Mini Friday (The Wave)

營業中

休息中

又到咗自己申請做苦主紀念日，當然要搵個好味西餐慶一慶佢，好味就即刻諗起MiniFriday，上次食過真係好正，兩口子就出發觀塘Wave喇!比起上次係多人咗好多，香港人果然識貨，好彩去到剛好仲有一張枱唔使等啫!每枱都會有食到唔停口嘅餐前小吃“墨西哥脆脆配芝士醬”!“溫泉蛋菠菜大啡菇”太座上次食完念念不忘就知有幾好食!今晚同太座都試吓DinnerSet，“碳燒鹿兒島極黑豚西冷扒配藍梅燒汁”食落肉汁豐富超嫩滑，燒汁好特別，唔使咁悶成日食嚟食去都係嗰D汁；“碳燒紐西蘭牛肉眼扒配黑松露燒汁”上枱已經聞到陣陣黑松露味道，7成熟嘅肉眼扒係我至愛，仲要每啖肉都食到黑松露味，perfect!每個set都會有一份田園沙律，呢度嘅沙律會食得出好新鮮，今晚餐湯係忌廉湯，又幾好味，當然仲有小甜品蛋糕，但對於我地嚟講唔夠喉，一定要加個“即製梳乎里班戟配雪糕”，上次食完已經回味無窮，其實我一早已經諗住食，哈哈!

今日去觀塘上堂，朋友話想食fish and chips於是靈機一觸帶佢黎試下，叫叫下仲叫左勁多野食~炸魚薯條之前食話過得又大份又熱辣辣，薯條份量仲好多，最正係佢配埋既wasabi 沙律醬，將成件事錦上添花!炸魚個脆漿包住嫩滑既魚肉，係用啤酒製成既炸漿效果，脆卜卜超正~香草牛油田螺酥盒一客四年，牛油味重，田螺細細隻但好有咬口，平時都鍾意食蒜蓉田螺，但有時要自己了田螺出黎食都幾麻煩，呢個田螺酥盒一啖就食哂，方便又好味~正~胡椒雞翼做緊promo既雞翼，唔好以為係辣既，事實上佢係黑椒再加蜜糖，所以甜甜地，但味道一d都唔怪，咬落外層仲好脆，雞翼仲好juicy!$58抵叫!卡邦尼意粉朋友必點既卡邦尼意粉，份量唔多但勝在CREAMY又夠香，煙肉同蘑菇仲有洋蔥呢D咁香既食材加落意粉真係冇得輸~呢度既卡邦尼意粉既醬汁超濃又杰，每一條意粉都好掛汁~三色藜麥華都夫沙律食咁多肥野都要叫個沙律食下D菜~呢個三色藜麥華都夫沙律材料都好豐富，加埋提子乾增加口感同甜味~個沙律醬都好夾，就算食菜都唔覺得寡~最後朋友仲叫左杯Erdinger beer，佢話呢隻啤酒麥味夠濃~我冇試但佢話好正~仲表示今餐非常滿意~

朋友今晚特登過嚟觀塘搵我食飯，話見有間餐廳又抵又好食，原來係Mini Friday，之前都有聽同事講過，就趁今日同朋友一齊去試吓。見到呢度嘅晚餐價錢一啲都唔貴，叫左一份羊架同埋DIY pasta share一齊食。套餐包左餐湯同沙律，沙律入面仲有啲果汁珠珠，一咬開就會爆汁幾得意。羊架有三大件，好厚肉，表面層鋪滿香草，朋友唔食生嘅所以今次叫得比較熟，但都唔錯，一啲都唔會韌，而且伴碟嘅薯蓉配有黑松露，更加好味。DIY pasta自選醬汁、意粉類別、仲有材料嘅配搭，方便我呢種又懶得諗但又希望有選擇嘅人。邪惡嘅忌廉芝士汁，同一隻半熟溫泉蛋，簡單配上野菌同扁意粉已經好好味，仲要額外追加左半隻龍蝦， 即時變咗高級版，龍蝦肉輕易就能夠拆開，份量都唔細。另外而家加一蚊就可以追加甜品，咁抵食真係唔可以錯過！

