影片
更多
2020-10-08
1417 瀏覽
好友早排升咗職，話要請我食飯，不過由於佢最近接咗個大 Project，非常忙碌，無時間上網搵資料，所以揀餐廳嘅任務就交由我負責。朋友喺觀塘返工，記得 The Wave 入面有幾間唔錯嘅西餐廳，今次就揀咗位於三樓，主打多元化西餐嘅「Mini Friday」。講真其實我都幾鍾意去工廈搵食，貪佢地方夠大，坐得又舒服，呢度當然亦唔例外，加上裝潢帶懷舊英式氣氛，別具情調。餐牌上嘅食物選擇都幾多，除了有 DIY Pasta 同 Dinner Set 之外，亦可以散點，有沙律、湯、小食及頭盤、薄餅、主菜、意粉&飯及甜品等供應。還沒點好餐，服務員就拿來了一客薄脆，說是給我們作餐前小食。脆片細細塊、非常香口，食落酥鬆又不油膩，沾芝士醬吃，口感一流！同朋友每人揀咗個 Dinner Set，套餐包田園沙律、是日餐湯、主菜、咖啡或茶，加 $1 仲可以換一份是日甜品。先上田園沙律同餐湯，沙律菜好新鮮，面頭放了少許三文魚籽作點綴，伴沙律菜吃，清爽中又帶點鹹鮮。是日餐湯為南瓜湯，湯身不算很稠杰，但南瓜味好濃郁，入口軟綿幼滑，味道不俗。兩份主菜同時上桌，先試下友人點嘅香烤澳洲羊架配薄荷燒汁 ($238)，羊架有三大塊
朋友喺觀塘返工，記得 The Wave 入面有幾間唔錯嘅西餐廳，今次就揀咗位於三樓，主打多元化西餐嘅「Mini Friday」。
講真其實我都幾鍾意去工廈搵食，貪佢地方夠大，坐得又舒服，呢度當然亦唔例外，加上裝潢帶懷舊英式氣氛，別具情調。
餐牌上嘅食物選擇都幾多，除了有 DIY Pasta 同 Dinner Set 之外，亦可以散點，有沙律、湯、小食及頭盤、薄餅、主菜、意粉&飯及甜品等供應。
還沒點好餐，服務員就拿來了一客薄脆，說是給我們作餐前小食。脆片細細塊、非常香口，食落酥鬆又不油膩，沾芝士醬吃，口感一流！
同朋友每人揀咗個 Dinner Set，套餐包田園沙律、是日餐湯、主菜、咖啡或茶，加 $1 仲可以換一份是日甜品。
先上田園沙律同餐湯，沙律菜好新鮮，面頭放了少許三文魚籽作點綴，伴沙律菜吃，清爽中又帶點鹹鮮。是日餐湯為南瓜湯，湯身不算很稠杰，但南瓜味好濃郁，入口軟綿幼滑，味道不俗。
兩份主菜同時上桌，先試下友人點嘅香烤澳洲羊架配薄荷燒汁 ($238)，羊架有三大塊，分量十足，食落味道很不錯。肉質富彈性，入口鮮香豐腴，完全不羶，加上羊架經高溫烤製過，把羊脂燒至微焦，令羊肉吃起來多咗份油香。伴吃嘅黑松露薯蓉亦很有水準，質感幼滑，帶松露的迷人幽香，令人吃不停口。
至於我點的香煎三文魚柳配紅花忌廉汁 ($208) 食味亦不俗，魚柳勁厚身，魚皮煎至微微焦香，魚肉油潤細嫩，火候控制得剛好，配以濃香的忌廉汁，吃起來更醒胃。
是日甜品係芒果慕斯， 雖然唔算好大件，但味道亦唔錯，口感清新怡人，而且只係 $1 件，夠曬經濟，食完再嘆番杯飲品，好滿足。
張貼
