Mini Friday (The Wave)

營業中

休息中

好耐冇同過媽咪去食飯今日決定帶佢去食西餐！今次去到觀塘Mini Friday位於the wave 3樓 環境舒適 別有格調 最緊要係坐得舒服！餐廳有唔同嘅set dinner menu ! 包埋沙律餐湯仲有加一蚊就可以試埋是日甜品！幾吸引！前菜仲附送有千島醬芝士脆片食！香脆可口真係忍唔住會食多幾塊😛好特別嘅紅菜頭忌廉湯味道濃郁！田園沙律都新鮮 開胃！終於到主菜！香烤美式BBQ豬肋骨分量十足！BBQ汁鋪滿豬肋骨香烤豬肋骨肉質鮮美！薯蓉軟綿綿！幾好味！碳燒紐西蘭牛肉肉眼扒配黑松露燒汁好大份！味道唔錯肉眼扒肉質鬆軟！配埋黑松露汁好好味鹹蛋黃醬雞翼雞翼香脆可口鹹蛋味都幾濃！是日甜品連媽咪都覺得好滿意！大滿足 服務態度唔錯 食嘢同埋傾偈都一流的好地方！

自從上回吃過威靈頓牛柳之後，小人一直念念不忘，今番一於安哥。經過上次一役，今次連頭盤都略過，不過少少的餐前小食也石放得落肚。粟米脆片加芝士醬非常惹味，佐啤酒一絕。主角威靈頓牛柳端上時熱度十足，表層的酥皮充斥著牛油的香氣。切開後便見到中間粉紅的牛柳，證明火候溫度控制得好。咬下牛柳，細嫩多汁，又夠入味；小人特別喜歡它用的並非只是普通的蘑菇，而竟然是黑松露！當一口之內，有齊酥皮、牛柳及黑松露，簡直就是滋味大爆發！絕對是高呢的威靈頓牛柳~

那天是平日不得不說食物的水平我覺得還不錯，份量也還挺多的。兩個人出奇的只要250-300以內就可以埋單。是飽肚的，非常適合了天的地方，服務人員態度也非常好。雖然不是觀塘首選，但還是一家會在重覆去的餐廳。

今次唔係第一次食 mini friday, 每次行完觀塘 都會喺附近搵嘢食 Wave呢棟大廈出名多嘢食, 所以 好多時我都會出現係呢棟大廈🤣🤣， 唔知係咪因為星期五嘅關係今晚好爆場 好彩唔使等好耐就有位， 我哋叫咗 溫泉蛋菠菜大啡菇， 賣相依然吸引 味道仍然香濃多汁👍🏻👍🏻, 再叫咗兩款晚餐 佢會配埋餐湯 同嘢飲 加一蚊仲有埋甜品㖭🤤 我就叫咗個 ⭐碳燒鹿兒島 極黑豚西冷扒 配藍莓燒汁呢個真係超好味 絕對冇韌嘅感覺， 食落鬆軟 味濃多汁， 老公就叫咗個 ⭐炭燒紐西蘭牛肉眼扒 配合松露燒汁賣相相當吸引 可能我哋叫七成熟 所以食落有D韌, 下次叫三至五成可能會好啲臨尾梗係會叫多個 梳乎厘 食下雪糕啦

今日做完野路經官塘順便接個friend收工去搵食，梗系搵返個官塘地膽帶路啦，去到呢個新商廈，差啲吾識搭lift, 因為個外型好似貨櫃門甘，好搞野。上到去見到一邊系食雞煲，另一邊就系西餐，今日想'過'扒，於是選擇左食西餐。先黎個小食，系free of charge架，個醬汁幾好味是日餐湯~白蘿蔔薯仔湯，中西合璧，味道又幾夾喎田園沙律 ~ 有幾粒爆珠系度，幾特別。DIY pasta ~ 🌶味茄汁天使麵配大啡菇＄158，追加龍蝦加＄48，香噴噴，味道剛剛好碳燒纽西蘭牛肉眼扒配黑松露燒汁，配菜有露筍，粟米，生熟程度剛剛好，充滿牛肉香味，估吾到工廈都有優質西餐。Dinner set加＄1有甜品送，不過太飽無叫到，下次要試試。