朋友喺觀塘返工成日食呢度既lunch set，佢話lunch質素幾好，所以成日想晚飯時段黎試下呢度既威靈頓牛柳，我唯有陪下佢啦🙊我地當然點左一份主角威靈頓牛柳，另外仲叫咗個DIY Pasta加$1既是日甜品，可以按照自己中意既汁，配料同麵底度身訂造都幾特別👏DIY Pasta我地揀左蒜片欖油+煙肉+闊條麵，pasta煮得幾好，雖然用欖油做base但望落唔會覺得油膩，色澤好靚👍 個汁微辣好開胃，煙肉煎到好香，索晒蒜既香味～闊條麵煙韌，吸左啲蒜頭同煙肉既香味好好食，而且有層薄薄既橄欖油係面頭唔會覺得乾身😋 不過份量唔算多～威靈頓牛柳等左大約十五分鐘，不過好值得！！牛柳幾大份，一切開啲酥皮聽到好清脆既聲音，酥皮重牛油香味，非常有層次～裡面既牛煮得岩岩好👍 外面熟裡面鮮紅，完全唔韌亦都唔覺得羶，唔駛點任何醬已經好好食😋牛柳同酥皮既中間仲夾雜左啲黑松露菇提升鮮味👍伴碟既露荀都好爽脆同新鮮～呢個威靈頓牛柳水準真係勁高！！👏👏👏下次都想試下呢度既招牌火焰豬手，希望到時我唔會俾呢個咁出色既威靈頓牛柳轉移左視線啦🙈

疫情下快閃慶祝生日，訂了6:30pm枱，到時人不多還給我揀枱，之後就越多人，2人枱感覺有點迫，前菜要食得快等收咗碟，才可放正餐，走時仲有大班人等枱。點了1. 打卡的沙律，沙律菜份量好夠，要快手食，冰座要溶2. 抗疫黃金雞翅，比較細隻，味道未夠，有進步空間3. 大啡菇Pizza，薄身脆口，有菇味4. 羊架，有羊羶味正呀！好有脂肪5. 大瓶飲品6. 火焰雪山，送的，但忘記寫字，非常可惜及失望。因為確認訂枱時，加已提及。

之前去過米走雞食，又貴又唔算真係好好食，一上到嚟見到係同一集團，已經覺得有少少中伏，不過既然到咗就試下佢啦。叫咗三個set dinner，豬，魚，羊。前菜係沙律，其實個底都係嗰啲菜，但上面加咗幾粒爆珠，唔係唔夾嘅，大家都酸酸甜甜，但真係有啲怪。有個餐湯，忌廉雞湯底，但落咗勁多椰子渣，都唔係好飲得慣。。主菜豬魚羊，個豬有少少老，但合格，魚同羊味道都唔差，但整體感覺有少少快餐咁heahea地，啲汁多到滿瀉，入得口嘅，不過不失咁啦。

一坐低就送上餐前小食墨西哥脆脆配芝士醬。之後我叫左Dinner set 餐前沙律一啲都唔馬虎，入面有粟米、青瓜、羅馬生菜，仲有啲爆爆珠，口感豐富餐湯唔係一般嘅羅宋湯忌廉湯。而係蓮藕忌廉湯，好特別呀，一般蓮藕都係做成中湯，估唔到做西湯都可以咁出色。主菜揀左碳燒紐西蘭牛肉眼扒 配黑松露燒汁。牛肉揀咗七成熟，燒得啱啱好。表皮燒到微焦，切開入面唔會太多血水。肉質幼嫩，同黑松靈燒汁好夾。最後仲有得加$1換是日甜品。係香蕉蛋糕，雖然細細份，但係啱啱好，因為好飽😂！呢到食物質素同環境都好好，下次會再嚟呀！

已經唔係第一次係The wave 搵食，今次食西餐Mini Friday 。環境都幾好，座位寛敝。鹹蛋黃控嗌左鹹蛋黃雞翼同薯角。薯角一上枱就嗅到勁香嘅鹹蛋味，每一塊薯角就沾滿鹹蛋黃醬，微微鹹香配合薯角，真係好正呀！雞翼外脆內嫩，食到停唔到口。至於主菜係皇牌威靈頓牛柳酥皮好香口，入面嘅牛柳好嫩。配合雜菌，唔會好滯。甜品叫左心太軟，朱古力果然係無得輸。上枱時仲熱辣辣，焗熟左嘅蛋糕加上流出嚟嘅朱古力，好甜蜜嘅感覺。值得一提呢到嘅職員都好nice 呀！

