Mini Friday (The Wave)

營業中

休息中

平時觀塘返工去搵食都未試過去The wave，今次一黎就搵到間咁高質嘅西餐廳。一坐底，店員就比左啲薄脆我地先，個醬甜甜地似千島醬，點下佢黎食都好夾。餐牌上無論係套餐，或者係散叫，都各有特色，選擇都多嘅，今次我同朋友S係實行堂食至到6點個日之前，食盡佢，我地叫左兩個套餐同埋散叫左啲野，應該係3，4個人嘅份量。啲雞尾酒都調得幾好，跟餐嗌仲有得平添呀。呢碟香烤澳洲羊架配薄荷燒汁，個羊架上面鋪滿左睇落似鹽嘅野，但佢其實唔係鹽黎嘅，有好香蒜味，無諗到叫七成嘅羊架係咁perfect，我個人覺得食羊最好就係有少少蘇味先至係食羊，呢個簡直係典範。我會大推呢款比鍾意食羊嘅朋友。呢碟叫碳燒紐西蘭牛肉眼扒配黑松露燒汁，五成熟最好，切落去係好粉嫩，啖啖肉汁，有時我仲覺得其實食扒唔用鐵板係好啲，因為用碟上嘅話，啲扒就唔會受到熱力影響，食落都唔會有落差，如果係食牛之人，呢個真係唔可以錯過。仲有一樣野係餐牌上見到，係不得不嗌嘅，就係威靈頓牛。以前睇人地啲YouTuber介紹，威靈頓牛有起碼兩種條件係睇佢合唔合格，第一就係切出黎啲肉要係粉紅色，第二就係啲酥味仲係痴住啲肉。結果當然係合格有餘啦，老實的說呢個只係298

疫情下和老婆二人世界，收工一齊去咗觀塘附近呢間西餐廳。一開門見到一邊係打邊爐一邊先係餐廳，侍應帶我哋坐低，只見人不多，位也間得比較疏，有足夠社交距離和空間。我哋點了威靈頓牛柳，西班牙海鮮飯和黃金雞翼。薄脆是送的，好脆好好味。雞翼先來，一咬下去濃濃的咸蛋味湧入口腔，又香又脆。之後來的海鮮飯，有半邊龍蝦响面，材料有墨魚青口蝦仁，每啖飯都被汁料包圍，而且整個飯都用金屬鐵鍋盛載，保持住餘溫。最後上的威靈頓牛柳，侍應事前冇問我哋幾成熟，到上和切開的時候，大概7成熟。皮唔算太脆，但牛柳好腍，酥皮內又夾什著菇。佐旁的是薯蓉及少量雜菜，不過不失。全晚都有侍應在旁，很容易搵佢哋。一頓唔錯的晚飯，推介。

上年幫襯過旺角的Mini Friday兩次，味道不錯，特別難忘是火焰豬手。上個月轉工後改到在觀塘返工，剛好觀塘都有Mini Friday，放工後就來試試。坐下後，店員隨即送上一小籃脆片，配千島醬，酸酸的，可以開一開胃。見到「時代抗翼」餐牌，有4款口味，第一眼就被「黃到金雞翼」吸引，因為一直都鍾情鹹蛋黃，所以即時決定點這一個。黃到金雞翼炸雞翼配上鹹蛋黃醬，雞翼炸到好脆，外脆內嫰，上枱時熱辣辣，加上鹹蛋黃味又香又濃，十分滋味。威靈頓牛柳外層的金黃色酥皮，十分吸晴，切開的時候，聽聲音已經知酥脆。切開後牛柳不是全熟，應該有7成熟吧，中間夾有蘑菇汁及蘑菇粒。牛柳焗得剛剛好，肉質嫰，內汁又夠多，酥皮亦十分香脆。旁邊配菜中的黑松露薯蓉，陣陣的黑松露味，十分香滑。西班牙海鮮飯用料十分豐富，龍蝦、蝦、蜆、魚、墨魚仔，炒飯底夠乾身，味道可口。

