Mini Friday (The Wave)

營業中

休息中

觀塘搵食記又到了 之前同朋友去開駱駝漆 佢介紹原來介有一幢新的building THE WAVE入面有唔少好野食所以今日就相約去食西餐！ 上到去發現好多人排隊 原來是兩間餐廳放在一起 坐係西餐個邊都會享受到對面的live band表現 哈哈 正！ 我們今晚一心想据据扒 所以就點了個dinner set 燒澳洲牛肉眼扒！個set本身就包了田園沙律一份 亦都有餐湯 沙律一碗都頗足份量 入面更有三文魚籽 幾出奇不意 咬落又不錯！牛扒我們要了五成熟 份量足 一上枱已有好香的牛味同煎香肉類的焦香味好吸引 切開粉嫩汁多 咬落口先係感受到有幾多汁 食得出同一般牛的唔同！最好食係帶少少肥同筋的位置 咬下去更加甘香 好好味！Truffle gravy sauce同樣出色 松露味適中無搶去牛既味但又多了點變化 就連伴碟的燒茄子 薯蓉等都好惹味 唔使一陣我地都已經淪清得乾乾淨淨 另一個餐我們就要了diy pasta set 除了田園沙律&餐湯 整個意粉的醬汁到粉的種類和配料都可以任君選擇！我們就要了arrabbiata angel hair with duck breast 香辣的醬汁很好味 平衡了蕃茄的酸

觀塘愈黎愈多好野食，去完附近交收D野之後，就上左黎依間THE WAVE既西餐廳食埋晚飯同朋友每人點左一個SET DINNER，有齊沙律、湯、主菜、甜品同飲品。田園沙律- 田園沙律用玻璃樽裝住，幾特別，亦都好特別地有爆爆珠，口感更加豐富，而爆爆珠入面既果汁都用埋SAUCE亦幾夾沙律。是日餐湯- 餐湯好CREAMY，另外都有CRISPY DIPS可以配埋食香煎三文魚柳 配芥末籽忌廉汁 $198- 主菜三文魚柳煎得幾好，塊魚皮夠乾夠脆，魚柳亦都唔會太"鞋"，醬汁有芥末亦都有助減低魚既腥味，雖然依個魚柳一D腥味都無! 好正精選是日甜品- 最後食埋個MOUSSE CAKE同埋一杯咖啡作結，整晚都十分完滿。另外，因為可能係工廈關係，同層另一邊係另一間餐廳，有LIVE MUSIC聽，令到成件事更加加分

同事上星期帶左我黎食，佢話都幾抵食，地方都幾大，所以好快就有位啦。我地點左自助沙律🥗bar及甜品區 $78 包一杯熱飲，之後就自助式咁出去拎野食，出面自助bar有蘋果汁、橙汁無限refill。主食都有鹵水雞翼（雞肉香滑，味道調較得岩岩好）、粟米（都好爽甜又多汁）、炸肉丸（熱辣辣新鮮炸起，好彈牙，不過就油左些少）。仲有沙律🥗蔬菜bar （蔬菜好新鮮，食得好健康）同長通粉，仲有少量甜品cake 同忌廉湯，最後叫埋杯熱飲岩岩好，真係好抵食！👍😋同事果然冇介紹錯！😉✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

放工有個新地標，全部都係餐廳，今晚食西餐，餐廳氣氛舒服。近期興食咸蛋黄，見到有咸蛋薯角當然不會錯過，薯角熱辣辣，放上枱已有勁香咸蛋味，咸蛋味好重，真係好好味。Pizza 來到先知係薄批，批底好脆，每件都有隻大蝦，還有D小魷魚，pizza配千島醬幾時都係最好。德國咸豬手先點火，即場燒完之後，個皮燒到濃濃地，切開都好多肉，燒焦位脆卜卜，真係好香口，酸菜同咸猪手一齊食，中和咸豬手的咸。佈滿醬汁水牛城雞翼，辣辣地。即製梳乎厘要等，所以食咸豬手時要叫定，職員好好，上甜品前已換過全部餐具給我們。

