Mini Friday (The Wave)

營業中

休息中

難得朋友生日，搵個地方食個晚餐吹下水，朋友就建議食mini Friday。環境舒適，有sofa坐得舒服，一班朋友傾計都開心。夏威夷帕爾馬火腿薄餅 $118薄批脆脆的，欣賞佢用新鮮菠蘿，配帶點鹹香既parma ham, 味道唔錯。西班牙海鮮飯 $228熱辣辣好吸引，海鮮多到食唔哂，重食到少脆脆既飯焦添。心太軟配雪糕 $68朱古力爆漿夠吸引，蛋糕做到外脆內軟既感覺。一晚可以食到咁多美食好滿足，我同朋友都感到好開心。

昨晚和好友預約了六點在這裡吃飯，由於時間尚早，餐廳不是很多人，而且環境氣氛很好。一坐下，侍應就遞給我們一份送的小食，味道很甜別，幾好食，好友説是咸蛋黃薯角。我們叫了兩份set dinner，包括一份豬鞍，一份diy意粉，都附送飯品、沙律、南瓜湯和甜品。我和好友都覺得南瓜湯好好飲！豬鞍不錯，很綿軟，也很濃味。意粉是diy，自選麵類、醬汁和配料，味道也不錯，但豬鞍較好吃。另外我們還點了一份炒雜菜，雜菜份量很多，兩個人吃會很飽。我們吃完後聊天了很久才走，是一個聚舊的好地方！

同朋友慶祝生日，諗返之前食過mini Friday幾高質，就過黎食dinner。香烤美式BBQ豬肋骨 $168烤得頗香，如果肉質軟腍d就更正。西班牙海鮮飯 $228賣相吸睛，調味出色，海鮮新鮮足料，蝦份量多又彈牙，蜆肉都好鮮甜。心太軟配雪糕 $68流心度夠，配冰凍既雲尼拿雪糕，好match。Pussy foot & cold chocolate最後叫杯凍飲，劃上完美句號。呢間食物質素唔錯，下次再同朋友黎～～～～～

去了觀塘的mini friday食晚飯。餐廳空間感很好，餐桌之間有適當的距離，餐桌也有夠大，方便擺上很多食物一齊分享。邊吃餐前小食邊點菜，感覺很爽。這夜，點了一客DIY pasta，貪其可自由配搭，從汁、粉、配料，組合獨特的pasta。這是個套餐，之前先來田園沙律和是日餐湯。田園沙律以玻璃瓶盛載，賣相特別，分量很多，倒出來會發現把餐碟鋪得很滿。是日餐湯是黑松露忌廉湯，黑松露味濃郁，令人食指大動。這次的組合是芝士忌廉汁煙鴨胸煙肉扁意粉。芝士忌廉汁份量恰到好處，濃淡得宜。扁意粉煮得彈牙，烹調時間控制得好。煙鴨胸和煙肉共兩款配料，只需額外加十元，都幾抵。是日甜品是芝士餅，小小的一件，點到即止。餐飲選擇了紅棗桂圓茶。當刻正在做推廣，選擇特飲可以按餐牌價錢減28元，因此成就了這個中西合璧的組合。紅棗桂圓茶有夠滋潤，對身體益處甚多。除了套餐，還點了一客火焰脆燒德國咸豬手。餐牌上那個著火的賣相，已經叫人非常期待。豬手剛上枱，確是平平無奇。侍應讓我們拍照過後，隨即表演讓豬手燒起來的一幕。表演過後，火焰熄了，侍應細心查詢，看看我們想自己切開豬手，還是由廚房代勞。懶人如我當然將這個重任交回廚房，所以稍等一