老公生日，預早兩星期搵餐廳資料，平時都去開觀塘食飯，因為觀塘區的工廈餐廳質素一般都唔錯，有時候仲有啲“隱世廚神”。所以就上Openrice 搵下觀塘西餐廳啲資料，搵到Mini Friday 。見佢環境唔錯，又見到食客post啲相出嚟，相中菜式又靚價錢又唔太貴，而且以前都去過隔離嗰間「咪走雞」打邊爐，所以就訂位試吓，當晚叫咗好多食物，有德國火焰鹹豬手、威靈頓牛柳、海鮮意大利飯、菠菜溫泉蛋大蘑菇、pizza同埋意粉，款款賣相都好靚又好食，朋友同屋企人食咗之後個個都讚好！

早前放工後，相約友人係公司附近食飯，最後我地選了Mini Friday。由於我地吾知揀食セ野好，見到晚餐也吾錯，吾想諗。晚餐包括田園沙律，栗米忌廉湯，主菜和餐飲，價值由$168 - $268，加一蚊可以換是日甜品，大約有七至八款主菜選擇。主菜我選左了碳燒鹿兒島極黑豚西冷扒配藍梅燒汁 。而友人則選了法式紅酒羊膝。點完餐後，侍應先奉上脆片，好味。田園沙律，蔬菜幾新鮮爽脆。栗米忌廉湯質感較杰身，啱我口味，唯獨係個湯吾夠熱。主菜賣相精緻，上檯時香味撲鼻。黑豚西冷扒夠厚身，較有口感。肉質嫩滑，配上帶微酸的藍梅燒汁，夠醒胃，又能去油膩感。我地加一蚊要埋甜品，是日甜品係芒果蛋糕。蛋糕味道也不錯。最後飲番杯熱咖啡，這一餐豐富。

我哋嗌左威靈頓牛柳（$298）、一份DIY Pasta (我哋就自己揀咗香草汁雞柳扁意粉）同埋胡椒蜜糖雞翼（$58）我哋一坐低侍應就即刻拎左前菜俾我哋食佢哋嘅前菜係墨西哥脆片配芝士醬之後我勁鍾意嗰個芝士醬💖💖因為真係好正其實呢次係我人生第一次食威靈頓牛柳🥰🥰所以都真係有啲期待首先一切開見到真係做到五成熟覺得要做到呢個效果都真係唔容易🙂🙂我自己食法就係一啖酥皮一啖牛柳咁樣食酥皮外表會有啲脆口之後入面就有少少軟淋淋嘅感覺呢度嘅牛柳亦都做得好出色牛味好濃郁又可以做到入口即溶嘅效果❣️❣️令我覺得真心滿足之後嗰個DIY Pasta其實都好正我覺得香草汁配扁意粉係一個幾完美嘅配搭☺️☺️食落去幾Creamy同埋都有少少咬口加埋幾塊好滑嫩嘅雞柳更加加分跟住嗰個胡椒蜜糖雞翼我覺得係幾特別嘅因為佢將一個極鹹一個極甜組合埋一齊食落去個口感都幾豐富😲😲同埋啲雞肉都超滑DIY Pasta亦都可以加$1有一個小甜品如果你哋嚟試嘅話就不妨試埋啦

小編一向好鍾意去樓上CAFEchill下，而呢間cafe系位於觀塘既工業中心，有扒亦有麵，環境系小編鍾意既暗既環境，環境好有feel，而且地方寬敞，想同朋友聚下傾耐啲，去呢啲地方就啱哂啦😉👍