自從見過Chef lemon整威靈頓牛柳，倖存者成個腦都係威靈頓呀、牛柳呀！過咗好奈，終於搵到間性價比高嘅工廈西餐廳 - Mini Friday 完咗威靈頓牛柳嘅心願!皇牌威靈頓牛柳叫得皇牌，當然對佢好大期望！份量夠晒4個人食。充滿油香嘅酥皮包著juicy 牛柳-肉汁全部被酥皮吸收，中層經調味嘅雜菌提昇肉味，一切開啲啲香氣湧出黎。倖存者推薦大家一定要加汁食，啲汁酸酸甜甜，襯翻件牛胡椒蜜糖雞翼本身諗住好辣，但倖存者接受到個種椒味。純粹第一口食落少少辣，蜜糖味即刻顯現，係燒烤個種蜜糖雞翼2.0龍蝦海鮮意粉大大隻龍蝦放係你面前！龍蝦肉太生會痴底，太熟啲肉會老，呢隻啲肉可以全條起，證明烹調時機岩岩好！意粉用茄醬調味，呢個組合永遠唔會輸

Mini Friday一直都係我會再Encore既西餐，但發現原來次次都係黎食dinner，今次就突登同媽咪黎試吓個lunch。中午12點半左右嚟到，人比較少。餐廳安排左二人枱比我哋，叫左兩份lunch set加一個小食。💛凱撒沙律加配煙三文魚$58：沙律不過不失，份量頗多，煙三文魚要另外比錢加配先有。-💛炭烤澳洲羊架紅酒汁配飯$108：午餐羊架有兩件，多汁嫩滑，配炒飯而唔係普通白飯，誠意十足。-黃到金雞翼$58: 全餐最推介！咸蛋黃惹味唔覺太heavy，雞翼金黃鬆脆。就憑個名都想試佢，下次要試埋其他維尼、催淚同胡椒雞翼🤤

今晚去觀塘食晚飯，要左兩個晚餐，再加多個凱撒沙律，總共要$596，這個凱撒沙律係我近年食過最差的沙律，味道唔好食，用料差，價錢貴，沙律$68加三文魚$38，齋個沙律收$106，個沙律齋得普通生菜，少少煙肉碎麵包糠及兩筷三文魚，令我有少少懷疑餐廳老細有冇食過凱撒沙律，其餘個牛扒同意粉，我覺得係茶餐廳水準西餐廳價錢囉！仕應服務都尚算可以，雖然餐飯唔算話貴，但係我覺得唔值囉！我見到有咁多人讚，所以先選擇一試，但無想到個水準係如此一般，

一直都好想食下威靈頓牛，但係呢道菜工序繁複，唔係間間西餐廳都食到，上網搵見到 Mini Friday嘅推薦菜喺威靈頓牛柳，而且價錢唔太貴，所以約埋朋友一齊去食，味道都唔錯，地方又大，推薦朋友聚會黎食！/墨西哥脆片🌟一坐低未落單就有墨西哥脆片，沾埋個醬好好食。配啤酒一流，所以忍唔住叫咗杯 draft beer。/Asahi Draft beer🌟 $78/水牛城雞翼🌟 $78好多西餐廳都有水牛城雞翼食，但係因為各自調出黎嘅口味都唔同，所以味道不一。但呢度嘅水牛城雞翼同美國食嘅比較似，都係好多醬汁，辣得來好惹味，而且炸過脆脆地，好食！/皇牌威靈頓牛柳🌟 $298淨係賣相已經好吸引，比想像中大舊，牛柳煮得啱啱好五成熟，肉質非常焾，出邊層酥皮金黃色，新鮮烤完好酥脆，酥皮內仲包左一啲菇，好特別。另外配菜係黑松露薯蓉，又滑又香，仲好飽肚。/黑松露啡菇水牛芝士薄餅🌟 $148係薄底的 pizza，好豪爽咁落咗好多芝士，一拎起薄餅就有好長嘅拉絲，配料大啡菇好多汁。