前陣子曾與同事來光顧，這店的氣氛很好，坐位寬敞又舒服，食物質素也不錯。今晚便帶老婆大人再來一趟，順便慶祝她新工過了試用期，看著心情興奮的她吱吱喳喳說過不停，令人心情特別愉快，今晚吃貴一點也沒所謂。先來一客"溫泉玉子菠菜大啡菇" 這樣煮法認真不錯，口感豐富，雞蛋黃汁加上啡菇汁，好滋味。主菜"脆燒德國原隻鹹豬手"最吸引是即場點火，一陣陣燒豬香氣飄揚，豬手份量十足，脆面香口，肉又不會太鹹，細心的我，當然切好一件件才開餐啦！吃重口味食物必定要點一份沙律，幸好這裡的沙律菜夠新鮮，否則老婆必投訴。

呢度開中午12點，我來到剛好開門營業，冇人，得2枱客，個場好大，只開風機，好在天氣凍，问題不大。中午只得semi buffet lunch, 有6个選擇， 出去行咗一轉個buffet bar, 見有雜菜沙律, 雞翼, 炸紫薯餅, 意粉, 南瓜湯 和甜品， 對於我嚟講已經好足夠了。 決定揀a 自助沙律+甜品區， 服務員姐姐話食落唔夠，先再加主菜 (即改成b一f餐)， 極具彈性。食咗2回已經好飽了。食物選項唔算多， 味道中規中矩， 一分錢一分貨，$88+10%，包餐飲1杯, 任食任坐, 市区位置算係抵食。食左1个鐘，走時都只有4枱客，相信久坐狂食都冇人理🤣， 如果你食得落!

今晚二人行在觀塘Mini Friday食西餐。先來一份墨西哥脆片，為豐富晚餐揭開序幕：我的E餐是燒美國豬鞍扒 配 燒汁  $218田園沙律、黑松露忌廉餐湯、芝士蛋糕、椰林飄香。別緻的田園沙律出場，是用密實的玻璃瓶子盛載著，像要將沙律保護得更要好，呈現在我的眼前，清新的田園沙律也為我帶來健康之選。黑松露配忌廉餐湯，有幼滑口感，味道合宜不偏鹹。燒美國豬鞍扒 配 燒汁 ，豬鞍扒肉質極之腍滑，且非常有肉味，配上燒汁，味道又另有番新層次，伴隨豬鞍扒上碟還有薯蓉、燒蕃茄和茄子，薯蓉滑滑的帶著忌廉的香和滑，十分美味可口。椰林飄香，特飲如其名，贏得滿口椰香，清甜又滋潤。正正方方的芝士蛋糕，帶輕量芝味，蛋糕軟綿可口。朋友的 D餐. 香煎三文魚柳 配 芥末籽忌廉汁  $198分享朋友一些的三文魚柳，外皮煎得金黃香脆，已經非常吸引，入口的三文魚柳甘香仲帶有微微肉汁。田園沙律、黑松露忌廉餐湯、芝士蛋糕、茉莉玫瑰茶。 

12月真系一個普天同慶的日子。今日收工為咗同同事們一齊去提早慶祝聖誕節，我地決定去一間位於觀塘 The WAVE 三樓的餐廳 – Mini Friday。一入到去餐廳柔和的燈光令到人感覺好放鬆，當日我地一行四人被安排到角落位置的」卡位」上，位與位之間的空間相當之寬闊，絕對不會讓人覺得局促。當我地一就坐的時候，侍應就已經好貼心地送上一籃薄脆小食，並且附上一個類似千島醬的醬汁，醒胃得很，我地幾人都食到停唔到口。我地一邊食住小食，一邊從五花百門的餐牌上選擇當天的晚餐，餐牌上的食物多不勝數，分為小食、頭盤、肉類、海鮮、意粉、飯類、薄餅、甜品、飲品，看著餐牌上令人垂涎的美食，我地的『選擇困難證』再次發作。幾經商議之後，我地揀咗四款食物一同分享，分別是：脆燒德國原只咸豬手 ($248)、西班牙海鮮飯 ($228)、卡邦尼意大利面配溫泉蛋 ($108) 以及蟹膏雞肉薄餅 ($148)。點選主食類的食物，亦可按照唔同需要加配餐湯、沙津、飲品、甜品成為套餐。(以上4款選2款+$48)(以上4款選3款+$68)(以上4款選4款+$88)我地各人亦都加配了3款升級為套餐，哈哈師奶心態，感覺上好似比較實惠。首

