Mini Friday (The Wave)

營業中

休息中

今日過嚟觀塘買嘢，行到唔知時間，最終都係喺觀塘揾地方食飯， 我哋揀咗Mini Friday 一入到嚟環境好舒服，雖然有酒飲但係又唔覺得好嘈喎👍🏻， 今日比卡35個月🤣 媽咪都要叫杯酒慶祝下先， 一開餐牌😍王牌威靈頓牛柳， 賣相好吸引 製作都要20分鐘 估唔到焗完出嚟 牛肉仲會 嫩滑有汁👍🏻 酥皮麵包仲係脆㗎 仲有啲菇菌 喺入面 好好味😋呀，另外仲叫咗個 芒果黑松露鮮蝦沙律😋呢個賣相簡直滿分😍😍 原來佢外面係用雪 砌成嘅冰塔,裏面酸酸甜甜 嘅沙律菜再加爽脆嘅蝦 好清爽嘅感覺 順帶一提佢裏面仲要有爆珠㗎👍🏻👍🏻👍🏻， 當然唔少得叫廚師推介嘅溫泉蛋菠菜大啡菇， 原來咁樣加隻溫泉蛋真係特別好食， 我仲叫埋我最愛嘅香草牛油焗田螺酥盒， 田螺嘅味道 同酥皮好夾 酥皮外脆加埋軟軟嘅 薯蓉外脆內軟配合得天衣無縫， 估唔到仲食得落喎🤣🤣梗係叫埋個即製梳乎厘班戟配雪糕啦， 梳乎厘鬆軟真係感覺食風一樣👍🏻👍🏻 今晚呢餐晚飯真係超級滿足

和朋友慶祝生日，揀左依間環境寬敞情調唔錯的餐廳，美食多選擇會有驚喜的，食客唔多私人空間十足，可以慢慢傾，撐枱腳一流。薄脆 free埋位點完餐後即來薄脆小食，口感脆卜卜唔油膩亦唔重口味，醮左美味的千島醬，好食到唔停口。水牛城雞翼 $78六隻沾滿醬汁的雞翼列陣出場，雞翼size大隻，味道酸酸辣辣惹味非常，連續食三件係有點膩的，食下沙律菜又唔錯，中和下口味又可再戰。皇牌威靈頓牛柳 $298外層金黃鬆脆的酥皮看起相當大份，包住充滿肉汁的牛柳和口感彈牙的蘑菇，牛柳軟身醮左醬汁相當美味，係貴左點一餐半餐還可以。龍蝦大啡菇鮮蕃茄汁扁意粉(套餐) $207酸酸甜甜的鮮蕃茄汁底配扁意粉最夾，扁意粉軟硬度適中，撈埋彈牙的大啡菇碎口感全面，龍蝦大隻蝦肉略少，整體味道唔錯。田園沙律 (跟餐)聰明地加了荔枝味爆珠，令平凡的沙律菜加添新意，帶來清香口味。南瓜忌廉湯 (跟餐)南瓜湯底色澤亮麗，口感幼滑，味道濃郁，啖啖滋味。紅莓芝士蛋糕 (跟餐)細細件芝士蛋糕食到兩啖，味道甜甜地，為這頓大餐畫下完美的句號。

The wave呢橦大樓好high level，設計都好時尚所以我決定黎呢度搵好西食😋上到3樓成層分左兩邊，一邊打邊爐，一邊西餐廳我就揀左去据扒，店內設計都好靚好文青叫左兩個dinner set🔶小食炸薯片，好脆。加上個個醬汁甜甜地，十分惹味🔶周打蜆肉忌廉湯好甜，味道適中，都幾creamy🔶沙律🥗好得意入面有一粒粒半透明一咬就爆汁，係荔枝味沙律都好新鮮，醬唔係沙律醬，有少少甜甜地，都幾好味🔶碳燒紐西蘭肉眼扒配黑松露燒汁 $258叫左五成熟，真係岩岩好，好juice好鮮嫩加上黑松露汁，食到停唔到口🔶碳燒鹿兒島極黑豚西冷扒配藍梅燒汁 $248有少少失望，中間既肉無咁嫩滑，有點似厚豬扒如果呢個價錢我建議食牛好過食豬！但配菜係好味，尤其是個蕃薯蓉，好香好甜好滑🔶芝士蛋糕（跟餐+$1）細細舊，食完飯甜一甜幾好，而且$1好抵🔶跟餐都有一杯飲品送（凍檸茶好飲過凍奶茶）總結：得閒可以黎食下幾chill，食物方面仲有意粉、pizza揀，個啲都抵食！