餐廳燈光裝飾型造出暗暗的浪漫感，三五知己聚餐，氣氛好緊要，感覺真係好好。就係我食薄脆時，叫遲來的朋友看下餐牌，還要否加單時，真是忍不住叫他們快些食薄脆，薄脆當然好脆，但冇想過個汁會咁好味，應該係芝士千島醬的味道。焗田螺酥，細細個，可以一啖一口，入口酥皮鬆脆，又有香草牛油香。卡邦尼意粉，個卡邦尼汁整得好好味，汁又多又不會太流，可能這樣特別在放了隻滾水蛋，我都係第一次咁食，把隻雞蛋刺開，蛋漿撈勻卡邦尼漿汁到，令到漿汁更香，而且又唔漏，而意粉都好彈牙。甜品係梳乎厘班㦸雪糕，是即叫即做，所以要等20分鐘，梳乎厘都做到好彈，而且亦有好香蛋香味。

哈哈。。今日又去官塘工廈搵食，因為這裡地方寛闊，非常舒適，所以經常約埋三五知己來聚餐，每次傾過不停，都沒有人來打曉。記得最初時，食物質素一般，但今次感覺完全不同，味道有水準，連賣相都算吸引。特別要提的是兩款 pasta , 蒜子欖油雞柳天使麵 ~ 有輕微辣，非常惹味 ，另一款黑松露忌廉汁大啡菇闊條麵，黑松露香，忌廉汁濃，配埋大啡菇，味道配得剛剛好。還有香煎三文魚扒，不太熟，仍保持肉汁。但燒美國豬鞍扒有輕微失望，略嫌太熟，有少少老。但整晚用餐都非常滿意。

今日搵食搵到去觀塘呢幢大廈新裝修，陸陸續續都有唔少新餐廳進駐今日就試左間有幾間分店嘅餐廳 - Mini Friday餐廳同另一邊鋪有駐唱歌手，歡迎客人點歌。今日試左兩個dinner set，再加兩個小食，有啲眼闊肚窄。餐前小吃脆片點千島醬，酸酸地，都幾開胃。咸蛋黃薯角 $48咸蛋黃加埋薯角，唔使點其他調味都相當夠味。薯角炸得啱啱好，完全唔油。但都幾大盤，建議多d人share先叫。黑松露忌廉炒野菌 $68黑松露味相當足，拍埋落鮮味嘅野菌都完全唔失色。Set包嘅餐前沙律，同餐湯沙律嘅汁偏酸，非常開胃。新鮮嘅沙律菜加上甜甜地嘅木瓜味爆珠，令到沙律汁嘅酸到中和。餐湯係忌廉薯仔湯，湯入面仲有薯仔粒，令薯仔味非常突出。香煎三文魚柳配芥茉籽忌廉汁 $198三文魚柳煎得恰到好處，皮脆肉嫩。另外，呢個set入面仲有兩件三文魚柳，相當抵食。汁只有輕微嘅芥茉味，就算怕辣嘅朋友都可以一試。燒美國豬鞍扒配燒汁 $218豬扒非常厚身同大塊，雖然咁厚，但都處理得非常好，完全唔乾，非常juicy。另外，塊扒仲有小小脂肪，食緊嘅時候仲有小小油脂，令口感更加豐富。燒汁上枱嘅時候仲係熱，味道亦唔會太重，其實唔點汁，豬扒嘅肉