觀塘區美食林立，工廈餐廳又多不勝數，鐘意去試新野既我，會重覆再去同一間餐廳，原因就只得一個，就係「好食」今晚約左個好耐無見既朋友晚餐，想揀間寧靜舒服既餐廳傾下計，因為難得一聚，怕試d未食過既餐廳中伏會令今晚約會留有遺憾 所以我揀間食過有保證既，希望朋友今晚食得開心滿意位於The Wave既「Mini Friday」地方很大，環境舒適！套餐價錢經濟，包湯，沙律，主菜，甜品及飲品亦都有散點的一坐低就奉上免費既小食，份量也不少啊朋友對個醬讚不絕口沙律新鮮，即使只是跟餐的，但由盛器到味道也不求其！餐牌上既飲品都可以跟餐的只需跟餐牌價錢減去$28，補回差價便可。煙鴨胸黑松露忌廉汁天使麵$138（套餐）十分欣賞這個意粉可以自由配搭，可以自由揀選自己喜歡既麵、配料及醬汁意粉彈牙，醬汁味道濃厚、口感幼滑，配上適量芝士，非常惹味燒澳洲牛肉眼扒配黑松露燒汁$238（套餐）牛扒份量十足，一開二可以變成兩塊，配上蕃茄、薯蓉、茄子等...呢塊牛扒令人十分回味，因為大家不吃生，所以點7成熟。很多時既7成熟都很易變成偏鞋及乾，但呢塊真係控制得好好，不見血之餘仍能保持到肉質嫩滑，入口充滿肉汁我同朋友都相當滿意甜品餐

終於到了星期五，跟同事食好啲，去到mini Friday 這裡有午市自助沙律吧！沙律吧有餐湯，小食，沙律跟甜品，甚豐富。小食我最喜歡炸紫薯餅，沙律的菜也很新鮮，還有紅菜頭健康食物。餐湯是粟米湯，甜品有中式芝麻糊夠特別。主菜亦有幾樣選擇，我同事選了肉眼扒配黑松露燒汁，醬汁選用黑松露汁，松露味很出眾，配牛扒挺特別啊。我點了盲鰽魚配香檳忌廉汁，我略嫌這個魚比較咸，但魚皮煎得香脆，肉質嫩滑。主菜仲有薯蓉，番茄仔等配菜。每個餐還有餐飲，食得飽飽，接著再回公司上班去。

觀塘真係有好多好野食，好多都喺工廈𥚃面，唔特登搵，真係唔知。入到餐廳覺得好有氣氛，燈光微暗，地方寬敞，有現場歌唱表演，感覺好relax。我同朋友各點一個dinner set，每個set都有田園沙律🥗，餐湯，main course ，甜品，飲品，非常齊全豐富。我點咗個燒澳洲牛肉眼扒配黑松露燒汁。牛扒外grill 內juicy，肉質香嫩，帶適量嘅油脂同筋，真係好香好yummy！甜品係芒果慕絲蛋糕，賣相精緻，唔會太甜，係完美嘅ending終於明白點解係Mini Friday，同朋友喺咁舒服嘅環境一面閒聊，一面享受美食，令人暫時放鬆，真的有Happy Friday night 的感覺

