Mini Friday (The Wave)

營業中

休息中

同事介紹加上見食評幾好就襯老公生日來試試，未坐低就端上脆片，想飲杯水見水杯不是太乾淨又卻步了。同行有小孩，聽見職員話有兩大一細收起一套餐具，我聽完就覺得奇怪，無講任何野就收起份餐具，我再問小朋友都要餐具的，在場一位男職員先話比個膠碗我。職員可能見我有不滿就來解釋因為有小朋友怕危險所以需要收走餐具。解釋我理解的，但佢比的膠餐具只有膠碗及匙羹。話因為佢地冇兒童餐具，最後因為要食意粉都要求佢比返支叉我地。野食方面...點了卡邦尼溫泉蛋意粉、肉眼扒（medium)及豬手。轉了套餐，餐湯是蕃茄忌廉湯，湯碗是崩的.....令人失望既肉眼扒、不過不失的豬手及卡邦尼意粉。食物質素不多講了，只能說不值這個價錢....食完叫職員上甜品，由於老公生日既關係...事前巳經係whatsapp同餐廳講係甜品度加上happy birthday 係碟面上，等左好耐都冇甜品上，開初諗係因為要寫字要時間，最後老公再催職員上甜品，甜品黎到就只係三份普通蛋糕冇加任何字係度。本身想比老公小小驚喜但甜品巳上唯有直接叫職員來同職員講返點解冇寫字係上面職員即刻收走幾碟甜品然後將三份甜品湊成一碟上。再加上一個聖誕節的朱古力牌.....

和咀刁的男友慶生 在觀塘找了這間位置the wave 的西餐廳Mini Friday 食個晚飯慶祝🥳一坐下來 便有免費的餐前小吃是脆卜卜的粟米片🥰粟米片由多層酥皮組成 鬆脆得來也不油膩👍🏻點了鹹蛋黃炸薯角鹹蛋黃醬完全覆在薯角上還有一些鹹蛋粒 濃郁的蛋黃香 配上百搭的薯角這餐前小吃已令男友讚不絕口🤭主菜方面 我們點了法國黃油春雞是完隻的 分量非常多一般以燒雞來說 很多餐廳都燒得很乾這個春雞仍然保留很多肉汁配菜方面亦很有驚喜 就是紫薯蓉甜甜的紫薯蓉做配菜更加能夠有去油膩的感覺另外點了法國鴨肝牛肝菌意大利燴飯鴨肝非常肥美 而最值得一讚的就是這個意大利燴飯鵝肝菌和醬汁10分配合而飯的味道 很濃郁 非常惹味👍🏻最後當然點了蛋糕這個焦糖蛋糕中間有幾層中間的焦糖脆脆令蛋糕口感很好焦糖 的甜度適中 不用2分鐘 我們K.O.了這個蛋糕😆

除夕要返工，有點無心工作，一於約同事一同午飯，輕鬆一吓。聽同事說Mini Friday 嘅semi-buffet不錯，一於試試。Semi-buffet 包一個主菜，另外沙律、小食、甜品任食，湯及菓汁任飲。沙律菜算新鮮，沙律汁醬亦多。小食有魚蛋、咖哩角及薯餅。甜品有芝士蛋糕、朱古力donut 等。食物算豐富。主菜點了蕃茄汁火腿露荀意大利麵。麵非常彈牙，蕃茄汁酸中帶甜，非常開胃，好吃。另雜菜湯亦好喝。同事們點了辣肉腸pizza及香煎三文魚柳，聽説亦不錯。以佰多元semi-buffet來說，加上食物水準不錯，值得再來。

今日同朋友約左去觀塘搵野食！記得Mcdonald’s 對面棟工業大廈好似多左好多野食，最後就揀左3樓既 mini friday環境都幾有格調，坐得都好闊落一坐低 店員就比左一籃類似薯片既薄脆我地我地本來都有啲肚餓 可以一邊食一邊等野食黎實在太好！脆燒德國原隻鹹豬手 $248黎到之後店員會係面淋上酒，做成豬手著火既效果，真係好勁！皮燒得好脆，肉質唔會鞋，個mustard都好特別，好香黑松露味，估唔到同豬手都咁夾！炭燒1855美國牛肉眼扒 $298份量好大，啱啱好5成熟，牛味都好出薯蓉好特別，有別一般既薯仔，而係用左蕃薯！

