Mimila (已結業)

五月一號勞動節緊係試新野啦。。。。。呢間沙田新城市廣場七樓新開既馬來西亞麵叫Mimila五月期間限定。。。有我最鍾意既咖哩喇沙雞飯❤Yeah!!!D雞好彈牙。。。仲要係雞脾+雞亦😍😍喇沙湯好正，好香，但又唔太濃可以用嚟撈飯。。。。配雞一流!!!仲配埋個菜，對於平日小食菜既我，真係好窩心。。。個黑酱油有蒜有辣椒，撈飯又得，‘yarm‘雞又得之前食嗰d喇沙又多紅油，成陣辣椒油味。。下星期媽媽節，可以帶媽媽嚟試一試👍👍👍👍

今日試沙田新城市7樓新開嘅一間食馬來西亞新加坡食物嘅餐廳叫Mimila。個位置係以前Tony Wong甜品店嘅位，店面不大。一坐下就見到餐牌上有兩個必食的item就係馬來辣蝦麵及咖哩喇沙麵。所以我們三人便點了兩碗蝦麵、一碗喇沙麵、一碗脆魚片、一杯Teh馬來紅茶及Kopi馬來冰咖啡。首先，餐牌上標記着馬來辣蝦麵是辣的，有兩個辣椒🌶️🌶️。雖然結果是完全不辣的，但味道還可以，只是吃不出是什麼湯底。另外$88一碗，只有芽菜，通菜，少量蝦，我覺得不太值得。至於咖哩喇沙麵，有一個辣椒🌶️，反而比較辣，只有咖哩味，沒有喇沙味。只有芽菜及雞絲，就要$88一碗。兩杯飲品也一般，要了少冰，店員寫了少奶。還好要求改單的時候，店員服務態度和藹，有禮貌幫我們改做少冰。

在競爭激烈的沙田區，最近又有一間新食肆加盟，她就是Mimila了，要如何突圍而出？餐廳決定「人做我唔做」，加入更多創意菜式，例如是咖喱喇沙、沙嗲魷魚翼，以及採用更矜貴的西班牙黑毛豬來代替普通豬肉⋯⋯不過我最愛的，還是這裡的蔥油蝦子麵，超惹味！ Mimila位於新城市廣場的七樓，「Mi」是馬來話「麵」的意思，顧名思意，餐廳也是主打馬來麵食。在這裡吃麵，你可以選擇多種麵底，包括油麵、米粉、河粉、檬粉、銀針粉、粗米粉或摻摻 (油麵及米粉雙拼) 等等，總有一款適合你。 沙嗲魷魚翼 ($58) + 白胡椒肉骨 ($78)+ 老巴剎雞翼 ($58) 先吃小食，平時咖喱魷魚吃得多，這裡卻更加「招積」，只選魷魚翼入饌，這是魷魚用來游水的位置，運動量多，所以特別爽脆嫰口；雞翼一上桌已香氣迫人，炸得十分香脆，雞翼控必點。 白胡椒肉骨 ($78) 小食之中我最愛這個肉骨，不是傳統的肉骨茶味道，而是更濃重的胡椒味，肉已經完全煮腍，十分入味；湯熬了好久，放涼了面層會起膠，可想而知是如何濃郁。 三蝦撈麵 ($98) 很喜歡這個撈麵，底下有秘製醬汁，上面是蔥油，鮮蝦上面鋪滿蝦籽，整個麵都好香，而且醬

Happy Friday同朋友試新野, 睇menu係無乜選擇, 不過勝在食物質素搭夠.店內環境整潔, 服務員態度亦算殷勤.特別推介馬來辣蝦麵, 其實唔算好辣, 辣味釣出鮮甜蝦湯味, 最好係麵底可以揀, 可以配米粉呀!檬粉呀!河粉!銀針粉等等等等