今日去觀塘等個朋友食lunch,佢帶左我過泥The wave食野。一上到泥呢間餐廳，哇，好大丫！好有情調，哈哈原來呢度係半自助式既，可以點主菜或者就甘食出面既自助餐食物。。不過自助餐食物種類就吾算好多。。但同價錢成正比既！吾同主菜都可以享用出面既食物，價錢都吾同，跟主菜而定既我地點左鮮茄汁蘆筍雜茹意粉:呢個整得好好食，煮得好香。雖然好普通，只係得冬茹秀珍茹同蘆筍。個茄汁吾係就甘唧番茄醬落去，真係好調過味。煮完個意粉，亦加左芝士片係面。好味！黑椒汁雞扒：真係好大塊！好厚肉！雞肉好香滑有肉汁。煎得好香。略嫌個汁吾好食。。差少少自助bar沙律菜🥗，好新鮮既什菜，有吾同既醬汁可以加入去。另外仲有薯仔沙律，紅菜頭，長通粉。。小食有雞亦，炸薯餅同春卷。雞亦好大隻，鹵得好入味。春卷就較硬，吾太好食。薯餅就一般啦。湯係松露菇菌忌廉湯，呢個好濃味，入口飲到雜菇蓉碎。甜品有冬甩，蛋糕，啫喱，芝麻糊同朱古力棉花糖，餅乾甘。。不過味道就一般啦。呢度好多附近工廈做野既人食，如果人多就一定要打泥book位！仲有吾限時，慢慢食野，吹下水，吾錯既地方！最好既係又吾洗加一，仲有杯飲品送咖！

先講環境，第一次黎到The wave食野，上到去三樓竟然問係西餐定雞煲，中西式都喺同一area?原來隔開左，不過奇怪嘅係中式果邊聽到有live band之類，同埋整餐耐唔耐就聞到少少燶味由雞煲果邊過黎，除此之外環境算好好又唔趕人到食物，一去到就比左水同薄脆+醬(千島？)，薄脆好好味,會食唔停口邊食邊打開menu睇下，一般都百幾到二百幾一個餐，有散叫但好似更貴，menu有分兩頁，一頁係主要食意粉類，一頁係扒類都有湯，沙律，drink, 是日甜品湯幾好飲，不過飲完都飽飽地，跟住上沙律，佢地用個樽裝住，好特別主菜我揀左豬肋骨，好軟又好夠味，再加薯蓉及兩塊瓜，薯蓉有d松露味咁，兩塊瓜冇食到，但屋企人話好正 肋骨都比想像中多同飽最後甜品係一小件檸檬撻，甜品嘅份量啱啱好因為有人叫左最貴嘅羊扒，又有人叫左平嘅意粉，除返大約$150/人，唔記得影低menu不過佢地個menu應該更新左，所以冇openrice見到嘅pizza食完後仲慢慢坐傾左陣都冇人趕，食左兩粒鐘先走

自從閨蜜來到觀塘工作後，就可以常常晚上找她吃飯了。這次就來到觀塘的Mini Friday 吃飯。Dinner Menu 豬牛羊雞魚都有，實會揀得到。餐湯好Creamy。沙律有爆爆珠，好得意。油醋沙律特別開胃。燒澳洲牛肉眼扒配黑松露燒汁 $238我點左五成熟既肉眼扒，黎到好有份量，大大塊。切開入面好多肉汁，五成熟既牛肉十分粉嫩。牛味中等，口感外焦內軟。套餐仲布甜品，好fresh 既mousse cake，食完就完整了。

今晚放工，約了同事在觀塘吃飯。選了西式餐廳，在新改裝工業大廈內。我們還未點菜，已送來一盤芝士脆片，配上濃郁的芝士醬，可以先止一止肚餓。我們點了威靈頓牛扒，這味菜製作方法很有趣，外面是酥皮湯的酥皮，包著內餡蘑菇，牛扒。相信製作的方法很考功夫，內裏的牛扒大概七成熟，外面的酥皮像千層酥很多層。外層金黃色，樣子10分吸引，配菜有番茄翠玉瓜， 感覺挺健康，還有特製醬汁，沾上更加惹味。白酒蜆肉意大利扁面，少許酒味和少量香蒜，新鮮蜆肉充滿鮮味，蜆肉挺大粒的，份量也不少，令扁意粉沾上海鮮香味。我們還點了南瓜餐湯，忌廉味很重。凍檸茶消滯解油一流。

和同月同日生日朋友在這店相聚！是日點了：牛扒：ok la,不過不失。沙津：賣相靚都新鮮紅酒：抵飲花茶：意外地香濃大壺！欣賞黑松露pizza: 香脆好味湯：幾好，但又唔係特別到要讚甜品：怪怪的，但又講唔出咩怪，甜又不易分得出是甚麼味芝士脆是餐廳一早已放檯面的小食，我都唔肯定是送還是有收錢，幾好食，但配芝士醬會好過千島醬吧！配千島醬真心怪。可去開觀塘，又唔知食咩，這間是可以推介的，未係一流，但everything ok!