30號晚去咗觀塘工廠區食西餐成個場都好大而且好多人好在唔使等位一坐低會有個千島醬脆片作為小食好少餐廳會提供脆片做小食我個人幾鍾意💕另外嗌左芒果蝦肉黑松露沙律🥗全因為佢嘅賣相非常之吸引😍唔食得個睇字都覺得好靚呀！🤩Salad on top仲有芒果爆珠非常特別創新嘅做法我嗌咗個肉眼扒配黑松露薯蓉餐肉眼扒好大份有兩舊扒有七成熟所以都唔會太韌松露燒汁都有黑松露味薯蓉有啲似KFC嗰隻味跟餐會有沙律🥗同紅菜頭餐湯所以dinner set會抵啲😉最後我哋嗌左心太軟有好濃嘅朱古力味😍旁邊嗰啲草莓同藍莓都比我食埋🤣

星期五要出去透透氣、來到觀塘The Wave 的Mini Friday！ 七點多去到已經坐滿了人、氣氛不錯、相信大家已經在家困久了。餐廳好貼心為食客準備餐紙來盛著口罩～先送上餐前小食、脆片伴上千島醬味道不錯。紅菜頭湯好健康。沙律加入爆爆珠、有點太甜、建議用意大利黑醋調味會更佳。香煎三文魚柳配紅花忌廉汁$208三文魚柳煎得幾香口、薯蓉加入紅菜頭製成、感覺沒那麼膩、清淡一點👍🏻磯燒鹿兒島極黑豚西冷扒配藍梅燒汁 $248 黑豚西冷扒肉質較有口感、配搭略帶酸甜的藍梅醬味道更清新。同樣用上紅菜頭做薯蓉較健康。跟餐可加$1享用芝士蛋糕、細細件一人份量剛好！

星期五總係令人特別放鬆期待嘅，雖然近來生活抗疫好緊張，但一到星期五都忍唔住要出嚟同朋友 happy hour。焦糖咖啡沙冰 $68坐低就算唔飲酒都叫杯Smoothies，跟朋友chit chat 一下! 用 cocktails 的杯飲沙冰，感覺特別潮，賣相亦都精美。焦糖咖啡味道融合於沙冰 ，清甜又有咖啡嘅香味，感覺頗新奇有趣，淡淡冰涼，啱晒夏天嘅口味，令人食慾大增！鹹蛋黃薯角 $68其中一款我推介嘅小食，來自新加坡的靈感，外脆內軟嘅鹹蛋黃薯角真係無得輸！入口新鮮熱辣，口感爽脆，鹹蛋黃味道濃郁，作為頭盤小食真的非常開胃，食到停唔到口呀！平時我最鍾意點茄汁，鹹蛋黃薯角真係唔需要任何調味醬，免得浪費左個鹹香味。龍蝦西班牙海鮮飯 $238兩個人share一個龍蝦西班牙海鮮飯，分量就剛剛好啦！原隻煎pan上枱，新鮮熱辣嘅程度可想而知，配上香濃大大隻Juicy龍蝦鋪係上層，賣相夠晒有氣勢，加上多款清新海鮮，材料豐富新鮮有鮮味，焗到啱啱好西班牙海鮮飯 味道帶點香辣，飯粒粒粒飽滿，咬落有嚼勁，口感豐富，係味覺上嘅享愛！即製疏乎厘班戟配雪糕 $108一餐完美嘅飯局，又點少得完美嘅甜品呢？每次去日本都好想

太座出觀塘買嘢，喺疫情下難得出街，梗係食埋晚飯先返歸，行到Wave樓下睇吓除咗成日食嗰間球場，仲有冇其他選擇，見到Minifriday同米走雞同層，係咪新開嘅呢?諗咗好耐太座話不如試吓，一家三豬又開動!全層同米走雞分間一半，地方算大而間格闊落，唔會太嘈，好!睇完餐牌，第一次嚟梗係要食招牌菜式“威靈頓牛柳”，賣相已經一流，酥皮包包住牛柳，酥皮金黃香味四溢，牛柳肉汁豐富，唔會“鞋”口，接近一百分，因為食埋伴碟嘅蔬果粒同蕃薯蓉先至滿分!“芒果黑松露鮮蝦沙律”賣相已經夠吸睛，用水滴形冰碗裝住沙律，芒果酸酸甜甜，配上黑松露香味，蔬菜新鮮，又係滿分之作!“香草牛油焗田螺酥盒” 牛油酥皮又香又鬆化，再裝住香草同田螺，太座最鍾意!“溫泉蛋菠菜大啡菇”，大啡菇加上流心溫泉蛋同埋舖面嘅半溶芝士，配合埋菠菜，食落層次豐富，又係滿分!太座話要食甜品慶祝比卡豬35個月生日，叫咗“即製梳乎里班戟配雪糕”，侍應知道用意仲送上蠟燭，等比卡豬可以唱生日歌同吹蠟燭，熱辣辣梳乎里超鬆軟，香氣傳入鼻已經唔記得咗飽字!唔記得講個小食脆片點千島醬食真係好正!估唔到今日會食到一間咁高水準嘅西餐廳!超級高汁!

