Mini Friday (The Wave)

營業中

休息中

放工出觀塘食飯，試下呢間西式餐廳，餐廳環境十分舒適，裝修特別。入座後，侍應便送上餐前小食，薄餅夠脆。然後和朋友點了凱撒沙律，香辣蒜片羅勒意大利扁麵及黑松露野菌pizza。凱撒沙律，菜很新鮮，味道也不錯。本身喜歡辣，就試試香辣蒜片羅勒意大利扁麵，味道香口，香辣配上蒜片很Match。黑松露野菌pizza，pizza又熱又脆，黑松露味道濃郁，再配上野菌及芝士，口感十足。最後甜品點了雪糕疏乎厘，呢個必食推介，疏乎厘非常鬆軟👍

晚餐是飯佢叫咗一份威靈頓牛扒, 焗出嚟 嘅時候只係暖暖地, 唔好講得話熱 ,咁大塊牛扒好快已經 凍 咗, 再加上 切落去先見到 酥皮原來只係得個面 ,底部係冇酥皮嘅 ,牛肉食落去都唔係太香, 另外叫咗一碗 海膽南瓜 湯, 海膽味好少, 感覺好似平日午餐叫嘅南瓜湯 ,充滿期望 去食一餐 ,結果係失望而回o

首選都係因為可網訂、評語不錯。這晚一行五人食團年飯，想吃西餐又舒服傾談的餐廳，比想像中的好，先說食物（見圖）賣相不錯，質數都算有水準，份量都剛好。最讚的是有酒提供，因為吃了多間的工廈餐廳，就只有這間有，當然是非常不錯，大時大節不能把酒談歡，確是會有點失望的，另外是那些蜆肉汁鮮甜，我們連湯汁也沒有浪費🤤，再說環境也比想像中好，最近去的工廈比較嘈，但這一間不但樓低高，而且也相對大，坐位之間有足夠空間，三五好友聚會傾談也真是不錯的選擇，唯獨有兩個地方提議改善，就是廁所🚽環境有很大的改善空間，另外是因爲隔離是吃火鍋的，所以在西餐那邊雖然通風良好，只是吃完後留在衫裡也吸了不少火鍋味😬，總括來說都是不錯有質數的工廈餐廳

同事上年聖誕節在公司抽到大大獎金，果然有口齒請我在公司附近食晚餐 。店內燈光暗淡， 環境有氣氛，加上坐位舒服，真是一個不錯的地方！侍應有禮招呼我們坐下然後放下一籃脆脆，我真是不客氣地一塊塊點沙律醬放進入口，食過不停！我們都點選餐牌上的皇牌威靈頓牛柳， 再加$88配湯，沙律，飲品及甜品，一齊慢慢享受！忌廉蘑菇雜菌湯， 細滑香濃，加上有切碎的磨菇， 增加口感！雜菜沙律，食材新鮮，無得輸！威靈頓牛柳， 一切開肉汁馬上流出來， 聞到陣陣蘑菇及肉香，外層酥皮鬆脆， 內有碎蘑菇包著厚厚軟嫩的牛柳，加埋醬汁滋味無窮！芒果慕斯蛋糕，不是太甜，完美配搭！

小食方面我比較鍾意嘅係粟米，唔知點解我食落第一啖會覺得有d粟一燒嘅味道 另外個炸薯餅都唔錯，裡面係薯蓉再加d粟米粒，感覺可以降低油膩感。炭烤美國頂級肉眼扒配黑松露燒汁呢個牛扒我order 左係要十成熟，效果出奇地好，同我以前食過嘅全熟完全唔一樣，肉質依然好嫩滑，而且好多汁，配呢個醬汁亦都好夾。伴碟有紫薯，蘆荀同埋車厘茄，足夠飽肚。黑松露雜菇薄餅薄餅一上枱已經聞到黑松露嘅味道，薄餅皮底焗得薄脆，雜菇同芝士份量亦都有唔少，一人份量嚟講足夠有餘。

一排冇去The wave，原來已經變好多餐廳既地方。放工約左朋友去Mini Friday食飯，呢度D野食份量好足夠，幾抵食！炭燒美國牛肉眼扒好大塊，兩個女仔Share就岩岩好！我地叫左medium，燒得恰到好處，切開有少少血水，食落一d都唔韌唔鞋，推介！海鱸魚柳香草醬燴飯平時食意粉都鐘意香草醬，因為覺得比起其他醬佢冇咁漏！而呢度既香草醬好惹味，應該加左D Cream，再配埋risotto索曬d汁，唔經唔覺已經好快清曬！海鱸魚柳厚身，輕輕煎過，好香口！嗌左Main course 可以加錢配salad，soup，dessert or drinks既，我地配左3樣野 $68 要左田園沙律，餐湯，同野飲。兩個人咁嗌份量好足夠！

