Mini Friday (The Wave)

營業中

休息中

平時食開晚餐 午餐真係較少食～先來一碗青豆湯 好特別 勁濃郁既豆味😂 感覺好健康～Set選擇不算多 價錢包茶飲餐湯：）燒澳洲肉眼扒配黑松露燒汁 配薯菜 ($128)肉眼扒比想像中大塊好多 肉質細嫩 油花分佈均勻 對得住個價錢～～～香烤澳洲羊架配薄荷燒汁($108)烤得好香！羊有小小蘇味 個人幾中意 而且食落好tender 一d都唔鞋口😍呢度既薯菜係薯蓉 加入左黑松露 口感好幼滑 好好味 份量女仔黎講尚算可以 男仔可能未必夠啦😂

放工來食，價錢中高，但食物質素唔錯，份量麵夠，叫左個卡邦尼意粉，出面食開會忌廉/芝士/奶油味比較重，呢一間係蛋香味好濃，醬汁黏稠度岩岩好，唔會好流質，超正宗感覺，有驚喜！意粉我個人鐘意偏硬身，所以呢一個對我來講就諗左少少，但overall很不錯的！以往食過兩次，今次個意粉好好食，特登上來評價下，佢水牛城雞翼都超正，個陣酸酸香香芝士臭臭嘅味真係大推，皮都好脆好掛醬！肉類份量都超多的，雖然少少貴，但飽都來好食又滿足！

由帶位到用餐完畢 ，不是沒有服務，就是服務態度差 ，（）⋯⋯⋯⋯⋯唔緊要 最緊要食物質素好⋯⋯⋯⋯首先，我地叫左個凱撒沙律，啲生菜係一舊舊，拆都無拆開，一塊塊就上碟，叫人點食 ？成棵咁咬，連一點功夫、心機都唔付出，叫人下次點會再幫襯？？另外，威靈頓牛 - 賣相好靚咁，切開酥皮又林，牛柳又有根，兼且沒有味道。 黃金雞翼 ，算是最好既食物，外表唔黃金，暗啡色的，但食落都有蛋黃味，都算好食⋯⋯⋯講真，真係唔會再有下次了

今日又出左觀塘搵個朋友食晏，佢揸fit帶左我黎呢間西餐廳～我叫左香煎比目魚柳配香草牛油炒雜菌飯(少飯)，朋友叫左個炭燒澳洲肉眼扒(七成熟)轉黑椒汁少飯，大家都係飲熱檸水～餐湯係南瓜湯，入口幾滑，好香甜既南瓜味，好飲！😋我本身都幾中意食比目魚，呢度煎得好香脆，重牛油同蒜蓉香味但唔會膩，夠滑又無骨😁伴碟既雜菌水準都幾高，好鮮味😋四季豆整得夠乾身直頭好似乾扁咁👏飯底唔係齋白飯，而係加咗少少雞蛋嘅炒飯，有淡淡蛋香味，有誠意👍朋友嘅肉眼扒賣相吸引😊 叫咗七成熟裡面顏色粉嫩，肉質嫰滑juicy🤤Set lunch唔駛加一，好食，服務好又坐得舒服， 觀塘區嚟講都係一個性價比幾高嘅選擇👏

今日去左Mini Friday食lunch!餐本身夠哂大 就算疫情都坐得好舒服好耐無去餐牌又唔同左!有沙律有肉有魚 滿足哂所有人嘅要求是日餐湯係粟米湯, 落完單好快就黎嗌左炭烤澳洲肉眼扒黑松露燒汁配薯菜...肉眼可以揀幾成熟, 煮完出黎岩岩好,唔會太生或過熟, 午餐黎講算有誠意薯菜唔係炸薯, 係薯蓉, 相對比較健康, 岩哂我!其他同事嗌左比目魚柳同羊架, 都好吸引,下次一定要再返黎食最後要講既係, 侍應們有禮貌又快手,但佢哋嘅午市係免加一, 太超值呢

