Mini Friday (The Wave)

營業中

休息中

見第3波疫情終於緩下來，來一過生日飯🍚。這生日送火焰雪山蛋糕🧁。 嘩，今晚豈碼有30枱客哩。2人叫左2個set dinner G)  磯燒鹿兒島黑豚🐷西冷扒 $248H)  磯燒紐西蘭牛肉🐮眼扒 $258👉👈 可能宅得太耐，開始習慣住家飯🍚，覺得個饗湯好咸，除了咸味，個湯又冇料。。。放棄。nachos, 見放久了，也沒吃。沙律+餐飲正常。🐷 豬扒，係厚切， 肉質一啲都唔靱，軟硬適中，好味🤗。🐮 牛扒，友人選了9成熟😅。有點擔心可能會靭，但佢又吾想食生。。。結果係熟，厚切，但肉質一點也不靱，幾好。可惜，👉👈佢不停話好咸。甜品，吸睛🔥🧁，打咭之選，size雖然比想像中細，但免費，算吾錯了。$577，家下經濟不大好，😅 cp性算吾平，但餐廳也不易經營唷!

餐廳燈光偏暗，裝修有格調，柔和的光線和蠟燭燈令氣氛更加浪漫，窗邊擺滿燭光，氣氛浪漫。而且黃到金的背景令人覺得很舒服。我們才剛坐下，侍應就拿來免費的餐前小食，是墨西哥脆脆，不算油膩，口感很酥脆，沾上千島醬好惹味。我跟友人分別叫了2個套餐share。套餐有餐湯、沙律、1份主菜、1杯飲料和1份甜品。餐湯是南瓜湯，十分香甜。三文魚籽沙律 整個沙律都很清新，三文魚籽清甜，一點都不腥，黑醋跟沙律也配搭得很好，不錯。香烤美式BBQ豬肋骨豬肋骨size非常大，面層淋上BBQ香辣秘製醬汁，味道似水牛城雞翼的醬，而豬肋骨燒得外脆內軟，好香口，肉質依然保持軟腍嫩滑，醬汁香香辣辣亦能提升豬肉的味道，食落好滿足。碳燒鹿兒島黑豚西冷扒配藍梅燒汁黑豚西冷燒過後散發香濃肉香，很有份量，肉質非常軟腍，油脂同肉嘅分怖平均，有彈性和啖啖肉汁，也不會嚡口。而伴碟的藍梅醬味道酸甜甜，味道清新很開胃。最後還有甜品作為結尾。餐廳環境和食物都有水準，環境大，有氣氛，適合一班人或情侶聚會和享受晚餐。

Happy friday見疫情緩和同朋友聚會食餐飯，一坐低店員遞上墨西哥脆片，熱辣辣好香口，加上醬汁好惹味。我地叫左2個晚餐set，已經有田園沙律，餐湯同埋餐飲，十分抵食。DIY paste 呢個餐可以揀自己想食咩，我地叫左溫泉蛋芝士忌廉燴飯加大啡菇再煙三文魚，燴飯軟硬適中，好creamy，大啡菇吸哂醬汁好juicy。碳燒紐西蘭牛肉眼扒配黑松露燒汁叫左7成熟，燒得好香是，牛肉眼肉嫩多汁，好厚身一點都不韌，肉味香濃，加左黑松露燒汁更加惹味。配菜嘅薯蓉好滑好香。一

今晚放工同老公撐枱腳，去觀塘熱門西餐廳Mini Friday，之前都同朋友嚟過，感覺食物質素唔錯，所以帶老公試吓。The Wave搭lift直上3樓，我哋6點幾到，所以唔使等位。待應帶左我哋去埋邊梳化位，燈光柔和幾舒服。打開餐牌有散叫、有set dinner，仲有個特別小食”時代抗翼”, 有趣😜我哋叫左兩個set dinner 加個”黃到金雞翼”😊未點餐前待應就送上墨西哥脆片同千島醬，我就覺得單食脆片太單調，一定要點醬先好食。個set嘅沙律係有黑醋同有果汁味嘅分子料理粒粒，酸酸甜甜好好味。而個望落去好似南瓜湯嘅西柚味忌廉湯，對我來講個味道都真係好新鮮，咸中帶甜，飲落去又唔錯😋之後就嚟雞翼，呢個咸蛋黃醬真係調教得非常好，唔會太膩，內面仲有嫩滑嘅肉，正！（佢地改呢幾款名都別有心思）我個set ($258)，紐西蘭肉眼扒配黑松露燒汁，因為我唔鍾意太生，所以我叫7成熟。但出乎我意料之外，肉質真係好淋，啖啖肉。最欣賞係佢個黑松露燒汁，比起一般嘅燒汁更多層次，帶出一啲黑松露味，襯托住個扒但又唔會好搶鏡👍🏻我share左一小部份俾老公，其餘我自己食晒🥳另外個set($168)就係忌廉花膠配雞扒。比較