有同事食過呢度個semi-buffet, 要推介我嚟試, 其實觀塘區真係冇乜semi-buffet, 我只係食過apm果間, 雖然唔差, 不過太貴, 而且太多人, 但呢度價錢唔算貴, 而且都唔係多人, 間中一餐都尚可接受~餐廳環境係偏暗, 好明顯係要走高檔少少路線, 但原來隔離係食雞煲, 唔知係咪同一個老闆? 但雞煲果邊中午冇開, 所以呢邊d人手都叫足夠, 自助食物好快refill~ 餐湯只係得一款, 是日係南瓜忌廉湯, 味道唔算好濃, 不論南瓜味定係忌廉味, 不過都算幾滑口, 再配埋墨西哥脆片, 都幾夾, 雖然個脆片係好脆同熱辣辣, 但看上去比較油, 炸得唔夠乾身~ 前菜選擇唔算太多, 但咁先可以樣樣都試................@ 好耐冇食過陳皮魚蛋, 不過好似冇乜味, 都唔知佢係咩汁? @ 紅菜頭仲好笑, 比佢陰咗, 其實夾果陣都有d奇怪, 有大有細都唔奇, 仲奇在深淺色好明顯, 食落口先知, 應該淺色果個係白蘿蔔, 仲要酸到阿媽都唔認得~@ 粟米粒都係倒罐頭, 冇乜特食, 當食咗蔬菜咁囉~@ 薯仔沙律d薯仔超大舊, 食多兩舊都已經飽哂~@ 長通粉味道怪怪地, 酸酸辣辣咁,

轉職到觀塘都有一段時日了，中午間中都會與同事出外用膳😊是日同事選了1間距離地鐵站稍為遠的西式半自助午餐😌入到餐廳其實已見自助沙律吧、數款熟食及甜品，又有果汁任飲，見非常不錯，已有開胃感🤤因為準備開懷大嚼沙律吧食物，所以只點了香煎鴨胸配無花果砵酒汁、黑松露雜菇薄餅😌先取一碟小食，薯仔沙律的沙律醬應該是蛋黃醬，所以有香味而不會過酸😍配以脆煙肉粒，非常匹配，值得讚賞👍炸蝦角稍為冷卻了，不過很多蝦做餡料，外皮都尚算脆，都算不錯👌魚蛋非常爽口彈牙，咖哩汁不辣但味道不俗👌粟米用心地炒過，很香甜👍香煎鴨胸配無花果砵酒汁主菜來了！樣子非常高級，開動💃鴨胸切落雖然有少少硬，但入口半點不韌！鴨胸味道非常濃郁但又不是醃得太鹹，配合砵酒汁很香甜😋而且配菜亦是精心製作因全部有煮過😝同事覺得無花果很甜，與鴨胸一併食，一香、一甜好好味😍黑松露雜菇薄餅相對鴨胸，薄餅立刻被比下去🤣但味道亦豐富的，松露味十足，但如果批面再滿滿一點、再加肉碎的話（我是食肉獸🤣）就完美了🤩享用主菜期間取了甜品🍮雖然只有數款，但一食之下，竟然連甜品都出色😍冬甩，不要只看表面，原來內裡有餡😱😍餡料應該是榛子醬，我覺得好豐富又不會過甜，但同事略嫌

朋友系要見架，但系又要諗食咩好，就番九龍區既朋友仔，朋友介紹觀塘工業區有間西餐廳mini Friday 幾好食，所以試試，好在一早訂咗位，星期一都多人booking,一行四人，入到餐廳，見到個環境好浪漫，氣氛幾好喎，而且座位坐得舒服又闊落，肉類、意粉、薄餅都可以加$68有餐湯，嘢飲及甜品！幾好喎唔使諗，夠晒方便，坐落仲有薄脆食添，感覺好輕鬆，見到台台都叫德國鹹豬手，所以我哋都叫個脆燒德國鹹豬手$248，一上到枱非常吸睛，服務員馬上點火，相機食先，外皮燒到脆，肉仲係軟林林，唔會太過火！卡幫尼意粉配溫泉蛋$118，值得推介，每條意粉掛上卡幫尼汁及蛋汁，好好味，而且意粉硬度適中！蟹膏雜肉pizza $148,薄薄脆口既薄餅，配上鮮美蟹膏，幾特別，正！西班牙海鮮飯$248,份量大，仲要好多海鮮，幾好味，e度幾好，不會大嘈，可以同朋友吹下水，不錯之選，系觀塘地鐵站行五至十分鐘就到，地區非常方便！