星期五當然要約朋友聚一聚，Mini Friday坐得夠舒適，又無限時間，食野傾計一流。我好喜歡食呢到嘅薄脆，無論午餐定晚餐都會送一客。叫左一jar雜果賓治一，同朋友邊飲邊傾，好fresh水果味。水牛城雞翼鋪滿特調辣醬，辣得黎好開胃。前菜仲叫左溫泉蛋菠菜大啡菇，中間有隻溫泉蛋，與大啡菇一齊爆汁🤪嚟呢到必食皇牌威靈頓牛柳，由於酥皮同牛柳一齊焗，所以無得揀幾成熟，上枱目測7成左右啦。酥皮好香脆，牛柳有豐富肉汁，食落多皇滋味。香草燒法國春雞原隻烤完上碟，好啱打卡用。外脆內嫩，唯雞胸位置較厚實，整體ok!龍蝦海鮮意粉：有龍蝦及大蜆，海鮮汁滴晒入意粉到，食落有龍蝦汁味。份量好多，啱晒幾個朋友share食。星期五當然要約朋友聚一聚，Mini Friday坐得夠舒適，又無限時間，食野傾計一流。我好喜歡食呢到嘅薄脆，無論午餐定晚餐都會送一客。叫左一jar雜果賓治一，同朋友邊飲邊傾，好fresh水果味。水牛城雞翼鋪滿特調辣醬，辣得黎好開胃。前菜仲叫左溫泉蛋菠菜大啡菇，中間有隻溫泉蛋，與大啡菇一齊爆汁🤪嚟呢到必食皇牌威靈頓牛柳，由於酥皮同牛柳一齊焗，所以無得揀幾成熟，上枱目測7成左右啦。酥皮好香脆，牛柳有豐

又到咗自己申請做苦主紀念日，當然要搵個好味西餐慶一慶佢，好味就即刻諗起MiniFriday，上次食過真係好正，兩口子就出發觀塘Wave喇!比起上次係多人咗好多，香港人果然識貨，好彩去到剛好仲有一張枱唔使等啫!每枱都會有食到唔停口嘅餐前小吃“墨西哥脆脆配芝士醬”!“溫泉蛋菠菜大啡菇”太座上次食完念念不忘就知有幾好食!今晚同太座都試吓DinnerSet，“碳燒鹿兒島極黑豚西冷扒配藍梅燒汁”食落肉汁豐富超嫩滑，燒汁好特別，唔使咁悶成日食嚟食去都係嗰D汁；“碳燒紐西蘭牛肉眼扒配黑松露燒汁”上枱已經聞到陣陣黑松露味道，7成熟嘅肉眼扒係我至愛，仲要每啖肉都食到黑松露味，perfect!每個set都會有一份田園沙律，呢度嘅沙律會食得出好新鮮，今晚餐湯係忌廉湯，又幾好味，當然仲有小甜品蛋糕，但對於我地嚟講唔夠喉，一定要加個“即製梳乎里班戟配雪糕”，上次食完已經回味無窮，其實我一早已經諗住食，哈哈!

今日去觀塘上堂，朋友話想食fish and chips於是靈機一觸帶佢黎試下，叫叫下仲叫左勁多野食~炸魚薯條之前食話過得又大份又熱辣辣，薯條份量仲好多，最正係佢配埋既wasabi 沙律醬，將成件事錦上添花!炸魚個脆漿包住嫩滑既魚肉，係用啤酒製成既炸漿效果，脆卜卜超正~香草牛油田螺酥盒一客四年，牛油味重，田螺細細隻但好有咬口，平時都鍾意食蒜蓉田螺，但有時要自己了田螺出黎食都幾麻煩，呢個田螺酥盒一啖就食哂，方便又好味~正~胡椒雞翼做緊promo既雞翼，唔好以為係辣既，事實上佢係黑椒再加蜜糖，所以甜甜地，但味道一d都唔怪，咬落外層仲好脆，雞翼仲好juicy!$58抵叫!卡邦尼意粉朋友必點既卡邦尼意粉，份量唔多但勝在CREAMY又夠香，煙肉同蘑菇仲有洋蔥呢D咁香既食材加落意粉真係冇得輸~呢度既卡邦尼意粉既醬汁超濃又杰，每一條意粉都好掛汁~三色藜麥華都夫沙律食咁多肥野都要叫個沙律食下D菜~呢個三色藜麥華都夫沙律材料都好豐富，加埋提子乾增加口感同甜味~個沙律醬都好夾，就算食菜都唔覺得寡~最後朋友仲叫左杯Erdinger beer，佢話呢隻啤酒麥味夠濃~我冇試但佢話好正~仲表示今餐非常滿意~

