Mimila (已結業)

因為去沙田踏單車，咁就諗住係附近揀間餐廳食飽d先上路，於是就是但揀了這間，點知中晒伏。總括而言，唔飽 、唔低 、唔好食。入到去當然叫佢地既招牌菜馬來辣蝦海鮮湯和咖哩喇沙海鮮湯兩款麵食啦，但等左超過半個鐘咩都未黎! 咁我便追問侍應可否幫忙跟跟單，點知佢話你叫海鮮麵係要等架勒(落單又冇講，態度又差)?! 但又奇怪催完唔夠5分鐘又即刻送到! (我見住係催完個刻先即刻叫師父煮麵，咁其實即係唔係海鮮麵特別耐啦，漏單咪講聲囉) 其實耐都不是重點，好食的話等又如何! 但等左咁耐，送黎既完全不對版。兩碗麵食，麵既份量超少，摻摻份量來講大約半個公仔麵吧！蝦湯味道還可以，入得口既，不過水準只是湯包水準。至於版咖喱湯底就真係衰到冇朋友，喇沙完全冇椰奶味，簡直是咖喱粉開水，鹽都慳埋?蝦又唔新鮮，雪氣味很大，墨魚仔冇味，還可以的算是蟹柳吧～不是平價版。不過百幾蚊一腕，唔係咁有誠意呀？講真如果賣50蚊樓下都要諗下食唔食好? 我好少寫劣評，但生意真係唔係咁做，亦都真心唔明食評網點可能有那麼多個 like? 想試既話有心理準備會好點……

<<生在美食天堂，點可以唔識食>> <<I born in Paradise of Food，why not explore deeper?>>開首就以特色馬來味道，因為係香港平時少見的調味。以蝦湯為主打，有辣有唔辣。湯底調味不錯，材料配搭平平點餐簡單，揀一個湯底，一份材料，麵款就可以了。普通～辣蝦湯麵～味道不會太濃烈，麵底唔多，材料唔多。蝦🦐的質數比平時出外吃到的好，沒有那種死死的彈牙口感普通～喇沙湯麵～根本上味道是不錯的，可是材料唔突出，由其是豆卜比較散。總結：裝修：鋪位不大，座位密密的，當很多人幫襯就會比較迫服務：店員人數足夠，反應快價格：略貴，鋪租或佔一席位

沙田近期開左好多餐廳，自己一個係屋企唔知食乜好，就去試下呢間馬來西亞菜。叫左一個蝦子撈麵同雞翼 食飽仲叫多個甜品，好豐富！蝦子撈麵又爽又鮮味，仲有5隻大蝦。係香港食飯，好多餐廳都係多肉少菜，但呢間蔬菜都好多。雞翼好脆，味道普通，無乜驚喜，有啲貴。最後嚟到甜品，我覺得係我食過最好食嘅 貓山王芝士蛋糕，個蛋糕唔似岀面果啲好重香精味，食得岀係用新鮮榴槤整，唔怪得係推介之選，成餐食到舔舔脷，岩哂鍾意食榴槤嘅朋友！

最近去食既Mimila馬來西亞菜唔錯👍🏻 👍🏻 一定要試下個招牌「馬來辣蝦麵」係用左每日嚴選三十斤鮮甜既海蝦 經過去殼挑蝦腸煎蝦切片 加上八小時手工炒料同六小時慢火熬制 所以湯底非常鮮甜😋😋 另外 咖喱喇沙麵 貓山王芝士蛋糕同斑蘭戚風蛋糕好出名架🤤🤤

接近$100一碗嘅麵，有加一服務費，喺新城市廣場，理應唔差。但牛肉咖喱喇沙，肥牛2塊，蛋係凍嘅，連湯都淡味如水，尤如飲水一樣。碗雞絲咖喱喇沙，只有一小篤雞絲，完全無存在感，個湯好過牛肉嗰碗少少，起碼個湯色望落濃啲，不過都真係只有啲啲。唯一可接受的，只有小食拼盤，超過$100嘅價錢，雖然係好普通嘅雞翼、日式魚旦、超細條春卷仔，3串串燒，但已係整餐最好。總括，一個望落企理嘅餐廳，繁忙時間仲有好多吉位，其實真係有原因。