觀塘真係比較少黎，以後可以要黎多d先得。去到The wave商場見到好多食肆招牌，今日就去左Mini Friday. 呢度間隔好特別，係好似幾間餐廳拍埋一齊咁，隔離有雞煲，但又一d味都冇，幾好喎！唔同嘅氣氛mix and match ! 隔離西餐有live band 好正呀！食物就一般，但好多款式！明太子雞翼好吸引！鴨胸蕃茄意大利飯，微酸好香。加set可以有湯沙律同餐飲！仲有我好想食嘅梳乎厘斑㦸雪糕，試問有邊個女仔唔心動。又香又甜又靚！地方雖然唔太近地鐵，但地方好坐傾計又正又唔限時，而家服務好細心，真係推薦試下！

星期六又係去觀塘工廈尋寶的時候，今日去到一棟較新的工廈The Wave，搭上3樓就係今日用餐的地方。呢一間餐廳的午餐以半自助形式的，餐牌上可以揀自己鍾意的主菜或唔要主菜，裏面最吸引的地方就係有即煮意粉。取食物個位有個姐姐即煮意粉，有螺絲粉/意粉揀，可以自由配搭，自選配料同埋醬汁。我揀左茄汁，配芝士同埋洋蔥，諗就覺得奇怪，但味道非常香濃，芝士拉絲，最重要係意粉的質素，都係裏面有少少硬身的，呢個係我最like的!前菜有啲沙律、餐湯、甜品、小食，係以自助形式自取，食物供應refill都算快。沙律-以為全部係紅菜頭，俾佢騙左添，仲有淺紅色個啲係酸蘿蔔，好酸，但醒神開胃。 栗米有牛油香和甜味。餐湯-椰菜花忌廉湯，都幾有味道。小食-沙茶醬魚蛋好味道，魚蛋彈牙，醬汁特別。三角形個個又俾佢騙左，唔係咖喱角，係蝦角，蝦仲要大大隻彈牙。而甜品-朱古力冬甩有乾坤，面頭有果仁，裏面有一啲朱古力醬的，都幾有心思。主菜就點咗一個三文魚同埋牛扒。香煎三文魚柳三文魚 煎得皮好脆，冇腥味，再加底層好creamy的醬汁。三文魚同配菜成1比1份量，而配菜都冇馬虎，車厘茄多汁，蘆筍新鮮，紫薯全個都係蓉，唔會過甜。炭燒肉眼扒

今日喺觀塘碼頭落船，行返出市中心之際，發現一座新嘅建築物，睇真啲原來係活化工廈，想去八卦下之際，見到呢間餐廳，見環境幾舒服，決定入去試吓叫咗兩個主菜，餐廳做緊推廣，加$88周有埋餐湯，沙律，甜品同飲品今日唔係太肚餓，兩個人加咗$88 ，打算四樣嘢一人一啖一齊食餐廳好有心思，諗緊食乜之際，已經送上免費嘅薄脆小食，配上千島醬，滋味又醒胃南瓜湯南瓜味好濃郁，湯嘅質地亦都好creamy，甜甜地幾好味爆珠沙律原杯雪凍嘅沙律，沙律菜新鮮爽脆，上邊放滿爆珠，咬一口爆一口，好得意。沙律裏面亦都落咗橄欖，橄欖散發嘅香氣，沙律醋酸酸尾尾，開胃焗西班牙黑毛豬蛋炒飯（$168）焦點當然係塊黑毛豬，廚師將豬設成一片片，食落方便。同一般豬扒相比，黑毛豬豬味濃郁，焗完仍然肉質鮮嫩，每啖都充滿肉汁奧良爾燒全隻法國黃油春雞原隻春雞以香草燒焗，皮脆肉嫩。春雞肚內充滿一顆顆嘅蒜頭，一路煮一路滲入雞肉裏便，切開之際蒜蓉香氣撲鼻。每啖雞肉都有香草同蒜頭兩個嘅味道層次配菜有個驚喜嘅紫薯蓉，紫薯🍠打得好幼滑，淡淡鮮甜朱古力慕絲蛋糕及紅苺汁蛋糕夠軟綿綿，朱古力味好重好濃紅莓汁酸甜，有果香呢間餐廳最令我難忘嘅，係空間感非常充足，枱同枱

