我氣的是你們處理問題的方法，好簡單地開始時拿我的單到廚房問就好，全個流程客人辛苦你也辛苦。希望你地以後可以改善下，有時食物再好都冇用，尤其你地味道只係普普通通。

呢一晚去到旺角拎野, 本身打算去食炸雞但星期五晚既旺角實在太太太多人, 只好放棄目標週圍搵食醒起之前睇OR都見呢間有唔錯COMMENT於是去試下行到門口附近, 老公已經話「點解...道道都大把人等位..呢度冇既」ER.......雖知排隊既野都未必等於好野唔緊要啦, 一試咪知龍與鳯我地入到去都要等, 目測現場連收銀只有2-3個waiter..原來呢間野有埋火鍋...見D人都忙到死咁濟......等左2個字左右就有位先前見人介紹話肥牛好食.. 咁就試下啦配左個辣既蕃茄湯底望落好正常, 食落就大件事首先, 佢Sell蕃茄湯..個蕃茄湯真係假到不能再假......加埋一食就知係落左2啖現成辣椒醬既味 (呢, 食乾炒牛河專用個d辣椒醬呀)喂阿哥, 唔係咁搞作呀嘛到米線...一夾落去, D芽菜分分鐘多過D米線麵得個2啖, 芽菜就一大堆大家都係白色啫但唔好咁過份丫..............唯一好少少既係D牛肉...因為已經係加倍既肥牛...D牛唔o鞋, ok既整體黎講, 我已經介定呢間係劣食打正旗號話係「專門店」....咁既貨式實在唔掂....下次睇comment真係信7成好喇..

確實尼個蕃茄湯係幾好味,可惜每次既內容都唔同!今次食仲過份,我點了客雙陪牛肉米線餐,連芽菜韮菜都冇埋,米線碎上......其實我估本身腦細都係外行人,連米線點烚都未識,唔係只係湯底好就得既,需要其它配合囉......

今日終於忍不住要寫下我的感受……由開舖到現在都一直間中有來這裡吃早餐和午餐。初初真的很欣賞他們的番茄湯底，夠香，夠濃！份量十足，價錢合理。一次又一次再來品賞，卻發現湯底真的淡了，份量少了……初初還以為是自己的錯覺……不過今天忍不住向店員求證，確實廚房的師父真的轉了。寫這評論不是為了抹黑這店，是真的覺得可惜，希望日後再來這店時能夠吃回當初的味道。