位於 The Wave 嘅 Mini Friday 喺OpenRice 有成500幾個好評，於是我就揀咗個星期六嘅下晝去試吓佢係咪真係咁值得去食。-環境方面夠寧靜，坐得舒服，燈光暗暗地幾有情調。Lunch set menu 都有幾多選擇，豬牛雞羊魚沙律都有齊曬，相當貼心。今次我就叫咗個忌廉藍青口意粉，青口都有六、七隻，大大隻同埋都幾新鮮。意粉份量十足，唔會食完好似冇食過咁，唯一挑剔吓嘅就係個cream sauce有點太膩，heavy咗啲。$75 (+service charge)一個set lunch 嚟講性格比算唔錯，值得支持吓，但冇咩特別所以就未必會成為我嘅favourite嘞

之前試過旺角分店，而家再encore!火焰豬手，係呢間招牌菜之一，見好多桌客人都有點。佢原隻豬手奉上，係我地面前點火先入廚房切件!豬手皮脆肉嫩!肥瘦適中，唔會太膩亦唔會柴熱辣辣食好味!佢配上酸菜可一解油膩感!份量亦非常多!西冷扒揀左五成熟!肉味重而且嫩佢既薯容加入左黑松露，更有層次，唔會得薯容味咁寡凱撒沙律嗌左咁多肉，食個沙律清下腸胃，沙律就是一般沙律。份量及材料可以多一點先價回票價套餐包一杯湯，飲品同沙律沙律份量都多，而且有多種配料!南瓜湯，香濃仲有佢既脆片可以無限添加

觀塘嘅樓上Cafe一直都出名又平又抵食，而且環境仲好舒適，今日就同朋友嚟咗mini friday呢度試吓西餐～望到餐牌上面有咁多選擇而且又有特色已經覺得好吸引，所以我哋DIY pasta, dinner set同埋新出嘅雞翼都叫咗嚟試吓首先餐廳會送上餐前小食，炸到香脆嘅脆片配埋醬汁食真係覺得好滋味跟住就到沙律，沙律撈左啲黑醋，酸酸地嘅感覺令人覺得好開胃另外仲會有餐湯我哋叫咗呢款「黃到金雞翼」，係鹹蛋黃炸雞翼黎，咬第一啖就已經覺得好邪惡，不過無可否認又真係好好味，鹹蛋黃嘅調味啱啱好，唔會太鹹，而且雞翼都好入味，就算係入面嘅肉都仲可以感覺到微微嘅鹹蛋黃味跟住就到DIY pasta，好特別嘅地方係可以自由配搭想要嘅醬汁、粉同埋配料，完全係可以根據個人口味order自己最想食嘅嘢！我哋叫咗溫泉蛋芝士忌廉醬闊條麵配鴨胸同埋煙三文魚，芝士忌廉醬嘅濃度啱啱好，配埋本身帶有少少鹹味嘅鴨胸同埋煙三文魚真係味道一流另外我哋仲叫咗紐西蘭肉眼扒，七成熟唔會有血淋淋嘅感覺亦都唔會太韌咬唔到，啱晒本身唔太鍾意食生野嘅我哋。另外佢仲有黑松露燒汁，唔似得一般燒汁咁死板，多咗份新鮮感而且仲有黑松露嘅香味，令到成個醬汁嘅