因為又有同事生日，所以又要上網搵食，搵到The Wave未去過，原來呢到有好多食店，睇食評唔錯就揀呢到。我地一行4個人來到，比左最入嘅位我地，本來都驚會好嘈 (觀塘去邊食都好嘈下)，估唔到當時已爆場咁滯，都可以靜靜的傾到偈，唔錯。呢到有樣好係Semi Lunch Buffet係個餐包哂自助沙律吧，我只食素的可以只叫A餐 ，其實已經好夠食。① A餐：自助沙律吧+甜品餐($88)② B餐：自助沙律吧+鮮茄汁煙火腿露荀意大利麵($98) x 3Total = $382自助沙律吧 都幾豐富，有凱撒沙律、車里茄、青瓜、紅腸、魚蛋、長通粉沙律、紅菜頭沙律、薯仔沙律、粟米沙律、鮮果啫喱、朱古力冬甩、德國芝士蛋糕、朱古力蛋糕、2款湯同幾款炸物，單食呢D野已經夠飽，味道都唔差，我就覺得紅菜頭沙律最好食。《鮮茄汁煙火腿露荀意大利麵》見到隻碟咁大，中間份量好似好少咁，原來都唔少，煙火腿好食露荀鮮嫩，意大利粉硬度剛好，好食嘅。咖啡來到唔酸濃度唔錯，都幾好飲。總括來講，呢到真係可以再來，起碼唔嘈已經好好。

這間餐廳下午時間是半自助形式的，嗰個半自助餐嘢食都算多選擇同埋有很多熱盤冷盤湯同甜品嘢飲都有，之後仲可以選擇一個主餐主餐仲可以要多一杯嘢飲所以總括來講我都覺得算化算，地方都很大很乾淨都坐得舒服，服務人員態度都算還可以，他們的主菜餐牌都很快會轉其他款式所以每次去都有不同的選擇，如果自己是細食的都可以不用加佢的住餐牌的主菜，只是食他們這個的半自助餐裏面的食物都可以，價錢都算合理，所以下一次都一定會再去。

每桌都會送一碟脆片，炸得鬆脆，有點像酥皮，而且還是暖的，好吃，配啤酒一流，份量很多，適合飲下野傾下計。黑毛豬非常多汁，肉質軟稔又帶點咬勁，脂肪比例很好，切開每塊肉都有一點脂肪位，很香豬味。驚喜地方是菠蘿，酸甜味加上肉一起吃很開胃，又清新。卡邦尼意粉同樣出色，份量很多，芝士味濃，我最喜歡食芝士，每條意粉都有汁包住，意粉口感彈牙，好吃。飲品點了一jar sexy beach，有菠蘿和西柚味，不澀，很香果甜味易入口。

當日朋友跟我慶祝生日，我一直都想黎試依間西餐廳所以當晚親book左依間餐廳當日黎到一到步，以為自己去錯地方因為原來係同另一間鋪一人一半，但地方其實都唔細，同埋重點： 完全無雞煲味飄過來店員都好好service，當晚叫左個皇牌威靈頓牛柳（真系好好食，5-6成熟咬落去完全入口即溶）同埋雜菜意大利粉歐陸海鮮拼盤（食到一半先記得影相）雜菌蘑菇露絲瑪莉燒全隻法國黃油春雞，雞肉幾滑個魚唔記得叫咩名😂到最後點少得甜品🍮心太軟配雪糕

近期去左幾間樓上餐廳, 發現樓上餐廳的環境往往比地鋪舒服好幾倍.而MINI FRIDAY就是其中一間, 無論食物或座位舒適度都很不錯的地方.每枱都會免費附送的墨西哥脆片, 脆片炸得香脆, 飯前小食一流.凱撒沙律 HK$88沙律菜是食得出的新鮮爽脆, 配上沙律醬,簡單而又清清地,是一個很好的開始.水牛城雞翼 HK$88醬汁濃稠,帶有微微的酸酸辣辣雞翼醃得相當入味, 外層惹味, 內里仍保留肉汁,好JUICY.鮑魚鮮蝦意大利麵 HK$198這個似係炒意粉, 顏色看似較深, 原以為很鹹,不過又鹹淡很適中鮑魚及鮮蝦都用上新鮮的海鮮, 卻不偷工減料, 比起雪得沒有味道的水晶蝦及鮑魚來得有誠意.而且意粉煮得十分彈牙, 整體十分不錯.很推介~雪糕梳乎里 HK$108好軟熟的梳乎厘，同平食開果種不同, 梳乎里質感好鬆軟，空氣感飽满，食落唔會太飽，洋溢著滿滿蛋香和淡淡的奶油香,口感一流.

今日收早就去官塘apm行街，商場已經好有聖誕氣氛行完之後就要去食晚餐，我地今日打算提早過聖誕就去工廠大廈食西餐，餐廳環境舒適，燈光明亮。凡惠顧肉類/海鮮/意粉/飯類/薄餅可以以優惠價升級為套餐。我選擇3款$68餐湯，汽水和甜品。一坐低職員即刻遞上一碟小食，脆薯片好香口沾上醬又好美味。白蘿蔔忌廉湯，蘿蔔味濃郁又香滑又香。夏威夷海鮮薄餅，餅底外邊亂卜卜內里軟熟，有菠蘿，魷魚，火腿和蜆仔等。水牛城雞翼沾滿醬汁，外層皮好脆內里肉質嫩滑，食落車酸酸辣辣幾野味。白酒鮮蜆扁意粉，蜆仔好鮮甜和蜆肉好飽滿，扁意粉又有咬口又夠味道。最後以甜品作結尾。