今日去開觀塘，見openrice都多人寫mini Friday ，所以今晚突登去試佢哋嘅晚餐，叫咗炭燒鹿兒島黑豚西冷配藍莓燒汁，同埋法式紅酒燴羊膝，個餐包田園沙律同埋是日餐湯，田園沙律入面有柚子同埋加咗一粒粒嘅甜甜地又酸酸地嘅小丸子，配搭好特別同沙律個味亦都好夾，而是日餐湯係西蘭花忌廉湯，個湯好fresh飲到停吾到口。講返主菜，羊膝炆得好冧好入味，而且薯蓉入面有紅菜頭嘅味道，既特別又健康，鹿兒島黑豚西冷扒真係好食而且煎得啱啱好，肉質同脂肪分佈非常恰當，可能就係日本鹿兒島豚肉嘅特色 ，另外加一蚊仲有甜 送上，係杏仁芒果布甸，個餐仲有埋餐飲，又係食到好飽好滿足嘅一夜。

原來觀塘都有好多新式嘅商場，例如the wave 係其中一個以食野為主嘅商場，比較多西餐食，而且味道都唔錯。今次介紹呢間叫做mini Friday 💃🏻 餐廳闊落，座位舒服，西餐廳多數都係要和諧燈色嘅作為色調，今次呢間都唔例外，不過特別小小嘅就係佢有啲LED燈仔，閃下閃下增加情調，點嘢食之前就送嗰啲chips比我今次就食咗呢個溫泉蛋大啡菇，佢係用菠菜芝士焗成嘅大啡菇。好juice呀！一切開就見到好多菠菜蛋黃漿同芝士混合埋一齊超好食呀！數一數二好食嘅大啡菇，隔離仲有啲沙律配菜加埋酸酸甜甜嘅黑醋，好醒胃😆之後就點左個由店員推介嘅蜜糖芥茉火焰豬手，佢真係有啲火係豬手上面俾大家影吓相㗎😆豬手明醃制過之後先炸，咸咸地幾野味，再配上特製嘅蜜糖芥茉漿，肉質嫩得黎又juice，肥瘦層次均勻識落唔會太乾👍🏻🤤 之後店員就會拎返個豬手返廚房切好分件再上之後就點左呢個美國BBQ豬肋骨，佢個特製BBQ醬唔錯酸酸甜甜，豬肋骨大大舊，肉質口感再錯，吾會太林一pat pat甘。配上個黑松露薯蓉又幾好喎，黑松露唔會太濃👍🏻 #Mini Friday #西餐 #酒吧餐廳 #HappyFriday #TGIF #Mini

星期一特別鬰悶，於是收工後去Mini Friday吃點好東西解愁。食物可以散叫，也能揀dinner set，亦有一些新選擇。伴隨著餐牌送來的是餐前小食薄脆，略為油膩，但香脆可口…加入千島沙律醬，味道更加豐富。這晚點了一客龍蝦海鮮鮮茄扁意粉。半隻龍蝦完整上碟，配上味道濃度剛好的芝士，保留了龍蝦鮮味，又以芝士香氣提升整個滋味。蜆肉鮮甜不帶沙，和鮮茄味道蠻搭配。 扁意粉份量和軟硬適中， 鮮茄調味特別開胃。飲品點了一杯熱情蘋果梳打，少冰。 甜甜的味道，配上細碎的蘋果粒，加強了口感。

又在觀塘區發掘到間環境高尚卻價錢親民的西餐廳！餐廳佔地頗大，空間感十足，更有live band表演的位置。環境很雅緻，裝潢設計富有格調，感覺高尚又有氣氛，充滿浪漫情調。入座後店員立即遞上濕紙巾讓我們清潔雙手，還備有紙巾給我們包裹口罩，非常周到又貼心，服務一流。各款晚餐均包前菜田園沙律、是日餐湯、餐飲，十分豐富，而且價錢大眾化。點餐前還免費送上一客薄脆作餐前小吃，薄脆很香脆可口，沾沾濃郁的芝士醬，惹味又開胃。忌廉周打湯味道濃郁，湯質香滑，海鮮味十足，很美味，不消一會已喝清光。田園沙律份量不少，除新鮮爽脆的瓜菜，還有清甜多汁的爆珠，增添清新感，配以甜甜酸酸的黑醋汁令人大開胃口。DIY pasta可自由配搭醬汁、粉精和配料，選擇不少。我們選了黑松露忌廉汁大啡菇闊條麵加配煙三文魚和鴨肝。醬汁非常creamy，黑松露味濃厚。闊條麵軟硬適中，掛滿醬汁好入味。大啡菇份量很多而且厚身多汁，煙三文魚嫩滑美味，鴨肝亦很大件，煎得香口，啖啖油香。香草燒牛仔骨配蜜糖燒汁，牛肉熟成度恰到好處，肉質夠嫩又不失嚼勁，肉味濃厚。伴菜薯蓉都很高質，口感軟滑，薯味香甜，更加入黑松露，組合完美，美味得很。只需加一元更可享有