行完山就嚟到觀塘食dinner~見到用咗咁多體力,就想食餐好獎勵自己🥰嚟到The Wave呢間大廈入邊有好多餐廳~揀咗一間黃店，位於3樓嘅餐廳,裝飾以西式為主，好有情調💕而且坐得幾舒服👍🏻餐廳有唔同款式嘅dinner set選擇，價錢大概$150至$250～包沙律，餐湯同餐飲，加一蚊仲有是日甜品添😋幾吸引😍薯片我哋一坐低就有薯片食🤣薯片幾香脆😋同埋配搭千島醬幾正👍🏻田園沙律好新鮮嘅沙律菜😍有蕃茄仔，青瓜，生菜等等～配左酸酸甜甜嘅沙律醬☺️幾好味😂忌廉粟米湯有好濃郁嘅忌廉味🥰仲有啲薯蓉，感覺好足料👍🏻又唔會覺得好膩🤣幾正😋香草燒牛仔骨配蜜糖燒汁$228有三件好大件嘅牛仔骨😍超級Juice😋咬落去啲肉汁流晒出嚟💕超香～蜜糖燒汁將牛仔骨嘅肉汁昇華🥰牛仔骨煙煙韌韌，幾有咬口😆仲配有薯蓉，幾香滑又好味👍🏻香烤澳洲羊架配薄荷燒汁$238有三大件羊架😍表面有青綠色嘅脆脆，食落鹹鹹地又脆卜卜咁～幾好味😋澳洲羊架叫咗七成熟，食落唔會有好濃嘅羊羶味，反而幾香☺️佢嘅肉質幾鬆軟😊不過比較多肥肉🙈但係食落都唔會覺得好肥膩🤣薄荷燒汁有浸好香嘅薄荷味🥰幾鍾意佢嘅配菜～豆角幾香💕薯蓉幾creamy👍🏻芒果蛋糕細件嘅芒果

觀塘區好多高級商廈餐廳，Mini Friday係其中一間我幾鍾意食嘅。喺觀塘做咗咁多年野，都食過好幾次，食物水準保持到。餐廳環境舒適寬敞、格調優雅得來有氣氛，好適合放工去聚會🥳每次埋位會送一碟薄脆，香脆可口，仲有芝士醬，可以一邊睇menu一邊嘆小食，唔洗餓住等。🍹雜果賓治：唔想飲太凍，叫咗少冰都好多冰，一Jar大約3杯左右。🐥水牛城雞翼：有6隻超多，醬汁大概用辣椒醬、白醋、牛油、鹽及蒜頭炮製，香辣開胃。🍄溫泉蛋菠菜大啡菇：以芝士香烤大啡姑，夾層放了溫泉蛋，切細後蛋汁與姑汁交替，juicy美味。仲有沙律菜伴碟，食得健康。🥩皇牌威靈頓牛柳：主菜必食之選，一層香脆嘅酥皮包裹著牛柳，切開時仲有好多菇。牛聊大約7成熟，口感軟稔，連埋菇一齊食帶出好豐富嘅味道。🍗香草燒法國春雞：賣相比較適合聖誕節😜 雞皮燒到金黃色，外脆內嫩，雞胸位置較乾可以點汁食，雞髀無我份。🍝龍蝦海鮮意粉：龍蝦比內碟還要大！肉質爽口彈牙，畢起意粉份量亦都十分多，以車厘茄、菇、番茄醬🥫等煮成，酸酸甜甜好開胃。仲有幾隻大蜆，色香味俱全。

Mini friday可算係觀塘區內受歡迎嘅西餐廳，環境舒適有情調，價錢抵，所以每次嚟都見到好多人幫襯。 芒果黑松露鮮蝦沙律$98以冰雕盛載上桌，造型有心思。芒果鮮甜，鮮蝦爽彈，份量多，十分美味。Diy pasta set $158可以自由配搭喜歡嘅食材，我揀咗天使麵配番茄汁同鴨胸， 番茄汁入面有好多新鮮番茄同埋雜菌，感覺幾健康。👍套餐有曬餐飲，沙律，餐湯，幾抵。香草燒法國燒雞$198 燒雞伴著薯蓉及燒雜菜，燒雞皮脆肉嫩，香草調味醃得好入味。

觀塘除左APM 之外, 食野真係好多選擇, 多D發掘D好有誠意的餐廳~MINI FRIDAY - 真心推介是日晚餐~ , 我地揀左牛柳&天使麵先有個免費的餐前小食套餐有沙律及餐湯沙律材料豐富湯是洋蔥湯, 再加左冬菇配料~ 很惹味餐飲可以選擇先上/後上主菜來了~炭烤澳洲肉眼扒配黑松露燒汁 及 薯菜叫左7成熟肉汁味濃, 非常嫩滑及稔~個薯蓉係香草汁, 勁香口~另一個是DIY pasta, 自選意粉配搭揀左黑松露忌廉汁大啡菇天使麵再追加煙三文魚~好好呀, 全部都係我鐘意的配料~黑松露忌廉汁極香濃, 每一口天使麵都沾滿忌廉汁 及香草味道套餐加入1元有甜品~  超抵~不過唔夠喉, 所以再叫加個疏乎里~即製疏乎里班戟配雪糕好好食呀, 不會太空氣感, 帶少少口感的style加埋吉士汁就perfect 了~仲有個雪糕球, 好滿足~