觀塘The Wave成棟都有好多好嘢食，今次同男友嚟試吓呢間都幾多人食嘅Mini Friday。皇牌威靈頓牛柳 $298 酥皮好鬆脆香口，牛柳煮得剛剛好，雖然質壁分離咗，但食落口感仍然有層次，仍然香嫩。黑松露啡菇芝士pizza $148 脆卜卜嘅批超正，食落索索聲，黑松露同芝士相得益彰，唔會蓋過對方嘅味。維尼雞翼 $58 佢係柚子雞翼嚟，味道清香，甜而不膩，不過就細隻咗啲。蘋果金寶 $58 鬆化表層配上軟腍蘋果肉，底層蘋果酸酸甜甜，配埋濃郁朱古力雪糕一齊食超正。蜜桃雪葩 $68 好可愛嘅造型，微甜，食落去夠哂refreshing。無物 $68 個名好有詩意啊🤣 飲落有甜甜蜜瓜味，好易入口。椰林飄香 $68 甜甜椰香味，飲落口酒精含量好低，飲多幾杯都唔怕。如果你鍾意睇我嘅食評，不妨關注我，支持吓我，謝謝你☺️💕

自從疫情，多數係屋企番工～呢排放鬆左喺觀塘放工同同事去咗附近餐廳食晚飯威靈頓牛柳（$298）好掛住Gordon Ramsay嘅招牌菜式！酥皮焗至金黃色😍香而脆！而切開係深開色既肉，外邊有層黑色既菌類包圍住! 食落唔韌，牛肉味加埋好香既菇味，外脆內軟，享受😇DIY pasta ($158)有唔同嘅意粉種類、醬汁、配料，可以自由選擇～我哋選咗黑松露忌廉汁、闊條麵配雞柳😋每條面都掛滿左黑松露忌廉汁，非常惹味！而且雞柳嫩滑、份量又足，抵食自選疫情前呢度仲會有live Band🥺希望疫情快啲過～令呢度重回生氣勃勃啦

特登為咗嚟食威靈頓牛扒，出到嚟觀塘既mini Friday去食呢一度性價比極高嘅威靈頓牛扒。位於工廈翻新過，喺正米走雞隔離嘅mini Friday，閑日都好多人上嚟食。前菜薄脆免費小食唔用傳統嘅麵包，改為薄脆配芝士醬，感覺冇食麵包咁滯，薄脆有啲食緊薯片嘅感覺。王牌威靈頓牛柳$298呢個份量絕對兩個人一定夠食，成塊面咁大嘅威靈頓牛扒，個酥皮非常之香脆，裏面有酥皮嗰種煙韌感覺，名副其實係好似以前去飲酥皮湯咁樣，出面乾身脆皮，裏面就仲係有水份。其實我唔係好知佢點樣做到出面有酥皮之餘都仲可以做到裏面班牛柳係5成熟，呢一個真係好考廚師嘅經驗，因為塊牛柳真係做到唔成熟嘅關係，咬落去一啲都唔韌，仲好Juicy。三色藜麥華都夫沙律$68個沙律份量好多，價錢一啲都唔貴，用咗藜麥呢啲高級食材，裏面加咗合桃，但冇比到啲沙律醬搞到林晒，應該係烤過先至加落去，增加左口感。黑松露啡菇芝士pizza$148Pizza個底係好少何食到嘅薄脆底，令到成個Pizza冇咁heavy，有人話呢啲先係真正傳統嘅Pizza，黑松露嘅味道撲鼻而來，落咗嘅芝士份量啱啱好，唔會太肥膩得來又有芝士濃郁嘅味道，啡菇就中和左個肥膩感。呢一餐

依家工業區一d都唔死板，已經好多玩樂同餐廳，尤其觀塘工業區夜晚仍然人山人海，同朋友去左哩間西餐廳食晚飯。香烤澳洲羊架配薄荷燒汁($238)，今次選擇6成熟，羊架與薄荷汁一向都係絕配，聞到陣陣羊羶味，食落口腔內散發羶味更濃郁，肉質唔會太老太韌，配菜有一球薯蓉，一樣落足本加左黑松露粒，而且有助解除肉既油膩感。餐前小吃係脆脆簿皮，夠香脆，醬汁係千島汁，甜甜酸酸好醒胃。湯和沙律係跟餐的，湯係南瓜湯。甜品都係跟餐，朱古力蛋糕加上彩針，賣相的確有d似比小朋友食用，但無所謂啦，最緊要帶出到一種開心既感覺。千島海鮮薄餅($168)，餅底係簿批，超級鬆脆，蝦夠厚肉而且彈牙，值得一讚係魷魚，食哩個pizza既時候有咬口增加口感。蜜桃雪葩($68)，最後order多一個甜品作結尾，簡直人生一大滿足，蜜桃味好重，入口即溶，唔會雪到好硬，面層幾粒並唔係三文魚籽，係一d份子料理，咬開入面有果汁既味道，至於甜度方面人人味覺不同，我自己就覺得的確係略帶甜，但我接受到。