抗炎期間，出少咗街食，忍唔住都係要出去食餐飯🤣🤣🤣原本衝住個威靈頓牛柳，點知最尾覺得個pizza超好味😋（個人係鍾意食菇菌類）黑松露啡菇水牛芝士薄餅$14812寸底，一上黎已經聞到香噴噴既烤菇味！咬落去脆卜卜，一片片既菇仲保持水分，配埋水牛芝士，口感豐富且清新👍皇牌威靈頓牛柳$298酥皮焗到金黃色，賣相好吸引！一切開入邊包住牛柳同啡菇片，3成熟既牛柳入口鮮嫩多汁😋值得一試雜果賓治$88/Jar甜甜酸酸幾開胃

觀塘區真係好多工廈餐廳選擇..睇Open rice知道呢間有88折,立即黎試吓Lunch set menu睇開以前lunch餐廳有自助bar...但因為武漢肺炎關係暫停直到疫情結束..餐湯+墨西哥脆片南瓜湯味道濃郁，色澤鮮艷炭烤澳洲肉眼扒配黑松露燒汁 配意粉朋友叫3成熟..感覺似1成熟同樣肉眼扒 我就叫5成熟一樣唔似5成熟似1成熟扒只有微溫..有待改善意粉味道尚可 還可以接受另外包一杯餐茶 平日仲有免加一服務費

跟朋友豪少少去食西餐~~一坐低就有有紙巾可以放口罩未點餐就已經有墨西哥脆片可以邊等邊食.我們叫了兩個set dinner🍖碳燒紐西蘭牛肉眼扒 配黑松露燒汁 $258🍗香烤澳洲羊架 配 薄荷燒汁 $238.因為是套餐 所以每個都有前菜（沙律）跟湯另外仲有杯餐飲.前菜的沙律竟然有爆珠!!!對於西餐來說覺得有不少創意在裡面又有點覺得可能是想替代魚子反正還是很特別😆.原本我地比較期待的是羊架但結果牛扒太好食～～～羊架感覺有點太熟完全比下去了😂（兩個都是五成熟）牛肉很厚而超級軟滑🌟但羊架上面有脆脆加上醬汁還是不錯～～

好一段時間冇黎Mini Friday,見最近都冇出去食嘢，突然心血來潮，趁剛收工6點幾仲早嘅時間去食個晚飯，避開人潮！上次同A小姐黎食已經覺得好好味，又有歌聽，感覺幾舒服，今日唔知係咪時間尚早，唔係好多人亦都未開始有Live Music，但反而坐得自在！打開Menu見到有自選DIY pasta，一個套餐有沙律、餐湯、主食、餐飲仲要加一蚊就可以有當日精選甜品，鍾意嘅仲可以按價錢加上唔同食物，好似菠菜、煙肉、鮮蜆、連鴨肝都有，真係任君選擇！咁優惠嘅餐我當然唔會錯過，就叫個菠菜大啡菇鮮蜆黑松露忌廉汁扁意粉！ 估唔到鮮蜆係咁大隻㗎！！黑松露忌廉汁掛滿喺每一條麵條上面，大啡菇切到一粒粒咬落爽口，雖然佢嘅忌廉汁好邪惡，但加返菠菜感覺又健康d!蜆肉大隻又鮮甜，而且份量非常大，我一個人真係差食唔晒。另外叫咗個紐西蘭肉眼扒，最近都唔敢食得太生，叫咗七成熟。食物上枱比預期中好，肉眼扒都幾大塊，而且真係做到七成熟，切開仲有少少粉紅，有咬口但一啲都唔靱，伴碟仲有我至愛嘅紫薯，仲有炒香嘅小粟米，真係又香又甜又飽又好味！今晚除咗品嚐到美食之外，仲見證到店家最少兩個細心為：第一就係剛坐低時，店員已立刻奉上濕紙巾同埋