那天晚上來到觀塘一座重建大廈的樓上餐廳，餐廳的面積頗大，間隔寬敞，在疫情期間當然是好的環境。場內有幾把通常是放於戶外的米白色大傘，自然會成為打卡的熱點。服務員也不少，很快就可以回應客人。我們三人點了三份晚餐，計有法式紅酒燴羊膝 ($198) 、煙鴨胸鮮蕃茄汁扁意粉加龍蝦 ($206) 及黑松露忌廉花膠燴美國雞扒 ($168)，三份晚餐都各配是日餐湯、田園沙律及餐飲，相當豐富。一開始來的是附送的脆脆粟米片跟千島醬，聽講是可以添食的，不過其他食品都陸續上來，所以我們都沒有再要。是日餐湯是忌廉椰菜花湯，濃稠適中，椰菜花味濃郁，不過味道較為淡。有著多款沙律菜、青瓜及粟米粒的田園沙律，份量也不少。其中一份主菜的法式紅酒燴羊膝，羊膝很大件，而且燉得很腍，可以輕易地從主骨中分出來，要三人分享也沒有難度。紅酒汁味道也相當好，伴碟的薯蓉帶著紅酒汁也即時變得十分美味。另一份主菜的煙鴨胸鮮蕃茄汁扁意粉加龍蝦，扁意粉軟硬合適，煙鴨胸都有很多片，鮮蕃茄汁的味道也不錯，遺憾的是$48加的半隻龍蝦就不覺得有甚麼鮮味。黑松露忌廉花膠燴美國雞扒的份量很足夠，味道也不錯，花膠煮得很腍，薯蓉蘸著黑松露忌廉醬汁來食味道都很好

🎈雖然上天降臨一場世紀大災難，但都無助𡃁妹的大日子如期喺十二月舉行。作為近身好友嘅熊妹就當然瞓身支持啦，今日喺觀塘試完裙後就去到翻新的工廈「The Wave」醫下肚喇。📌工廈有6️⃣層，全部都係餐廳食肆。揀嚟揀去都係覺得西餐岩食啲，所以就揀咗位於三樓的《Mini Friday》西餐廳喇。📌工廈地方大，樓底高，《Mini Friday》同隔離《米走雞》一邊一半，都有十幾二十張枱。📌DIY Pasta set 可以選一款醬汁，一款意粉底同埋一款配菜，價錢為$158，包田園沙律、餐湯同餐飲。📌另外dinner set主要係西餐鋸扒，豬、牛、羊、雞都有，價錢為$168至$258，同樣地包田園沙律🥗、餐湯🍵同餐飲🍹。另外加一蚊可以換是日甜品🍮。是日餐湯餐湯係南瓜忌廉湯，口緊綿綿的，淡淡的南瓜味混合奶油香味，好唔錯嘅暖胃西湯。田園沙律沙律菜 🥗幾新鮮，仲有青瓜片🥒，番茄粒🍅，撈上鹹鹹地嘅相信係明太子沙律汁，都幾好味幾開胃，只係有啲荔枝爆珠有啲怪怪地，好少沙律會加呢樣配菜。溫泉蛋芝士忌廉雞柳闊條麵，$158DIY Pasta揀咗溫泉蛋芝士忌廉雞柳闊條麵，非常典型嘅口味配搭。流心溫泉蛋融入喺芝士忌廉汁入面

開心又食唔開心又要食...今日約咗朋友傾下心事，突然間想起公司附近The Wave ( 觀塘）3槵Mini Friday 幾合適，因為那裏比較優靜，食物高質，價格也相對優惠😼中午2:00時到達，比較人少，適合三五知己聚一聚😽 Lunch Set 由$58-$128 多款選擇，跟是日餐湯，主菜和一杯飲品！今日餐湯是南瓜忌廉湯，香濃南瓜味，很滑很Creamy 👍🏻炭燒澳洲羊架配紅酒汁跟意粉，羊架6成熟，剛剛鎖住肉汁，羊架不會太蘇👍🏻意粉軟硬適中😋😋炭燒澳洲肉眼扒配黑松露汁，肉眼7成熟，肉質鮮嫩不會太靭，配上充滿黑松露香味的醬汁，別有一番風味🥳餐飲凍朱古力（加$10可以轉），豐富的朱古力味得來不會太苦或甜😎😎