今次黎到感覺好新嘅the wave搵野食.Mini Friday.我哋book左1點，餐廳都好full，記得要book位啦，隱陣啲.題外話，有獨立紙仔比你寫，寫完放入個箱，私隱度高！.12:00至16:00都有lunch set， 選擇唔算非常多，但勝在咩都有，沙律，spaghetti，扒類(牛，羊，魚)，有湯有野飲.湯係🌽粟米湯，係濃稠嘅口感，食到好多粟米蓉，唔會好咸，分量唔係好多，我就覺得岩岩好.主菜係炭烤澳洲肉眼扒配黑松露燒汁配薯菜 （$128）香煎比目魚柳配香草牛油炒雜菌配意粉 （$98）.第一個感覺係個碟好大🤣🤣，肉眼扒好大塊，肉質細嫩，7成熟都唔會硬，仲有肉汁，好好切，岩哂我呢啲唔識切牛扒嘅人！ 薯菜原來係薯蓉，啖啖香香的黑松露，口感幼滑。

是日男朋友放半日假 所以約左一齊係觀塘食lunch 去到已經係近2點鐘 附近寫字樓既lunch time都已經去到尾聲 所以完全唔駛等位Lunch set menu難得放半日假 所以我地各自order左個扒餐慢慢嘆跟餐既餐湯好快就送到 當日既南瓜湯熱辣辣 口感綿綿 好香甜炭燒澳洲肉眼扒配黑松露燒汁 配薯菜 ($128)肉眼扒比想像中大塊好多 肉質細嫩 油花分佈均勻 對得住個價錢 呢度既薯菜係薯蓉 加入左黑松露 口感好幼滑 好好味炭燒澳洲羊架配紅酒汁 配意粉 ($108)羊架有2件 肉質鮮嫩多汁 食落羊羶味唔會太重 好香口 調味唔錯 意粉既份量都好足夠飲品方面 就叫左凍檸茶同凍奶茶 一般般無乜特別最後埋單唔駛加一 以lunch黎講 咁既價錢咁既質素 都算幾抵食附上dinner set menu俾大家參考下

如果想搵一間有情調，又想食物唔伏既餐廳🍴呢間算係唔錯👍🏻水牛城雞翼係我嘅至愛❤️威靈頓牛柳非常淋溫馨提示👉🏻牛柳入面會有黑松露，如果唔中意陣味既人要注意⚠️

由於疫情關係,晚上時間都沒堂食。於上月生日時,跟朋友就到這西餐廳吃生日午飯。是日叫了以下兩個套餐1).香烤雞扒配意粉 雞扒嫩口,跟汁很配親,份量都算多。(2).牛扒配薯菜 點了7成熟,弄到牛扒過硬。建議下次可試試5成熟,肉質可能反而較好。當時即場點了心太軟甜品,焗的時間火喉掌握不錯。這兒甜品都是即叫即整的。環境方面,燈光比較暗淡點,但整體都還可以的。店員服務好,nice.是次是經網上訂座,所以都是有折扣的。此餐廳食物及環境都不錯,值得一試呢。

已經食過不下5次😍因為佢環境十分舒服寬敞同事服務質素好食物款式多又好食而且好有禮貌同朋友gathering 好地方🥰而且我欣賞佢地上菜好快，大約5-10分鐘左右，最重要每碟都熱辣辣，拌碟靚靚，而且食物質素高今次我同朋友叫左兩個餐E 香煎石斑柳加檸檬牛油忌廉汁薯蓉 有加黑松露呀，驚喜😍非常好食香滑，細節加分！❤️而石斑表皮煎得香脆，肉質非常嫩滑！同埋前菜，個菠菜忌廉湯，好濃滑本人好中意😋🤤F 炭烤澳洲羊架配紅酒汁羊架係我飛佛，必點之選紅酒汁同羊架一齊食係絕配，帶出羊架陣陣香味。🤤我會再返黎食

餐廳佔地大，空間感十足，環境雅緻，裝潢設計富有格調，感覺高尚又有氣氛。午餐附送是日餐湯，南瓜湯味道非常濃郁，湯質夠稠身，相當足料。炭烤澳洲羊架配紅酒汁，有兩大件，羊架啖啖肉，肉嫩而有彈性，肥瘦均勻，羊肉味非常濃厚，超有水準！炭烤澳洲肉眼扒配黑松露燒汁，份量十足，牛肉熟成度恰到好處，肉質夠嫩又不失嚼勁。伴菜薯蓉很高質，口感軟滑，薯味香濃，更加入黑松露，組合完美，美味得很。最後喝杯涷檸檬茶，解膩解油，圓滿的一餐。