一個人喺沙田食lunch，見呢間餐廳都幾高評分就試試去。叫左碗馬來辣蝦湯麵，湯底蝦味濃郁帶點微辣，的確係令人幾開胃，配油麵效果亦不錯。至於鮮蝦，一碗有5隻，份量算係咁，味道亦不錯，蝦是新鮮而且有煎過，食落香口得來帶點鮮甜味。可惜，餐廳menu聲稱每隻海蝦都是人手挑蝦腸，但此碗5隻中有3隻都是沒有挑的，如圖所見。。此方面的確有點失望，如果承諾了，就必須要做到，佢無寫喺menu我反而未必會覺得咁失望😅整體而言湯底及麵都ok，蝦就有點失望，以$88一碗而言，只可以評為剛好合格。PS: 隔離檯一對夫婦食完離開後，其中有個後生女店員執檯見到食完的蝦殻直接放在檯面而不是放於餐廳提供的碗裡，女店員激動爆粗”仆x，叫左佢放喺碗入邊係咪唔識聽人講野架”。其實就算客有唔啱，你有情緒是理解的，但都絕不應該喺嗰個位當眾爆粗鬧客，因為咁會好影響其他用膳中嘅客人。

係沙田市中心好少有馬來風味的食物，自從我唔太愛食既Tony Wong冇左之後，果個舖位就變左呢間馬來菜式既餐廳！餐廳不算很大，燈光光猛，坐低後侍應為我們奉上暖水。餐廳主要食馬來亞麵食，因為上次食過另一間餐廳的辣蝦湯，所以今次食咖哩喇沙湯！咖哩喇沙湯配手撕雞($88)，湯底有淡淡的咖哩味，唔會蓋過喇沙湯的味道，湯底夠濃但唔算好辣！除了有手撕雞外，還有魚片、雞蛋及豆卜，這些都是平時喇沙的配料，整體來說整碗味道不過不失！貓山王芝士蛋糕($58)，未食已經聞到果陣榴槤味，食落去榴槤味頗濃，因為是芝士蛋糕，所以食落口感都有點像食緊榴槤！總括黎講，價錢就貴左少少，但甜品出色，可以再考慮試下其他麵食！

聽到報導講呢間馬拉/新加坡餐廳唔錯，咁啱入去沙田，順便去試下。講真非常失望，所謂嘅馬來辣蝦湯，唔辣，有d蝦味啫，失望，跟住試埋個咖喱喇沙湯，更加不知所謂，完全唔似馬拉或者新加坡嘅咖喱喇沙，如果唔識煮，應該去參考下試下馬拉或者新加坡嘅係咩味道嘅。然後仲有個貓山王芝士蛋糕，冇乜貓山王味道，芝士又唔香，所以食物方面真係好唔得。另外waiter帶你到座位時，唔會攞杯水畀你，你係需要問佢攞，跟住埋單果張單係有收加一嘅，真係有冇搞錯？之後一定唔會再去了

舖頭偏細小 但係都有好多人幫襯 枱與枱的空隙略少 好容易就撞到隔離枱 但係員工都好helpful 見我地冇地方放袋 會主動俾個掛勾我地掛袋我地食左3碟野食 食物既水平唔錯香菇肉脞湯配西班牙栗飼白毛豬肉 個湯好清甜 菇同魚蛋都吸左d湯 變到好好味 白毛豬有好濃郁既味道 但係有少少過熟 令到個texture有d un咖哩喇沙飯 西班牙栗飼白毛豬肉 個咖哩喇沙係有水煮出黎 所以略為稀 亦冇好香既咖哩味豬肉都係有d過熟串串貢 我地叫左牛同豬串燒腌得好入味 每條都有2舊豬肉串燒超好味 但係牛肉串燒就有少少筋 略為遜色

今日突然心血來潮想食馬來西亞野就試一試哩間香菇肉脞河粉哩個呢 就唔辣既完全湯底好清甜 肥牛呀 貢丸味道都好夾 芽菜略嫌唔夠爽口肉骨茶同expect既好唔同 本身想食好傳統 好重藥材個隻哩煲野我淨係食到白胡椒味重要勁多骨同皮 好少肉另外朋友就叫左咖哩喇沙配手撕雞佢就嫌湯底冇椰汁香味 得個辣字味道唔夠正宗