今日見Open rice post 出Mimila 手掌咁大的主打馬拉辣老虎蝦麵（2018年4月20日11:10pm）。打算即刻去試下啦，坐底後為之興奮諗都無諗就落單叫咗馬拉辣蝦麵，結果一上菜嚇我一跳。說好的虎蝦呢？點解變咗蝦仁嘅？再仔細睇返menu 根本就無 「馬拉辣老虎蝦麵」 得 「馬拉辣蝦麵」 ，一種比人欺騙嘅感覺。說好的手掌咁大嘅虎蝦呢？隱藏式menu？著字蚤？同個post完全系兩樣嘢。撇開個好韌的蝦仁，系有用蝦煲，但個湯底唔系太濃同唔系好鮮甜，但個檬粉系好食的。fd子個咖喱喇沙面無咩特別，一般般，賣相唔多好。價錢如果以蝦仁黎同無咩材料黎講真系偏貴。加埋個$28單骨白胡椒排骨之後仲嬲😫碗麵加埋要竟然$127.6，仲要唔飽，啲蝦湯又少，想飲啖湯朗住個胃都唔得😫天啊為之失望。你想點啫

同老婆行街見到新開蝦麵店，見到入面多人食就膽粗粗入去試吓。入到去地方唔算好闊落。兩個人點咗兩杯飲品，一碗蝦湯配米粉油麵加條肉骨同脆腐皮，心態諗住試吓，點知份量原來唔野少！肉骨入味又大條啖啖肉，碗湯麵重蝦味不特至，d海蝦肉都比預期新鲜,再食落去原來有通菜同芽菜。之後忍唔住試埋小食咖喱喇沙西班牙白毛豬，原來味道係好夾！本來想試埋貓山王芝士蛋糕，但飽得滯，唯有下次先試。

三蝦撈麵好特別，係蝦子麵嚟，平時唔多食蝦子麵，但撈咗葱油醬汁超夾，好味！唔係好多地方食到撈蝦子麵。另外點咗蝦麵，湯又香又甜又辣，配油麵超正，叻沙亦都好香好惹味，佢地出咗一款白胡椒肉骨，陣陣胡椒味，肉亦都好淋，炸雞亦都唔錯！

新城市又有新嘢食，今次係南洋麵店Mimila。本身都幾鐘意食星馬菜，見舖頭骨子，即管試試。一行兩人，叫左兩個麵。自己要左喇沙摻摻，上到枱真係嚇親：唔係多料到嚇親，係少餸到我以為個廚師冇落餸呀。冇圖冇真相，呢碗麵係上枱時的狀態，真係得四粒開邊豆卜。雞絲呢，我攪攪個底，揾到幾絲，約莫四五絲罷。（唯一好彩芽菜唔係得四條。）收我$88，加埋一差唔多100蚊，我其實唔expect係咁...餐牌寫有手撕雞、芽菜、豆卜，而家係齊章，但好敷衍，加多幾條雞胸肉有幾貴？建議餐牌需要列明，侍應亦應提一提客人，麵底要配其他餸先夠飽。另一碗香菇肉脞麵見下圖，都係冇餸...應該話有，有兩片魚蛋、冬菇、菜。

見到新城市新開左間馬拉食店..當然要試試..而家鋪頭租好貴..所以出街食飯就算一碗麵加埋一都要差唔多$100..呢間餐廳麵食款式唔多..反而小食都多款..不過因為唔太餓..所以都係點左一碗馬來辣蝦麵..我轉左檬粉..umum..檬粉份量正常既..但蝦好細隻..同埋得幾隻..菜唔係特別多啦..所以男仔食係一定唔夠飽..餐廳可以提供暖水(免費)..不過又見到menu有枝裝水..$12..環境比較迫..大家多行李可能要同餐廳講聲做安排啦..蝦唔霉..係新鮮蝦..仲有湯有好濃既蝦湯味..雖然寫左係辣但係只係好微量既辣..亦唔咸..