係觀塘工業區放工就最岩可以係啲工廠都食埋晚餐先返屋企。之前約左朋友係The Wave食MINI FRIDAY，聽左好多次今次終於食到。首先要推介下佢個鹹蛋黃薯角，真係十級好食又。如果你唔怕肥又唔怕膽固醇過高又中意食鹹蛋黃嘅話，啲一個薯角真係岩晒你。為食指數：8/10另一個我覺得好好食嘅係卡邦尼意大利粉配溫泉蛋Spaghetti Carnanana with Onsen Tamago。啲意粉煮得岩岩好，唔會太淋冇晒咬口，又唔會太硬，食得出有用心煮過個意粉。另外個汁都好好食，好creamy！為食指數：7/10威靈頓牛柳 Beef Wellington牛柳好好食，佢由香脆酥皮包住院病人-5成熟嘅牛柳，中間仲夾住啲炒野菌膽埋黑松露，好正。但我個人覺得啲酥皮有啲”漏”，另外值得一讚嘅係佢個side dishes係蕃薯蓉，好特別，而且好好食。為食指數：7.5/10

今日放工朋友到觀塘呢間餐廳，叫做mini Friday，餐廳地理位置好方便，觀塘地鐵站行大約8分鐘就到。一入到去餐廳好大，座位亦好寬敞。餐牌嘅選擇非常之多，有沙律，小食，主菜，飯意粉，飲品選擇都好齊全。我就同朋友點左兩個主菜，佢個主菜可以加$48升級做套餐。跟埋餐湯同埋田園沙律。今日嘅餐湯係羅宋湯主菜。德國原隻鹹豬手，配菜有芥末，酸菜同沙律。豬手嘅上菜方式好特別，侍應會首先燃點豬手，啱晒鍾意影相既朋友。之後會幫你切番開細細件，豬手好香，外皮好脆。配上芥茉醬食好好味，唔會話好乾身。而另一個主菜就點左焗西班牙黑毛豬蛋炒飯，黑毛豬好嫩滑一啲都唔乾二蛋炒飯好香同新鮮番茄醬好配。 總體而言餐廳環境舒適味道好食啱晒三五知己朋友嚟傾計食飯

星期六要去觀塘一趟，約左瑪利係觀塘見，食埋午飯😗。之前係旺角同一大班人食過mini Friday, 大家都覺得好食，😝原來觀塘都有一間分店，所以我地今日去試下佢個午餐。呢座wave 商場我都係第一次黎🤩，去mini Friday 個層要搭升降機的，成個場分開左一半，mini Friday 佔其中一半，所以地方都幾大。原來佢下午係做semi lunch buffet。🥳出面有餐湯🥘，熱食，沙拉🥗，甜品🧁🍰。⭐️最令人鼓舞嘅係佢個現煮意大利🇮🇹麵區！開到仲以為，呢d會係普通野，等我仲叫左main course，原來佢個現煮意大利粉係高質。👍🏼睇佢細細嘅工作地方，做出黎嘅意粉好好食，⭐️我叫左個忌廉汁海鮮意粉，汁底好食，海鮮種類同份量都多，意粉軟硬度適中。❤️大讚！係出乎意料嘅。⭐️吉列深海石斑柳大件夾抵食，魚柳炸得好脆。⭐️炭烤頂級肉眼扒配黑松露燒汁瑪利係咁讚個牛扒，我覺得幾好嘅，我欣賞佢個薯菜。