呢間價錢中上少少，但性價比都唔錯！水牛城雞翼好正啊，炸完雞翼個脆皮再加熱辣辣的水牛城汁！脆皮好重要，有時無咁新鮮就會軟曬個皮，又酸又辣超正，有藍芝士感覺，個汁真係好過癮！個雞味當然就唔太出，畢竟係雞翼同埋個汁幾重口味～卡邦尼意粉我就麻麻地，佢係好食，但唔係我鐘意個款重忌廉味，佢比較重蛋香為主，意粉質地彈牙，醬汁濃郁，料就偏少啦～ 不過本身呢個醬汁都幾heavy, 所以都唔會話餓豬同牛強烈推薦！豬質地好軟熟唔柴，個汁好好味，份量好多，牛肋骨好有牛味，唔會過老岩岩好，有出面扒房水準 😋🥰😋如果價錢平多20%，我會覺得100分啦！

觀塘啲工業大廈真係愈來愈多餐廳，美食多籮籮！呢間燈光頗暗，有個酒吧位，一睇就似美式酒館，但就較為大間👏🏻火焰豬手：為左隻豬手去架，好靚啊！店員倒少少洒係豬手再點火，等佢火熄滅就會拎去切！相信火係令佢個皮更熱更脆，唔係得個gimmick，而佢實際上真係唔錯，皮韌有咬口，皮有少少脆，肉質軟嫩，無咩豬騷味，切得較大舊，口感唔錯，肉味都可以🐷黑松露芒果蝦沙律：好鐘意佢個醬，唔係太酸太甜，岩岩好，同黑松露融合得幾好，唔會話兩種味道分開左，好似唔夾咁，忍唔住狂食🍤蝦切左細粒，正，口感會一致啲！

去觀塘覓食除去工廈後，還可考慮到地標之一的the wave，因為呢個building有好多高質餐廳。mini friday給人的感覺是，放工可以放鬆一下自己吃點好的，就好似friday咁開心！然而，這裡的食物也給了我很多驚喜呢！🌟🌟最有驚喜🌟🌟🔥火焰脆燒德國咸豬手：初時看到openrice的火，以為是p上去的，原來餐廳真的會在上碟時在你面前🔥焰一下，好有gimmick～睇得又食得。燒完後餐廳會幫您切好才上碟，豬手皮脆肉香，而且保留了好多筋，肉質亦嫩，每一口都食得好滋味。～其他高質之作～🍕黑松露啡菇水牛芝士薄餅：真的多芝士到可以拉絲的，而且餅料材料高質，焗得薄脆，口感很好。🌟DIY Pasta- 辣味茄汁雞柳龍蝦天使麵：這裡可以讓您自由配搭意粉，可以選擇自己喜歡的汁、麵、配料。喜歡吃龍蝦的我們就選了再加配龍蝦，吃得豐富點。天使麵麵質好好，蕃茄味好香濃之餘滲出少少辣，還有鮮蕃茄粒。龍蝦雖然不算好大隻，但蟹鉗多肉鮮甜。店員還好好service的會提供濕紙巾，讓您整完蟹鉗後抹手。🌟是日甜品：自選pasta set還可以加$1要埋甜品，甜品白朱古力味好濃，製作很有心思。前菜就有以下這三樣menu

依家真係冇得彈！！由於我真係好鍾意食西餐同煮西餐，返工冇得揀，同埋習慣咗食outback，放假去去支持下黃色經濟圈。Mini Friday都有少少分店同集團，有質素保證！今次食得豐富啲！前菜叫左芒果黑松露鮮蝦沙律$98。賣相極之吸引，通常都係刺身先會放冰，估唔到沙律放冰會係點，原來真係好fresh!出街同人食飯，最緊要叫多啲👅尊重同你食飯嘅人，最緊要開開心心呢個香烤澳洲羊架配薄荷燒汁$238，簡直係我的最愛，但係最好食嘅嘢，要識分享俾最好嘅人～套餐有湯同沙律，小食都已經好唔錯，加一蚊仲有甜品