今晚約左朋友吃晚飯，就在她工作的附近，找到這間新商場，The wave ! Mini Friday 就是朋友嚐過後不錯，所以也來嚐嚐！環境還是不錯呢！剛好地方寬敞，坐得舒服是很重要的！選擇還是蠻多的，我們選了卡邦尼意粉配溫泉蛋，還加了沙律和餐湯，是晚是南瓜忌廉湯，味道不錯，很香南瓜味！沙律也很新鮮呢！這碟豬仔骨是重點！軟滑而且肉汁豐富，一切下時肉汁流出，令人回味非常！溫泉蛋是亮點，攪拌後令意粉更香，而且粉底煙Un , 朋友大讚！好味！豬仔骨正正！

周日跟朋友在觀塘海濱公園做完義工，難得來開觀塘，就順便到駱駝漆看看有甚麼便宜貨和到附近食lunch。Mini Friday之前都光興顧過旺角分店，食物不俗價錢亦合理，原來中午有Semi buffet，見觀塘有分店朋友又未食過，一於在這裡午飯吧！＊＊＊＊＊＊＊＊＊＊＊＊＊Mini Friday觀塘分店在翻新了的工廈The Wave內，所以店面比旺角店較為寬敞，周末午飯時間人不太多，但相信平日應該幾多食客。Semi buffet每日12:30至16:30供應，價錢由$78至$188不等，包括主菜和餐茶，而沙律、湯、小吃、甜品和果汁則可以在自助區拿取，如果不點主菜，最便宜$78已經可以享用沙律甜品吧，非常抵食。甫進餐廳，右手邊有沙律、意粉、小吃、湯和糖水。甜品沙律吧不只有輕食，同樣有飽肚的意粉和長通粉，有需要時侍應會為食客即叫即煮。而入口左手邊則有沙律、甜品和果汁。主菜未到，就喝點南瓜忌廉湯。南很湯夠creamy，南瓜味很香甜。沙律菜新鮮爽脆，車厘茄清甜，我最欣賞是餐廳提供多款沙律醬汁選擇。果汁有橙汁和蘋果汁，兩款都可以任飲。炭燒美國頂級肉眼扒配黑松露燒汁($188)肉眼扒很大塊，有整隻手掌

之前食過哩度既lunch，十分抵食，晚市當然想試下！頭盤有個免費既餅咁，仲好脆口如果熱d就好啦再揀左個餐湯，係南瓜海膽湯，其實佢仲有黑松露野菌湯個d揀，不過貪新鮮就叫左哩個，都幾有趣，南瓜湯配海膽都幾新鮮，幾好味再黎海鮮拼盤，有鮑魚，有象拔蚌，有帶子，青口仲有蝦，全部都幾新鮮，不過對海鮮有要求既朋友就可能未必滿足到仲有叫左個焗田螺，本身十分喜歡食哩味菜，佢哩個有d脆脆地既類似餅既野配住個田螺真係好入味好正！總結而言，晚市都好食，不過午市抵d

約了一個很久未見面的舊同事聚舊，兩個人就去了這間Mini Friday。餐廳有半自助午餐供應，可以只選擇任食沙律吧，亦可加配主菜，豐儉由人。我們兩個只點了一份主菜，因為沙律吧都比較十豐富，除了沙律，還有些炸物小食及甜品，最誇張的都是即叫即煮意粉，質素不俗。粟米湯有粒粒粟粒蓉，更可配上脆片。沙律都有幾款不同口味，我自己就最鍾意黑醋沙律及煙肉薯仔沙律。貌似咖哩角其實是蝦角，蝦肉都彈牙且夠脆。而炸紫薯軟軟甜甜幾好味。忌廉意粉十分creamy，意粉爽口，不比正餐主菜差。炭烤美國頂級肉眼扒配黑松露燒汁肉眼扒有成塊臉般大小，表面煎至焦香，中間還帶點粉色，肉味尚可，而且保留到牛肉汁，肉質嫩腍，伴有比較少見的番薯蓉及豆角等蔬菜。其實女士只點沙律吧已經好夠食，想豐富一點就可以加配主菜，最後還送上餐茶。

星期日放假同老婆一齊出去飲飲食食，第一站就十先去了這間在觀塘的Mini Friday。餐廳假日會有午市brunch，所有沙律、小食、即煮意粉及甜品都任食，另外還可以選配主菜，由$78起，價錢公道又抵食。沙律吧有紅菜頭、薯仔沙律、雜菜沙律等、新鮮好味，小食有炸蝦角、紫薯餅、紅腸及丸，還有甜品幾款，即煮意粉就無試，但外觀不俗，似乎不錯。香煎三文魚柳配香草忌廉汁：三文魚表皮煎至香脆，肉質嫩滑新鮮，以少許黑椒及鹽調味，簡單中可以食到三文魚的鮮味，旁邊還有些香甜的番薯蓉及蔬菜。BBQ汁焗美國雞全肶：雞全肶十分大隻，表面用bbq醬調味，雞肉幾嫩滑帶點甜，旁邊都配有雜菜及番薯蓉。最後飲返杯檸茶消消滯，又出發去下一站啦！