三色藜麥華都夫沙律藜麥同埋沙律醬都有好多而且唔會太濃味，沙律菜本身都夠新鮮所以食落好fresh而且好開胃!胡椒雞翼胡椒份量十足，加上有蜜糖醬所以第一啖食落都唔會覺得好辣，雞翼亦都係一貫地大隻同埋肉汁多，炸既時間岩岩好，食完都唔會漏。炸魚薯條基乎每次都必點，因為薯條夠哂脆而且薯味十足完全冇雪味。魚柳方面外皮炸到好脆而且唔會落太多粉醬，一食落口就已經啖啖肉，配合埋個芥末沙律醬好夾!Parma Ham PizzaPizza係薄底而條邊焗到好脆身，加上本身parma ham既香味同埋pizza既醬汁，食落層次豐富，仲有少少辣。心太軟配雪糕心太軟焗得好靚，流心效果好突出而且朱古力味濃，加上有埋朱古力雪糕，鍾意食朱古力既一定唔可以錯過!

Mini Friday 係觀塘都出哂名好味，環境好，有氣氛既餐廳。周不時仲有駐場歌手唱歌，今日就同女朋友黎撐枱腳啦維尼雞翼，用左蜜糖同柚子煮，仲加左柚子皮，十分夠香味。雞翼炸香左，外脆內嫩，配埋香甜既醬汁，每人得兩隻真係唔夠喉。威靈頓牛柳，呢度菜算係考功夫，而且唔係到到有，所以出街見到就會叫。外面既酥皮夠脆有牛油香，入邊牛柳肉五成熟，剛好又嫩又滑，連埋酥皮食好香！黑松露啡菇水牛芝士薄餅Pizza批底係薄批，咬落好脆身，而且批邊特別香，黑松露味道都好香濃，一啲都唔孤寒，配埋上面既芝士，仲有草菇既香氣撲鼻，配搭雖然簡單同埋common，但唔係間間可以做到咁好食。甜品叫左apple crumble，個面焗得好脆，蘋果酸酸甜甜，配上少少苦既朱古力雪榚有解膩作用。蜜桃雪芭，原來上到黎係原隻，望落打卡都唔錯，而且唔貴。雪芭味道冰爽清甜，蜜桃雖然雪到冰左但都好食，係淡味左少少。整體成餐飯感覺都唔錯，但因為叫得太多野食，人均都差不多$500左右，因為仲有叫左酒飲，但真係值得推介既～

整體來說，感覺不錯！沙律不錯，尤其是螺絲粉。可惜甜品選擇少，只有三款，味道十分普通。而主菜方面點了魚和牛，味道不算十分出色🙈。下次會想試這餐廳的晩餐，感覺食物選擇較多。

Mini Friday 位於觀塘The Wave 3樓樓層，由地鐵站步行都只需5min，非常方便。店中設有Dinner Set，價錢約$158 - $258不等。他們更有威靈頓牛柳、德國咸豬手...等等。坐下一回便會送上脆片小吃及千島醬。脆片脆身，加添醬料後，味道更突出，越食越上癮，真的不消一回便清空了。芒果黑松露鮮蝦沙律 - $98來到時真的雙眼發光，他們利用了水滴形的冰載器皿，裝著這沙律，賣相都已經攞哂分。上層舖滿了一粒粒的香甜的芒果、中層則是香濃的黑松露、鮮甜蝦粒、下層還有沙律菜作底，新鮮爽脆。夾在一起吃，味道豐富爽甜，真是不可缺少的打卡前菜。焦糖咖啡沙冰沙冰中加入了焦糖咖啡，啖啖清涼的焦糖沙冰口感，頓覺透心涼。温泉蛋菠菜大啡菇 - $78厚身的大啡菇中加上芝士、温泉蛋、菠菜、芝士，香烤後，更發出陣陣香濃的味道，而且廚師都甚有心思，以十字型式加上黑醋、極具氣派。輕輕便可切開大啡菇，當中見到大量菠菜，配上香濃的芝士、濃郁的蛋漿，吃起來美味可口，層次豐富。香烤澳洲羊架 配薄荷燒汁羊架做到外皮香脆，掛滿麵包糠、香草、蒜蓉再烤焗，所以非常入味，而且肉質軟彈鮮嫩、全無羶味，一流。