朋友今晚特登過嚟觀塘搵我食飯，話見有間餐廳又抵又好食，原來係Mini Friday，之前都有聽同事講過，就趁今日同朋友一齊去試吓。見到呢度嘅晚餐價錢一啲都唔貴，叫左一份羊架同埋DIY pasta share一齊食。套餐包左餐湯同沙律，沙律入面仲有啲果汁珠珠，一咬開就會爆汁幾得意。羊架有三大件，好厚肉，表面層鋪滿香草，朋友唔食生嘅所以今次叫得比較熟，但都唔錯，一啲都唔會韌，而且伴碟嘅薯蓉配有黑松露，更加好味。DIY pasta自選醬汁、意粉類別、仲有材料嘅配搭，方便我呢種又懶得諗但又希望有選擇嘅人。邪惡嘅忌廉芝士汁，同一隻半熟溫泉蛋，簡單配上野菌同扁意粉已經好好味，仲要額外追加左半隻龍蝦， 即時變咗高級版，龍蝦肉輕易就能夠拆開，份量都唔細。另外而家加一蚊就可以追加甜品，咁抵食真係唔可以錯過！

朋友喺觀塘返工成日食呢度既lunch set，佢話lunch質素幾好，所以成日想晚飯時段黎試下呢度既威靈頓牛柳，我唯有陪下佢啦🙊我地當然點左一份主角威靈頓牛柳，另外仲叫咗個DIY Pasta加$1既是日甜品，可以按照自己中意既汁，配料同麵底度身訂造都幾特別👏DIY Pasta我地揀左蒜片欖油+煙肉+闊條麵，pasta煮得幾好，雖然用欖油做base但望落唔會覺得油膩，色澤好靚👍 個汁微辣好開胃，煙肉煎到好香，索晒蒜既香味～闊條麵煙韌，吸左啲蒜頭同煙肉既香味好好食，而且有層薄薄既橄欖油係面頭唔會覺得乾身😋 不過份量唔算多～威靈頓牛柳等左大約十五分鐘，不過好值得！！牛柳幾大份，一切開啲酥皮聽到好清脆既聲音，酥皮重牛油香味，非常有層次～裡面既牛煮得岩岩好👍 外面熟裡面鮮紅，完全唔韌亦都唔覺得羶，唔駛點任何醬已經好好食😋牛柳同酥皮既中間仲夾雜左啲黑松露菇提升鮮味👍伴碟既露荀都好爽脆同新鮮～呢個威靈頓牛柳水準真係勁高！！👏👏👏下次都想試下呢度既招牌火焰豬手，希望到時我唔會俾呢個咁出色既威靈頓牛柳轉移左視線啦🙈

疫情下快閃慶祝生日，訂了6:30pm枱，到時人不多還給我揀枱，之後就越多人，2人枱感覺有點迫，前菜要食得快等收咗碟，才可放正餐，走時仲有大班人等枱。點了1. 打卡的沙律，沙律菜份量好夠，要快手食，冰座要溶2. 抗疫黃金雞翅，比較細隻，味道未夠，有進步空間3. 大啡菇Pizza，薄身脆口，有菇味4. 羊架，有羊羶味正呀！好有脂肪5. 大瓶飲品6. 火焰雪山，送的，但忘記寫字，非常可惜及失望。因為確認訂枱時，加已提及。