上網搵左好耐有咩餐廳坐得舒服得黎野食又ok（最緊要係可以比港女相機打卡嘛）然後發現到里間miniFriday果然係喜出望外唔講甘多 即刻去相！必食推介-脆燒德國原隻鹹豬手豬手脆卜卜 上台前待應重會點火超岩影厄like foodie post ge朋友們😝味道同賣相相乎～好食呀！小食推介—辣味雞翼味道好足 好開胃！皮脆肉嫩創新之選—焗脆田螺田螺下係綿綿的薯蓉好香口～岩哂鐘意重口味的吃貨米飯推介—西班牙海鮮飯雖然價格比較貴～但性價比高兩個字講哂 好味飲品之選同朋友各自叫左4杯唔同口味沙冰類飲品個人最鐘意粉紅色個杯鐘意無甘甜既你 我會推介咖啡味鐘意酸酸味味的你 我會推介菠蘿🍍味喔希望大家鐘意我里個食評喇

今晚上黎呢坐改建工廈嘅3樓，唔係打邊爐，而係想食抵食西餐昏暗燈光，坐得都幾舒服，前枱有幾個家庭一齊黎開餐，適合情侶或一大班親友黎食嘢/飲嘢坐底無耐餐牌都未打開，侍應已送上呢籃脆片，配以千島汁，唔油膩又脆口，當餐前小食食都唔錯!打開餐牌，食物種類有小食/肉類/海鮮類/意粉/飯類/薄餅及甜品供應見到呢頁寫住惠顧肉類/海鮮類/意粉/飯類/薄餅，可以優惠價升級至套餐，有餐湯/沙律/甜品/飲品選擇，簡單易明今晚餐湯為忌廉蕃茄湯，夠熱度唔係稀如水，飲落幾香蕃茄味同有忌廉嘅滑度，若然有片多士伴食就仲好D!亦要左一份沙律，上枱時係Salad Jar，倒入開胃沙律汁加蓋可以搖均，打開蓋就食得，每片沙律菜，車厘茄，甜椒及爆珠都被醬汁包圍，好玩又好味!分別叫左2個套餐 :海鱸魚柳香草醬意大利燴飯 ($138)，份量勁呀，足夠二人分享，擺盤都幾靚!以香草醬煮成嘅意大利燴飯變成青綠色，入口幾滑，燴飯完全入味，唔會食到有"半生熟"嘅感覺; 而片海鱸魚柳煎至微金黃色，隱約散出魚香味，一啖將兩者放入口，味道確唔錯!另一客為奧良爾燒全隻法國黃油春鷄 ($198)，雖然係春鷄，但體型以春鷄黎講係重量級，配以意大利瓜及紫薯

同事介紹加上見食評幾好就襯老公生日來試試，未坐低就端上脆片，想飲杯水見水杯不是太乾淨又卻步了。同行有小孩，聽見職員話有兩大一細收起一套餐具，我聽完就覺得奇怪，無講任何野就收起份餐具，我再問小朋友都要餐具的，在場一位男職員先話比個膠碗我。職員可能見我有不滿就來解釋因為有小朋友怕危險所以需要收走餐具。解釋我理解的，但佢比的膠餐具只有膠碗及匙羹。話因為佢地冇兒童餐具，最後因為要食意粉都要求佢比返支叉我地。野食方面...點了卡邦尼溫泉蛋意粉、肉眼扒（medium)及豬手。轉了套餐，餐湯是蕃茄忌廉湯，湯碗是崩的.....令人失望既肉眼扒、不過不失的豬手及卡邦尼意粉。食物質素不多講了，只能說不值這個價錢....食完叫職員上甜品，由於老公生日既關係...事前巳經係whatsapp同餐廳講係甜品度加上happy birthday 係碟面上，等左好耐都冇甜品上，開初諗係因為要寫字要時間，最後老公再催職員上甜品，甜品黎到就只係三份普通蛋糕冇加任何字係度。本身想比老公小小驚喜但甜品巳上唯有直接叫職員來同職員講返點解冇寫字係上面職員即刻收走幾碟甜品然後將三份甜品湊成一碟上。再加上一個聖誕節的朱古力牌.....