呢間舖頭，嘢食提供都係啲西餐有嘅嘢。不過最驚喜嘅就係佢嗰個牛肉批，皮好脆，啲牛食落去又唔差又多汁。但可能我個人嘅口味偏淡，所以覺得佢啲有可能略鹹少少。但如果對於重口味嘅人來講應該係幾好食嘅。佢個小息前菜係脆脆片，有唔同醬汁可以掂。脆脆片同我哋平時食開嗰啲差唔多冇咩特別驚喜。葉普通食返佢個扒餐都係一個唔錯嘅選擇，佢嘅牛扒煎得啱啱好，佢個黑椒醬汁都係略鹹少少，都係果句如果食得重口味啲嘅應該覺得味道差唔多。餐廳嘅環境唔錯，又唔會話太焗。可能因為多人幫襯所以會比較窄少少啲位。

心血來潮想食西餐，嚟咗觀塘嘅Mini Friday，估唔到都有好多驚喜我哋仲食咗好多嘢添個餐湯已經好有驚喜，係薯仔忌廉湯，雖然個樣好似平平無奇咁，但食落去係有feel到粒粒薯蓉個味重好濃，但一啲都唔漏呢個芒果蟹肉沙律非常得意，有一舊冰座令佢保持新鮮，影相又好靚，隔離枱都忍唔住望啊呢個係菠菜芝士大菇，我哋都覺得好好食，大蘑菇非常Juicy，食完好有滿足嘅感覺朋友話一定要食嘅鹹蛋黃薯角，好邪惡啊炸得來又唔會好油油膩嘅感覺，所以令我哋係咁食正餐又叫左個豬肋骨，朋友切完之後先發現好大舊，個汁係BBQ醬，非常之夾，肉質亦好鬆軟自選意粉同樣係好正，有幾隻唔同嘅材料揀，我哋專登加錢加咗帶子，再加埋我最鍾意食嘅扁意粉同菠菜，個茄汁好明顯係自己調配嘅，所以覺得好有層次最後一定唔少得甜品，我哋嗌左個蘋果金寶雖然食咗好多嘢，但甜品係第二個胃嘅加埋雪糕簡直係個完美句號呢支水果茶又係一流，我嗌左少甜，估唔到喺西餐廳飲水果茶都咁有水準

黃到金雞翼餐廳以時代抗翼做主題，一共有四款味道的雞翼，黃到金雞翼係鹹蛋雞翼，即叫即整，蛋黃味十足，好脆口，香港人必點支持！BBQ豬仔骨配薯蓉豬仔骨軟腍，骨肉分離，完全唔韌，BBQ醬非常入味，每啖都食到濃濃的燒汁味道。黑松露雞扒完全估唔到雞扒咁大份，超抵食，雞扒夠嫩滑，黑松露醬的味好出，食落口黑松露味道慢慢滲出！小食、湯、沙律一坐底自動送上免費小食，南瓜湯及沙津味道都在水準以上。套餐連飲品都唔洗$168，好抵食！

尋晚去咗觀塘嘅Mini Friday食晚叫咗份水牛城雞翼 $78夠味辣辣地 好好食 幾啱幾個朋友聚埋一齊食另外仲叫咗個皇牌威靈頓牛柳 $298外面酥皮 入面牛柳 有埋醬點 嗰醬好襯牛牛 外酥內牛依個配搭好好食 火焰脆燒德國鹹豬手 $238火焰燒豬手好大隻好有表演力 大約5秒就燒完 之後之後會有侍應切埋 先再俾我地食 嗰皮脆脆地 配埋酸菜幾夾黑松露忌廉花膠煮年糕 $78依個幾新穎 估唔到黑松露可以同花膠年糕一齊食 食落又唔錯香烤澳洲羊架配薄荷燒汁 $238(套餐 包埋田園沙律 餐湯 咖啡或茶同埋甜品 白朱古力蛋糕)依個係set 黎既 前菜有沙律又有餐湯 田園沙律都幾大碗 加1蚊有埋甜品 幾扺食 主菜羊架我就揀左5成熟 肉質夠林 羊味好出 Mini Friday (觀塘 The Wave店)觀塘興業街4號The Wave 3樓