周四晚上收工約了朋友，來到位於觀塘的Mini Friday食飯。最先上菜的是咸蛋黃薯角，咸蛋黃的份量非常充足，每一塊的薯角都沾滿了咸蛋黃碎，風味十足，不像部分坊間流行的咸蛋黃菜色，完全吃不出咸蛋黃味道。五成熟肉眼扒表面煎得微焦，切下去的肉質仍然維持半熟，充滿肉汁，食起來十分juicy。值得一贊的是牛扒非常厚切，口感十足，搭配黑松露燒汁，的確很美束。西班牙海鮮飯的賣相也相當不錯，西班牙飯呈鮮黃色，炒得非常乾爽，飯粒顆顆分明，吸引鏡頭之餘，又刺激食慾。飯面全被不同種類的海鮮覆蓋，有大蝦、蝦仁、蜆、魚塊等，份量十足，兩個人都吃不完，雖然價錢相對其他菜稍貴，但實在物有所值

觀塘區近幾年變化甚大，以往只是商業及工廠大廈淋立，但因香港工業息微，很多工廈都頻頻轉營，尤其是今晚光臨的Mini Friday,也是位於觀塘其中一間工廈改建而成的The Wave。皇牌威靈頓牛柳煮法繁複的一道菜式，想不到在這間中型食肆也能品嚐，價格也比想像中便宜，因此份量也是一人份而且。傳統的酥餅外層，包裹住半生熟的厚身牛柳及磨菇。表面呈十字介花樣式的酥皮尚算香脆，唯牛柳肉質並沒有想像中腍身。自選意粉套餐由於是與小朋友一起分享，所以點選了雞柳配醬汁較大路的香草蕃茄醬為調味。果然一如所料，濃郁的蕃茄汁為天使麵增添顏色及開胃的味道。蜜桃雪葩眼見附近枱的食客點的雪葩賣相頗吸睛，我們也叫了試試。以碎冰盛載原個水蜜桃，內含清甜雪葩，還有藍莓、士多啤梨粒及火龍果粒點綴。

今晚放工後和朋友到觀塘的一棟商廈食飯，一直都很喜歡在這邊的餐廳吃飯，因為餐廳的空間都很大，坐得很舒服。我們點了一個dinner set和主菜、小食，兩個人share。首先上菜是一份餐廳免費送的小食，外表像是墨西哥脆片(Tortilla chips)，但吃下去才發現原來是炸雲吞皮，搭配着千島醬進食，味道實在非常驚喜，甚至比薯片或其他脆片都更好吃，令我十分期待接下來的主菜。Dinner set 主菜我們點了烤寶雲酥羊架：羊架表面塗上了芥末醬，再用加上麵包糠和香料烤焗而成。羊架肉質鮮嫩，入口很juicy，完全冇羶味。羊架本身已經很入味，不用點紅酒汁也很夠味。另外我們也點了海鮮Pizza，表演放滿了不同的海鮮包括蝦丶八爪魚，洋蔥以及大量嘅芝士。餅底非常脆薄，塗上了少量的千島醬，很美味。特別喜歡這個Pizza的調味，味道很清新，不像其他餐廳的pizza很咸，食完之後要飲好多水。我們也點了一份小食是意式焗牛肉丸，用鐵盆焗的薯蓉，上面放了肉丸，搭配着蕃茄醬汁，食落口熱辣辣，不錯！

今日約咗朋友食飯想食西餐，四個人搵間坐落舒舒服服嘅餐廳食餐好的～我地叫咗個鹹蛋黃薯角，熱辣辣咁上枱，食落鹹蛋香加上炸薯角嘅油香，食到停唔到口，差啲再叫多一個。跟住就叫咗個火焰脆燒德國鹹豬手，上枱點火，噱頭十足。豬手表皮好脆，同少少肥豬肉點埋芥辣食，十分香口～跟住我地叫咗兩個主食—卡邦尼扁意粉同埋牛肝菌啡菇闊麵，兩個都好好食。卡邦尼意粉隻蛋剛剛好半熟，攪埋啲意粉一齊食口感滑溜，味道又好。牛肝菌啡菇麵對於鐘意食菌類菇類嘅朋友會好鐘意，因為實在太香菇味啦～最後仲叫咗個皇牌威靈頓牛柳，牛柳嘅肉汁仍然保持住，都幾好～配埋配菜一啖更加好味道～～