見到食評有二百幾個舔舔脷，見星期日都唔係好多人唔使等位，就諗住試一試啦，點知⋯⋯如果係食快餐嘅話，趕時間的話，都系一個選擇嘅。馬來辣蝦湯呢個係佢哋推介嘅招牌菜，首先個湯底好普通，蝦味唔濃。另外油麵太林，都唔緊要，最離譜係啲蝦啲蝦腸全部未挑，黑色一條條真係咩胃口都冇晒，其實好多食店都唔挑蝦腸，不過你唔好話自己係招牌囉。三蝦撈麵上碟賣相都唔錯，值得加分嘅係啲蝦隻隻都係炸過嘅，都香脆。另外每隻蝦都有小小蝦膏喺入面嘅。不過有少少失望嘅係，麵餅竟然唔係竹升麵，蝦籽太少。整體味道都ok ge。馬來小島呢一個四款丸，加魚片，各兩粒。味道冇乜特別，不過不失。下圖為用餐之後嘅照片😅

想選不油膩、清淡、不辣又好味的食肆真的不易! 起初硬著頭走入Mimila，不存厚望。果然，主打蝦和辣，不合；菇又不合，最後找到白糊椒肉骨湯撈麵，怕辣、向來不吃撈麵，但愛吃骨的我，戰戰兢兢地問侍應，這個辣嗎？回一個我半信半疑的答案，不辣。好，就這個!奉來的一刻，已有驚喜：多伴菜。吃下去，麵是清爽無梘水味，豬肉無討厭的鬆肉粉之類的化學醃製，亦有肉原來的質感我很久很久沒有機會吃到食物原來的味道，很久沒有向店員讚賞食物，這亦我是頭一趟願意寫食評讚賞

by far the worst laksa and Malaysian cuisine I have ever taste.... strongly not recommending this restaurant.. we ordered a laksa noodle and a pork noodle. laksa taste like water, guess they're not willing to give in for quality. as for the pork noodle, it has been the worst pork noodle I have ever taste so far; tasteless soup base with strange pork taste. most importantly, they're not charging a reasonable for food with such quality! do not ever think about trying their food!

岩岩食完，但呢間野真係令我忍唔住要寫人生第一編食評從等位到用餐完結種種都反映住呢間野營運有問題。首先去拎位（2人），見住佢個ticket system hang左要等過10秒先出左張ticket...到有位入去坐底，明顯地帶位嗰個都唔知我地應該坐邊 隨即望向門口嘅同事（相信係老闆/主管），之後睇完口形再安排左我地坐一張靠牆嘅4人枱，話之後有可能要搭枱。過無耐就有人黎搭枱喇 個侍應又叫我地坐入面嗰兩個位再叫我地坐返出來，最後仲叫我地二人併排坐，點知結果要搭枱嗰兩人直程去吧枱連坐都唔坐。本身間餐廳唔大 其實用兩張二人枱組成四人枱會好好多 點知偏要用張堅係四人枱去招呼兩個人...仲要人並排坐呢個坐法真係夠晒特別...到啲野食送黎就中招喇，叫左個咖喱沙爹摻摻同一個馬來辣蝦海鮮湯米粉，加多份小食，個咖喱沙爹摻摻完全無沙爹味，仲要出奇地辣，個鮮蝦辣湯仲衰，同行嘅人直程用哨水黎形容，完全感受到食材有幾唔新鮮。食嘅時候亦好唔舒服，原來係張枱太高，好似小朋友無BB櫈咁食；再望向吧枱嗰邊，就明顯見到啲吧櫈太高，好似坐喺梳化用茶几食飯咁。真係好又一餐一餐唔好又一餐，拿拿扒兩啖放低$301就走人去隔離滿記食糖

好耐無去沙田新城市喇...原來7樓好多食肆唔同咗...就好似「Mimila」都係新開嘅...主打 #星馬菜...望見menu上有 #新加坡白胡椒肉骨茶 ...當堂心心眼😍 立即order試吓先。。呢set肉骨茶無白飯跟，要另外order嘅...先飲一啖湯...Woo 胡椒味勁重！蓋過咗其他味...一字骨份量都好多，肉味幾討好，但軟骨部分仍然好硬...食埋豆腐卜真係非常飽～。。另外要咗一碗蝦麵，加配牛肉，選擇咗油麵。唔好講笑，湯嘅蝦味🦐好突出！好飲喎...又無過鹹...感覺幾純粹，而且食完無口渴。。。至於串燒偏甜，但其實個沙爹醬幾好味。。。食店好逼，坐的位置只有近門口係最方便，一張輪椅都還OK，未必適合多張輪椅。不過，店員好有禮貌呢～。。#四個轆Look #轆在新界吃吃喝喝 #沙田 #新城市廣場 #肉骨茶 #蝦麵 🦐🍜 #相機食先 #輪椅♿️ #無障礙 #吃喝玩樂 #hkfoodblogger。。Mimila (沙田)沙田沙田正街18號新城市廣場1期7樓704號舖