牛年食牛扒啦！🥰🥰之前冇得食晚市😿午餐梗係要對自己好啲！最重要就係要幫襯黃店💛呢間位於the wave既西餐就幾唔錯啦！而家OpenRice訂位午市套餐（包湯同飲品）仲有88折😆平日仲要免加一😻炭烤澳洲肉眼扒配黑松露燒汁 配意粉 or飯or薯菜（原價$128 **未88折ga）首先賣相好，份量又夠！質素絕對唔馬虎！大大塊扒有炭燒味又牛味濃😚又唔會overcook！好食！意粉同配菜就正常質素🤗而且一定夠飽先有氣力再返工！炭烤澳洲羊架配紅酒汁 配意粉 or飯or薯菜（原價$108 **未88折ga）一樣係賣相唔錯！兩大舊羊架！至於熟度係ok!唔會熟都好韌！亦唔會好大羶味😊但私心更推介肉眼扒！性價比較高😁跟餐嘅湯係粟米湯絕對唔係罐頭湯質素，係類似將啲粟米blend左變湯，但仍然食到粟米蓉☺️味道亦唔會太咸😆另外因為係工廈餐廳，環境闊落幾舒服😌侍應有禮貌，特別推介係觀塘返工既朋友，可以間中食個靚lunch😆

今日下午同事介紹到呢間位於工商廈入面嘅西餐廳用膳，搭lift上到餐廳，原來入面好大，坐得舒服。Set lunch我揀咗雞扒意粉, 包埋餐湯及飲品。雞扒煎得好香，size大過我塊面, 不過最令我難忘嘅都係佢嘅意粉，我覺得餐廳嘅意粉好食先為之有質素嘅西餐廳，佢嘅意粉不單止彈牙，而且仲有少少蒜香喺入面，其實淨係食意粉我已經覺得好正，略嫌意粉嘅份量較少，我寧願要多啲意粉, 塊雞扒可以細返少少，值得下次再encore！

-瘦編今日去左觀塘搵朋友食lunch，通常係觀塘諗唔到食咩都會去The Wave搵下食。今次就去左The Wave 3樓嘅「Mini Friday」，之前食過旺角分店，今次黎試下觀塘分店！👍🏿-Lunch Menu有7個選擇，一個餐由$60-$130都，包飲品一杯，都算幾多選擇。瘦編同朋友就揀左石斑魚柳同澳洲羊架，食物質素唔錯，好新鮮，羊架肉質嫩滑，兩款都煮得岩岩好，唔會過熟。🤩-重點係觀塘分店地方空間都幾大，可以坐得好舒服，服務態度都唔錯，推介俾觀塘嘅朋友仔！😋-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ Mini Friday (觀塘)📍 觀塘興業街4號The Wave 3樓

今次同朋友黎到觀塘既Mini Friday❤️❤️佢地既set lunch真係又平又抵食😏😏價錢由$58-$128不等，仲包埋餐湯同飲品～～-🥩炭烤澳洲肉眼扒配黑松露燒汁(配薯菜) $128✨牛扒好厚身，啖啖肉好滿足😋😋今次就叫左7成熟，食落口感偏韌，但牛味幾重～～最鐘意係佢既黑松露燒汁，比一般燒汁更有層次❤️❤️配菜有薯蓉同豆角，薯蓉食落好好食👍🏻👍🏻口感綿密得黎又好香黑松露味🤤🤤-🍖炭烤澳洲羊架配紅酒汁(配薯菜) $108✨個羊架口感好軟熟😋😋雖然有少少羶味，但可以接受～～配埋個紅酒汁一齊食好好味🤤🤤-是日餐湯係羅宋湯，味道都唔錯👍🏻👍🏻酸酸地幾開胃～～-整體黎講，呢間餐廳都幾高質❤️❤️位同位之間都好闊落，店員都好nice～～唔錯👍🏻👍🏻